MBA

[الباشا المصري]

الاخ العزيز deemuck والاخوة المشاركين اجمعين اشكركم على حسن تعاونكم

فعلا انت انقذتني من ورطة انا كنت خلاص هبدء في الماستر وبالفعل دفع فلوس التسجيل 3000ريال تحت الحساب الله يعوض عليا بس افضل ما كنت كملت باقي المبلع 40 الف ريال يعني اكثر من عشر الاف دولار امريكي الحمد لله وجزاك الله خير

ياريت نتواصل وجزاك الله خير

[se_ Elsyed]

الأخ عصام والإخوة الاعزاء :

1- صديقي الدكتور اللي كلمتكو عنه سافر أمس وطبعاً أخذت منه معلومات هايلة ولو في أي إستفسارات أنا في إتصال معاه على طول وميزته إنه بيحود على المكتب اللي جنبه يجيب المعلومة الأكيدة من مصدرها بالمجلس الاعلى للجامعات ..

2- موضوع ماجستير نظم المعلومات اكد لي إن الاكاديمية العربية ليس معترف بها داخل مصر في هذا التخصص . لإن على حد قوله العملية بقت هوجة والكل بيدرس مجاستير في هذا المجال فلسه هما بيقننوه وينظموه .

3- اكاديمة الاجيال العصرية بقى أو المغربية أنا روحت وقابلت الدكتور المسئول هناك وأتضح لي من كلامه إن العملية " شنكوتي " وإنهم هايلهفوا منك الـ 14 باكو ... خد دي بقى على صدرك كده - وهايحضروا لك هما الماجستير في إسبوع وأقلب ، في مقابل 500 ريال وبعدين تاخد شهادة متصدق عليها من أي جهة إنت عايزها .. خلي بالك ... فرق كبير جداً بين التصديق على ورقة وبين إعتمادها .. بمعنى إيه .. لما تيجي تصدق ورقة من الغرفة التجارية بيبقى مكتوب على الختم إنهم غير مسئولين عن محتوى الورقة ... وبالتالي تاخد الورقة دي وتدور بها على اولياء الله الصالحين يقولك مانعرفكش ولا نعرف الأجيال .

4- بعد ما تضرب الماجستير من عندهم تدخل على الدكتوراه وبعون الله بيقلبوهالك في 9 شهور وتبقى دكتور نسا وولاده قد الدنيا ..

5- الكلام ده طبعاً كلام فارغ وغير معترف به ولا في أول الشارع حتى .. لكن اللي تأكدت منه إن الاكاديمية العربية لا غبار عليها .. وكمان الجامعة الامريكية بلندن in London مش of London الاخرانية دي شنكوتي برضوا .

6- أخيراً وليس أخراً يا حاج عصام ... الـ PMP أسهل في إجراءته بكتير .. إنت بتذاكر براحتك وبعدين بتعبي أبليكيشن في موقع الـ PMI ولو إتوافق عليك بتدفع الفلوس وتحدد موعد إمتحان مع نيو هورايزون ... وبالمناسبة لو عايز خلال حد أقصى شهر تبقى بروفيشونال في الـ PMP إحنا حاضرين ونجهزوك لدخول الإمتحان وإنت بإذن الله في بطنك بطيخه صيفي وبأقل من نصف تكلفة الكورسات الخارجية التي لا تؤثر في أي شيء يخص الحصول على الشهادة . .

[عصام أبوالفتح]

اشتراطات التقديم لاختبار شهادة "مدير مشروع محترف" Project Management Professional- PMP محددة ويمكن التعرف عليها من خلال موقع جمعية إدارة المشاريع Project Management Institute- PMI http://www.pmi.org/

ويمكن عرض هذه الاشتراطات فى فئتين:

- شهادة إتمام الدراسة الجامعية بكالوريس.

- 4500 ساعة عمل في إدارة المشاريع

- 35 ساعة من التدريب المعتمد على إدارة المشاريع Contact Hours، دورة الاحتراف فى إدارة المشاريع Project Management Professional Preparatory Course

او

- شهادة أقل من الجامعية

- 7500 ساعة عمل في إدارة المشاريع

- 35 ساعة من التدريب المعتمد على إدارة المشاريع Contact Hours ، دورة الاحتراف فى إدارة المشاريع Project Management Professional Preparatory Course

عند تسجيل البيانات الشخصية وبيانات المؤهل العلمي وساعات الخبرة يجب تحرى الدقة والتأكد من أن كل المعلومات المدخلة صحيحة حيث يحق لجمعية إدارة المشاريع (Project Management Institute- PMI)، إجراء عمليات التدقيق (Audit) على كافة المعلومات وفى أي وقت

هذا كان استهلالا لابد منه ... على رأى أ/ عادل

الأخ الفاضل س س .. انا من اول 2005 مدير قسم التصميم بالمكتب ومسئول عن ادارة المكتب بالكامل من يوليو 2005 .. يعنى شرط ال 4500 ساعة عمل ادارية متغطى وزيادة .. وعندى ابتكارات تميز اسلوب التصميم فى مكتبنا عن اى مكتب عرفته فى السعودية ومصر على الاقل ..وكل النشاط الادارى مسجل وممكن توثيقه .

