والإسماعلوية كسروا غرور الأهلوية

[أبو حميد]

لأول مرة يتخلى الحظ عن الأهلي فأستطاع الدروايش أن يهزموهم بالثلاثة وعلى ميه بيضا بدون أهداف في مباراه من جانب واحد ومع الرأفة.

أنا بس عاوز الأهلويه يعرفوا أنه عدم التوفيق ممكن يكون سبب الهزيمة ويبطلوا يتريقوا على الزمالكويه لأن الأهلى "ثالث أندية العالم" ممكن يشيل تلاتة مستريح لو اللعيبة ما قدموش كرة حلوة.

وأقول للزمالك لازم ترمي اللعيبة الكسر اللي عندك وتلعب بالناشئين لحدة ما تربي جيل جديد قادر على العطاء لأن الأهلي لعب مباراة الأسماعيلي بنفس قوة مباراة الزمالك بس الزمالك كان سئ والأسماعيلي كان فعلا هايل.

[otaka]

لو اوتاكا موجود كانوا بقوا اربعه

على العموم احلى ما فى المباره جمهور الاهلى

فعلا روح رياضيه و تالت عالم

و الرد فى الاسماعيليه زى كل سنه

الاستوديو التحليلي للفضائيه المصريه يقطع فقره ما بعد المباره للانشغال ببقيه البرامج

لو الاهلى هو اللى كسب كان بكره اجازه قوميه

[Siwa]

الف الف الف مليون مبروك للزمالك فوزه على الاهلي السعودي. وهارد لك للاهلي

تم تعديل 8 يناير 2007 بواسطة Siwa

[رمضان]

السلام عليكم ورحمة الله وبركاته

انتم ليه يا جماعة مكبرين الموضوع كده الكورة غالب ومغلوب ومش معنى ان الاهلي خسر ماتش تبقى نهاية العالم

وارجو من الاخوة مشجعي الفرق الاخرى عدم الشماتة واهيب بهم ان يكون عندهم روح رياضية لاننا بنشجع الزمالك في مبارياته الخارجية وكل سنة وانتم طيبين وانسوا الماتش ده

[kokowawa1979]

لأول مرة يتخلى الحظ عن الأهلي فأستطاع الدروايش أن يهزموهم بالثلاثة

حظ إيه بس ياخويا أبو حميد - الأهلي سرق آخر مبارياته بالحكام بما فيها الزمالك !!!!

دول شبعوا الاسماعيلي تلبيس فاولات وكله دخل على الحكم لكن إن ربك لبالمرصاد !!!

حقيقة الأهلي خرج من فضيحة تقيلة !!!!

توقعاتي بعد المباراه :

عدلي القيعي يتصل بسكرتير الاتحاد المصري لكي يأتيه بعقود اللاعبين : محمد حمص- سيد معوض - عمر جمال - معتصم سالم - محمد فضل - محمد محسن

هاني سعيد- عبد الله سعيد ----------- للبحث عن ثغرات في عقودهم تمهيدا لضمهم للأهلي في فترة الانتقال الشتوي لركنهم على الدكة بجوار نادر وأكوتي وسماكة ومحمد عبدالله و.......

هي عادة الأهلي واللا هايشتريها !!!!!!!!

صدقوني توقعت أن يتصل حسن أهرام بسمير زاهر بين الشوطين لطلب طاقم مصري لاستكمال المباراة على الرغم من أن الإخوة الإماراتيين ماجصروا بلغة الإماراتيين !!!!!

[drhouba]

لأول مرة يتخلى الحظ عن الأهلي فأستطاع الدروايش أن يهزموهم بالثلاثة وعلى ميه بيضا بدون أهداف في مباراه من جانب واحد ومع الرأفة.

أنا بس عاوز الأهلويه يعرفوا أنه عدم التوفيق ممكن يكون سبب الهزيمة ويبطلوا يتريقوا على الزمالكويه لأن الأهلى "ثالث أندية العالم" ممكن يشيل تلاتة مستريح لو اللعيبة ما قدموش كرة حلوة.

