خليك إيجابي .. وفكرني بشبابي

[se_ Elsyed]

لازم الأول نعترف إن جزء كبير من مشاكلنا إ حنا كمواطنين مشاركين فيه بسلبيتنا ومشيينا جنب الحيط والشعارات التي توارثناها أباً عن جد نتيجة ثاقفات ومعتقدات متراكمة من نوعية

يا عم هو انا اللي هاصلح الكون

أشتكي ليه .. هو انا هاعمل إيه لوحدي وبعدين أشتكي الحكومة للحكومة

يابا خليك ماشي جنب الحيط وأعمل زي الناس ما بتعمل

الشكوى لغير الله مذلة ( نفسي أعرف جابوها منين دي ؟ )

الباب اللي يجيلك منه الريح سده وإستريح

- وتخيلوا إن الأمور بتوصل لدرجة كتم الشهادة ؟

آه والله ويقولك .. ده انا لو شهدت في قضية أو حادثة ما ممكن اتمرمط وكل شويه رايح النيابة وجاي من النيابة .. ورايح المحكمة وجاي من المحكمة مع العلم إن ممكن شهادته دي تنقذ إنسان من العقاب ... لكنه لا يفعل

ما علينا عشان ماطولش عليكو

فخلينا ورا الحكومة لحد باب الدار

- وزارة التنمية الإدارية خصصت خط ساخن مؤخراً لتلقي شكاوى المواطنين من أي نوع ... وشغلت شباب موجود اون لاين على الخطوط دي لتلقي تلك الشكاوى وتصنيفها وإرسالها للمختصين ... ومن أوائل الوزارات اللي عملت تنسيق معاهم هي وزارة التموين لتلقي أي بلاغات لمخالفات المخابز ..

فبالتالي ما تسكتش على حقك وعندك أي شكوى من جهة حكومية إتكلم وإتصل ومش هاتكلفك إلا سعر المكالمة العادية

رقم التليفون هو " 19468 "

أرجوك أرجوك ما تسكتش على حقك

على فكرة برضوا ومرة أخرى .. زي ما كنا بنهاجم سيمر رجب ونقطع في فروته لازم نُعطي له حقه ونقول إنه هو من أنشأ خط الشكاوى رقم " 139 " وبصراحة أنا جربته في مصر وكان هناك تفاعل إيجابي غير عادي مع الشكاوى المُقدمة خصوصاً لو كانت مُتعلقة بإنقطاع تيار كهربائي أو تقصير من شركات النظافة .... إلخ

جرب وشوف ومش هاتخسر حاجة .. وإلا بقى ما ترجعش تشكي وتبكي

[الشقيان]

والله معاك حق ياخويا س س احنا وصلنا لدرجة سلبية تخلينا مصنف رقم واحد على العالم وعاوزين حد يتحرك عشان نتحرك وراه حتى فى خصوصيات حياتنا اليوميه لدرجة انى بأتصور ان ممكن حد يشوف حرامى بيسرق واحد وما يتكلمش لحسن يعوره ويشوف بنات بتتاعكس أو التعبير الجديد (( يتم التحرش بهم جنسيا )) ولا حد يسأل ونقعد نتفرج على بلطجية المواقف السيارات وهما بيبهدلو واحد ركن وما دفعش اتاوه ونقول احنا مانا ونشوف اتنين بيقطعوا بعض ونقول يا عينى ونشوف سواق المكروباص قافل الشارع وواقف بيحمل ونقول قلة أدب ونشوف أمين الشرطه بياخد رشوه علنى من السواقين ونقول هيعمل ايه مرتبه مش مقضيه

كفايه كده تعبت

[shawshank]

شكرا جزيلا سي السيد على المعلومة و على المبادرة .

أنا اتصلت بـ 19468 ، و هو مخصص للشكاوى بشأن الخبز - كما تفضلت - و كذلك الشكاوى بخصوص التضامن الاجتماعي . و هم متعاونون جدا .

[se_ Elsyed]

شكراً لأخينا الشقيان

شاوشنك .. ماهم بدأوا بالوزارتين دول ولسه هايكملوا

عايزك بقى تهريهم .. العيش مش مفقع ولا مش مستويي كويس .. تديها مكالمات على طول وتطلع عنيهم

[Eldisel]

اخي العزيز س س .. لك مني كل تقدير واحترام

وبصراحة موضوعك جي على الجرح واتك بالقوي لاني وبكل صراحة ليس عندي اي ثقة فيمن عليهم ان ياتوا بحقي لو سلب مني وهؤلاء يتمثلوا لي في الشرطة واشعر ان من يعرض علي مساهمة ما او مساعدة ان نيته مش سليمة وانه سوف يجني من وراء مساعدته لي شىء مادي وليس هدفه مرضاة الله وقد يتسبب لي في اشياء لا يعلم عقباها الا الله.

اصبحت الثقة معدومة بيننا فتفشت السلبية واصبحت شيء معتاد وان من تسول لة نفسه ويحاول ان يكون ايجابي اصبح هو المخطئ ... مع ان القران الكريم قد فضلنى على باقي الامم بالايجابية تجاه امور الحياة في الامر بالمعروف والنهي عن المنكر .... وان الرسول الكريم حثنى علي ان نغير المنكر اما بالسيف وهو المتمثل فيمن لهم سلطة السيف فان لم نستطع فباليد فان لم نستطع فباللسان فان لم نستطع فبالقلب وهذا اضعف الايمان .,. وقد لجأ معظمنا في هذا العصر الى الانكار بالقلب حتى تبلدت حواسه واصبح الوضع عادي مع ان الرسول صلي الله علية وسلم قال ( المؤمن القوي خير واحب الى الله من المؤمن الضعيف )الحديث ............

والله خير حافظ وهو ارحم الرحمين

تم تعديل 29 ديسمبر 2006 بواسطة Salwa