الحجاب في الاعلام المصري .... صورة باهتة

[لخبطه]

دي الصورة اللى وقع عليها الاختيار من قبل جريدة الاهرام لتعبر عن شباب أو لنقل تحديداً فتيات مصر لما حبوا يحطوا صوره تعبر عن الفتاة المصرية حطوا بنت متبرجه في الواجهه باسمه مستشرقه وحطوا المحجبة صف تاني في صورة باهته تعبر عن الصورة العامة للبنت المحجبة في المجتمع المصري

قد إيه الصور دي معبرة عن حاجات كتير

بصراحه أول ما اشوفتها أثارت في نفسي شجون دائمه وافكار قديمه وتساؤلات مش لاقي لها اجابه لدلوقتى

الشجون عن صورة الحجاب في الاعلام المصري ؟؟؟؟؟؟؟؟؟؟؟

علامة استفهام كبيره بداية من التلفزيون ومروراً بالسينما وكذلك وسائل الاعلام المقرؤة ، من زمان وانا ملاحظ واكيد كلكم ملاحظين ان التلفزيون عايز يقول ان النموذج العادي للنبت المصريه انها مش محجبه وان الاساس هو البنت الكاشفة وشها وشعرها وجزء من جسدها وانها هي دي البنت الناجحة والمتفهمه والباره وكل حاجه حلوه ، الخطاب الاعلامي كله بيرسخ دا في نفوسنا ونفوس ابناءنا ..

كنت بموت غيظ لما اشوف 10 مسلسلات في رمضان كلها مافيهاش بنت واحده محجبه طيب ليه الصورة المغلوطه دي عن المجتمع المصري

حتى لما جه واحد محترم زي محمد صبحي يعمل نموذج لعائله مصريه معتدله وناجحه بعد تماما عن انه يجيب أي عنصر نسائي محجب ودا زعلنى منه اوي ولو انه معذور لأنه اكيد ماشى مع الخطاب العام للدولة وللإعلام

أيه رايكم هل انا مبالغ في الفكره دي علشاني ريفي وبشوف ان السفور هو الاستثناء والحجاب هو الاصل

أم ان الموضوع فعلا كدا ؟ ولو كان طيب مين اللى بينسق بين الناس دي كلها علشان تطلع البنت المصريه بالشكل دا في الاعلام

[nash]

اخي الكريم لخبطه....

ماتضايقش نفسك...عارف ليه....؟

لإن الجميع متفق علي أن نسبه الفتيات المحجبات في مصر في إزدياد....رغم عن أنفهم جميعا..وبرغم الحمله الشرسه...علي الفتيات المحجبات والشباب الملتزم.....هم ناقمون علي شباب الدعوة مثل عمرو خالد..لإن الكثير أهتدوا علي يديه..هم يريدون الفلتان في البلد..ليستطيعوا القبض علي مقاليد السلطه في البلد..بيد من حديد.....

لاحظت أنا أيضا أن الكثير من المشاهد لفريضه الصلاة في المسلسلات المصريه تكون لناس كبار في السن...لا يرجون من الحياة..أكثر مما أخذوا.....

وبعدين أنت متضايق لعدم وجود فتاة محجبه في المسلسلات..وخاصة في رمضان...لكن أنا مولعه من الغيظ لهذا الكم من العري في نفس المسلسلات..وخاصه أنها كانت في الشهر الفضيل.....

(والله متم نوره ولو كره الكافرون)

صدق الله العظيم

[Modest]

أزيدك من الشعر بيت يا عزيزي لخبطة

عندما تصادف هذا العام ، التزامن بين عيد الأضحى و قرب بداية العام الجديد قامت قناة "النيلة للدراما" على رأي شريف عبد الوهاب ، ببث إحتفال بالعام الجديد يوم العيد و لم تذكر اي شيء عن عيد الأضحى المبارك - هذا ما رأيته بعيني في إعلانات هذه القناة....

و كأن الله سبحانه و تعالى شاءأن يفضحهم و يؤكد على أننا دولة مش قادرة تخفي "توجُّهها الرسمي"...

و لكن كما قالت ناش: نسبه الفتيات المحجبات في مصر في إزدياد....رغم عن أنفهم جميعا..وبرغم الحمله الشرسه...علي الفتيات المحجبات والشباب الملتزم... و لله الحمد

علامة استفهام كبيره بداية من التلفزيون ومروراً بالسينما وكذلك وسائل الاعلام المقرؤة ، من زمان وانا ملاحظ واكيد كلكم ملاحظين ان التلفزيون عايز يقول ان النموذج العادي للنبت المصريه انها مش محجبه وان الاساس هو البنت الكاشفة وشها وشعرها وجزء من جسدها وانها هي دي البنت الناجحة والمتفهمه والباره وكل حاجه حلوه ، الخطاب الاعلامي كله بيرسخ دا في نفوسنا ونفوس ابناءنا ..

عايز أقول طز فيهم .... بس خليني مؤدب أحسن :lol:

[لخبطه]

وبعدين أنت متضايق لعدم وجود فتاة محجبه في المسلسلات..وخاصة في رمضان...لكن أنا مولعه من الغيظ لهذا الكم من العري في نفس المسلسلات..وخاصه أنها كانت في الشهر الفضيل.....

