الازدواجيه فينا

[نانو]

امبارح اسمج70 كان بيتكلم عن موضوع بخصوص الشخصيات المصريه الاكثر طلبا علي جوجل

و كان الترتيب الاول لعمرو خالد و يليه عمرو دياب

وكان تعليقي عليه ان غالبا النسبه قريبه جدا لان الشباب اللي فتحوا ودوروا علي عمرو دياب هما هما اللي دوروا علي عمرو خالد

و من هنا جه في تفكيري ان احنا نبحث مع بعض ظاهره الازدواجيه فينا

خلينا نقف شويه من انفسنا ونفكر ايه اللي وصلنا لكده؟ و هل احنا صح ولا غلط؟ و هل برضه وضعنا ده احسن؟ ولا كنا قبل كده احسن ؟

انا هاحاول اتكلم شويه عن جيلي و كل واحد فينا يعبر بطريقته عن الازدواجيه اللي بعيشها و لو حد مقتنع برضه يقول رايه

و ياريت الاكبر مننا يشاركونا برايهم فينا و في نفسهم

ببساطه احنا جيل نشانا علي صوت حميد الشاعري ومحمد منير و افلام ناديه الجندي و نور الشريف و تمثيليات بابا عبدو و ليله القبض علي فاطمه

و علي برنامج ديني لمده خمس دقايق قبل الاخبار اسمه حديث الروح و الحقيقه هو كان حديث يطلع الروح من الطريقه الممله في الالقاء ...نشانا ان الدين مش داخل في المجموع... و مدرسه العربي بتاعتنا بتبقي دايما تعبانه في حصه الدين و بتريح شويه

احنا جيل نشانا عطشانين لمعرفه ديننا واصوله ما كانش عندنا الوسائل الطبيعيه الكافيه اللي تمدنا بالمعلومات الصحيحه

و من هنا كان عمرو خالد وامثاله طوق النجاه بالنسبه لنا

الدين السلس السهل اللي مش بيحتاج لمجهود كبير ...بيحتاج شويه اضافات و شويه حذف بسيط

والنتيجه الازدواجيه

انا بحب اسمع الاغاني ..و بحب القران بصوت الشيوخ اللي في سننا زي احمد العجمي ....محمد جبريل

بحب اتفرج علي الافلام في السينيما ....لكن لازم اختار معاد اللي ما يضيعش عليا معاد الصلاه او تكون سينيما في مول فيه مكان للصلاه

انا محجبه لكن مش بالبس عبايه سوده ولا نقاب

باشوف قناه ارتي سينيما في السهره مع جوزي و بحب برضه اتفرج علي قناه الناس و اقرأ

انا باحب اخرج مع اصحابي و اورح اماكن فيها فسح و ترفيه من غير ما اقصر في بيتي و زوجي واولادي و هو موافق

بحب الحياه لكن قبلها بحب ربنا

انا مش عارفه انا صح ولا غلط

فيه شيوخ بيقولوا ده فسق و انا برد و اطيب خاطر نفسي كده واقول ....دول متطرفين

و فيه شيوخ بيقولوا هو ده قمه التدين والاعتدال...و انا بيني وبين ونفسي بقول هو كلامهم ده صحيح ؟؟؟ ولا دول هيودونا في داهيه...

لكن في الاخر باقول

الفتوي يتحمل وزرها ان كانت خطا من قالها و ليس من عمل بها

هيا ديه افعلا ازدواجيه و لا انا غلط؟

و الجيل الاكبر مننا بيشوفونا ازاي ؟؟

و هم نفسهم بيعانوا من جزء من الازدواجيه ديه و لهم حل سحري ووصفه جهنميه تطلعنا من اللي احنا عايشين فيه؟

[nancy]

نانو انا معاكى خير الامور الوسط

اعمل لدنياك كانك تعيش ابدا واعمل لاخرتك كانك تموت غدا

احنا بنعيش الدنيا ايوة بس من خلال ما يرضى الله

انت كدة صح ... لانى باعمل زيك كدة بالظبط :unsure:

استمرى يا نانو ربنا رب قلوب وحندخل الجنة ان شاء الله برحمتة قبل اعمالنا :blush:

[nash]

نانو ...كنت عايزة أرد عليكي...بس ليس الأن...فأنا مقصرة جدا ..ولا أستطيع أن أقول ما يجول بخاطري..لإنني ساعتها سيتم الحكم علي..إما أنني مجنونه...أو مجنونه...أو في أسوأ الظروف منافقه.....وربي يعلم مافي قلبي

تم تعديل 3 يناير 2007 بواسطة nash

[darker19]

موضوع فعلا مهم يا نانو ومنتشر بطريقة غريبه بس ما بناخدش بالنا - أو يمكن بنبقى خايفين نواجه نفسنا بالحقيقة لأنها حاجة صعبه ان الواحد يحكم على نفسه بالإزدواجيه....

احنا جيل نشانا عطشانين لمعرفه ديننا واصوله ما كانش عندنا الوسائل الطبيعيه الكافيه اللي تمدنا بالمعلومات الصحيحه

و من هنا كان عمرو خالد وامثاله طوق النجاه بالنسبه لنا

الدين السلس السهل اللي مش بيحتاج لمجهود كبير ...بيحتاج شويه اضافات و شويه حذف بسيط

والنتيجه الازدواجيه

انا بحب اسمع الاغاني ..و بحب القران بصوت الشيوخ اللي في سننا زي احمد العجمي ....محمد جبريل

مسألة التدين و عدم التدين دي من أكتر الحاجات الي بتتعبني, أنا بصراحة واحد من الناس الي صلاتهم كانت متقطعة - بس الحمد لله دلوقتي مواظب عليها وبدعي ربنا اني أستمر على كده- بس لما أصلي وأسمع قرآن وفي نفس الوقت أسمع أغاني بحس اني منافق, بحس اني باتبع جزء من ديني وبعارض جزء تاني مش لاقيلها تفسير تاني غير نفاق....