ناقصنى دورة تحضير الامتحان وهى اقل شئ 35 ساعة .. الان انا اقرأ بنهم كتاب ال PMP وفى الفصل الثالث .. ومنتظر مؤتمر ادارة المشروعات بفارغ الصبر وهايكون فى ابريل .. من 8-11 فى الرياض ..اعتقد كل الجهات المشاركة فيه هاتكون ممتازة وهايعلن فيه عن الدورة اللى نقصانى ..ايه رأيك فى الخطة دى ..؟...

على قكرو .. ازاى هاتجهزنى للامتحان بدون حضورى للساعات التدريبية المحددة فى مركز معتمد ؟

ده بالنسبة لشهادة ال PMP .. وان شاء الله هاخدها هاخدها ..

لكن ما زلت مصر على ان ال MPA هاتفيدنى اكثر ..ولا زلت غير قادر على معرفة وكيل الاكاديمية العربية هنا.

ارجو من عنده معلومات عنهم يقولهالنا .

[عصام أبوالفتح]

http://www.saudieng.org/pm/index.htm

رابط موقع المؤتمر وهو من 7- 11 ابريل .. هااااانت

[عصام أبوالفتح]

PMP كتاب ادارة المشروعات --نسخة عربية تم تعديل 15 مارس 2007 بواسطة عصام أبوالفتح

[deemuck]

السلام عليكم ورحمة الله وبركاته،،،

EBS Heriot-Watt University, Edinburgh, UK

جامعة ادنبره ببريطانيا تمنح ماستر MBA عن بعد تتكون من 9 كورسات ولها ايضا مراكز تدريب على مستوى العالم منها:

1- American university -Cairo

2- The Training and Education Services Company ( TESCO ) Jeddah

بالنسبة لمصر مجلس الجامعات لا يعتمد الشهادة إلا للطلبة الذين يحضرون. اما بالنسبة لفرع جدة ثمن الكورس ب 4500 ريال والأختبار 100 جنية استرليني لكل كورس والشهادة معترفة من المجلس العالي البريطاني وأوربا وامريكا والكومنويلث. ويمكن الاطلاع على موقع الجامعة من الرابط العلومي

معلومات الاتصال - جدة

Tariq Aziz

Coordinating Manager

EBS Heriot Watt University’s distance learning Program

TESCO – Saudi Arabia

Office Tele:# ( 02 ) 660 00 97 Mobile# 0502 58 50 03

ديم مق

[se_ Elsyed]

طب ده في جده

طب بتوع الرياض يعملوا إيه ؟

عامة : جبت لكم الخبر اليقين من حتتين ( لحمه )

1- الأكاديمية العربية للعلوم والتكنولوجيا والنقل البحري .. بتاعت أسكندرية .... ضربتها بتوجع وجامده قوي .. الرسوم 48000 ريال ما ينقصوش مليم واحد .. الدراسة باللغة العربية لمدة عامين كاملين ... الدكاترة مصريين بييجوا من الاكاديمية وكل واحد بيخلص الكورس بتاعه ويمشي ... تسديد الرسوم على أقساط ربع سنوية .... طبعاً معتمدة في مصر وأنت سايب إيدك ولو حصل لا قدر الله نزلت تماماً لمصر في أثناء الكورس فبتكمل هناك عادي جداً من بعد ما وقفت

2- جامعة الخرطوم للعلوم والتكنولوجيا

جامعة حكومية يعني بإذن الله هاتبقى مُعتمدة والاخبار هاتجيلي النهاردة أو بكرة ... الدراسة باللغة العربية ... الحجز بالضرب والطوابير .. الرسوم حنينه ... 6000 دولار .. الدكاترة زواويل من السودان ... الكورس مضغوط لإن الدراسة كل يوم من 7 إلى 10 مساءً ... فبيخلصوا في سنة واحده فقط ودي الميزة .. الكورس الجديد هايبدأ في أول شهر أكتوبر القادم ... ومن هنا ورايح ما حدش يندهلي إلا ويقولي يا ( زوووول ) .

-------------- بالنسبة لك يا عصام فأستنى أفضى شويه وأكلمك عن الـ PMP وأصحح لك شويه مفاهيم هاتفيدك بإذن الله .