و الله استاذه ناش انا لى 10 سنوات تقريبا مش شوفت تلفزيون في رمضان وسنتين مش شوفت تلفزيون خالص من قله الادب وقله الاحترام لعقولنا ، لسه جايب تلفزيون البيت عندي من شهر بس بناء على الكلام اللى سمعته عن قناة الناس وفعلا اتضح انها قناه طيبه عليها ملاحظات وسلبيات بس مهما يكن من امر فهي افضل مليون مره من الاعلام الرسمي

(والله متم نوره ولو كره الكافرون)

اختيار موفق فعلا ناش للتعبير عن الموضوع كله

يا استاذ Modest

حد لسه بيشوف النيل للدراما ياراجل حرام عليك اعصابك وضغك :lol:

وبلاش نقول طز فيهه لاحسن دي شتمه ودي ايام مفترجة :lol:

[احمد هادي]

يا اخوانا الموضوع اكبر من كده بكتير

غياب المحجبات وتهميشهم هو جزء من سياسه عامة لدولتنا الرائده

والسبب في ذلك هو الخضوع لتعليمات الاسياد في الخارج

والادلة واضحة لكل من لديه عقل يستعمله

المطلوب هو السيطرة علي الاعلام والثقافة لتجفيف منابع التدين

او تحويل التدين الي مجرد طقوس واشكال ومظاهر

ولذلك كان اقدم وزير ثقافة في العالم حاليا هو فاروق حسني

اما صفوت الشريف المعروف بموافي - راجع ملفات قضايا انحراف رجال المخابرات في العهود السعيده - فقد قرفص علي الاعلام بميزانيه مفتوحة من الرئاسة لمده تزيد عن العشرين سنة

ولما زال موافي جاء - انس الفقي - راجع صورته العائلية مع الاسرة واقفا بكل سعادة وبناته حوله بالميني جيب وهو اخبث من سابقة بكثير

( تابع الحملات الاعلامية التليفزيونيه ايام الانتخابات

لن يسمح لمصر ابدا بالرجوع الي الدين مهما كان الثمن

والا لواجهت مصير حكومة حماس ( الجوع والفوضي )

ولابد من الوجهين

وجه علماني صرف يقدم الي الخارج

ووجه يتمسح بالدين اذا لزم الامر لكسب ود الجماهير او تجنب سخطهم في الداخل ( تكريم حفظة القرآن والاحتفال بليله القدر ....الخ )

وما زلنا نذكر الرئيس المؤمن الذي كان يصلي في المساجد ويرتدي العباءة في القاهرة

ويمسك الكأس ويقبل زوجات الرؤساء في الخارج

وتلك هي اصول الشغل لمن اراد البقاء في حكم مصر

تحياتي

[نانو]

عارف يا لخبطه الموضوع ده مش بيضايقني ليه

لان احنا كلنا بنتكلم علي نفس الموجه.....كلنا بقينا فاهمين اللعبه...ما اعتقدش ان فيه حد جوه البلد اوبره بقت تخفي عليه الاسلوب

المقصود في محاوله تهميش الاسلام و محاربته في كل مكان..

و اعتقد ان الناس والشباب بالتحديد اصبح عندهم وعي كافي او اقدر اقول وعي فطري انه يروح من غير ما يشعر للدين ....للبرامج الدينيه الجميله

لعمرو خالد و خالد الجندي و طارق سويدان ....للجوامع و الخطب ودروس الدين لصلاه التراويح في رمضان ...لصيام السنن طول السنه مش بس في رمضان....للعمره ..لتمني فريضه الحج

كام واحده فينا لو باتلكم عن البنات ...راحت ودرست قران وتجويد ...و حاولت تحفظ....لو عملت استفتاء هنا في المنتدي اللي هو صوره مصغره من المجتمع المصري هتلاقي نسبه كبيره جدا تقرب من 90 %

ما تقلقش... ما تزعلش ....اللي ماشي وراهم هم اللي عايزين يمشوا وراهم...و بالاعلام الفاسد ومن غيره كانوا هايمشوا في نفس الطريق

واولادنا امانه بين ايدينا ربنا يقدرنا و نحميهم ويكونوا احسن مننا واقرب مننا لله

[هادي]

أزيدك من الشعر بيت يا عزيزي لخبطة

عندما تصادف هذا العام ، التزامن بين عيد الأضحى و قرب بداية العام الجديد قامت قناة "النيلة للدراما" على رأي شريف عبد الوهاب ، ببث إحتفال بالعام الجديد يوم العيد و لم تذكر اي شيء عن عيد الأضحى المبارك - هذا ما رأيته بعيني في إعلانات هذه القناة....

و كأن الله سبحانه و تعالى شاءأن يفضحهم و يؤكد على أننا دولة مش قادرة تخفي "توجُّهها الرسمي"...

