مركز استقبال التهاني بفوز القلعة الحمراء

[واحد تاني]

مبدئيا ...

الأهلي حديد

مبروك بنفس ... :lol:

[Siwa]

مبروك يا واحد تاني افندي :D ومبروك للاهلي وجماهيرة :lol: . عشان تعرف إن عندنا روح رياضيه

:lol:

تم تعديل 30 ديسمبر 2006 بواسطة Siwa

[nash]

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

سوري يا سيوة....أصلي ملحقتش أجيب معايا حاجه..وأنا داخله أهني......فقلت ألطش منك...التهاني الحلوة اللي جايباها...

وأهو برضه دليل علي قلبك الأبيض :lol: :lol:

[se_ Elsyed]

الف مبروك للأهلي

ولو ان الفريقين كسبوا النهاردة :-

- الاهلي كسب 3 نقاط واستمرار مسيرة الانتصارات وكذلك الاداء الثابت الذي لا يتأثر كثيراً بالغيابات المستمرة اما للاصابات مثلما حدث اليوم لصخرة الدفاع وائل جمعه الذي اصيب في احماء ما قبل المباراة وحل محله احمد لاسيد العائد من الاصبة التي لحقت به في شهر يونيو الماضي وكذلك اصابة محمد شوقي في اول المباراة

- الزمالك كسب روح جديدة انتابت الفريق بتولي محمود سعد مسئولية تدريب الفريق ولو ان هما هما نفس اللعيبه يعني سعد ماجابش حد جديد في ايده وهو جاي وبالتالي دي شهادة ادانة للاعبي هذا الجيل من الزمالك الذين اصبح اداءهم مُحير وغير مُستقر

ولكن يعيب لاعبي الزمالك الاداء الفردي الطاغي على جماعية كرة القدم .. يعني شوفوا عمرو زكي لاعب قوي ويعرف طريق المرمى وتشعر بالخطورة في مجرد استلامه للكرة لكنه يلعب اسكواش او تنس وهي لعبات فردية يلعب فيها اللاعب لنفسه ونلمس ذلك في عدم تعاونه بالشكل الكافي مع بقية الفريق وكذلك جمال حمزه ومصطفى جعفر وكله كوم وهذا الشيء المُسمى ابارهيم سعيد كوم تاني فهو مختل نفسياً بكل معنى الكلمة ويتسبب في كوارث للنادي ومنها الهدف الاول اللي شفنا قبله بثواني وهو يشتبك مع جماهير النادي الاهلي وبالتالي فقد تركيزة الاخ ابراهيم فراح فلافيو لسعه على قفاه

يُتبع

[أبو حميد]

مبروك للأهلي يستحق الفوز لوجود حارس جيد جدا وفرود قناص رغم عدم كون الفريق في أحسن حالاته .

وهارد لك للزمالك لعب كويس وضيع كتيروعنده لعيبة تنرفز زي ابراهيم سعيد اللي لعب ماتش كويس عموما لكنه كان سبب الجونين وعمرو زكي اللي ضيعله ضربة جزاء وتقريبا كان بيلعب لوحده بس عبد الواحد السيد أثبت انه حارس الزمالك الأول وكمان أسامه حسن اللي أحرز الهدف كان جيد جدا.

[رمضان]

فوز بطعم الهزيمة للاهلي وللزمالك هزيمة بطعم الفوز

انا ابارك للزمالك وليس للاهلي في هذه المباراة وان شاء الله الماتش الجاي نعوض ونكسب الزمالك فرق اسكور

[se_ Elsyed]

فوز بطعم الهزيمة للاهلي وللزمالك هزيمة بطعم الفوز

حقيقة اول مرة وبيتهيألي اخر مره اسمع مثل هذا المُصطلح

فوز بطعم الهزيمة !!!!

