ارجوا مساعدتي في شأن طفلي

[Omar_2007]

السلام عليكم ورحمة الله وبركاته

طفلي يبلغ من العمر 1 سنة , يزن 8 كيلو , ويعاني من حساسية في الصدر منذ ان اصبح عمره 5-6 اشهر تقريبا علمًا انني ووالدته لانعاني من اي شيء " حتى لا يقال انه قد يكون وراثي "

واعراضها كالتالي :

1- صوت خرخشة في الصدر بسبب البلغم الكثيف

2- كحة شديدة وقوية يوميا بمتوسط 1 - 3 مرات في اليوم وخصوصا وقت النوم

3- فقدان نسبي للشهية

والحمد لله لا يعاني من اي اعراض اخرى

وهذه الاعراض المزمنة تزول لفترة متوسط شهرين بمجرد استخدام هذين العلاجين لمدة 5 ايام , 3 مرات يوميا , كمية 2 مل :

1- Alupent

2- Sine Up مضاد هيستامين

وما أن تنتهي الشهرين حتى تعود الاعراض مره اخرى كما كانت تدريجيا "من ناحية الشدة"

اسألتي والتي اتمنى ان تجيبوني عليها كالتالي /

1- ماتشخيص حالة طفلي من وجهة نظركم علما انني عرضته على احد الاستشاريين واخبرني بوجود التهاب في صدره وكتب لي العلاجين المذكورين اعلاه ؟؟ فهل هناك اختلاف او علاقة بين حساسية الصدر والتهاب الصدر ؟؟

2- هل يعاني طفلي من الربو ؟؟ وان كان كذلك فلماذا لا تظهر عليه بقية اعراض الربو المعروفة ؟؟

3- هل هناك امل بشفاءه تماما ؟؟

تم تعديل 6 يناير 2007 بواسطة Omar_2007

[nash]

إن شاءالله دكتور هوبا يقوم بالواجب..لأغنه تخصص أمراض صدريه..

ربي يشفي أبنك...ويعافيه

[Omar_2007]

شكرا اخي / اختي nash

وفي انتظار الدكتور هوبا

تحياتي

[عازفه على أوتار الذهب]

الاخ الفاضل عمر...

ربنا يشفي ابنك يارب ويخليهولك ويكون بصحه دائمه يارب...

بس متقلقش يارب يكون خير هما الاطفال في السن ده

عادة ما بيكون عندهم الاعراض دي لمجرد الضعف..

بس اعراض الربوفعلآ اكتر من الاعراض اللي ذكرتها..

ربنا يشفيه ويديم عليه الصحه يارب...

[Omar_2007]

شكرا لكِ اختي عازفه على أوتار الذهب

وربنا يشفى كل مريض

[se_ Elsyed]

معليش يا جماعة ما تأخذونيش .. أنا في رأيي الشخصي إن في الحالات اللي زي كده بيبقى التشخيص زي ما بيسموه - السريري- يعني الكشف المباشر هو أفضل عشان الطبيب يشوف الحالة امام عينه ..

ونتمنى لإبنك يا أستاذ عمر الشفاء العاجل بإذن الله .

[drhouba]

1- ماتشخيص حالة طفلي من وجهة نظركم علما انني عرضته على احد الاستشاريين واخبرني بوجود التهاب في صدره وكتب لي العلاجين المذكورين اعلاه ؟؟ فهل هناك اختلاف او علاقة بين حساسية الصدر والتهاب الصدر ؟؟

2- هل يعاني طفلي من الربو ؟؟ وان كان كذلك فلماذا لا تظهر عليه بقية اعراض الربو المعروفة ؟؟

3- هل هناك امل بشفاءه تماما ؟؟

عمر حبيبى أولا أنا مش عاوزك تقلق بخصوص إبنك ربنا يخليهولك بأتم صحه و عافيه بالنسبه لأسئلتك فأنا حأرد عليها بالترتيب :

1 - حالة طفلك غالبا بتسمى إلتهاب فى الشعب الهوائيه الصغرى و بتكون مصحوبه بأعراض الربو زى اللى إنت ذكرتها و هى شائعه فى الأطفال و طالما العلاج اللى بيأخده دلوقتى جايب معاه نتيجه كويسه فخلليك عليه و لو إن الدراسات الحديثه فى هذه الحالات بتفضل إن العلاج يكون عن طريق الإستنشاق سواء فنتولين أو كورتيزون بواسطة جهاز إسمه نيبيوليزر و ده حسب شدة الحاله و لو فيه إرتفاع فى درجة الحراره بيفضل ياخد مضاد حيوى و عشان كده أخونا زعيم الأهلاويه سى السيد بيقول لك فى الحالات دى بيفضل الكشف على الطبيعه