ومع ذلك ساعات بنجح وساعات بضعف

انا محجبه لكن مش بالبس عبايه سوده ولا نقاب

باشوف قناه ارتي سينيما في السهره مع جوزي و بحب برضه اتفرج علي قناه الناس و اقرأ

انا باحب اخرج مع اصحابي و اورح اماكن فيها فسح و ترفيه من غير ما اقصر في بيتي و زوجي واولادي و هو موافق

بحب الحياه لكن قبلها بحب ربنا

بيتهيألي ان الوسطيه حلوة ومش لازم الواحد يكون متشدد - بس برضه الإنسان لازم يكون فاهم ان الحياة الدنيا ما هيا الا محطه مؤقتة في مره سمعت في محاضرة من محاضرات عمرو خالد حاجة عمرو ما تخيلتها أو جت في بالي - ان الإنسان حياته الدنيا بالكتير هاتوصل لكام 100 سنة مثلا لكن حياته في الأخره هتكون مخلده يبقى مش حرام ان واحد يضيع الحياه المخلده عشان 100 سنه.

وعشان كده بقلك الوسطيه حلوة بس لازم الإنسان يكون عايش عشان الإسلام.... يمكن يكون كلامي صعب تنفيذه بس مش مستحيل وأتمنى اني أوصل للمرحلة دي...

هيا ديه افعلا ازدواجيه و لا انا غلط؟

أنا شايف انها ازدواجيه, بس مش من النوع الخطر...

لأنك حسيت إنها إزدواجيه - المشكلة في الناس الي مش حاسيين ولا عايزين يحسوا- المشكله في الي بيصلوا ويخلصوا الصلاة ويقوموا يشتموا أو ينموا أو ممكن حتى يسرقوا...

المصيبه في الي بيقولوا ان الحشيش مش حرام و يستدلوا على كده بإنه مفيش نص صريح في القرآن ولما تقوليلهم آيات تحريم الخمر يقولك ده مش من الخمور دي مخدرات...

الكارثه في البنت الي بتنزل من بيتها لابسه حجاب وجيبا مفتوحة فتحة نص متر أو بنطلون ملزق وبدي وأهلها ولا يكلموها...

لما شباب وبنات طالعين حافظين أسماء المغنين بألبوماتهم وحافظينها ظهرا عن قلب ويمكن حافظين كمان أسماء الملحنين و الشعراء بس لو جبتي واحد منهم وقولتيله اذكرلي أسماء العشرة المبشرين بالجنه أو أسماء زوجات الرسول صلى الله عليه وسلم أو حتى اسم سيدنا محمد كامل هابلم و مش هايعرف يرد, وممكن بتهمك بإنك ارهابيه عشان بتهتمي بالكلام ده...

الطامه الكبرى انها مشكلة مجتمع مصاب بالإزدواجية ممكن يكونوا الأهل متدينين بس مش مربيين ولادهم على الدين...

ويطلع الجيل الجديد معظمه مسلم بس مسلم على البطاقة الشخصية فقط...

على فكره أنا مقتنع بكل الي قلته بس ما بقدرش أنفذه كله عشان كده أنا برضه مصاب بالإزدواجيه دي وأتمنى إني أتخلص منها (هوا الواحد كان ناقص طلعتلنا من الإزدواجية دي)

[إبن مصر]

أخوتى الاحباء..

هذا الموضوع ان دل على شىء فيدل على نبل وأصاله معدنكم.. سواء من فكر فى الموضوع أو من تجاوب معه..فما الذى يدعو الى هذا الحوار الا من اراد ان يرضى ربه ويخاف ان يرضى نفسه فقط.. اذا لديه قلب يحب الله فابشروا..

هناك نقطه مهمه للغايه لابد أن نتوقف أمامها كثيرا وهو مفهوم العقيده والالتزام والفرق بينه وبين التساهل..

لم يأتى الدين كى يلغيك عن حياتك الدنيا ولم يتوقف الدين عند حقبه زمنيه معينه لا يتعداها.. بل هو دين لكل العصور..

لذا كان الالتزام الدينى هو مقياس نسبى يتغير بتغير الاجيال..

فما كان اساتذتنا يعدونه تساهلا فى الماضى أصبح اليوم التزاما وتشديدا..

المقياس هنا هو الاوامر والنواهى الصريحه بالدين والتى نحن مطالبوون بالالتزام بها..

وهناك من اجاز وهناك من منع..

وما الفتوى الا نتيجه انعدام نص شرعى واضح لمساله ما .. فيأخذ المجتهد بأسباب العلم والاجتهاد ليخرج برأى يكون رأيه الذى يحمل وزره.. ولكن لنا أن نأخذ أو لا ناخذ به الا فيما يخص العقائد والعبادات.. وهذه اكملها الحبيب وتواترت الينا..

ما أقصده أن ابن حزم مثلا أحل الغناء.. وقاس الاخرون من ائمتنا واساتذتنا على المبدا الشرعى ان كل ما شغل عن ذكر الله فهو حرام .. وحرموا المعازف... وكل ساق ادلته.. لك أن تأخذ بما تريد.. اما ابن حزم أو ابن حنبل..

هذا هو الخيط الفريع الذى يخشى المتطرف ان يثار فى النقاش فدائما يبدأ بان الدين دين اتباع لا ابتداع.. ولكنه يضيف ما يراه من فتوى تقبل الاخذ والرد الى الاتباع...

اخوتى وابنائى..

ابدأوا بالخمس .. الثوابت..

جددوا شهادتكم..

صلوا..

وصوموا..

وزكوا ..

وحجوا ان استطعتم..البراءه نسبيه والانحراف نسبى

الا ما وضح وظهر..

مكنوا الايمان من القلوب ثم طالبوا الجوارح بان تتبعه..

ولا تنسوا ان العادات والتقاليد ينظر اليها فى بعض الاحيان بنفس قوه اوامر ونواهى الدين..

وتذكروا انتم شهداء على انفسكم..