وأقول للزمالك لازم ترمي اللعيبة الكسر اللي عندك وتلعب بالناشئين لحدة ما تربي جيل جديد قادر على العطاء لأن الأهلي لعب مباراة الأسماعيلي بنفس قوة مباراة الزمالك بس الزمالك كان سئ والأسماعيلي كان فعلا هايل.

أبو حميد إنت كده فى خطر بتتعدى بالقول على عناية النادى الأهلى و ربنا يستر عليك و ما تحاولش مش حيقتنعوا برأيك لأنهم ناس متواضعه و مش مسنودين بالإعلام و الحكام و الحظ و لا حاجه و بالنسبه للزمالك فزى ما إنت قلت بالضبط و لكن للأسف مفيش حاجه حتتغير لأن المجاملات لسه شغاله بدليل عدم تنظيم مباراة إعتزال لحازم حتى الآن المهم دلوقتى إنك تآخد بالك من نفسك لأنك دلوقتى مستهدف

لأول مرة يتخلى الحظ عن الأهلي فأستطاع الدروايش أن يهزموهم بالثلاثة

حقيقة الأهلي خرج من فضيحة تقيلة !!!!

توقعاتي بعد المباراه :

عدلي القيعي يتصل بسكرتير الاتحاد المصري لكي يأتيه بعقود اللاعبين : محمد حمص- سيد معوض - عمر جمال - معتصم سالم - محمد فضل - محمد محسن

هاني سعيد- عبد الله سعيد ----------- للبحث عن ثغرات في عقودهم تمهيدا لضمهم للأهلي في فترة الانتقال الشتوي لركنهم على الدكة بجوار نادر وأكوتي وسماكة ومحمد عبدالله و.......

هي عادة الأهلي واللا هايشتريها !!!!!!!!

صدقوني توقعت أن يتصل حسن أهرام بسمير زاهر بين الشوطين لطلب طاقم مصري لاستكمال المباراة على الرغم من أن الإخوة الإماراتيين ماجصروا بلغة الإماراتيين !!!!!

لا لا لا كده أزعلى منك يا كوكو عدلى القيعى يعمل كده ؟ مش ممكن ده نادى المبادئ و الأخلاق و اللا إنت ما بتتفرجش على تلفزيون و ما بتقراش جرايد و كمان إنت ناسى إنه نادى القرن لما كان الزمالك واخد بطولة إفريقيا 4 مرات و هو مرتين و بالنسبه للفضيحه اللى بتدعى إن الأهلى خرج منها فده إجهاد و إجتهاد و فرهاد و أى سبب لأنهم يا حرام بيلعبوا على طول مع إنهم تالت العالم و بيلعبوا مع فرق على قد حالها و ما تحلمش تلعب مع نادى القرن العالمى و على فكره عدلى بعد ما حيشترى اللعيبه دى كلها حيقدموا طلب لإتحاد الكوره إنهم يلعبوا المباريات ب 16 لعيب لأنهم بيمثلوا مصر فى الدورى و لازم كلنا نقف جنبهم يا عمى قول يا باااااسط

لو اوتاكا موجود كانوا بقوا اربعه

على العموم احلى ما فى المباره جمهور الاهلى

فعلا روح رياضيه و تالت عالم

و الرد فى الاسماعيليه زى كل سنه

الاستوديو التحليلي للفضائيه المصريه يقطع فقره ما بعد المباره للانشغال ببقيه البرامج

لو الاهلى هو اللى كسب كان بكره اجازه قوميه

أولا أوتاكا ما نقدرش نستغنى عنه هنا فى المحاورات ثانيا الروح الرياضيه اللى كان فيها جمهور الأهلى دى مش غريبه و لا جديده ما همه يا يكسبوا يا يطربقوها على دماغ الكل و ما تزعلش من الفضائيه المصريه لأنهم كانوا مغمومين و قطعوا البرنامج للإنتقال لعمر مكرم و عاوزك تقعد تقول لنفسك لمدة شهر الأهلى مجهد الأهلى مجهد الأهلى مجهد حتلاقى نفسك خفيت و بطلت ضحك و صدقت الكلام ده على طول و يا سيدى الأجازات جايه كتير