[deemuck]

ميزة يا زوول انك في الرياض متوفر فيها كل شيء ، أما بالنسبة للزي يحتاج ينزل جدة 5 ساعات رايح جي.

فرعها الوحيد في جدة.

[se_ Elsyed]

السلام عليكم ورحمة الله وبركاته،،،

EBS Heriot-Watt University, Edinburgh, UK

جامعة ادنبره ببريطانيا تمنح ماستر MBA عن بعد تتكون من 9 كورسات ولها ايضا مراكز تدريب على مستوى العالم منها:

1- American university -Cairo

2- The Training and Education Services Company ( TESCO ) Jeddah

بالنسبة لمصر مجلس الجامعات لا يعتمد الشهادة إلا للطلبة الذين يحضرون. اما بالنسبة لفرع جدة ثمن الكورس ب 4500 ريال والأختبار 100 جنية استرليني لكل كورس والشهادة معترفة من المجلس العالي البريطاني وأوربا وامريكا والكومنويلث. ويمكن الاطلاع على موقع الجامعة من الرابط العلومي

معلومات الاتصال - جدة

Tariq Aziz

Coordinating Manager

EBS Heriot Watt University’s distance learning Program

TESCO – Saudi Arabia

Office Tele:# ( 02 ) 660 00 97 Mobile# 0502 58 50 03

ديم مق

إسمح لي بس أدردش معاك في الموضوع ده :

1- لو العالم كله أعترف بالشهادة دي لكنها ماكانتش معتمده في مصر .. يبقى بلاش منها على أساس إننا لمصر في الأخر .

2- المصروفات التي تحدثت عنها قليلة للغاية لشهادة مهمة مثل هذه .. يعني إنت كده بتتكلم في 12000 ريال يعني ا يجيبوش تمن السجاير بتاعت الدكاترة اللي هايحاضروا .. إحسبها انت كده .. المحاضرون هاياخدوا كام وجامعة أدنبرة كام والمعهد المحلي كام ؟

فأرجو منك التأكد الأول من الموضوع ده أحسن تكون الشهادة في الأخر عبارة عن ورقة لإن الموضوع ده علم الواحد كتير وخلى عينه في وسط راسه من كتر النصب اللي موجود عيني عينك وللأسف ناس كتير بتفرح بالورقة التي لا تساوي ثمنها في حين إنه دافع فيها ألوفات وضيع وقته في دراسة لا تستحق وغير معترف بها .

[elgamal]

السلام عليكم ورحمة الله وبركاته،،،

EBS Heriot-Watt University, Edinburgh, UK

جامعة ادنبره ببريطانيا تمنح ماستر MBA عن بعد تتكون من 9 كورسات ولها ايضا مراكز تدريب على مستوى العالم منها:

1- American university -Cairo

2- The Training and Education Services Company ( TESCO ) Jeddah

بالنسبة لمصر مجلس الجامعات لا يعتمد الشهادة إلا للطلبة الذين يحضرون. اما بالنسبة لفرع جدة ثمن الكورس ب 4500 ريال والأختبار 100 جنية استرليني لكل كورس والشهادة معترفة من المجلس العالي البريطاني وأوربا وامريكا والكومنويلث. ويمكن الاطلاع على موقع الجامعة من الرابط العلومي

معلومات الاتصال - جدة

Tariq Aziz

Coordinating Manager

EBS Heriot Watt University’s distance learning Program

TESCO – Saudi Arabia

Office Tele:# ( 02 ) 660 00 97 Mobile# 0502 58 50 03

ديم مق

إسمح لي بس أدردش معاك في الموضوع ده :

1- لو العالم كله أعترف بالشهادة دي لكنها ماكانتش معتمده في مصر .. يبقى بلاش منها على أساس إننا لمصر في الأخر .

2- المصروفات التي تحدثت عنها قليلة للغاية لشهادة مهمة مثل هذه .. يعني إنت كده بتتكلم في 12000 ريال يعني ا يجيبوش تمن السجاير بتاعت الدكاترة اللي هايحاضروا .. إحسبها انت كده .. المحاضرون هاياخدوا كام وجامعة أدنبرة كام والمعهد المحلي كام ؟

فأرجو منك التأكد الأول من الموضوع ده أحسن تكون الشهادة في الأخر عبارة عن ورقة لإن الموضوع ده علم الواحد كتير وخلى عينه في وسط راسه من كتر النصب اللي موجود عيني عينك وللأسف ناس كتير بتفرح بالورقة التي لا تساوي ثمنها في حين إنه دافع فيها ألوفات وضيع وقته في دراسة لا تستحق وغير معترف بها .