[inas]

يا تري دي غلطة مينن غلطة المفتين ولا غلطتنا

واحنا الي مش عرفيين ولا محددين بس النفس البشريه بتوجه الواحد للفعل الصحيح

انا زيك وزي كتير بحب اتفرج على اقرأ و الناس والمجد واحب اسمع مشاري العفاسي و عمرو خالد ووجدي غنيم وكتير من المشايخ

والحمد لله احنا فرصتنا دلوقت احسن بكتير وفرصة اولادنال احسن في انهم يتنورو ويتشربو بتعاليم دينهم عن زمان

مكنش في كل الوسائل المتاحه حاليا فالراديو والتلفزيون والنت منهم تقدري تدوري وتعرفي عن دينك ولو عيزا فتوى فالنت مليان وبرامج التلفزيون كذلك لكن زمان كان الموضوع صعب وكان محدد في يوم الجمعه مع الشيخ شعراوي و رمضان قبل الفطار برضو مع الشيخ شعراوي وحديث الروح زي مقولتي

بس الواحد بيعمل الي يقدر عليه والي شيفو صح انا الحمد لله شيفا اني بحاول ارضي ربي الحمد لله بشتى الطرق مهما كانت محاولاتي ضئيله بس الحمد

لله بتقي الله في اهلي وزوجي وبيتي واولادي اغض البصر البس حجاب عادي مش نقاب ولا خمار بس محبش اكون منافقه يعني البس ضيق ولا قصير او شفاف وده الغريب ولاحظتو كتير المحجبات طالعين في موضة جيبه قصيره عليها بوت والركبه بينا من بنهم والقصه طالعه والاسم حجاب

اه بسمع اغاني بس معدش زي زمان مع مرور الزمن الواحد بيوصل للنضج الفكري على ما اظن والاغاني دي بتكون مرحله زي روايات وميكي

بيتهيالي القلب هو محل الايمان وطالما انت في قرارة نفسك حاسس انك بتعمل ما امر الله وتبتعد عن نواهييه وبتزكي وتصوم وتصلي وتعطف على المسكين وتمسح على راس يتيم وتبر والديك فباقي الحجات بسيطه اننا نجتنبها بلاش اغنيه فيها عري بلاش مشهد وحش في فيلم نغير القناه انا بعمل كده وباربي كده في ابني ان الحجات دي متبقاش عادي يعني زي مالافلام عيزه تفرض علينا هي والاغاني نفسها

لو اعدت اتكلم مش هخلص بس ربنا يهدي الجميع ويبعدنا عن كل حرام والحمد لله على النعم الي احنا فيها

[bentmasria]

نانو

انت حقا شخصية شفافة ومقنعة

اتعلمين اننا احيانا ما نصدق زيفنا اللحظى ونعيشه ثم نعود تماما كما كنا قبل دقائق

سيدتى الجميلة الروح والقلب

هل عندما تشاهدين مرآتك تقابلين نفس ملامحك القديمة بأمانة ام تجدين شيئا ما وان يكن صغير جدا لا تلحظه سوى عيناك مختلف تماما وتشعرين بالتوتر لان هذا الشخص الذى يضىء وجه المرايا لا يشبه ذاك الذى عاشرته وحفظتِ ملامحه عشرات السنين من قبل

ككائن حى نحن يجب ان نلتمس لانفسنا بعض العذر وان نكون الشهداء عليها كما قال الفاضل احمد وكذلك داركر والمسألة هنا ليست بشكل احد الازياء التى يجب اولا ان تتسم بالحشمة والوقار وديننا الرائع القويم سمح لمن عصى وغفر لمن تاب واصلح ووجهنا لكون الايمان درجات نرتقيها بقدر اجتهادنا واكد لنا اننا كلنا مشمولون برحمة الله تعالى وهذه ليست دعوة للتقصير بالعكس هى دعوة للاجتهاد والتنافس والسعى نحو الافضل دائما ونفس المنهاج يمكن ان يستخدم فى قيادة امور حياتنا فحتى لو تمكن احدنا من الالتزام بعدم سماع هذا او ذاك والسعى فى اتجاه الالتزام الدينى الكامل والصحيح سنجد اطفالنا النشء بدون وعى منهم يتأثرون بم يرونه من حولهم من كليب واصوات وسلوكيات ومهما حاولنا غرس الطيب فيهم ستأتيهم لحظة اختيار دنت او بعدت ليقرروا ان يكونوا اصحاب هوية مستقلة او هوية تابعة لتيار ما حتى ولو كان تيار حلاقة البانك

والفكرة هى كيف نشأوا وكيف نشأنا هل ازدواجية الاشياء حولنا اثرت فينا سلبا ام ثبتت هويتنا المحددة سابقا بعوامل النشأة والبيئة والظروف والعرف والتقليد

اميل للتصديق بسلامة البنية والهوية ووجود الشاذ والمزعج بنسبة بسيطة فمهما جرف ابناؤنا تيار التغيير سيردهم مد النشأة آمنين بفضل الله تعالى ومن هنا اعود لاصل الحكاية المطروحة

نحن نتأثر ربما ونشعر بالازدواجية احيانا لكننا نميز هذا الاحساس بصدق متأصل فينا بل ونجرؤ ان نكتب عنه ونناقشه بصدق وحياد الا يدل هذا على نقاء السرائر وصدق النوايا يبقى فقط بعض الجهد والمثابرة لينحسر هذا الظل الذى نتمنى احيانا الا يرافقنا

اعاننا الله على شرور انفسنا ووقانا شر مآسيها

شكرا عزيزتى على الطرح الحكيم الصادق

[عازفه على أوتار الذهب]

ايه كل الردود دي انا كنت برد عليكي وحصل سطو على جهازي :unsure:

المهم يا نانو...

انا اتولدت في السعوديه وعشت فيها اكتر سنين عمري..

درست هناك جميع المواد الدينيه يعني...

حفظ قرآن...وتفسير...وحديث...وفقه..وغيرها

من خلال دراستي للدين ذقت حلاوة الايمان بجد..