اللي يسمع كده يا رمضان يقول ان الزمالك كان بيلعب على الاهلي ون سايد جيم

[wahed masry]

شفتم بقي ياجماعه الزمالك كل مايلاقوا فيه حد كويس يرجعوا يبوظوه من تاني ... أهو محمود سعد قدر يرجع الروح القتاليه في الذمالك بس ياعيني جابولوا هنري ميشيل وطبعا انا كنت حاسس بيه امبارح وهو بيقول لنفسه ايه ياهنري بس اللي جابك هنا وياتري امسك مين والا مين.... متعب والا فلافيو والا ابو تريكه والا المفعوص اللي اسمه شديد والا صديق والا والا والا ( نفسي اعرف بس هو مين اللي زقني في النيل ) أما عباره فوز بطعم الهزيمه فحلوه الهزيمه اللي اديتنا 6 نقاط تلاته فوق وتلاته تحت وصدق اللي قال ........ ساعه تروح وساعه تيجي ... ساعه تروح وساعه تيجي ... أما المدعوا إبراهيم سعيد فهو ولا إبراهيم ولا سعيد وعقبال اللي بعده .... وياتري لاحظتوا الجمهور ... عمركم اتفرجتم علي أهلي وزمالك بالعدد ده ... أدي مجلس الأداره اللي مش عايز جمهوره يحضر .. صدقوني متوقعين الهزيمه الجامده وخايفين من جمهور الزمالك يحضر فرفعوا قيمه التذكره ... سقطه جديده من اداره الزمالك .

وربنا يديم المعروف.

[واحد تاني]

فين آراء الاخوة الزملاء من رابطة مشجعي الفانلة البيضاء ؟محدش يعني جاب سيرة التحكيم ...

ايه الحكم مكانش قابض المرة دي والا ايه ؟ :lol:

[drhouba]

فين آراء الاخوة الزملاء من رابطة مشجعي الفانلة البيضاء ؟محدش يعني جاب سيرة التحكيم ...

ايه الحكم مكانش قابض المرة دي والا ايه ؟ :lol:

يا سيدى إحنا موجودين و مش لازم نجيب سيرة التحكيم طالما كان معقول مش فظيع يعنى ... و اللا إنتوا على راسكوا بطحه ؟ خلاصة القصه إن الحكم مش السبب الرئيسى فى نتيجة إمبارح و لكن الجنرال حظ و اللى يقول غير كده يبقى كان بيشوف ماتش تانى بإختصار إحنا سعداء إن تاااااااااااااااااااااااااااااااااالت العالم كان بيضيع وقت و قلقان هو و مدربه المتواضع طول الماتش و دى علامه كويسه على بداية الشفاء لأن على رأى عصام الشوالى الفرق الكبرى تمرض و لا تموت ... أظن واضح الكلام

[Modest]

فين آراء الاخوة الزملاء من رابطة مشجعي الفانلة البيضاء ؟

مبروك يا سيدي ... (من غير نِفس <_< )

[Modest]

-------------------------------------------------------------

يا سيدى إحنا موجودين و مش لازم نجيب سيرة التحكيم طالما كان معقول مش فظيع يعنى ... و اللا إنتوا على راسكوا بطحه ؟ خلاصة القصه إن الحكم مش السبب الرئيسى فى نتيجة إمبارح و لكن الجنرال حظ و اللى يقول غير كده يبقى كان بيشوف ماتش تانى بإختصار إحنا سعداء إن تاااااااااااااااااااااااااااااااااالت العالم كان بيضيع وقت و قلقان هو و مدربه المتواضع طول الماتش و دى علامه كويسه على بداية الشفاء لأن على رأى عصام الشوالى الفرق الكبرى تمرض و لا تموت ... أظن واضح الكلام

أضف إلى ذلك يا كابتن هوبا ، و علشان إحنا ناس حقانيين ، إن كانت فرقتنا بتلعب بعشرة لاعبين لوجود واحد كل تمريراته مقطوعة و كان بيصطاد عصافير بكل كورة توصل له إسمه يوسف حمدي.

أحمد إبني الكبير(زمالكاوي تحت تهديد السلاح <_< ) علّق على لعب يوسف حمدي و قال: متهيألي يا بابا يوسف حمدي لازم يتغير بسرعة .. و أضاف: حتى لو مانزلش حد مكانه بس هو يطلع بره.

غير كده لم أحزن بعد الماتش لإن الزمالك لعب أفضل مما توقعت... و إن كان الدفاع يلزمه شغل كتير.