انتم ليه يا جماعة مكبرين الموضوع كده الكورة غالب ومغلوب ومش معنى ان الاهلي خسر ماتش تبقى نهاية العالم

وارجو من الاخوة مشجعي الفرق الاخرى عدم الشماتة واهيب بهم ان يكون عندهم روح رياضية لاننا بنشجع الزمالك في مبارياته الخارجية وكل سنة وانتم طيبين وانسوا الماتش ده

طبعا ده من منطلق إن الأهلى بيلاعب فرق أجنبيه فى الدورى و لازم نقف كلنا وراه و بعدين ليه لما الأهلى بيخسر بتبقى الرياضه غالب و مغلوب و غير كده يجي لنا صداع إعلامى شوبيرى مشترك عموما اللى بيحصل ده نتاج طبيعى للتواضع الأهلاوى الدائم المصحوب بحمى إعلاميه مرتفعة الحراره بس خلاص

[أبو محمد]

تألق الإسماعيلى اليوم ، وأنقذ مسابقة الدورى العام ..

عادت المسابقة بعد أن كادت تتحول إلى تدريب للنادى الأهلى .. أدى لاعبو الإسماعيلى المباراة بكل تصميم .. وأخرجوا ما فى جعبتهم من فنون الكرة .. وشتان بين الإسماعيلى اليوم ، والإسماعيلى أمام المصرى .. روح قتالية عالية .. جماعية وجمال فى الأداء .. أتمنى أن تستمر فى النصف الثانى من المسابقة تحت قيادة المدرب البرازيلى الجديد (مش عارف إيه العيب اللى فى صبرى المنياوى ؟!)

فى تعليقى على مباراة الزمالك .. قلت إن الزمالك كانت أمامه فرصة العمر ولكنه لم يغتنمها .. فالأهلى فى أسوأ حالاته .. ولكن الاسماعيلى استطاع اغتنام الفرصة وقدم عرضا رائعا على حساب النادى الأهلى الذى يلعب منذ العام الماضى وتحديدا منذ بطولة إفريقيا دون راحة وبمعدل يكاد يكون مباراة كل 3 أيام .. رأينا النادى الأهلى فى بطولة العالم ، التى سبقتها فترة راحة وتدريب فقط لمدة 10 أيام ، كان من نتيجتها أن قدم الأهلى مستوى مختلف تماما عما نراه فى الدورى المحلى منذ عودته ..

بالإضافة إلى نقص أكثر من نصف فريقه الذى كان يلعب فى الموسم الماضى (وائل جمعة ، محمد شوقى ، إسلام الشاطر ، بركات ، جيلبرتو ، محمد عبد الوهاب يرحمه الله ) فإن الأهلى هو الفريق الوحيد فى العالم الذى يلعب عامين متصلين ... فريق كهذا المفروض أنه يكون فى منطقة الوسط من الدورى .. ولكن فى غياب الزمالك (بفعل الزمالكاوية) .. ولطبيعة النادى الإسماعيلى منذ عرفناه (فريق طفرات) .. ومع أندية تلعب لمجرد التواجد .. فإن الأهلى كاد أن ينهى بطولة الدورى من منتصفها لولا تألق الإسماعيلى فى مباراة اليوم ونجاحه فيما فشل فيه الزمالك وبالطبع باقى أندية الدورى

لمشجعى باقى الأندية الحق كل الحق فى الفرح والشماتة .. فقد طالت فترة البيات الشتوى لهم (70 مباراة) ..

[zamalkawy]

واحدة واحدو تاتا تاتا الأهلي شال ثلاثة :P

ان شاء الله هرفع لكم الماتش كله بتحليله :wub:

يخرابي على ده ماتش يا خرابي :wub:

[Scorpion]

يا زملكاوي يا صديقي العزيز .....