كنت بصلي وانا حاسه فعلآ بمعنى كل حركه في الصلاه كل حاجه فحياتي

كانت صح مع العلم اني مكنتش محجبه وكنت بآجي مصر من غير الحجاب

بدخل سينما بأسمع أغاني..وبتفرج على التليفزيون..

وده ممكن تقولوا عنه اكبر نوع من الازدواجيه لكن والله كان قلبي مع الله جدآ..

ومكنتش حاسه بالازدواجيه قد ما انا حساها دلوقت..ومكنش جوايا ملخبط..

لما فكرت آجي ادرس في مصر..للأسف...

اتفاجأت بكتاب كام صفحه اسمه الدين..شفته اول السنه وانا بأستلمه بس...

ودي فحد ذاتها مصيبه...فين الدين بقيت هتجنن..بقى أهم أساس فحياتنا يرخص كده

وحتى سنة تخرجي من الكليه لم ارى كتاب دين يدرس بالشكل اللي كنت بدرس بيه الدين...

وللأسف كمان اختلاف الشيوخ الافاضل كل واحد برأي ده خلاني معنديش ثقه فكلامهم

حتى عمرو خالد لما بدأ يغير حاجه شفنا كم الهجوم..

وبدأت عندي الازدواجيه.. كل المفاهيم اتلخبطت...

انا دلوقت..محجبه.. مابروحش سينما غير كل فين وفين.. مبسمعش اغاني اصلآ..

ومع كل ده مش حاسه اني زي الأول وحاسه اني بعدت و قصرت وده معذبني..

يمكن عشان الدين كان حاجه جديده عليا وكنت صغيره ودلوقتي اتعودت؟؟....

الفكره مش فالازدواجيه الفكره في انت رايح فين وهل انت بتعمل ده

وربنا فقلبك وفكل خطوه بتخطيها وبتخاف منه وفاكره ولا لأ..

لو ده موجود الايمان بالله هيفضل في قلوبنا...

انا بخاف قوي لما بأسمع آيه(من يهده الله فلا مضل له ومن يضلل فلا هادي له)

ربنا يتوب علينا جميعآ ويحسن خاتمتنا يارب...

نانو انت طلعتي حاجات كان مستحيل تتطلع لحد..ايه اللي انت عملتيه ده.. :angry:

كفايه كده..بس الحمد لله فضفضت عن اكتر حاجه مضايقاني فحياتي..

ميرسي يانون.. :blush: :angry: :angry:

[أبو محمد]

الإبنة العزيزة / نانو ...

وصفتك الأخت bentmasria بأنك شخصية شفافة

وقال الأستاذ / أحمد محمود إن موضوعك يدل على نبل الأخلاق

وهذا وصف جميل تستحقينه .. ولكن اسمحى لى أن أزيد عليه أنك ومن حذا حذوك من الأخوة المشاركين تمتلكون نفسا أقسم الله بها وهى " النفس اللوامة " .. هذه النفس هى حارس المؤمنين .. وأنا أغبط كل من وهبها الله له ..

كل شئ فى هذه الدنيا كالعملة .. ذو وجهين .. وما ترينه من أنواع الفنون هو كأى قول أو عمل .. حسنه حسن وقبيحه قبيح .. وبما تتمتعين به من نفس لوامة تستطيعين أن تتركى القبيح إلى الحسن

إسمحى لى أن أنقل لك الفقرة الآتية عن الغناء من كتاب عظيم لشيخ جليل .. الكتاب هو " السنة النبوية الشريفة بين أهل الفقه وأهل الحديث " ومؤلفه هو الشيخ محمد الغزالى عليه رحمة الله :

قال ابن حزم عن تحريم الغناء: «لا يصح في هذا الباب شيء أبدا، وكل ما ورد فيه موضوع، والله لو أسند جميعه أو واحد منه عن طريق الثقات الى رسول الله ـ صلى الله عليه وسلم ـ ما ترددنا في الأخذ به.

ثم نظر ابن حزم في الآية الكريمة: «ومن الناس من يشتري لهوالحديث ليضل عن سبيل الله..»

فنفى أن تكون في الغناء وقال: إن نصفها يشرح المراد منها، فإن من يريد الإضلال عن سبيل الله واتخاذها هزوا كافر بإجماع المسلمين.

قال: ولو أن امرءا اشترى مصحفا ليضل عن سبيل الله لكان كافرا..!

إن الله ما ذم قط من روح عن نفسه بشيء من اللهو ليعينه على الكثير من الجد، وإنما الأعمال بالبينات ولا حرج على مسلم أن ينظر في بستان متنزها، أو يتنقل هنا وهناك متفرجا ليريح طبعه المكدود..

والحق أن الغناء كلام، حسنه حسن وقبيحه قبيح! هناك أغان آثمة، تلقى في ليال ظالمة مظلمة وإن كثرت فيها الأضواء، لا تسمع فيها إلا صراخ الغرائز أو فحيح الرغبات الحرام..

وهناك أغان سليمة الأداء شريفة المعنى قد تكون عاطفية وقد تكون دينية وقد تكون عسكرية تتجاوب النفوس معها، وتمضي مع ألحانها الى أهداف عالية...

إننى لا أرى فى التمتع بما خلق الله وبما أنعم علىّ به من أنعُمه الكثيرة أى ازدواجية أو تعارض مع تعاليم دينى ..

بسم الله الرحمن الرحيم

"وَسَخَّرَ لَكُم مَّا فِي السَّمَاوَاتِ وَمَا فِي الْأَرْضِ جَمِيعًا مِّنْهُ إِنَّ فِي ذَلِكَ لَآيَاتٍ لَّقَوْمٍ يَتَفَكَّرُونَ" (الجاثية : 13)

"هُوَ الَّذِي خَلَقَ لَكُم مَّا فِي الأَرْضِ جَمِيعاً ثُمَّ اسْتَوَى إِلَى السَّمَاء فَسَوَّاهُنَّ سَبْعَ سَمَاوَاتٍ وَهُوَ بِكُلِّ شَيْءٍ عَلِيمٌ (البقرة : 29)

لا أرى أى ازدواجية طالما أن أعمالنا تمر على فلتر النفس اللوامة التى تسعى بنا إلى الإحسان فى القول والعمل .. وهى لا تزال كذلك حتى ترتقى إلى مرتبة " النفس المطمئنة " .. والله يعلم ما فى نفوسنا .. وإنما الأعمال بالنيات ..