[drhouba]

-------------------------------------------------------------

يا سيدى إحنا موجودين و مش لازم نجيب سيرة التحكيم طالما كان معقول مش فظيع يعنى ... و اللا إنتوا على راسكوا بطحه ؟ خلاصة القصه إن الحكم مش السبب الرئيسى فى نتيجة إمبارح و لكن الجنرال حظ و اللى يقول غير كده يبقى كان بيشوف ماتش تانى بإختصار إحنا سعداء إن تاااااااااااااااااااااااااااااااااالت العالم كان بيضيع وقت و قلقان هو و مدربه المتواضع طول الماتش و دى علامه كويسه على بداية الشفاء لأن على رأى عصام الشوالى الفرق الكبرى تمرض و لا تموت ... أظن واضح الكلام

أضف إلى ذلك يا كابتن هوبا ، و علشان إحنا ناس حقانيين ، إن كانت فرقتنا بتلعب بعشرة لاعبين لوجود واحد كل تمريراته مقطوعة و كان بيصطاد عصافير بكل كورة توصل له إسمه يوسف حمدي.

أحمد إبني الكبير(زمالكاوي تحت تهديد السلاح <_< ) علّق على لعب يوسف حمدي و قال: متهيألي يا بابا يوسف حمدي لازم يتغير بسرعة .. و أضاف: حتى لو مانزلش حد مكانه بس هو يطلع بره.

غير كده لم أحزن بعد الماتش لإن الزمالك لعب أفضل مما توقعت... و إن كان الدفاع يلزمه شغل كتير.

رفيق العذاب الزملكاوى موديست عندك حق فى كل اللى قلته و إنت الصادق كنا بنلعب 9 لأنك نسيت كمان فنان الشعب محمد أبو العلا بتابلوهاته الجميله اللى بيشللنى بيها من يوم ما ربنا إبتلانا بيه ... الزمالك يا صديقى فى حاجه إلى 2 مساكين محترمين و لاعب دفندر فى وسط الملعب سرييييييييييييييييييييييييييييع و باك يمين و أى حاجه بعد كده حتكون فوق البيعه و مش حتخسر بس المهم فى اللعيبه الجديده يكون عندهم دم و بالنسبه للكوتش الصغير أحمد إبنك بوسه و عاوزك تبدأ معاه خطه دنيئه كل إسبوع تذيع له ( طبعا من شريط فيديو تكون مخبيه ) ماتش من بتوع الأهلى و الزمالك أيام ما كان الأهلى بينسحب من البطوله العربيه عشان ما يلاعبش الزمالك و مفيش مانع من كام ماتش من بتوع الإسماعيلى أبو أربعات قبل ما الإهلى يشترى الإسماعيلى و طبعا مش حأوصيك تقنعه إن الماتشات دى على الهوا و تمنع الجرايد و الحاجات دى يعنى بإختصار تخللى إبنك عايش ما بين 2000 إلى 2004 عشان الجيل الجديد ده أملنا و عاوزين نحافظ عليه قبل ما يطفش :P

تم تعديل 31 ديسمبر 2006 بواسطة drhouba

[واحد تاني]

مش لازم نجيب سيرة التحكيم طالما كان معقول مش فظيع يعنى ...

كابتن هوبا احب اسمع تعليق سعادتك على التحكيم المعقول بخصوص ضربة الجزاء الغير محسوبة لابوتريكة ...

وبخصوص الفاول اللطيف اللى جه من خلاله هدف الزمالك ...

ده على سبيل المثال يعني ... :huh:

مبروك يا سيدي ... (من غير نِفس <_< )

الله يبارك فيك بنفس ... :P

الزمالك يا صديقى فى حاجه إلى 2 مساكين ;)

اكتر من اللى موجودين كده الزمالك هيقف على باب السيدة ... mfb:

بالنسبه للكوتش الصغير أحمد إبنك بوسه و عاوزك تبدأ معاه خطه دنيئه كل إسبوع تذيع له ( طبعا من شريط فيديو تكون مخبيه ) ماتش من بتوع الأهلى و الزمالك أيام ما كان الأهلى بينسحب من البطوله العربيه عشان ما يلاعبش الزمالك و مفيش مانع من كام ماتش من بتوع الإسماعيلى أبو أربعات قبل ما الإهلى يشترى الإسماعيلى و طبعا مش حأوصيك تقنعه إن الماتشات دى على الهوا ;)