و لكن كما قالت ناش: نسبه الفتيات المحجبات في مصر في إزدياد....رغم عن أنفهم جميعا..وبرغم الحمله الشرسه...علي الفتيات المحجبات والشباب الملتزم... و لله الحمد

علامة استفهام كبيره بداية من التلفزيون ومروراً بالسينما وكذلك وسائل الاعلام المقرؤة ، من زمان وانا ملاحظ واكيد كلكم ملاحظين ان التلفزيون عايز يقول ان النموذج العادي للنبت المصريه انها مش محجبه وان الاساس هو البنت الكاشفة وشها وشعرها وجزء من جسدها وانها هي دي البنت الناجحة والمتفهمه والباره وكل حاجه حلوه ، الخطاب الاعلامي كله بيرسخ دا في نفوسنا ونفوس ابناءنا ..

عايز أقول طز فيهم .... بس خليني مؤدب أحسن <_<

المشكلة يا استاذ موديست انك لو قلت " ظز " لهبت الدنيا في وجهك، ولماجت الاقلام من حواليك

تؤنبك ، وتشد أذنيك ..

إذ كيف تجروء على مساءلة هؤلاء الـ " أكابر " !!!

في نفس الوقت تجدهم يطعنون في صحيح البخاري ، ويريدون أن يخرجوا علينا باسلام مودرن وعصري وشيك

يناسب المعبود الامريكاني .. حتى لا يحل علينا غضبه ، ويوقف عنا معونته و رزقه ..

المشكلة في بلادي ليست فقط مع حكم ظالم ، لا يريد للناس أي التزام بتعاليم الله

المشكلة الاكبر - من وجهة نظري - في تحالف الـ (مثقفون ) مع الظالم

في تآمر ذلك الذي يرتدي ربطة العنق الانيقة ويقف ينظر على الشباب بالهراءات والتفاهات

في تلك المرأة التي يُشار اليها بالبنان وتتصدر المجالس والميكروفونات ليل نهار، لتخرف بما لا تعرف

وجوزا السفر في كل ذلك .. ستجده الكلمة السحرية .. مثقف

أفٍ لكم و لثقافتكم المزعومة ..

بالامس القريب أوصى مجمع البحوث الاسلامية بمصادر كتاب للسيدة إقبال بركة

الكتاب كان بعنوان (الحجاب رؤية عصرية ) !!!!

http://www.al-shora.net/sh_details.asp?det=6313

من أين جاءت الفاضلة المبجلة بالرؤية العصرية

من كتابات المفكرين الاسلاميين المجددين النابهين .. جمال البنا (صاحب نظرية : دخن ولايهمك في نهار رمضان ، التدخين لا يفطر الصائم لأنه مجرد دخان !!!!)

ومن كتابات النابهة الفذ المُجدد !! المستشار سعيد العشماوي .. المُنكر لأي وجود للدين الاسلامي في مجال السياسة والحُكم بالمرة .. !! حيث ادعى كليهما - ونقلت عنهما السيدة الفاضلة المتجهبذة - ان الحجاب هو فقط خاص بامهات المؤمنين زوجات رسول الله صلى الله عليه وسلم ، وانه كان يخص الحرائر فقط لتمييزهن عن الإماء !!!

وأنا سأدعي أنني لا اتحدث اللغة العربية ..

وان مكوثي بضع سنوات في بلاد الغرب الشيك ، جعلني انسى مقاصد اللغة العربية بالكامل ،

فأرجو أن يجيبني احد الافاضل الاعزاء ..

لو كانت الكاتبة ومن خلفها هؤلاء الـ " مفكرون الاسلاميون " والـ "مجددون " .. يقررون ان الحجاب لباس الحرائر فقط في صدر المجتمع المسلم تمييزاً لهن عن الإماء .. فهل أفهم من ذلك انهم ينادون بجعل كل امرأة مصرية من الإماء !!

هل أفهم انهم يقولون لأمي واختي و زوجتي وابنتي : لست من الحرائر يا مدام ولن تكوني

أنت من الاماء وستضلين من الاماء ونحن المثقفون ننكر عليك هذا الحجاب اللعين

تلك الخرقة البالية (على حد وصف زعيم الامة سعد باشا ) التي آن لها أن تزول من عيوننا فلا نراها في شوارع مصر المحروسة ، نريد فقط الشواطيء العارية و مسابقات ملكات الجمال حيث مقاس الصدر والارداف له مرجعية محددة و لايجوز التفريط فيها ..

ولو كان الحجاب يخص أمهات المؤنين فقط، دون نساء المسلمين كافة ..

فهل نحذف تلك الايات من المصحف الذي بين أيدينا ؟!

أم دعونا نقول بأنه قد تم تحريفه من بعض الوهابية المتشديين !؟!