بسم الله الرحمن الرحيم

" وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاؤُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى * الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ الْأَرْضِ وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى "

وقد اختلف المفسرون فى معنى اللمم وإن كان أكثرهم على أنه ما دون الزنا . وقد جاء فى تفسير بن كثير :

قال الإمام أحمد (2/276) حدثنا عبد الرزاق أخبرنا معمر بن أرطاة عن بن طاوس عن أبيه عن ابن عباس قال ما رأيت شيئا أشبه باللمم مما قال أبو هريرة عن النبى صلى الله عليه وسلم قال : إن الله تعالى كتب على ابن آدم حظه من الزنا أدرك ذلك لا محالة ، فزنا العين النظر وزنا اللسان النطق والنفس تمنى وتشتهى والفرج يصدق ذلك أو يكذبه .. أخرجاه فى الصحيحين

أرجو أن تعذرونى إذ اتجهت مداخلتى وجهة دينية ، فأنا أظن أن شعورنا بالازدواجية نابع من ضميرنا المتدين الذى يحيطنا بسياج يحمينا من الشرور والمعاصى .. وقاكم الله وإيانا منها

[MZohairy]

الإبنة العزيزة / نانو ...

وصفتك الأخت bentmasria بأنك شخصية شفافة

وقال الأستاذ / أحمد محمود إن موضوعك يدل على نبل الأخلاق

وهذا وصف جميل تستحقينه .. ولكن اسمحى لى أن أزيد عليه أنك ومن حذا حذوك من الأخوة المشاركين تمتلكون نفسا أقسم الله بها وهى " النفس اللوامة " .. هذه النفس هى حارس المؤمنين .. وأنا أغبط كل من وهبها الله له ..

كل شئ فى هذه الدنيا كالعملة .. ذو وجهين .. وما ترينه من أنواع الفنون هو كأى قول أو عمل .. حسنه حسن وقبيحه قبيح .. وبما تتمتعين به من نفس لوامة تستطيعين أن تتركى القبيح إلى الحسن

إسمحى لى أن أنقل لك الفقرة الآتية عن الغناء من كتاب عظيم لشيخ جليل .. الكتاب هو " السنة النبوية الشريفة بين أهل الفقه وأهل الحديث " ومؤلفه هو الشيخ محمد الغزالى عليه رحمة الله :

قال ابن حزم عن تحريم الغناء: «لا يصح في هذا الباب شيء أبدا، وكل ما ورد فيه موضوع، والله لو أسند جميعه أو واحد منه عن طريق الثقات الى رسول الله ـ صلى الله عليه وسلم ـ ما ترددنا في الأخذ به.

ثم نظر ابن حزم في الآية الكريمة: «ومن الناس من يشتري لهوالحديث ليضل عن سبيل الله..»

فنفى أن تكون في الغناء وقال: إن نصفها يشرح المراد منها، فإن من يريد الإضلال عن سبيل الله واتخاذها هزوا كافر بإجماع المسلمين.

قال: ولو أن امرءا اشترى مصحفا ليضل عن سبيل الله لكان كافرا..!

إن الله ما ذم قط من روح عن نفسه بشيء من اللهو ليعينه على الكثير من الجد، وإنما الأعمال بالبينات ولا حرج على مسلم أن ينظر في بستان متنزها، أو يتنقل هنا وهناك متفرجا ليريح طبعه المكدود..

والحق أن الغناء كلام، حسنه حسن وقبيحه قبيح! هناك أغان آثمة، تلقى في ليال ظالمة مظلمة وإن كثرت فيها الأضواء، لا تسمع فيها إلا صراخ الغرائز أو فحيح الرغبات الحرام..

وهناك أغان سليمة الأداء شريفة المعنى قد تكون عاطفية وقد تكون دينية وقد تكون عسكرية تتجاوب النفوس معها، وتمضي مع ألحانها الى أهداف عالية...

إننى لا أرى فى التمتع بما خلق الله وبما أنعم علىّ به من أنعُمه الكثيرة أى ازدواجية أو تعارض مع تعاليم دينى ..

بسم الله الرحمن الرحيم

"وَسَخَّرَ لَكُم مَّا فِي السَّمَاوَاتِ وَمَا فِي الْأَرْضِ جَمِيعًا مِّنْهُ إِنَّ فِي ذَلِكَ لَآيَاتٍ لَّقَوْمٍ يَتَفَكَّرُونَ" (الجاثية : 13)

"هُوَ الَّذِي خَلَقَ لَكُم مَّا فِي الأَرْضِ جَمِيعاً ثُمَّ اسْتَوَى إِلَى السَّمَاء فَسَوَّاهُنَّ سَبْعَ سَمَاوَاتٍ وَهُوَ بِكُلِّ شَيْءٍ عَلِيمٌ (البقرة : 29)

لا أرى أى ازدواجية طالما أن أعمالنا تمر على فلتر النفس اللوامة التى تسعى بنا إلى الإحسان فى القول والعمل .. وهى لا تزال كذلك حتى ترتقى إلى مرتبة " النفس المطمئنة " .. والله يعلم ما فى نفوسنا .. وإنما الأعمال بالنيات ..

