(تعليقات على التعديل الجديد فى مواد الدستور): لا..لا ..لا ..مش ممكن.. الراجل مصدق نفسه

[abaomar]

السلام عليكم

اخوتى الاعزاء

مساء اليوم و انا راجع من شراء مستلزمات للبيت و كعادتى اثناء قيادتى لسيارتى التمانيه سلندر :wub: و بشكل تلقائى اخذت اعبث فى موجات الراديو لاضبطها عسى ان التقط موجات الراديو المصرى و التى تصل احيانا بوضوح هنا فى جده و خصوصا ليلا . المهم سمعت مقتطفات من خطاب الراجل الكبير فى مصر و هو يلقى خطاب تاريخى على حد تعبير المذيع و تكرار الكلمه نفسها اكثر من مره فى الخطاب .

المهم يا خويا تسمع كلام كبير قوى ال ايه الديمقراطيه و التعديلات الدستوريه من اجل الشعب و لمصلحه الوطن

المستقبل - الامن القومى - الاجيال القادمه - المسئوليه التاريخيه ............. :angry2:

و اخر المتمه جملتين المفروض انهم ايات قرانيه كادت ام عمر و هى تجلس بجوارى ان تفر الدمعه من عينيها من شده التاثر. :blush:

بصراحه اكتر حاجه لفتت نظرى ان الراجل و هو بيتكلم ما تحسش ابدا ان الراجل عنده شك فى اى حرف بيقراه و لا بيتلجلج .

ما هو يا إما احنا شعب مفترى و مش وش نعمه و الناس دى مظلومه معانا يا إما الراجل ده .... مش عارف اقول ايه ما رايكم؟ :angry2:

تم تعديل العنوان ليعبر اكثر عن المحتوى

الإدارة

وليد صفوت

تم تعديل 26 ديسمبر 2006 بواسطة وليد صفوت

[عبده بيه]

اخي صاحب التمانية سلندر بعد التحية

والله ده انا تعبان اوي وحالتي النفسية صعبة جدا

وشايف ان ربنا رزقنا براجل يستاهل كل خير واحنا شعب مفتري وما بيحبش الخيرولا ايه راءيك

[shawshank]

حد عنده فكرة ما هي الـ 34 مادة التي اقترح مبارك تعديلها في الدستور ؟

[nash]

للأسف ...لم يتم الأقتراب من أهم نقطه في الدستور..

والتي هي التمديد أكثر من فترتين.....

يعني برضه فيها توريث

تم تعديل 27 ديسمبر 2006 بواسطة nash

[Eldisel]

هو انا الحقيقة مش فاهم في الدستور ولا اعرف فية حاجة ........ بس حاسس كدة ان لو في اي تعديل يبقى لمصالح السلطة مش لمصالح الشعب

والله المستعان و حسبي الله ونعم الوكيل

[The Professor]

هو اللي انا فهمته إنه لن يكون هناك اي حزب سياسي قائم على اساس ديني , ولن يكون هناك قضاة يشرفوا على الانتخابات. وكمان حكاية تداول السلطة ( تحديد مدة البقاء في السلطة ) دي لم يتم التعرض لها. وكمان لا يحق الترشح لمنصب رئاسة الجمهورية إلا لمرشح عن احد الأحزاب ( مش عارف بالضرورة يبقى رئيس الحزب ولا لأ) مع إعطاء صلاحيات اكبر لنواب الشعب و الحد من صلاحيات رئيس الجمهورية .

[فولان بن علان]

حد عنده فكرة ما هي الـ 34 مادة التي اقترح مبارك تعديلها في الدستور ؟

أهم

هنا