2 - للآن ما نقدرش نقول إن إبنك عنده ربو لأن علشان تحلف على مريض إن عنده ربو لازم تعمل له وظائف تنفس و إبنك صغير و مش حيقدر يعمل الإختبار ده و لكن هل هذه الأعراض بتظهر عنده مع الروائح أو مع أدوار البرد و اللا ممكن تيجى لوحدها من غير أى سبب ؟ و برضه لازم خلال الأزمه الدكتور يسمعه كويس عشان يكون إنطباع مبدئى و أنا مصمم إنه نتيجه للإلتهاب الفيروسى بسبب البرد و خلافه ممكن تظهر نفس الأعراض و أنا أولادى كان عندهم نفس المشكله و تقريبا تلاشت دلوقتى و هم عندهم 5 سنين

3 - الأمل فى الشفاء دايما قائم بإذن الله و حتى بعد الشر لو بعد ما كبر طلع إن اللى عنده ده أزمه فكل شئ و له علاج و فيه إختبارات حساسيه بتتعمل لتحديد سبب الحساسيه لو موجوده و ساعات بتختفى عند البلوغ

و تحت أمرك فى أى إستفسار

إن شاءالله دكتور هوبا يقوم بالواجب..لأن تخصصه أمراض صدريه..

ناش مشكوره يا ست الكل إنك بتجيبى لى زباين و عموما لك نسبه على كل حاله و بأفكر أعمل لك عرض خاص كل 4 حالات ليكى واحد منهم و همتك معانا بقى عاوزين نكون نفسنا و نروح بلدنا أحسن الدنيا سقعه هنا قوى

تم تعديل 6 يناير 2007 بواسطة drhouba

[nash]

mfb: :sad: :wub:

شوكرن شوكرن يا دكتور هوبا....

بس أنا هاخد الحاله أعمل بيها أيه؟؟؟

أروح بيه لدكتور تاني؟ :rolleyes:

[drhouba]

mfb: :sad: :wub:

شوكرن شوكرن يا دكتور هوبا....

بس أنا هاخد الحاله أعمل بيها أيه؟؟؟

أروح بيه لدكتور تاني؟ :rolleyes:

لا يا حاجه ناش الحاله مش حتخديها طبعا بس ده مصطلح و سيم بين الدكاتره كنايه عن تمن الكشف

[Omar_2007]

اخي الفاضل se_ Elsyed

بالفعل تم التشخيص السريري وتم ابلاغي انه يعاني من التهاب في صدره وقد صرف له ادوية لها علاقة بالحساسية

انا احببت ان اتأكد فقط ان كانت هذه العوارض التي ذكرتها هي عوارض حساسية ام التهاب شعبي ؟؟ ام ان الحساسية = التهاب شعبي

وشكرا لك

اخي الفاضل دكتور هوبا اشكر لك طرحك السلس والواضح وردك على كل النقاط ودعني بالمقابل اجيبك على تساؤلاتك

1 - حالة طفلك غالبا بتسمى إلتهاب فى الشعب الهوائيه الصغرى و بتكون مصحوبه بأعراض الربو زى اللى إنت ذكرتها و هى شائعه فى الأطفال و طالما العلاج اللى بيأخده دلوقتى جايب معاه نتيجه كويسه فخلليك عليه و لو إن الدراسات الحديثه فى هذه الحالات بتفضل إن العلاج يكون عن طريق الإستنشاق سواء فنتولين أو كورتيزون بواسطة جهاز إسمه نيبيوليزر و ده حسب شدة الحاله و لو فيه إرتفاع فى درجة الحراره بيفضل ياخد مضاد حيوى و عشان كده أخونا زعيم الأهلاويه سى السيد بيقول لك فى الحالات دى بيفضل الكشف على الطبيعه

كلام جميل ونفس التشخيص الذي اخبرني به الدكتور

لكن التهابات الشعب الهوائية ما اسبابها بجميع انواعها ؟؟

2 - للآن ما نقدرش نقول إن إبنك عنده ربو لأن علشان تحلف على مريض إن عنده ربو لازم تعمل له وظائف تنفس و إبنك صغير و مش حيقدر يعمل الإختبار ده و لكن هل هذه الأعراض بتظهر عنده مع الروائح أو مع أدوار البرد و اللا ممكن تيجى لوحدها من غير أى سبب ؟ و برضه لازم خلال الأزمه الدكتور يسمعه كويس عشان يكون إنطباع مبدئى و أنا مصمم إنه نتيجه للإلتهاب الفيروسى بسبب البرد و خلافه ممكن تظهر نفس الأعراض و أنا أولادى كان عندهم نفس المشكله و تقريبا تلاشت دلوقتى و هم عندهم 5 سنين

هي في الاساس الاعراض دي بتظهر من دون اي سبب واضح بالنسبة لنا ودون اي اعراض مرضية مرافقه لها

ومع ذلك فهي بتظهر كمان مع اعراض مرضية كالتهاب الشعب الهوائية بسبب فيروس او بكتريا