بسم الله الرحمن الرحيم

" وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاؤُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى * الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ الْأَرْضِ وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى "

وقد اختلف المفسرون فى معنى اللمم وإن كان أكثرهم على أنه ما دون الزنا . وقد جاء فى تفسير بن كثير :

قال الإمام أحمد (2/276) حدثنا عبد الرزاق أخبرنا معمر بن أرطاة عن بن طاوس عن أبيه عن ابن عباس قال ما رأيت شيئا أشبه باللمم مما قال أبو هريرة عن النبى صلى الله عليه وسلم قال : إن الله تعالى كتب على ابن آدم حظه من الزنا أدرك ذلك لا محالة ، فزنا العين النظر وزنا اللسان النطق والنفس تمنى وتشتهى والفرج يصدق ذلك أو يكذبه .. أخرجاه فى الصحيحين

أرجو أن تعذرونى إذ اتجهت مداخلتى وجهة دينية ، فأنا أظن أن شعورنا بالازدواجية نابع من ضميرنا المتدين الذى يحيطنا بسياج يحمينا من الشرور والمعاصى .. وقاكم الله وإيانا منها

والله يابو محمد انا و غيري كتبنا حوالي 10 جرايد في هذا الموضوع (حكاية ان الموسيقى والغناء حلالهم حلال و حرامهم حرام ) و مفيش فايده

بنوصل في الآخر الى رأي بيحرم مستندا على آراء الشيوخ و خصوصا الوهابيين و السلفيين

والرأي الآخر اللي تفضلت انت بطرحه

ولم يلتقي الطرفان ابدا

و لن يلتقيا على ما أعتقد

[Folana]

السلام عليكم ورحمة الله ....

ابنتى العزيزة نانو ... :unsure:

الأمور التى تتحدثين عنها لا أعتبرها من وجهة نظرى ازدواجية.بالمعنى المتعارف عليه..

فى اعتقادى ان الازدواجية تتلخص فى " مبادىء عالية وممارسات دُنيا"..أو "اقتراحات مبهجة واعمال تعسه.."..وهى عالم من المتاهة والضياع والتذبذب.

.كأن يقضى الانسان ساعات نهاره فى دور العبادة يتلقى العلم ويعظ ويستنكر انحطاط المجتمع من حوله...وعلى النقيض نجده يقضى ليله فى ارتكاب المعاصى التى ينهى عنها نهارا..

وهو يتلذذ فى كلا الحالتين ..مقتنع بما يفعله ...

انسان كاره للمجتمع وساخط عليه وفى النفس الوقت يمد له يده ويلجأ دائما لاثبات ذاته من خلال هذا المجتمع..

تناقض فى السلوك...تناقض فى الافكار...تناقض فى دوره الاجتماعى عادة ما يلجأ الى خداع الذات وخداع الآخرين

أما ما تتحدثين عنه فهو يمثل طبيعة التطور التى ترغم الانسان على التكييف تجاه معطيات الحياة المستحدثة..والاندماج الصحى فى المجتمع...

فان طرأ على سلوكك تغيير ..فان هذا لا يعتبر ظاهرة مرضية أو ازدواجية تصل الى الطعن فى السلوك والضمير..

فالأصل هو الجوهر..والجوهر فى الانسان هو انسانيته المجردة عن التصنع والنفاق والجدل...

فنحن نخطىء..ونصحح أخطائنا...والانسان السوى يستفيد من أخطائه لانه يسقطها من حسابه ويبعدها عن سلوكه ترقبا للتخلص من اى أخطاء جديدة قد يكتشفها..

استمتعى بحياتك فى حدود ما يسمح به ضميرك ودينك ومبادئك..بمعنى " لا افراط ولا تفريط"...

[أبو محمد]

Mzohairy كتب :

والله يابو محمد انا و غيري كتبنا حوالي 10 جرايد في هذا الموضوع (حكاية ان الموسيقى والغناء حلالهم حلال و حرامهم حرام ) و مفيش فايده

بنوصل في الآخر الى رأي بيحرم مستندا على آراء الشيوخ و خصوصا الوهابيين و السلفيين

والرأي الآخر اللي تفضلت انت بطرحه

ولم يلتقي الطرفان ابدا

و لن يلتقيا على ما أعتقد

أعاننا الله على ما نحن فيه ياعزيزى الفنان ..

فنحن واقعون بين مطرقة تطرف المنحلين الفجرة وسندان تطرف الذين يدّعون وصايتهم على عامة المؤمنين

[otaka]

دعونى اكون اكثر نقدا للذات

فنحن نعيش فى مجتمع اصطلح على ان يقول عكس ما يفعل

و ينقل و لا يفهم لدرجه انه اصبح مجتمع نمطى خال من الابداع

و حينما اقول ابداع فلا اقصد الفن و لكن خال من الابداع حتى فى حل مشاكله

و هذا الكلام يجاوب على موضوع كيف انتهت الانجازات من عالمنا

ببساطه نحن اول من طبق الاستنتساخ يجب ان يكون الولد كابيه

مش مهم اى حاجه المهم الشهاده

كل الناس شبه بعض بيفكروا بنفس الطريقه بيعملوا كل حاجه زى بعض فلا مجال للاختلاف و الاختلاف عندنا نوعان اختلاف انحلالى و اختلاف انعزالى و كلاهما زاد بشده فى الفتره الاخيره و كلاهما علامه على رفض الواقع

ما لفت نظرى فى موضوع الازدواجيه هو ان الناس اصبحوا يسموون الاشياء على هواهم

فالجشع و الطمع اصبح شطاره و فهلوه

الرشوه بقت هديه

الشعوذه الد ينيه بقت فى اطار الدعوه

حاله من فوضى المصطلحات غريبه جدا

اما موضوع الموسيقى و ما شابه فانا شايف انه موضوع مهم و لكن فى نفس الوقت مش الاهم فالازدواجيه فى اشياء اخرى اكثر ضررا و اشد خطوره

تم تعديل 4 يناير 2007 بواسطة otaka

[نانو]

اخواتي الاحباء

الحقيقه انا ما تتدخلتش في الموضوع من اول ما فتحته لاني محتاجه اسمع و مش اناقش

محتاجه اسمع من اخواتي من يشعرون بمثل ما اشعر و اسمع بمن لديهم من الراي والخبره ما يريحنا في هذه التساؤلات

نانسي

الله عليكي انا حاساكي مستريحه و ده في حد ذاته شئ جميل ومريح

ناش

ما تخافيش معقوله ....مجنونه :unsure: انتي مجنونه -_- مين اللي يقدر يقول كده ..اكتبي بس انتي ومالكيش دعوه :D

دراكر

بس لما أصلي وأسمع قرآن وفي نفس الوقت أسمع أغاني بحس اني منافق, بحس اني باتبع جزء من ديني وبعارض جزء تاني مش لاقيلها تفسير تاني غير نفاق....

