مصر تستقبل إيهود اولمرت بالترحاب وتعلق اسماعيل هنيه عالباب

[se_ Elsyed]

استقبل اليوم الاخ الرئيس القائد محمد حسني مبارك قائد الثورة البلشفية في منتجعه الخاص بشرم الشيخ اخيه فخامة رئيس الوزراء الصهيوني الحبوب السيد الدكتور إيهود أولمرت .. هذ وقد صرح مصدر مسئول في الخارجية المصرية بإن المباحثات بين الاخوين الحلوين لن تتناول ملف الافراج عن الأسرى

وقد ذكرت مصادر مُطلعه بان اولمرت جاي مصر عشان مبارك عامل جمعيه وعايز اولمرت ينزل بإسمين فيها

على الجانب الاخر وفي نفس التوقيت أُعلنت حالة الطواريء في مطار العريش وذلك تحسباً لوصول الجدع اللي اسمه اسماعيل ابو هنيه رئيس الوزراء الفلسطيني قادماً من السعودية بعد اداءه لفريضة الحج

خش عالتقيل واسمع العجب العجاب

هذا وقد اتفقت مصر واسرائيل وامريكا ( آه والله العظيم ) على تفتيش الطائرة التي سيصل عليها الحاج ابو هنيه تفتيشاً دقيقاً ومصادرة اية اموال قد يكون جلبها معه من السعودية

واعتقد انهم هايسيبوا له 5 جنيه مصاريف التاكسي من مطار غزه لحد بيته

وأنا شخصياً شايف ان ده مش كفايه

يعني ايه نقلب الطيارة بس ؟

المفروض نعلق هنيه من رجليه على الحدود بين رفح واسرائيل ونكهربه وننفخه على 45 لحد ما يعترف الفلوس اللي خدها من السعودية راحت فين ؟

ومين اللي مول عملية الحج بتاعته ؟

ويجيب اتنين حُجاج يشهدوا انه حج فعلاً ورمى الجمرات كمان

ده بالاضافة الى جعل السيد الرئيس المبجل ايهود اولمرت يُشرف على عملية التعذيب بنفسه

وعاشت فلسطين حره مستقلة وبإذن الله القدس لنا وعاش الرئيس القائد الحلو مبارك حامي الديار اللي لا تنطفي له نار ولا ينذل له جار واللي جايب لمصر العار

[محمد عبدالعزيز]

آه والله عندك حق ...جايب لمصر العار

ربنا ياخده ويخلصنا منه

كفاية بقى الواحد خلاص مابقاش قادر يشوف شكله ولا يسمع اسمه

تم تعديل 4 يناير 2007 بواسطة محمد عبدالعزيز

[Salwa]

اليومين دول بمناسبة الاعياد ..(( وكل عام وانتم بخير )) ..المسرحيات الكوميدى نازلة ترف علينا ..

والمسرحيات اللى فاتت كوم.....ومسرحية انهاردة كوم لوحدها ....

مسرحية انهاردة دى بقى .....حسن الختام..

المؤتمر اللى بينادى بالسلام ....لان السلام حياة .....

((((((( ولازم يعتقوا الاسير الاسرائيلى !! والضرب شغال والابادة شغالة هناك فى رام الله...وفى كل حتة على ارض فلسطين ))))))).

واللى يعيده يزيده.....(( بيغشوا من الورق )) ...

والتهتهة شغالة برضه....(( ماهم هم نفسهم بيضربوا فى بعض !!!! ))

ولما سألوا عن الاسير الاسرائيلى !!!.....واللى بتعمله ..(((( المنظمة الارهابية حماس ))))..

رد عليهم ...حبيب الشعب ....(* لابد من نشر السلام *)..

مفيش ولاكلمة ....ولاتعليق....على لفظ (((( منظمة ارهابية ))))..

خلاص...

خلاص.....مفيش خلاص....

مفيش..........

مفيش حاجة خالص...

[أبو حميد]

والغريب أن أولمرت ده مايجيش مصر إلا وهو عامل مصيبة

المرة اللي فاتت مقتل الجندين المصريين على الحدود برصاص أسرائيلي

والمرة دي عملية رام الله

والمرتين دول يستحق فيهم أننا نعلقه من رجليه على بوابة شرم الشيخ مش أننا نستقبله

[أبو زياد]

مين اللى يستحق نعلقه من رجليه ؟؟

كثيرا يقولون : وماذا يفعل الحكام ؟ هل التقصير من الحكام أم الشعب ؟

بالطبع كان يجب على الشعب جميعا ان يصطف لتحية هذا المجرم ؟

حسبنا الله و نعم الوكيل

[se_ Elsyed]

قلتها وأقولها دائماً بأنني أشعر بالعار بإن مبارك هو رئيس مصر

لإن من البداية كان امامه حل من إتنين أما مواقفه السياسية لما يدور حولنا :

1- إما أن يصمت كما يصمت باقي الحاكم العرب وليس عليه ملام وحسابه عند ربه .