مش عارف ليه جه في بالي المثل اللي بيقول :

القرعة تتباهي بشعر بنت اختها ....

افهم الزمبليطة دي كلها لو كنا احنا اللي كسبناه .... لكن فريق تاني حينفعنا بأيه ...

خلينا نبص علي فرقتنا احنا الأول ياكش تقوم بقي من التعسيلة الطويلة اللي هي فيها ...

زملكاوي قرفان ... حتي شوف أففففففف

[أبو محمد]

يا زملكاوي يا صديقي العزيز .....

مش عارف ليه جه في بالي المثل اللي بيقول :

القرعة تتباهي بشعر بنت اختها ....

افهم الزمبليطة دي كلها لو كنا احنا اللي كسبناه .... لكن فريق تاني حينفعنا بأيه ...

خلينا نبص علي فرقتنا احنا الأول ياكش تقوم بقي من التعسيلة الطويلة اللي هي فيها ...

زملكاوي قرفان ... حتي شوف أففففففف

الغريب يا سكوب إن الأخ zamalkawy ناسى إن فوز الاسماعيلى بيحرم الزمالك حتى من المركز التانى .. أعتقد فرق النقاط أصبح 5 لصالح الاسماعيلى ..

عندك تفسير ؟

[Hamdi Soliman]

بالإضافة إلى نقص أكثر من نصف فريقه الذى كان يلعب فى الموسم الماضى (وائل جمعة ، محمد شوقى ، إسلام الشاطر ، بركات ، جيلبرتو ، محمد عبد الوهاب يرحمه الله )

نسيت تقول ثابت البطل كمان!!

طب ماكونتم حضرتوا ارواحهم علشان النقص تقدروا تعوضوه! :P

[drhouba]

الغريب يا سكوب إن الأخ zamalkawy ناسى إن فوز الاسماعيلى بيحرم الزمالك حتى من المركز التانى .. أعتقد فرق النقاط أصبح 5 لصالح الاسماعيلى ..

عندك تفسير ؟

يا راجل و لا يهمك فداك المركز التانى إحنا و الإسماعيلى واحد إنشالله يكسبوا على طول و ينزلونا حتى درجه تانيه أدامهم الله طابقين على مراوح الأهلويه لغاية ما نجهز نفسنا و نفوق لكم زى زمان

[أبو محمد]

الغريب يا سكوب إن الأخ zamalkawy ناسى إن فوز الاسماعيلى بيحرم الزمالك حتى من المركز التانى .. أعتقد فرق النقاط أصبح 5 لصالح الاسماعيلى ..

عندك تفسير ؟

يا راجل و لا يهمك فداك المركز التانى إحنا و الإسماعيلى واحد إنشالله يكسبوا على طول و ينزلونا حتى درجه تانيه أدامهم الله طابقين على مراوح الأهلويه لغاية ما نجهز نفسنا و نفوق لكم زى زمان

إنت بتتكلم بجد ولا بتهزر ؟ .. أصل أنا فى المشاركتين بتوعى فى الموضوع ده باتكلم بجد ..

حاجة غريبة تانية .. إنت ليه متخيل إنى أهلاوى :wub:

أنا قلت ميت مرة إنى اتحاداوى By default وده لا يمنع إعجابى الشديد جدا جدا بالنادى الأهلى كنموذج للنجاح .. فى وسط أغلبه من أعداء النجاح

[Ahmad Farahat]

سؤال واحد إلى الزملكاوية قبل الأهلاوية............

إيه رأيكوا في الحكم...............

وهل الأهلي ما ينفعشي يتغلب غير بالدماء المسالة واللاعبين المجهدين المغشي عليهم إثر الضرب المبرح............

وهل دي مكافأة الأهلي...............

أنا عايز الأمانة..............

وهارد لك لينا............