طيب بالنسبة للربو .. اليست أزمة ضيق التنفس او الكتمه عرض مشهور من اعراض الربو ؟؟

وهل هناك فرق او علاقة بين الربو والحساسية ؟؟

3 - الأمل فى الشفاء دايما قائم بإذن الله و حتى بعد الشر لو بعد ما كبر طلع إن اللى عنده ده أزمه فكل شئ و له علاج و فيه إختبارات حساسيه بتتعمل لتحديد سبب الحساسيه لو موجوده و ساعات بتختفى عند البلوغ

و تحت أمرك فى أى إستفسار

جزاك الله خير اخي د.هوبا وما يآمر عليك عدو

واشكر جميع الاخوان والاخوات على روح الاخوّة والتعاون التي شعرت بها لديكم

تم تعديل 7 يناير 2007 بواسطة Omar_2007

[drhouba]

اخي الفاضل دكتور هوبا اشكر لك طرحك السلس والواضح وردك على كل النقاط ودعني بالمقابل اجيبك على تساؤلاتك

1 - حالة طفلك غالبا بتسمى إلتهاب فى الشعب الهوائيه الصغرى و بتكون مصحوبه بأعراض الربو زى اللى إنت ذكرتها و هى شائعه فى الأطفال و طالما العلاج اللى بيأخده دلوقتى جايب معاه نتيجه كويسه فخلليك عليه و لو إن الدراسات الحديثه فى هذه الحالات بتفضل إن العلاج يكون عن طريق الإستنشاق سواء فنتولين أو كورتيزون بواسطة جهاز إسمه نيبيوليزر و ده حسب شدة الحاله و لو فيه إرتفاع فى درجة الحراره بيفضل ياخد مضاد حيوى و عشان كده أخونا زعيم الأهلاويه سى السيد بيقول لك فى الحالات دى بيفضل الكشف على الطبيعه

كلام جميل ونفس التشخيص الذي اخبرني به الدكتور

لكن التهابات الشعب الهوائية ما اسبابها بجميع انواعها ؟؟

2 - للآن ما نقدرش نقول إن إبنك عنده ربو لأن علشان تحلف على مريض إن عنده ربو لازم تعمل له وظائف تنفس و إبنك صغير و مش حيقدر يعمل الإختبار ده و لكن هل هذه الأعراض بتظهر عنده مع الروائح أو مع أدوار البرد و اللا ممكن تيجى لوحدها من غير أى سبب ؟ و برضه لازم خلال الأزمه الدكتور يسمعه كويس عشان يكون إنطباع مبدئى و أنا مصمم إنه نتيجه للإلتهاب الفيروسى بسبب البرد و خلافه ممكن تظهر نفس الأعراض و أنا أولادى كان عندهم نفس المشكله و تقريبا تلاشت دلوقتى و هم عندهم 5 سنين

هي في الاساس الاعراض دي بتظهر من دون اي سبب واضح بالنسبة لنا ودون اي اعراض مرضية مرافقه لها

ومع ذلك فهي بتظهر كمان مع اعراض مرضية كالتهاب الشعب الهوائية بسبب فيروس او بكتريا

طيب بالنسبة للربو .. اليست أزمة ضيق التنفس او الكتمه عرض مشهور من اعراض الربو ؟؟

وهل هناك فرق او علاقة بين الربو والحساسية ؟؟

3 - الأمل فى الشفاء دايما قائم بإذن الله و حتى بعد الشر لو بعد ما كبر طلع إن اللى عنده ده أزمه فكل شئ و له علاج و فيه إختبارات حساسيه بتتعمل لتحديد سبب الحساسيه لو موجوده و ساعات بتختفى عند البلوغ

و تحت أمرك فى أى إستفسار

جزاك الله خير اخي د.هوبا وما يآمر عليك عدو

واشكر جميع الاخوان والاخوات على روح الاخوّة والتعاون التي شعرت بها لديكم

عمر باشا معلش إتأخرت فى الرد عليك سامحنى ... بالنسبه لسؤالك الأول عن أسباب إلتهابات الشعب الهوائيه فهى عديده منها بكتيرى و منها فيروسى و فى الغالب فى الأطفال بتكون فيروسيه و فيه أنواع أخرى نادره بتكون مصاحبه لأمراض أخرى لا داعى لذكرها الآن ممكن نفرد لها موضوع كامل بعد كده لو كان فيه ضروره و حد مهتم إنه يعرف .

و بالنسبه لسؤالك التانى هل هناك فرق بين حساسية الصدر و الربو فالحقيقه يا عمر إن حساسية الصدر هو إسم الدلع بتاع الربو لأن فيه ناس كتير بتتخض من كلمة ربو فالأطباء بيستخدموا كلمة حساسيه لتخفيف وقع الكلمه على الناس المهم أنا عاوزك تتفائل خير و تطمئن كله حيبقى تمام إن شاء الله و إبقى طمنا على إبنك بإستمرار و ما زلت تحت أمرك فى أى إستفسار .

و يا ريت تقرأ موضوع الربو اللى أنا كنت ناشره هنا يمكن تستفيد من أى معلومه فيه

http://www.egyptiantalks.org/invb/index.php?showtopic=25228

http://www.egyptiantalks.org/invb/index.php?showtopic=25543