عليك وعلى ارشيف الاذاعة بقى يا موديست قسم شرائط الابيض واسود ... :P

[أبو محمد]

drhouba كتب :

يا سيدى إحنا موجودين و مش لازم نجيب سيرة التحكيم طالما كان معقول مش فظيع يعنى ... و اللا إنتوا على راسكوا بطحه ؟ خلاصة القصه إن الحكم مش السبب الرئيسى فى نتيجة إمبارح و لكن الجنرال حظ و اللى يقول غير كده يبقى كان بيشوف ماتش تانى

وكتب أيضا :

و مفيش مانع من كام ماتش من بتوع الإسماعيلى أبو أربعات قبل ما الإهلى يشترى الإسماعيلى

يادكتور ..

ده الكلام اللى بنسمعه من يوم الحادثة .. سواء من الإدارة أو الجهاز الفنى أو اللاعبين :P

ياريت يكون الكلام من الجماهير بس المرة دى .. لأنه لو استمر الحال على ماهو عليه .. سيستمر الزمالك كما هو ..

الزمالك كان عنده فرصة ذهبية أمس .. إتنين فى منتهى الأهمية من الأهلى يصابان (واحد قبل بداية المباراة والآخر بعد نصف ساعة) .. والعقل المفكر موجود فى الملعب ولكنه غائب نوعا ما بسبب الإصابة منذ بطولة العالم (حسام البدرى أعلن ذلك فى جرائد اليوم كما أعلن أن الجهاز الفنى نجح فى التكتم على الخبر) .. أتيحت لأبو تريكة 3 فرص حقيقية ، لو كان فى حالته لأحرز منها هدفين على الأقل

الزمالك لعب بأفضل لاعبيه .. وقدم أحسن مباراة له منذ عدة مواسم .. يكاد عدد الفرص الحقيقية للتهديف التى أتيحت له يقترب من عدد الفرص الحقيقية للأهلى .. وإن كان الطابع الفردى غالب على لاعبيه خاصة عمرو زكى .. وكان من الطبيعى أن تتفوق الجماعية على الفردية

أما الحكم .. فقد كان سيئا جدا .. أخطأ كثيرا فى حق الفريقين .. وإن كانت أخطاؤه ضد الأهلى أكثر (علشان كده بتقول التحكيم معقول يادكتور) ..

المباراة كانت ممتعة أثبتت أن الأهلى فريق لا تهزه المفاجآت كثيرا .. وأثبتت أن الزمالك فى أحسن حالاته برضه تحس إن فيه حاجة غلط ..

كل عام وأنتم بخير

موديست كتب :

أحمد إبني الكبير(زمالكاوي تحت تهديد السلاح )

معقولة .. موديست ، حبيبى الفنان ، طلع إرهابى :huh: <_<

ياراجل حرام عليك .. سيب ابنك على راحته يمكن تتغلب جينات الوراثة على الإرهاب ويطلع زمالكاوى طبيعى .. عشان يعرف معنى الندم :P ...

[nash]

أخونا المشرف الكبير أبو محمد...

اللي مايعجبكش من الفريق الأبيض.....أديله طرد..ماترحموش...

وأنا شايفه نظام إرهاب..وتمويه......وشروع في ضحك علي عقول الناشئه....

فلازم سيادتك توري باقي الأعضاء الزملكاويه....حسن تعاملنا وإتساع صدرنا.....طرد يابو محمد...بلاش إنذار......

وأنا شايفه الصراحه أخين طيبين هنا...أبتدي حضرتك بيهم....

الدكتور هوبا.....والباسمهندس...موديست

[Siwa]