[kokowawa1979]

سؤال واحد إلى الزملكاوية قبل الأهلاوية............

إيه رأيكوا في الحكم...............

وهل الأهلي ما ينفعشي يتغلب غير بالدماء المسالة واللاعبين المجهدين المغشي عليهم إثر الضرب المبرح............

وهل دي مكافأة الأهلي...............

أنا عايز الأمانة..............

وهارد لك لينا............

هو حرام الأهلي يتغلب يا أخي أرسين !!!

الحكم شبع لعيبة الاسماعيلي فاولات على الفاضي وعلى المليان - أما إذا كنت عاوز تقارن الحكم بما يفعله الإخوة : محمد سمير عثمان - فهيم عمر- -ياسر عبد الرؤوف - محمد فاروق فطبعا فارق شاسع بينه وبينهم لإن دول اخصائيين في احتساب الفاولات اللي خارج منطقة الجزاء ب100 متر لتصبح ضربة جزاء !!!! والأمثلة كثيرة !!!

نعم لو كان أحد هؤلاء قام بنحكيم المباراه لفاز الأهلي 3 على الأقل !!!

أما سيل الدماء التي تتكلم عنها فهل تسديد الكرة بالأنف بدلا من الرأس يحاسب عليها أحمد السيد أم مدافع الاسماعيلي الذي كان بعيدا عنه !!!!!

الأهلي يتمحك الآن بأن نصف فريقه مصاب وموقوف !! أليس الأهلي هو من فرغ الأندية من لاعبيها وقام بركنهم على الدكة حتى علاهم الصدأ لإن جهبذ التدريب يعتمد على مجموعة لايريد أن يقوم بالتغيير أو التبديل فيها فرأيناه يشرك الحضري وهو يلعب برجل واحدة !! ولم يفكر في نادر الذي تجمد دمه من كثرة الجلوس على الدكة - وأين وائل رياض وغيرهم !!! أليست القائمة 30 لاعبا والفريق 11 لاعبا فقط !!!

أما بالنسبة للعبة التي أصيب فيها دمث الخلق ( وهذه حقيقة لاينكرها إلا جاحد) فلو رجعت إلى شريط المباراه ستجد أن أبو تريكة كان بين لاعبين ولم يمسه أي منهم على الإطلاق ولقد حزنت عليه بالفعل لإن هذا اللاعب أعتبره الوحيد في لاعبي مصر الذي يتميز بالاستقامه وطيب الخلق بغض النظر عن انتمائه للأهلي !!!!

وأخيرا عزيزي أرسين متى يشاهد جمهور الأهلي المباريات بعيون غير حمراء !!!!

[الحاج فوزى]

والله قراءة تعليقات البعض خلتنى اضحك ، وانا بتفرج على الغل والحقد فى قلوب الزملكاوية

شمتانين فى الاهلى لما اتغلب فى المباراه !! بلا وكسه

اسم النبى حامى وحارس فريقكم ومدربكم حوش الانتصارات حوش

انا مش فاهم سر الفرحة ده ايه ؟!!

اكسبو نص او ربع مكاسب الاهلى بعدين تعالو اتكلموا

اصلا ارجعوا على خريطة الكرة المصرية بعدين تعالوا اتكلموا

ايه مش عاجبكم ان الاهلى لعب يجى عشروميت ماتش فى كام يوم ! ونص اللاعيبه مابين مصاب وموقوف

ولا حكاية ان الاهلى بيشترى اللاعيبه ده !! حاجة غريبة قوى والله

فريق ادارة كويسة ، تنظيم كويس ، مايشترى اللى هوا عايزه ، الفرق بتبيع ليه لما هيا محتاجة اللاعيبه ؟!!!

طيب ما تشترى يا زمالك اللى انت عايزه !! اه انت صحيح مش فاضى عنك مدربين بتشيل وتحط ، وادارة عماله تتغير وتتعين وقواضى ماليه المحاكم ، وسور عمال تبيع فيه ويا ريت نافع ، اقولك ربنا يستر على ولايانا .