أم نقول أن تلك الآيات دستها علينا وسائل الاعلام الغربي الماكر

خاصة في العصور الوسطى عندما كانت المرأة الاوربية محجبة !!؟؟؟

شيخي الحبيب (القذافي) أفتى بأن الطواف حول الكعبة لجميع الناس ولا يجوز تخصيصه للمسلمين فقط

http://www.ahram.org.eg/Index.asp?CurFN=fr...tm&DID=9082

فهل أفهم من ذلك أن شيخي الحبيب بنادي بطواف الهندوسي والسيخ وعباد البقر حول البيت العتيق ، للنظر الى بطون واكتاف ولحوم نسائهم العفيفات !! ولماذا لا تطوف السويدية بالبكيني !! والافريقية عارية الصدر !! و يطوف التون جون وزوجه وشريكه في الحياة الزوجية المثلية !! وكيف نمنع ابنة ديك تشيني و صديقتها المقربة التي تزوجتها منذ وقت قريب !! كيف نمنع هؤلاء .. آه من المتشددون والمتطرفون في الجماعات الاسلامية .. كيف يمنعون كل هذا الخير ، ولا ينفذون فتوى شيخي الحبيب فوراً بلا إبطاء لصلاح البلاد والعباد .!!

يرحم الله نبيه الكريم لوط ..

أقول معه لأمثال هؤلاء من قومي ، كما قال لأمثالهم من قومه

أَلَيْسَ مِنكُمْ رَجُلٌ رَّشِيدٌ (78) هود

[هيليوم]

ظهرت فتاه محجّبه -بصوره سريعه- فى الحمله الإعلانيه التى دشّنتها منذ سنوات "جمعية جيل المستقبل" .. و ظهرت سيّده "ريفيه" بنفس الإعلان لم يكن ممكنا إظهارها بدون غطاء الرأس التقليدى ..

و اضطر أصحاب النيولوك خلال الحمله الانتخابيه الخاصه بالسيّد الرئيس خلال انتخابات الرئاسه فى العام الماضى لإظهار فتيات محجّبات حتى لا يتعارض إنكار وجود هؤلاء مع الحرفيه المفترضه فى المسئولين عن الحمله !!

بعض الوزراء لا تظهر زوجاتهم معهم فى الاحتفالات الرسميه لارتدائهن الحجاب ..

كثير من الممثلات حين يرغبن فى الظهور فى دور فتاه محجّبه يخترن ألوان متنافره مع بعضها و يرتدون حجابهن بطريقه واضح فيها جدا "الكروته" و عدم الاهتمام بينما لو الدور لفتاه غير محجّبه تكون الملابس و الهيئه بالكامل على سنجة عشره .. راجع مثلا فيلم "سهر الليالى" و تساءل عن هذه الملابس الغريبه التى ارتدتها "منى زكى" كسيّده محجّبه

إعلان "أنا بنت مصريه" الجميل جدا الذى كان جزء من حملة لمحاربة "ختان الإناث و تزويج الفتيات مبكرا و حرمانهن من التعليم" اختار -والحمد لله- فتاه ذات ملامح مصريه و برغم أنّها تظهر فى الإعلان بصفتها فتاه ريفيه إلاّ أنّها لم تكن محجّبه !!

نادرا جدا ما تجد بطلا لعمل فنّى -سواء حاليا او فى الماضى- اسمه "محمّد" !!

نادرا جدا ما يتبادل أبطال العمل كلمة "السلام عليكم" كتحيه بينما "صباح الخير / سعيده / بونجور" هى الأكثر شيوعا !! بل فى عمل حديث لا أذكّر اسمه حين قال أحدهم للآخر : سلام عليكم رد الأوّل قائلا : مع السلامه !!

لا يصلّى البطل فى الفيلم إلاّ إذا كان قد سقط فى هوّة التطرّف و قد يصلّى خطأ فى بعض الأحيان !!

فى مسلسل "رجل من زمن العولمه" حين بدأ الشاب الصغير ابن البطل فى حفظ القرآن اعتبرت شقيقته الكبرى هذا دليلا على بداية انخراطه فى الجماعات المتطرّفه !!

و أخيرا ..

فاروق حسنى خلال أزمته الأخيره الخاصه بالحجاب قال -للتدليل على ليبراليته و قبوله للآخر- أنّهم "أى الوزاره" سايبين المحجّبات يشتغلوا فى الوزاره !! كتّر خيره فعلا <_<

[لخبطه]

الاستاذ احمد هادي طبعا حضرتك قولت ان دا نهج دولة كاملة ودا باين فعلا في حاجات كتير لكن المحير فعلا هل فيه تنسيق بين كل الوزرات وكل مؤسسات الدولة لدا ولا هو بيجي صدفة طيب ازاى هيكون فيه تنسيق والدولة نفسها في اهم وادق الامور مش بتقدر تنسق حاجه بصراحه شىء محير مش لاقي له رد ازاي دا بيحصل إيه الآلية بتاعته ...