ياخبر دا انتي تنوريني باخدك تهنئتي يا مدام ناش، عشان تعرفوا إن الكرم الزمالكاوي ملوش زي ;) .عم Modest ود. هوبا ليس لنا الإ الصبر على جمهور الاهلي :huh: . طبعا انتم ملاحظين بداية التلويح باستخدام القوة من جمهور الاهلي (كده يا مدام ناش وانا اللي كنت فاكركي طيبه) mfb: . ودا طبعا لوجود 2 مشرفين اهلويه في الموضوع (عم ابو محمد وسي السيد :P ). ومن هنا وبالاصاله عن نفسي وعن جماهير الزمالك الكرام باطالب بوجود 2 مشرفين زمالكاويه لإحداث التوازن المطلوب فى القوى ;) . لإن غير كده احنا تحت تهديد الكروت الصفراء والحمراء. وده ضد المادة88565656565656565 من القانون الدولي :P . عايزين ديمقراطيه هنا، ادونا فرصتنا نعبر عن نفسنا. الاستاذ الكبير عم Modest ، سلمت يداك على التنشئه الزمالكويه للجيل الصاعد :D . إن شاء الله ابنك هيشكرك على دفعك ليه لإتباع الحق الزمالكاوي في بلد فيها الحق ده دايما مهضوم <_< .

الصوره اللي جايه ديه هديه لاخويا واحد تاني

تم تعديل 31 ديسمبر 2006 بواسطة Siwa

[drhouba]

أخونا المشرف الكبير أبو محمد...

اللي مايعجبكش من الفريق الأبيض.....أديله طرد..ماترحموش...

وأنا شايفه نظام إرهاب..وتمويه......وشروع في ضحك علي عقول الناشئه....

فلازم سيادتك توري باقي الأعضاء الزملكاويه....حسن تعاملنا وإتساع صدرنا.....طرد يابو محمد...بلاش إنذار......

وأنا شايفه الصراحه أخين طيبين هنا...أبتدي حضرتك بيهم....

الدكتور هوبا.....والباسمهندس...موديست

و أنا اللى فاكرك حتهدى النفوس .... حتبقى إنتى و الصحافه و الحظ و شوبير و الزمن علينا ... عموما نحن فداااااء للقضيه ضد الأهلى و الحزب الوطنى ( الإتنين واحد ) و سنكون أنا و موديست لو تمت الإستجابه لتحريضاتك نموذج يحتذى للأجيال القادمه فى المقاومه و الكفاح حتى لو قام المشرفين بمصادرة جهاز الكمبيوتر حنكتب على الحيطان حتى النصر حتى النصر حتى النصر أو الخانكه <_<

تم تعديل 31 ديسمبر 2006 بواسطة drhouba

[drhouba]

هوبا ليس لنا الإ الصبر على جمهور الاهلي mfb: . طبعا انتم ملاحظين بداية التلويح باستخدام القوة من جمهور الاهلي (كده يا مدام ناش وانا اللي كنت فاكركي طيبه) ;) . ودا طبعا لوجود 2 مشرفين اهلويه في الموضوع (عم ابو محمد وسي السيد :P ). ومن هنا وبالاصاله عن نفسي وعن جماهير الزمالك الكرام باطالب بوجود 2 مشرفين زمالكاويه لإحداث التوازن المطلوب فى القوى ;) . لإن غير كده احنا تحت تهديد الكروت الصفراء والحمراء. وده ضد المادة88565656565656565 من القانون الدولي :huh: . عايزين ديمقراطيه هنا، ادونا فرصتنا نعبر عن نفسنا. الاستاذ الكبير عم Modest ، سلمت يداك على التنشئه الزمالكويه للجيل الصاعد :D . إن شاء الله ابنك هيشكرك على دفعك ليه لإتباع الحق الزمالكاوي في بلد فيها الحق ده دايما مهضوم :P .

يا سلااااااااااااام يا سيوه لسه الدنيا فيها خير جعلك الله زخرا للغلابه و المقهورين فى الأرض و معا حتى النصر .... بس يا رب الموضوع ما يطولش <_<

تم تعديل 31 ديسمبر 2006 بواسطة drhouba

[أبو محمد]

أخونا المشرف الكبير أبو محمد...

اللي مايعجبكش من الفريق الأبيض.....أديله طرد..ماترحموش...

وأنا شايفه نظام إرهاب..وتمويه......وشروع في ضحك علي عقول الناشئه....

فلازم سيادتك توري باقي الأعضاء الزملكاويه....حسن تعاملنا وإتساع صدرنا.....طرد يابو محمد...بلاش إنذار......

وأنا شايفه الصراحه أخين طيبين هنا...أبتدي حضرتك بيهم....

الدكتور هوبا.....والباسمهندس...موديست

أنا مش عارف حنية قلبك دى حتودينا لحد فين يا nash <_<