العزيز سي السيد

انا كنت هبدا فى الموضوع ده بس توقفت لظروفى

المهم

الشهاده معترف بيها فى مصر جامعه ادنبرة ليها مكتب فى مصر عن طريق الجامعه الامريكيه سعر الكور 700 دولار وعلشان تاخد mba

لازم تاخد 9 كورسات وسعر امتحان الكورس 100 جنية استرلينى

بالنسبة للسعودية

عن طريق المكتب اللى فى جده سعر الكورس الواحد 4500 ريال فى 9 كورسات و100 جنية استرلينى لدخول الامتحان

لو محتاج اى اوراق منهم من مصر موجوده عندى وكمان فيل كامل من مكتبهم فى جده

اه نسيت اقولك الامتحان فى السعوديه فى المركز الثقافى البريطانى فى حى السفارات

[se_ Elsyed]

شكراً أخي الكريم على تلك المعلومات

بس عشان أنا فِهمي بطيء

الكورس بـ 4500 ريال مضروب في 9 + 100 استرليني في تسعه برضوا ( يعني كده عدت الـ 50 ألف ريال ؟!!!! يبقى الأكاديمية العربية للعولم والتكنولوجيا والنقل البحري برقبتها على الأقل هاتحضر هنا وتبقى وجهاً لوجه مع من يدرسوا لك ... ولا إيه ؟ )

ولا الحسبة زي مانا قولتها في المداخلة السابقة ؟ أصل السعر في الحالتين ما يدخلش العقل

مازلت أعتقد إن الكورس بتاع الزواويل لو معتمد يبقى 100 % على الأقل السعر حنين 20000 ريال تقريباً والمدة أهم حاجه سنة وأقلب وخلص وخش على الدكتوراة

[الباشا المصري]

ماشاء الله معلومات ممتازة

بس انا احترت فعلا ومش عارف بس سؤال واضح وصريح هل ماجستير الاكاديمية العربية للعلوم والتكنولوجيا والنقل البحري اللي في اسكندرية معتمد ام لا لاني يا اخواني دفعت رسوم التسجيل من شهرين حوالي ثلاث الاف ريال وبعدين ذكرتم انها غير معتمدة فوقفت بعدين الوقتي رجعتوا تقولوا تاني الاكاديمية العربية افضل ؟؟

يعني الخلاصة تنصحوني اكمل فيها ولا لا وهي على فكرة في جدة وهتكلف 10000دولار ودا كلام موثوق فيه لاني رحت بنفسي وبدات فعلا والرسوم على سنتين

ارجع تاني ااقول تنصحوني اكمل ولا استنى شويا يمكن تظهر حاجة افضل مع العلم اني ف الرياض وبسافر جدة ومتشحطط علشان الماجستير دا يعني لسا هيضاف مصاريف السفر والاقامة كمان ف جدة غير

والسلام عليكم ورحمة الله

[se_ Elsyed]

إيه يا عم الباشا

إنت جبت منين إن الاكاديمية مش معتمده ؟

دي معتمدة ونص وتلات أربع ولو انهيت أمورك هنا بعد سنة مثلاً تقدر تكمل في مصر بمنتهى السهولة من حيث انتهيت

وبعدين إشمعنى عندكو في جده بـ 10 ألاف باكو أخضر يعني 37500 ريال في حين في الرياض بـ 48 ألف مقفلة ؟ حتى دي فيها كوسة يا ربي

إتوكل عالله يا سعادة الباشا واطمئن

فالأكاديمية العربية للعلوم والتكنولوجيا والنقل البحري تُعتبر ثاني أقوى جامعة بعد الجامعة الأمريكية في مصر مصر في شهادات الماجستير والدكتوراة ... ومبروك مقدماً

إيه ده إيه ده لسه واخد بالي من الجُملة دي

مع

العلم اني ف الرياض وبسافر جدة ومتشحطط علشان الماجستير دا يعني لسا هيضاف مصاريف السفر والاقامة كمان ف جدة غير

إنت في الرياض

طب يا راجل حرام عليك اللي بتعملوا في نفسك ده ... البلد محتاجاك يا باشا ولازم تخاف على صحتك ...

طب ليه ما قدمتش هنا في الرياض تبع الاكاديمية ؟

أو تعالى إبقى زووول زيينا وقدم معانا في جامعة الخرطوم واهو بالمرة ممكن ننظم رحلة لدارفور ونزور إخواننا الجانجويد

[الباشا المصري]

السلام عليكم ورحمة الله وبركاته ،،،

الاخ باشا مصري

1 - احب ابشرك ان بكالوريوس نظم المعلومات من الاكاديمية العربية غير معترف به اصلا وبالمثل الدبلومة والماجيستير كدراسات عليا. غير معترف به في مصر والسعودية ودول عربية كثيرة. فلا انصحك بها تماما في الوقت الحالي.