نانو

فعلا كلامك صح الصحوه الدنينه واتجاه الناس للدين بقا بسم الله ماشاء الله حاجه تفرح بس تعرفي أن البعض بيرجع دا لسوء الحالة المادية للناس وكمان الضغوط عليهم بل بعضهم بيري ان التوجه للدين دا حالة يأس وان لو الامور ميسرة للناس مش هيتجهوا للدين ( دا رأي مدعي الثقافة )

الثائر عمنا هادي اقبال بركة مش محتاجه حد يرد عليها والرد عليها يعني اعطائها قيمة اكبر مما تستحق

طبعا كل كلامها وكلام ما شاكلها كلام فاضي .......... لكن المؤسف حقا أنك تلاقي حد متأثر في الترهات دي وخصوصا من غير المحجبات بل بعضهم بيتخذها دليل

بخصوص القذافي فهو راجل ظريف بتاع النكتة الفزروه عارف النكته الفزورة بتاع حمادة سلطان الله يرحمه اهو القذافي زيه كدا من وقت للتاني مش بينسى يروح على قلوبنا بكام رأي على شاكله اسراطين والطواف حول الكعبة

الاخ هيليوم

ردك رائع صراحه وان كان محتاج موضوع مستقل

فعلا ملاحظاتك حقه وتدخل بردو في نطاق نفس الموضوع وهو اقصاء النموذج الحقيقي للفرد المصري وفرض نموذج جديد من خلق افكار مريضة هيىء لها بأنها لما تقلد الغرب هتنجح تتوقع أن الموضوع كل مؤمراة

بردو مافيش حد قال ياجماعه مين اللى ورا دا كله او ازاي الآلية بتاع الموضوع بتتم

يعني اللى بيكتب الافلام بلال فضل واللى بيمثلها احمد حلمي وهنيدي والمخرج واحد ضحل كل ثقافته اخدها من جريدة صفرا ازاى المجموعة دي يكون عندها استراتيجية في محاربة الحجاب ومحاربة النموذج الفعلي للبنت المصريه ؟؟

[نانو]

نانو

فعلا كلامك صح الصحوه الدنينه واتجاه الناس للدين بقا بسم الله ماشاء الله حاجه تفرح بس تعرفي أن البعض بيرجع دا لسوء الحالة المادية للناس وكمان الضغوط عليهم بل بعضهم بيري ان التوجه للدين دا حالة يأس وان لو الامور ميسرة للناس مش هيتجهوا للدين ( دا رأي مدعي الثقافة )

بردو مافيش حد قال ياجماعه مين اللى ورا دا كله او ازاي الآلية بتاع الموضوع بتتم

يعني اللى بيكتب الافلام بلال فضل واللى بيمثلها احمد حلمي وهنيدي والمخرج واحد ضحل كل ثقافته اخدها من جريدة صفرا ازاى المجموعة دي يكون عندها استراتيجية في محاربة الحجاب ومحاربة النموذج الفعلي للبنت المصريه ؟؟

لا يالخبطه مش حقيقي ..بالعكس التدين بدا يظهر في الطبقه المتوسطه وفوق المتوسطه والغنيه و ده اللي رعبهم و كانوا بيطلقوا علي الدعاه الجدد شيوخ الصفوه لانهم كانوا بيدعوا صفوه المجتمع (يعني الاغنياء وذوي السلطه النفوذ)

وده اللي خلاهم يحاربوهم بكل شكل و لون و يحاولوا يطفشوهم من البلد بكل ما اوتوا من قوه

الناس اللي بتتكلم عليهم من مؤلفين و ممثلين ومخرجين ....دول زي ما بيقولوا كده ماشيين مع التيار وخلاص

ما تفتكرش ان لهم سياسه معينه اومدروسه او خطه ماشيين عليها او حد ماثر عليهم تاثير مباشر ....يا استاذي

الناس ديه بتتقيم من مين؟ مين قدوتهم؟ مش اسامه انور عكاشه وانت تذكر طبعا قضيته الاخيره في سب الصحابه

ووحيد حامد و يوسف شاهين مخرج الروائع....فين الناس دول من الدين فين الناس دول من الاسلام

اللي زي دول بيحاربوا الاسلام بالفطره مش بمخطط خارجي ولا حاجه

و بعدين الجمهور اذكي من انه يتضحك عليه....طب اسالك سؤال

تفتكر لو حد من الجيل ده لقي قصه فيلم ناجحه و يقدم فيها دور شاب ناجح و متدين وملتزم و شكله مقبول

تفتكر هيرفض طبعا لا...طب تفتكر الفيلم هاينجح هاقولك اه 100%100

الناس مش بالغباء اللي هما متصورينه...الناس خلاص زهقت من الفكره الباليه بتاعه كل واحد بيقرا قران يبقي متطرف او رئيس جماعه...و قريب اوي هاتظهر الموجه ديه من الافلام ولو ممثل شاب واحد بس بدا و نجح هتبقي ديه الموضه و بكره افكرك <_<

[Blue_mind]

عزيزي لخبطة...

وجود فتاة محجبة بصورة باهتة يثير غضبك او يصيبك بالتشاؤم ....بالعكس المفترض ان تكون متفائل لانه في الاساس لم يكن هناك اي صور او تواجد للمحجبات في الثقافة الاعلامية.

ظهور هذه الصورة ولو بشكل باهت على حد وصفك شىء اعتبره ايجابي حتى و لو لم يكن كافي من وجهة نظرنا.... استبشر فاول الغيث قطرة.