بيتهئلي مش لدرجه نفاق لسبب انك لما بتسمع القران اعتقد انك بتحس بيه بقلبك وبتسمع بعقلك وقلبك مش بس بودانك و برضه لما بتسمع الاغاني في منها بياثر فيك وتحس بيه يمكن علشان كده انا اخترت كلمه ازدواجيه لان فيه احاسيس متضاربه و صحيحه في الاتجاهين

غير كده كلامنا كله واحد وفكرنا كله واحد ...سعيده بمشاركتك :D

ايناس

برضه انا سعيده بيكي اوي و بثقتك في اللي بتعمليه ..نفسي اوصل لمرحله الثقه ديه.

عازفه علي اوتار الذهب

مبسوطه اوي انك فضفضتي -_- و اخدتي راحتك ارتاحتي في الاخر

و فعلا باحس ان اكبر تقصير مرينا بيه في سنين تعليمنا الاولي هو الدين المختصر ...و باعتبرها من اكبر الميزات في الحياه في السعوديه و التعليم فيها

و اقراي معايا ردود اساتذتنا الكرام هاتحسي بشئ من الراحه زي ما حسيت

اخواتي الكرام احمد محمود بنت مصريه

اشكركم بشده علي الاطراء علي و علي اخواتي المشاركين في الموضوع و الذي اتمني ان نستحقه :sad:

اخي الكريم ابو محمد

ياااااااااااااااااارب يرزقنا النفس اللوامه هيا درجه طول عمري باحلم بيها واتمناها يارب يرزقنا جميعا النفس اللوامه و يفتح علينا بالنفس المطمئنه

الحقيقه مشاركاتكم جميعا واضم اليها مشاركه تيتا فولانه :P و اخي الكريم زوهيري

اكيد استفدنا منها كلها و انا شخصيا امدتني بشئ من الهدوء و الطمئانينه و ان كنت لم استطع الوصول لمرحله الهدوء و الرضا و ساظل اقلق

و احس بعدم رضا علي نفسي وان كنت اطمئنت منكم انها حاله صحيه و بيتهئيلئ احسن من الرضا التام اللي ممكن يتدرج بينا الي الغفله

و مازال الموضوع مفتوح لكل من لديه احساس يريد ان يوصله الينا سواء ان كان يشعر بما نشعر و لديه ما يعننا علي ان نرضي عما نفعل في حياتنا

[أبو حميد]

أولا أنا بشكر كل واحد أشترك في الموضوع ده لأن فعلا كل واحد منهم أضاف للموضوع رؤية جديدة وأنا شخصيا استفدت منهم كلهم وقريت المداخلات كلها مرتين قبل ما أكتب اي حاجة.

أنا رآيي أن الإزدواجية نسبية بدليل أن أحد الصحابة قابل الصديق ابو بكر وأفاض له بخوفه من التناقض بين حاله في حضرة الرسول (ص)وبين حاله عند خروجه للأسواق وعند عودته لمنزله وانشغاله باللعب مع أولاده فاصابت أبو بكر نفس المخاوف وعندما ذهبا للرسول (ص) اخبرهما بأنهما لو بقيا على نفس الحال التي يكونون بها عنده لقابلتهم الملائكة بالطرقات وسلمت عليهم.

والإزدواجية نسبية بدليل توقف الرقص في رمضان وعودته بعده وذهاب الراقصات للحج كل سنة وباقي السنة رقص ووجود من يرتشي ومع ذلك يحافظ على الصلوات الخمس والسنن والسبحة لا تفارق يده ومن يستخدم المال الحرام في بناء المساجد وتاجر المخدرات الذي لا يشرب الخمر لأنها حرام واللص الذي يتوكل على الله قبل سرقته والأمثلة كثيرة وفي النهاية كل هؤلاء مطمئنون ويعولون على قلوبهم العامرة بالإيمان وخوفهم الشديد من الله.

نحن في المنطقة الشاسعة التي تفصل بين الصحابي الجليل وبين هؤلاء. خوفنا أقل من خوفه وأكبر من خوف هؤلاء الأمنين فكلما قربنا من الله وكان عملنا أفضل كلما زاد خوفنا من النفاق وكلما أحتجنا لنجاهد أنفسنا أكتر.

الخوف ليس من الأغاني والأفلام وكونها حرام أو حلال بقدر ما قد يتسرب لنفوسنا من ضعف ووهن نتيجة للمشاهدة والإستغراق فالأغاني حب ولوعة وذوبان في المعشوق والأفلام فيها ما فيها وإذا كنا حاليا لانستطيع أن نجزم في هذه المسألة ما الحرام والحلال فالمؤكد أن تركها أفضل لديننا من متابعتها والقليل منها أفضل من الكثير والكثير منها حرام أكيد لأنه هايلهينا بالتأكيد عن ذكر الله.

[نانو]

لخوف ليس من الأغاني والأفلام وكونها حرام أو حلال بقدر ما قد يتسرب لنفوسنا من ضعف ووهن نتيجة للمشاهدة والإستغراق فالأغاني حب ولوعة وذوبان في المعشوق والأفلام فيها ما فيها وإذا كنا حاليا لانستطيع أن نجزم في هذه المسألة ما الحرام والحلال فالمؤكد أن تركها أفضل لديننا من متابعتها والقليل منها أفضل من الكثير والكثير منها حرام أكيد لأنه هايلهينا بالتأكيد عن ذكر الله.