2- DBA ولا ماجيستير مقارنة ليست في موضعها. أي واحد ممكن يعمل DBA لكن الماستر قيمة علمية. لكن الرأي الشخصي لي DBA شهادة إضافية وأكثر طلبا في العمل التطبيقي من الماستر خصوصا ان مع بكالوريوس في نفس المجال.

واله الموفق،،،

ديم مق

السلام عليكم ورحمة الله وبركاته،،،

المعلومة اكيدة تماما، لي زميل يكمل ماجيستير في الاكاديمية في مصر فرع القاهرة وتأكد منه وتأكد منها خارجيا على سبيل المثال داخل السعودية غير معترف تماما بدراسة نظم المعلومات داخل الاكاديمية لجميع الدراجات.

ما عدا الملاحة البحرية من كلية النقل البحري والتكنولوجيا ، تكنولوجيا الهندسة البحرية من كلية النقل البحري والتكنولوجيا

إدارة النقل الدولي واللوجستيات من كلية النقل البحري والتكنولوجيا ، الهندسة البحرية من كلية الهندسة والتكنولوجيا فهي اقليمية ومعترف بها دوليا

بالنسبة لدراسة الماجيستير في مصر للجامعات الخاصة أو الاكاديميات المعترف بها مثلا في السعودية هي الجامعة الأمريكية (الماستر فقط)

دراسة الماستر في الكمبيوتر والله انا برضه في نفس الورطة دورت في جدة ولم احصل على اي مركز أو اكاديمية . للعلم دراسة الحاسب عن بعد غير معترف به زي قلته فلا تحاول التفكير به في الوقت الحالي. والله انا اخر قرار تخذته الي اللحظة دي حين انزل اكمله في الجامعة الامريكية(الماستر ب 8000دولار - الدبلومة ب6000 دولار) full time

والله الموفق

ديم مق

الأخ عصام والإخوة الاعزاء :

1- صديقي الدكتور اللي كلمتكو عنه سافر أمس وطبعاص أخذت منه معلومات هايلة ولو في أي إستفسارات أنا في إتصال معاه على طول وهيزته إنه بيحود على المكتب اللي جنبه يجيب المعلومة الأكيدة من مصدرها بالمجلس الاعلى للجامعات ..

2- موضوع ماجستير نظم المعلومات اكد لي إن الاكاديمية العربية ليس معترف بها داخل مصر في هذا التخصص . لإن على حد قوله العملية بقت هوجة والكل بيدرس مجاستير في هذا المجال فلسه هما بقننوه وينظموه .

3- اكاديمة الاجيال العصرية بقى أو المغربية أنا روحت وقابلت الدكتور المسئل هناك وأتضح لي من كلامه إن العملية " شنكوتي " وإنهم هايلهفوا منك الت 114 باكو ... خد دي بقى على صدرك كده - وهايحضروا لك هما الماجستير في إسبوع وأقلب في مقابل 500 ريال وبعدين تاخد شهادة متصدق عليها من أي جهة إنت عايزها .. خلي بالك ... فرق كبير جداً بين التصديق على ورقة وبين إعتمادها .. بمعنى إيه .. لما تيجي تصدق ورقة من الغرفة التجارية بيبقى مكتوب على الختم إنهم غير مسئولين عن محتوى الورقة ... وبالتالي تاخد الورقة دي وتدور بها على اولياء الله الصالحين يقولك مانعرفكش ولا نعرف الأجيال .

4- بعد ما تضرب الماجستير من عندهم تدخل على الدكتوراه وبعون الله بيقلبوهالك في 9 شهور وتبقى دكتور نسا وولاده قد الدنيا ..

5- الكلام ده طبعاً كلام فارغ وغير معترف به ولا في أول الشارع حتى .. لكن اللي تأكدت منه إن الاكاديمية العربية لا غبار عليها .. وكمان الجامعة الامريكية بلندن in London مش of London الاخرانية دي شنكوتي برضوا .

6- أخيراً وليس أخراً يا حاج عصام ... الـ PMP أسهل في إجراءته بكتير .. إنت بتذاكر براحتك وبعدين بتعبي أبليكيشن في موقع الـ PMI ولو إتوافق عليك بتدفع الفلوس وتحدد موعد إمتحان مع نيو هورايزون ... وبالمناسبة لو عايز خلال حد أقصى شهر تبقى بروفيشونال في الـ PMP إحنا حاضرين ونجهزوك لدخول الإمتحان وإنت بإذن الله في بطنك بطيخه صيفي وبأقل من نصف تكلفة الكورسات الخارجية التي لا تؤثر في أي شيء يخص الحصول على الشهادة . .