من شهر كنت كتبت بعض الجمل ردا على هوجة تصريحات فاروق حسني وما تلاها من جدال...اكررها هنا مرة اخرى لانها ذات صلة :

كنت باشتري حاجات من السوبر ماركت ...وفوجئت بوجود نوع شامبو مكتوب عليه :(( لشعر مُغطى قوى واكثر صحة)).... واخذت اقرا ما هو مكتوب على العبوة من مزايا مكونات ماعرفش ايه اللي بتقوي الشعر وتعطي شعور بالانتعاش....ليس هذا وحسب بل يوجد مع العبوة كتيب صغير يحتوى على اساليب وطرق للحجاب ذات اشكال على الموضة....وبغض النظر عن الفكر التجاري وبغض النظر عن الاراء التي قيلت حول الحجاب الملون والمزركش ....الا انني حسيت براحة وانبساط لوجود سلع موجهة للمحجبات باعتبارهن قوة شرائية وهو ما اظنه دليل على إزدياد عدد المحجبات بإذن واحد أحد....

تم تعديل 1 يناير 2007 بواسطة Blue_mind

[اسود وتعالب وارنب]

وليه زعلانين هنا عندنا في الامارات الاحتفالات بالكريسماس وراس السنة في الماكن العمة والمراكز التجارية جعلتني اشك في نفسي وافتكرت اني امريكية كاثوليكية من كتر الاحتفالات ولا حس ولا خبر عن عيد الاضحي بالرغم من ان الامارت ليس فيها مسيحي واحد اماراتي ده توجه عام ولا تزعلو

[لخبطه]

نانو

انا لما قولت لك على وجهة النظر اللى بتقول ان التدين في المجتمع المصري مرجعه يأس مش كنت بقولها كوجهة نظر شخصيه اانا بقولك انه فيهم ناس بترجع التدين لدا ............ لكن بالقطع انا معاكي وبشوف ان التدين فكره فطرية يعني بتيجي للناس بالفطرة .....

بخصوص ان الناس بتوع الافلام من مؤلفين ومنتجين ومخريجن ماشيين مع التيار يمكن دا يكون فعلا سبب واضح لغياب الدين عن الاعلام المصري المرئي وزي ما تفضلتي انتى الناس الهايفه اللى تحت لا تحمل منهج ولا استراتيجية بل الواحد منهم إمعه ماشي مع الجو ........ الجو طالب كوميدي يقول كوميدي الجو طالب أفيهات أبيحه مافيش مشكله كله مش مشكله ......... لكنى بعترض على انه لو وجد نص محترم هيلاقي حد يخرجه أو حتى يمثله الكل هيخاف من حاجات كتير أوله الامن وثانيه الفشل يعني حتى فرصة نجاحه مش كبيره بالشكل المشجع

[لخبطه]

معاك استاذي blue mind في انه بيمثل تحسن عن السابق وهو كان عدم ظهور الحجاب بالاساس واكيد كلنا يذكر ان افلام الخمسينات كانت بتجيب الخمور في كل البيوت وكان الشعب المصري شعب سكرتي كله ......... واانا بحاول أفهم ليه الامور كدا أيه اللى عمل كدا هل الدولة بتاكد انها دولة علمانية طيب على عينينا وراسنا بس مين اللى بيعمل كل دا ......... كلامك عن شامبو للمحجبات دا جميل وهو نوع من التكيف من التجار مع طلبات السوق وهو مؤشر بردو على انتشار الحجاب بشكل كبير زي ماقال الاخوه ......

أسود وتعالب وارنب اضحى مبارك عليكي

الامارات باعوا القضيه من زمان الناس دي بتدور على التجارة والنجاح والوصول للمستوى العالمي مهما كلفهم دا وبشوف انهم نجحوا في تحقيق هدفهم .......... المصيبه اننا عمل نفس العمل لكن مش وصلنا لحاجه وبعنا بردو القضية

[هيليوم]

عزيزى لخبطه

أزيدك من الشعر بيتا ؛ اقرأ ما كتبه الناقد المعروف د. رفيق الصبّان حول ظهور المحجّبات فى فيلم "لعبة الحب" ؛ لكن لو كنت من مرضى الضغط أو السكّر فأنصحك بتجهيز حبايتين دوا

المجتمع الذي يقدمه «لعبة الحب» مجتمع متطور حضاري «لم نر في النصف الأول من الفيلم أية سيدة محجبة والتقينا برؤية البعض منهن في مصنع النسيج كعاملات محترفات» يعيش حريته بحب ويتصرف بجسده بكرامة ويشرب الخمر ويعايش عصره دون أن يضع علي عينيه قناع النفاق والتعصب.

تشرب شاى !! :closedeyes:

[Alshiekh]

الأخوة الأفاضل

كل عام وأنتم بخير بمناسبة عيد الآضحى ، وتهنئة خاصة للآخ هادى والأخ Modest ، اعاده الله علينا وعلى الامة الاسلامية وقد تحررت من إسار الذل والعبودية والتبعية وحكامنا الظالمين

الإعلام المصرى ماهو إلا جزأً من النظام الحاكم فى مصر.