2- أو يشارك بفاعليه وجديه في حل أي قضية .

أما ما يفعله مبارك فهو المشاركة في ذبح الفلسطينيين تحديداً ...

هذه حقيقة بدون أي مجاملات أو تحامُل

وسبق ان رأينا ذلك من خلال إستقبالاته المتكررة للشيطان شارون .. وهاهو يستقبل خليفته إيهود أولمرت .. ومن قبلها الرحلات المكوكية والدور المشبوع لعمر سليمان عندما تشد المقاومة نفسها أو تحاول حماس ممارسة دورها كحكومة مُنتخبة ( طبعاً كلمة مُنتخبة دي بتجيب أرتكاريا لمبارك واللي حواليه )

وليس من المستغرب في أن يقوم اولمرت في نفس اللحظة التي يجلس فيها مع مبارك على العشاء عشان ياكلوا عيش وملح أن يقوم بذبح الفلسطينيين في رام الله بدون اي مبرر ..

وما شاهدته كان شيء أشبه بهجوم تتري على المدنيين الأمنيين وشاهدت بأم عيني منظر البلدوزرات وهي تعيث فساداً في شوارع رام الله وتقوم بسحق سيارات المارة وجعلها كعُلب لاصفيح بدون أي سبب ... وأيضاً ما قام به الصهاينة الخنازير من إحراق ودمار ممتكلات الآمنين المسلمين العرب ..

تُرى ماذا قال مبارك لأولمرت حينما سمع تلك الأخبار ؟

وبما اجابه أولمرت حينذاك ؟

إيه قاله دي شقاوة جيش يابو علاء .. واهو الفلسطينيين خدوا على كده وعيد بقى وكل سنة وإنت طيب وتعيش وتاخد غيرها ..

وما يُشعرني بالعار اكثر من هذا الشخص المبارك هو تصريحه في نفس اليوم بخصوص الأزمة في الصومال بالحرف الواحد : أنا أتفهم تماماً ما تقوم به أثيوبيا في الصومال .. وهي ليست لديها أي أطماع في الصومال !!!!

بالمناسبة مبارك يتم تحريكه بالريموت من أمريكا .. وهو عارف كويس النفوذ الصهيوني والامريكي في أثيوبيا وأمريكا نفسها أعترفت إنها قدمت دعم إستخباراتي معلوماتي لأثيوبيا خلال إجتياحها للصومال وكمان أعترفت بإنها تحاصر الان الشواطيء الصومالية منعاً لهروب قادة المحاكم الإسلامية ..

وبالتأكيد البؤين الحمضانين دول هايرضوا أمريكا قوي قوي ... وهو الأن ينتظر المكافأة الأمريكية

كل سنة وإنت طيب يا ريس وتعيش وتصرح تصريحات هجائصية جايه من الهجص يعني

[otaka]

المرحوم الشيخ بشير الجميل

اللى كان نفسه يحول مخيم صبرا لحديقه حيوانات

بعد ما اسرائيل عينوه رئيسا للبنان طلب منه مناحم بيجن التوقيع على اتفاق سلام مع اسرائيل مشابهه للاتفاق اللى اتعمل مع مصر فالراجل قال ممكن اضمن انى اوقع على الاتفاق لو رئيس الوزرا السنى وافق عليه

كان بشير يعلم ان الشعب لن يوافق

مش عارف ليه بحس ان كل الناس بتفهم الا اللى حدانا دول

[mnbuzo]

مادام الريس بخير اسرائيل بخير

[أسامة الكباريتي]

يا جماعة انتم تتحاملون كثيرا وبدون أي داع أو مبرر على الرئيس مبارك

الراجل صريح جدا

وقالها من زمان

احنا مش بتوع تحرير القدس

واللي عايزها يتفضل الحدود قدامه

يعني لا جديد في مواقفه

الجديد هو في دولة الكيان الصهيوني

كل يوم فعل جديد

فاكرين لما قصف مناحيم بيجن المفاعل النووي العراقي؟

مان فين؟

فاكرين؟؟؟؟؟