طب ده في جده

طب بتوع الرياض يعملوا إيه ؟

عامة : جبت لكم الخبر اليقين من حتتين ( لحمه )

1- الأكاديمية العربية للعلوم والتكنولوجيا والنقل البحري .. بتاعت أسكندرية .... ضربتها بتوجع وجامده قوي .. الرسوم 48000 ريال ما ينقصوش مليم واحد .. الدراسة باللغة العربية لمدة عامين كاملين ... الدكاترة مصررين بييجوا من الاكدايمية وكل واحد بيخلص الكورس بتاعه ويمشي ... تسديد الرسوم على أقساط ربع سنوية .... طبعاً معتمدة في مصر وأنت سايب إيدك ولو حصل لا قدر الله نزلت تماماً لمصر في أثناء الكورس فبتكمل هناك عادي جداً من بعد ما وقفت

2- جامعة الخرطوم للعلوم والتكنولوجيا

جامعة حكومية يعني بإذن الله هاتبقى مُعتمدة والاخبار هاتجيلي النهاردة أو بكرة ... الدراسة باللغة العربية ... الحجز بالضرب والطوابير .. الرسوم حنينه ... 6000 دولار .. الدكاترة زواويل من السودان ... الكورس مضغوط لإن الدراسة كل يوم من 7 إلى 10 مساءً ... فبيخلصوا في سنة واحده فقط ودي الميزة .. الكورس الجديد هايبدأ في أول شهر أكتوبر القادم ... ومن هنا ورايح ما حدش يندهلي إلا ويقولي يا ( زوووول ) .

-------------- بالنسبة لك يا عصام فأستنى أفضى شويه وأكلمك عن الـ PMP وأصحح لك شويه مفاهيم هاتفيدك بإذن الله .

الصراحة انا اتلخبطت على الاخر الكلام متناقض ومن نفس الاشخاص او انا اللي مش فاهم بليز فهموني شويا شويا لحسان اخوكم فهموا بطىء شويا

اكمل في الاكاديمية ولا لأ مش معترف بيها ؟؟!!!!

[se_ Elsyed]

لا مؤخذه يا باشا العتب على نظري انا

لم انتبه الا الان انك تتكلم عن بكالوريوس نظم معلومات وهو فعلاً غير معترف به من الاكاديمية العربية

وانا معليش كنت اتحدث عن تخصصي في الموارد البشرية اللي معترف به من المجلس الاعلى للجامعات

وبالتالي حاول تسحب فلوسك تاني عشان لا يضيع مجهودك هباءً

اتاري انا قولت الناس في الرياض قالوا لي 48 الف منين بقى نفس الجهة بس في جدة بتتكلم في 30 او حاجة و30

[deemuck]

السلام عليكم ورحمة الله وبركاته،،،

الاخ سي السيد ، انا حسبت الحسبة على انها 4500*9 + 100*9*7.9 سعر الجنيه يعني في حدود ال 50 ألف ريال. وقلت ان الاعتماد للطلبة التي تحضر في مراكز إدنبره لأن الدراسة في الاصل عن بعد. فأنت هنا ستحصل على ماجيستير من جامعة بريطانية بحضور كامل Fulltime ، والجامعات البريطانية لها احترامها في جميع انحاء العالم مقارنة بالاكاديمية العربية اعترافها في مصر والدول العربية خارج هذا النطاق لا ادري عنه.

بالنسبة للأكاديمية (MBA)في جدة سعرها 11 الف دولار.

الباشا مصري

اللبس حصل عندك لأننا تكلمنا في موضوعين MBA وماجيستير كمبيوتر من الأكاديمية العربية.

1 - ال MBA معترف من الاكاديمية العربية في مصر والدول العربية. ومعظم الجامعات الخاصة الدولية ... لأنها دراسة نظرية

2- ال MSc غير معترف بيه من الأكاديمية العربية ولا كل الجامعات الخاصة عدا (الجامعة الأمريكية - لمرحلة الماجيستير فقط ال PHd لأ )

ان شاء الله وضحت الصورة

[deemuck]

الغرفة التجارية بجدة دراسة ال MBA الأكاديمية العربية

تم إنشاء الأكاديمية العربية للعلوم والتكنولوجيا والنقل البحري عام 1972م وتقدم الأكاديمية برامجها التعليمية من خلال مقرها الرئيسي بمدينة الإسكندرية والقاهرة بجمهورية مصر العربية.

درجة الماجستير في إدارة الأعمال:

تقدم الكلية برنامجاً متكاملاً للدراسات العليا يتضمن عدة مسارات متخصصة في مجال الإدارة وفي مقدمتها درجة الماجستير في إدارة الأعمال.