وبما أن النظام الحاكم فى مصرنا فى عزلة عن الشعب ، فبالطبع اعلامه لن يعبر عنى وعنكم ، بل هو يعبر عنهم وعن تصورهم وعن عيشتهم وحياتهم ، والفن والفنانيين هم دائما يدورون فى فلك الحاكم وسمائه ، فلن يعبروا عنى وعنكم بل هم يعبرون عن انفسهم ، واذا ارادوا ان يعبروا عن نماذج من المجتمع فهم دائما مايختارون اوضعها من قاع المجتمع باستثناء قلة قليلة تقدمنا على استحياء وماتلبلث ان تشوه العمل باضافة جرعات من الاباحية جريا وراء المال والرضا الحكومى ، واعتقد انكم لازلتم تذكرون فاروق حسنى الوزير المسئول وماقاله عن الحجاب ، والذى لو قاله اى وزير فى اى حكومة اوروبية او غربية لقامت الدنبا ولم تقعد حتى يعتذر ، ولكن فاروق حسنى لايعتذر لان كبيره علمه الا يعتذر .

أنا لاأعنى موضوع الحجاب بالذات ، فكما يقول المثل كل انسان متعلق من عرقوبه ، ولكنى اقول ما أشعر به ، ومانقوله عندما نشاهد اى شيئ بالتليفزيون ، فالحجاب فعلا اصبح هى زى المرأة المسلمة المصرية ، ولكن للآسف فلا نراه معبرا عنه فى التليفزيون سواء من مذيعة او ممثلة ، أو حتى إعلان.

لقد كانت اول متابعة لى لمسلسلات رمضان هذا العام بعد انقطاع دام عدة سنوات ، ويالهول مارأيت على قناتينا المصريتين الفضائية والدراما بالأضافة للـ ART , mbc, دبى والجزيرة ، لاخلف على ان الجزيرة ماهى الا قناة اخبارية فى الاساس ، فسوف نسقطها من الحساب وكذلك قناة إقرأ ، اما القنوات الباقية فللآسف كان كم الانحدار الاخلاقى لشبابها فى المسلسلات ( بنات وبنين ) شيئ مقزز ، فمعظم البنات متزوجات عرفى ، او على علاقات غير شرعية ، وبالطبع هذا قد يمثل شريحة سيئة فى المجتمع ولكنه ابدا لايمثل مصر ، ناهيك عن الفيديو كليب الذى يتفوق على اى كليب اوروبى او امريكى فى العرى والاباحية مرورا بالاعلانات التى لاتخلوا جميعها من الايحاءات الجنسية حتى لو كانت تقدم اعلانا للعبة طفل.

أخوتى الافاضل ، عندما نستطيع تغيير من يحكمنا ، صدقونى سيأتى الاعلام الذى يعبر عنا وعن الشارع المصرى.

تم تعديل 2 يناير 2007 بواسطة Mohammad

[لخبطه]

ياعم هيليوم : رفيق الصبان حر يقول اللى هو عايزه ولو أنه وجهة نظره دي بتكشف عن حاجه خطيره احنا ممكن نكون مش واخدين بالنا منها وهيا النقاد .... بمعنى إذا كان النقاد كدايبقا هما كمان خالقين جوا لكل المشاركين في العلمل الفني بأن السفور هو عنصر وركن ركين في العمل الفني الناجح .... فين الشاي :@

الاستاذ محمد :

بخصوص ان الاعلام جزء من النظام الحاكم في مصر دا فعلا حاصل ودا احد اسباب المشكله اللى احنا بنتكلم عليها .......... لكن لنفرض إن حصل تغيير للنظام الحاكم مش عارف هل وقتها هيكون من الممكن تغيير طريقة تفكير كل العاملين في الحقل الاعلامي علشان نعدل الصوره ............ما اظنش والسبب إننا هنكون امام فلسفه وفكره عامه اتكونت على مدار عمر العمل الاعلامي في مصر كله مجرد تغيير نظام الحكم أو حتى الحاكم نفسه مش كافي لتغيير صورة البنت المشوهه في الاعلام المصري ... تحياتي

[لخبطه]

الموضوع دا منشور امبارح في المصري اليوم وله علاقة وثيقة بموضوعنا القديم دا

نص المشاهد الأربعة التي حذفتها الرقابة من مسلسل «القرار» بدعوي الترويج للحجاب والتطرف والحديث عن المعارضة

وكشفت أميرة لـ«المصري اليوم» عن المشاهد المحذوفة في مسلسلها، أول هذه المشاهد يجمع بين «علاء» الذي ينجرف نحو التطرف و«ابتسام» ابني رجل الأعمال «فاروق» -يجسد شخصيته يوسف شعبان- حيث يقول علاء لشقيقته: معرية أهم حاجة شعرك.

ابتسام: آه هو ده بقي اللي مقدرتش عليه.

علاء: مفيش حاجة اسمها مقدرتيش عليها، ده أمر إلهي مفيهوش هزار «وليضربن بخمورهن علي جيوبهن»، يعني لما رئيسك يأمرك بحاجة تعمليها، ولما ربنا يأمرك بحاجة ماترضيش تعمليها، تحبي أوريك الشيخ بيقول إيه علي النساء المتبرجات وإزاي ربنا موش حيدخلهم الجنة.

ابتسام: أرجوك.. ماتخوفنيش أكتر ما أنا خايفة.

علاء: مادام أنت خايفة من عذاب ربنا لازم تغطي شعرك.. ربنا قال في كتابه العزيز «إن كنتم تحبون الله فاتبعوني يحببكم الله».