باشكرك جدا يا احمد علي الجزئيه ديه بالتحديد

افهم انك تقصد ان الافلام و الاغاني لو فضل محلها العين مش القلب هيفضل تاثيرها هين ومقدور عليه و مش هاتكون بالضرر لو دخلت و اتمكنت من القلب

و يفضل الدين هو اللي محله القلب ولا نرضي له بديل .....ربنا يكرمك علي افكارك

[نانو]

دعونى اكون اكثر نقدا للذات

فنحن نعيش فى مجتمع اصطلح على ان يقول عكس ما يفعل

و ينقل و لا يفهم لدرجه انه اصبح مجتمع نمطى خال من الابداع

و حينما اقول ابداع فلا اقصد الفن و لكن خال من الابداع حتى فى حل مشاكله

و هذا الكلام يجاوب على موضوع كيف انتهت الانجازات من عالمنا

ببساطه نحن اول من طبق الاستنتساخ يجب ان يكون الولد كابيه

مش مهم اى حاجه المهم الشهاده

كل الناس شبه بعض بيفكروا بنفس الطريقه بيعملوا كل حاجه زى بعض فلا مجال للاختلاف و الاختلاف عندنا نوعان اختلاف انحلالى و اختلاف انعزالى و كلاهما زاد بشده فى الفتره الاخيره و كلاهما علامه على رفض الواقع

ما لفت نظرى فى موضوع الازدواجيه هو ان الناس اصبحوا يسموون الاشياء على هواهم

فالجشع و الطمع اصبح شطاره و فهلوه

الرشوه بقت هديه

الشعوذه الد ينيه بقت فى اطار الدعوه

حاله من فوضى المصطلحات غريبه جدا

اما موضوع الموسيقى و ما شابه فانا شايف انه موضوع مهم و لكن فى نفس الوقت مش الاهم فالازدواجيه فى اشياء اخرى اكثر ضررا و اشد خطوره

اوتاكا خرجت بنا من نطاق ازدواجيه الشعور و الذات لازدواجيه المصطلحات في مجتمعنا و اختلاف المعني عن المضمون الحقيقي

خرجت بينا من ازدواجيه الفرد بينه وبين ذاته لازدواجيه مجتمع باكلمه

عموما كلامك كله صح و اكثر من واقعي :wub:

[Siwa]

انا شاكره ليكي جدا يا نانو لطرحك للموضوع ده. وسعيده بكل الاراء والمشاركات اللي تفضل بيها الاعضاء الكرام. اولا، انا متفقه تماما مع رأي استاذه فولانه....إن لفظ إزدواجيه كبير جدا على اللي احنا حاسينه في نفسنا. والله إن مجرد إن حضرتك فتحتي الموضوع وإن في ناس كتير تجاوبت معاه، دا في حد ذاته ظاهره صحيه جدا.. بتدل على إن لسه جوه كتير مننا خير وتمسك بتعاليم دينا الجميل. معناه إننا عارفين وعاوزين إننا نكون احسن. وزي ما استاذنا ابو محمد قال إنها علامه على النفس اللوامه...اللي اتمنى إن ربنا ينعم علينا كلنا وتبقى عندنا. الإزدواجيه بالنسبه لي هي اللي بيعبر عنها قوله سبحانه وتعالى { أتأمرون الناس بالبر وتنسون أنفسكم وأنتم تتلون الكتاب أفلا تعقلون } (البقرة:44)

او قوله سبحانه { لِمَ تقولون ما لا تفعلون } (الصف:2)

اللي هي درجه من درجات النفاق و العياذ بالله. بس اللي حضرتك بتقوليه يا نانو هو نقد للذات ... احنا احساسنا إنه في تعارض ما بين إلتزامنا الديني وقيامنا بإعمال معينه زي الإستماع للموسيقى. وزي ما استاذ ابو محمد نقل عن الشيخ محمد الغزالي رحمه الله. الغناء كلام حلاله حلال وحرامه حرام. ودا بينطبق على اي حاجه في الدنيا. احنا بايدينا بنختار طبيعه اللي نتفرج عليه او بنسمعه.

وفي النهايه انا شاكره ليكي جدا يا نانو على الموضوع الجميل

اللهم اعنا على ذكرك وشكرك وحسن عبادتك

[أبو زياد]

دعونى اكون اكثر نقدا للذات

فنحن نعيش فى مجتمع اصطلح على ان يقول عكس ما يفعل

و ينقل و لا يفهم لدرجه انه اصبح مجتمع نمطى خال من الابداع

و حينما اقول ابداع فلا اقصد الفن و لكن خال من الابداع حتى فى حل مشاكله

إخوتى كل عام وأنتم بخير أولا

احيانا كثيرة أرى نفسى مشدودا جدا للموضوع ثم عندما أقرأ الردود اجدها تعبر جميعا عما بداخلى فأتردد قليلا عن الرد و المشاركة ..

ولكن .. ربما يجدى بعض الشىء التأكيد على أهمية الموضوع و أهمية ما جاء به مثلما اقتبسته من أخى ...

دائما أشاهد إعلانات عن أفلام وأغانى هابطة فأسأل نفسى من الذى يشاهد هذا مع أن الجميع يرفضه و يستنكره

وهنا ربما لمست الأخت نانو بعض التناقض أو الإزدواجية كما لمسه أخى أوتاكا فيما اقتيسته

إذا كنا نستنكر شيئا لم نشاهده ..؟

لماذا لا يكون لدينا مبادىء نلتزم بها قبل أن نطالب الآخرين بالتزامها ؟؟؟؟

[نانو]

سيوه الجميله

ربنا يكرمك علي التوضيح و الفرق الكبير بين الازدواجيه و النفاق

عارفه يا سيوه الايه اللي ذكرتيها بتتحقق اكتر علي الدعاه اللي بينصحوا الناس و ممكن يكونوا هما مش ملتزمين اصلا ربنا يعافينا و يرزقنا الاخلاص في القول و العمل

ابو زياد ....كل عام وانت بخير

اشكرك علي مشاركتك

و اعتقد ان كل واحد فينا بيحاول انه يطبق المبادئ في بيته وعلي اولاده و كفايه ان احنا عندنا الوعي وبنحاول

و مازال المجال امام الجميع مفتوح لكل اللي يحب يعبر بطريقته عن الازدواجيه ان كان يري انه يعاني منها