كما تقدم الكلية برامج التدريب والاستشارات في مجال الإدارة والتمويل والاستثمار والتسويق. وقد تم معادلة شهادات الماجستير في إدارة الأعمال بالشهادات المماثلة في الجامعات المصرية بقرار من وزارة التعليم العالي والمجلس الأعلى للجامعات. تقدم الكلية برامجها في كل من القاهرة والإسكندرية بمصر- جدة والدمام بالسعودية- ودمشق بسوريا- وبيروت بلبنان.

فلسفة الكلية:

توفير مناخ تعليمي متميز يقدم أحدث وأرقى الخدمات الإدارية والتدريبية والاستشارية على يد المتخصصين والمستشارين المؤهلين علمياً وعملياً.

الهدف من برنامج ماجستير إدارة الأعمال :

إعداد قادة الأعمال المؤهلين للتعامل مع المتغيرات الدولية والإقليمية من خلال توفير مناخ تعليمي مستحدث يمزج بين الخبرة العملية والممارسة العملية ، ويوفر عناصر الإبداع والرؤى المستقبلية التي تحقق التميز للمؤسسات الخاصة التجارية منها والصناعية التي تعمل في مناخ دولي يتسم بالتنافسية.

قواعد التسجيل:

1- أن يكون الدارس حاصلا على شهادة جامعية من جامعة معترف بها.

2- أن يكون حاصلا على تقدير جيد على الأقل في الشهادة الجامعية السابقة.

3- أن يجتاز المقابلة الشخصية.

4- يتم التسجيل في شهري فبراير وأغسطس من كل عام.

المستندات المطلوبة:

1- شهادة المؤهل الجامعي.

2- بيان الدرجات الجامعية الحاصل عليها ( كشف العلامات).

3- صورة ضوئية لجواز السفر / البطاقة الشخصية.

4- استمارة التسجيل بالبرنامج.

5- (4) صور شخصية.

الخطة الزمنية:

1- ينفذ البرنامج خلال 4 فصول دراسية.

2- يدرس الطالب 16 مقرراً دراساً 48 ساعة معتمدة.

3- تتم الدراسة في عطلة نهاية الأسبوع في الدول العربية بنظام أل Module .

4- تتم الدراسة طبقاً للمخطط الدراسي الصادر من الكلية.

5- يرتكز تنفيذ البرنامج على نظام الساعات المعتمدة.

مقررات ماجستير إدارة الأعمال:

الفصل الدراسي الأول:

1-الإدارة المعاصرة 2- المحاسبة المالية

3- اقتصاديات الأعمال 4- الإحصاء التطبيقي

الفصل الدراسي الثاني:

1- إدارة العمليات والجودة 2- إدارة مالية

3- إدارة الموارد البشرية 4- تسويق

الفصل الدراسي الثالث:

1- الاستثمار 2- نظم المعلومات الإدارية والتجارة الإلكترونية

3- المحاسبة الإدارية 4- البحوث وإعداد التقارير

الفصل الدراسي الرابع:

1- تمويل متقدم 2- تسويق متقدم

3- موارد بشرية متقدمة 4- الإدارة الإستراتيجية

شروط الالتحاق :

1- شهادة بكالوريوس في أي تخصص بتقدير لا يقل عن جيد ومن جامعة معترف بها .

2- الإقامة بمدينة جدة .

الأوراق المطلوبة:

1- صورة من وثيقة التخرج موثقة من وزارة الخارجية + صورة منها.

2- صورة كشف الدرجات موثقة من وزارة الخارجية + صورة منها.

3- صورة من الهوية + صورة جواز السفر.

4- عدد 4 صور شمسية.

5- شيك مصرفي باسم الأكاديمية العربية للعلوم والتكنولوجيا بقيمة 2750 دولار أمريكي (رسوم الفصل الدراسي الأول).

6- ملف علاقي.

نظام المحاضرات :

1- أسبوع كامل كل 4 أسابيع (من السبت إلى الجمعة) .

2- جميع المحاضرات تعقد في الفترة المسائية من الساعة 6-10مساءً أيام السبت إلى الأربعاء ويوم الخميس من الساعة 2-6 مساءً ويوم الجمعة من الساعة 9-12 صباحاً.

الرسوم المطلوبة:

إجمالي الرسوم 11000 دولار أمريكي بواقع 2750 دولار لكل فصل دراسي، ويتم تسديد 400 دولار رسوم تخرج في الفصل الأخير (الرابع) .

القواعد الأكاديمية :

1- لا يحق للطالب إسترداد الرسوم الدراسية بمجرد بدء الأسبوع الأول من المحاضرات.

2- يجب تسديد الرسوم الدراسية الفصلية في الأسبوع الأول من الدراسية بعد أسبوعين كحد أقصى من بدء الدراسة.