ابتسام: أنت بتشك في حبي لله والرسول.

علاء: الرسول قال لايؤمن أحدكم إلا كنت أحب عنده من ماله ونفسه.

ابتسام: الرسول أحب عندي من الدنيا ومافيها، فداك نفسي وروحي يارسول الله.

علاء: موش بالكلام.. بطاعة أوامره واتباع سنته.

وتعلق أميرة أبوالفتوح: إن الرقابة اعتبرت ذلك المشهد ترويجاً للحجاب.

اللينك بتاع الجريدة

http://www.almasry-alyoum.com/article.aspx?ArticleID=75666

[لخبطه]

الموضوع دا منشور امبارح في المصري اليوم وله علاقة وثيقة بموضوعنا القديم دا

نص المشاهد الأربعة التي حذفتها الرقابة من مسلسل «القرار» بدعوي الترويج للحجاب والتطرف والحديث عن المعارضة

وكشفت أميرة لـ«المصري اليوم» عن المشاهد المحذوفة في مسلسلها، أول هذه المشاهد يجمع بين «علاء» الذي ينجرف نحو التطرف و«ابتسام» ابني رجل الأعمال «فاروق» -يجسد شخصيت

ه يوسف شعبان- حيث يقول علاء لشقيقته: معرية أهم حاجة شعرك.

ابتسام: آه هو ده بقي اللي مقدرتش عليه.

علاء: مفيش حاجة اسمها مقدرتيش عليها، ده أمر إلهي مفيهوش هزار «وليضربن بخمورهن علي جيوبهن»، يعني لما رئيسك يأمرك بحاجة تعمليها، ولما ربنا يأمرك بحاجة ماترضيش تعمليها، تحبي أوريك الشيخ بيقول إيه علي النساء المتبرجات وإزاي ربنا موش حيدخلهم الجنة.

ابتسام: أرجوك.. ماتخوفنيش أكتر ما أنا خايفة.

علاء: مادام أنت خايفة من عذاب ربنا لازم تغطي شعرك.. ربنا قال في كتابه العزيز «إن كنتم تحبون الله فاتبعوني يحببكم الله».

ابتسام: أنت بتشك في حبي لله والرسول.

علاء: الرسول قال لايؤمن أحدكم إلا كنت أحب عنده من ماله ونفسه.

ابتسام: الرسول أحب عندي من الدنيا ومافيها، فداك نفسي وروحي يارسول الله.

علاء: موش بالكلام.. بطاعة أوامره واتباع سنته.

وتعلق أميرة أبوالفتوح: إن الرقابة اعتبرت ذلك المشهد ترويجاً للحجاب.

اللينك بتاع الجريدة

http://www.almasry-alyoum.com/article.aspx?ArticleID=75666

تم تعديل 13 سبتمبر 2007 بواسطة لخبطه

[شاب مصري]

دي الصورة اللى وقع عليها الاختيار من قبل جريدة الاهرام لتعبر عن شباب أو لنقل تحديداً فتيات مصر لما حبوا يحطوا صوره تعبر عن الفتاة المصرية حطوا بنت متبرجه في الواجهه باسمه مستشرقه وحطوا المحجبة صف تاني في صورة باهته تعبر عن الصورة العامة للبنت المحجبة في المجتمع المصري

قد إيه الصور دي معبرة عن حاجات كتير

بصراحه أول ما اشوفتها أثارت في نفسي شجون دائمه وافكار قديمه وتساؤلات مش لاقي لها اجابه لدلوقتى

الشجون عن صورة الحجاب في الاعلام المصري ؟؟؟؟؟؟؟؟؟؟؟

علامة استفهام كبيره بداية من التلفزيون ومروراً بالسينما وكذلك وسائل الاعلام المقرؤة ، من زمان وانا ملاحظ واكيد كلكم ملاحظين ان التلفزيون عايز يقول ان النموذج العادي للنبت المصريه انها مش محجبه وان الاساس هو البنت الكاشفة وشها وشعرها وجزء من جسدها وانها هي دي البنت الناجحة والمتفهمه والباره وكل حاجه حلوه ، الخطاب الاعلامي كله بيرسخ دا في نفوسنا ونفوس ابناءنا ..

كنت بموت غيظ لما اشوف 10 مسلسلات في رمضان كلها مافيهاش بنت واحده محجبه طيب ليه الصورة المغلوطه دي عن المجتمع المصري

حتى لما جه واحد محترم زي محمد صبحي يعمل نموذج لعائله مصريه معتدله وناجحه بعد تماما عن انه يجيب أي عنصر نسائي محجب ودا زعلنى منه اوي ولو انه معذور لأنه اكيد ماشى مع الخطاب العام للدولة وللإعلام

أيه رايكم هل انا مبالغ في الفكره دي علشاني ريفي وبشوف ان السفور هو الاستثناء والحجاب هو الاصل

أم ان الموضوع فعلا كدا ؟ ولو كان طيب مين اللى بينسق بين الناس دي كلها علشان تطلع البنت المصريه بالشكل دا في الاعلام

انت صح .