3- يجب أن لا يقل معدل الطالب بعد إنهائه الثلاث فصول الدراسية الأولى عن 75% "جيد جدا" B بقيمة 3 نقاط لكي يستطيع التسجيل للفصل الرابع (الأخير).

4- إذا قل المعدل عن جيد جدا يتعين على الطالب أن يعيد المادة أو المادتين والتي حصل فيهما على أقل التقديرات من مواد الفصل الثاني والثالث ليستطيع استيفاء متطلبات التسجيل للفصل الرابع مع تسديد رسوم هذه المواد.

5- في حال استيفاء الطالب لمتطلبات التسجيل للفصل الدراسي الرابع فإنه يتمكن من التسجيل بالفصل الرابع.

6- بعد الإنتهاء من الفصل الرابع يجب أن لا يقل المعدل التراكمي للطالب عن جيد جدا B وإذا قل يتعين عليه التسجيل في إحدى مواد الفصول السابقة عدا الفصل الأول لتحسين معدله التراكمي وتسديد رسوم كل مادة يقوم بالتحسين فيها.

7- لمزيد من المعلومات الرجاء الاتصال على 6515111 تحويلة 3811-3812 عناية: حاتم الأحمدي - عادل الشطيري

mailto:Hahmadi@jcci.org.sa Ashetiry@jcci.org.sa : e-mail

منقول من موقع الغرفة التجارية بجدة

[deemuck]

والله أشوف مبلغ 11 ألف على الأكاديمية ضخم جدا هل الأكاديمية العربية تستاهل كل المبلغ؟

رأي الخاص للمغتربين اللي زي حالتنا اذا في إمكانية زيادة المبلغ ألفين أو ثلاثة والتحقنا بعد نزولنا مصر بالجامعة الأمريكية هيكون الوضع أفضل. على الأقل اسمها جامعة مش أكاديمية ،، وأمريكية ومش عربية ،، والدراسة بالانجليزية ومش بالعربية. يعني الاستفادة حتكون أكثر بفرق مبلغ اقل. أكيد طالب الدراسات العليا لازم يكون على إلمام بلغة أجنبية.

وفي حل أخر

ممكن نعمل ماجيستير إدارة الأعمال في أي جامعة في مصر القاهرة ، عين شمس ،،،الخ. عن طريق الانتساب وحضور الاختبارات وفي الأخر هيكون معاك ماجيستير إدارة اعمال (وبالأنجليزية هيكون Master in Business Administration ) يعني MBA وكبر دماغك ياعم.

سؤال ؟

ليه أل MBA؟ إذا كانت كل المواد درسها خريجو التجارة في البكالوريوس وطالبو الدراسات العليا في الدبلومة والماجيستير؟ ايه الزيادة اللي ممكن نخدها من أل MBA

ديم مق

[elgamal]

شكراً أخي الكريم على تلك المعلومات

بس عشان أنا فِهمي بطيء

الكورس بـ 4500 ريال مضروب في 9 + 100 استرليني في تسعه برضوا ( يعني كده عدت الـ 50 ألف ريال ؟!!!! يبقى الأكاديمية العربية للعولم والتكنولوجيا والنقل البحري برقبتها على الأقل هاتحضر هنا وتبقى وجهاً لوجه مع من يدرسوا لك ... ولا إيه ؟ )

ولا الحسبة زي مانا قولتها في المداخلة السابقة ؟ أصل السعر في الحالتين ما يدخلش العقل

مازلت أعتقد إن الكورس بتاع الزواويل لو معتمد يبقى 100 % على الأقل السعر حنين 20000 ريال تقريباً والمدة أهم حاجه سنة وأقلب وخلص وخش على الدكتوراة

فعلا الحسبة اكثر من 50 الف لانك كمان ناسى ثمن الكتب اللى انت لسه هتشتريها

عموما اعتقد اسم المكان اللى انت واخد منة الماستر يفرق كتير فى الشغل وخصوصا مع الشركات الاجنبية

[الباشا المصري]

اخواني ممكن حد يفيدنا اكثر عن شهادة PMP

انا سمعت عنها ولكن عاوز اعرف

هذه الشهادة موجة لمن اقصد لمن يشتغلون في اي مجال ؟

والسؤال التاني الشهادة دي بتدعمههم في ايه ؟

تكاليف الشهادة ؟

شروط الحصول على الشهادة ؟

هذه الشهادة من اي جهة اقصد اي شركة او جامعة او معهد ؟

ما مدى احتياج سوق العمل لها ؟

وحياككككككككككككم الللللللللللله ويعطيكم العافية

وانت كريم واحنا نستاهل

ههههههههههههههههه

سلام