الاخ اللى بيقول الاهلى خرج من فضيحة ثقيلة .. والنبى يا شيخ والنبى خلى اى حد غير الزملكاوية يتكلم على الفضائح ، المفروض اول ما اى زملكاوى يسمع كلمة فضيحة ، يقول يا حيطة دارينى

الاهلى يتغلب بعد عامين من دون خسارة لعب خلالها 71 مباراة حقق فيهم رقم قياسي لم يسبق لنادى مصرى تحقيقة والزمالك مايعديش ماتش والتانى الا ويشيل الهزيمة فى قفًه ( بضم القاف ) ويروح

الاخ كوكوواوا

جهبذ التدريب بتاع الاهلى نادى القرن حافظ على نتيجة النادى لسنتين ، ووصله لـ ثالت العالم ،

يا ترى جهبذ التدريب بتاع الزمالك هيوصله فين !!

اما بخصوص جمهور الاهلى - قصدك تقول ان جمهور الاهلى مش متعود يشوف نتائج غير حمراء.

اقولك ايه .. فكرتنى بإبراهيم نصر و... كوكوواوااا

حسين

تم تعديل 8 يناير 2007 بواسطة Huss.

[otaka]

سيد متولى عاوز حكم اجنبى يا شباب

كده الاهلى فى احتمال ينزل

[otaka]

اضحكوا شوية من موقع للأهلي

قاد الحكم الإماراتى فريد علي الإسماعيلى لتحقيق الفوز على الأهلى فى المباراة المؤجلة من الأسبوع الخامس عشر للدورى وتحالفت لجنة الحكام واتحاد الكرة لتنفيذ المخطط الذى يهدف إلى خسارة الأهلى لإيقاف مسيرته .. ولم تفلح التحذيرات التى أطلقها الأهلى قبل المباراة وتحذيره من الحكم الإماراتى لسوابقه مع الأهلى خلال مباريات البطولة العربية .. ولم يفلح أيضاً البيان الذى أصدره الأهلى بعدما أعلن اتحاد الكرة عن تعيين طاقم التحكيم الإماراتى لإدارة المباراة .. ولم يخف الحكم الإماراتى تعاطفه مع جمهور الإسماعيلى لحظة دخوله الملعب حيث أشار له الجمهور بعلامة الفوز .

[kokowawa1979]

Huss كتب:

فريق ادارة كويسة ، تنظيم كويس ، مايشترى اللى هوا عايزه ، الفرق بتبيع ليه لما هيا محتاجة اللاعيبه ؟!!!

معاك حق الإدارة كويسة جدا بدليل إن رئيس مجلس افدارة نهب له كم 100 مليون من إعلانات الأهرام !!

الإدارة كويسة لما كان عدلي القيعي في منصب سكرتير الاتحاد المعين بقيادة عصام عبد المنعم وقرا ملفات اللعيبه بتوع مصر كلهم لاستخراج الثغرات منها تمهيدا لضمهم لللأهلي في السن اللي كان واقع فيها الأهلي ملك الهزائم في هذا الوقت وكان معرض للهبوط في الدرجة التانية لولا مجلس الاتحاد الأهلاوي آنذاك بقيادة على جناح التبريزي وتابعه قفة فاخترع لنا الانتقال في منتصف الموسم وهو الموسم الذي انضم فيه فريق الأهلي حاليا أقصد محمد أبو تريكة واسنطاع أن ينتشل الأهلى من السقوط في بئر الحرمان أقصد في بئر النسيان !!!!

ماهو الأهلي نفسه الذي هرب من مقابلة الزمالك في البطولة العربية بعد أن رفض الاتحاد العربي طلب الأهلي بان يلعب بالفريق الذي اشستراه في النوة الشتوية ففضل الجهبذ نفسه الانسحاب من أمام الزمالك الذي كان في أشد عنفوانه هربا من الفضيحة !!!

معلهش ياأخ Huss اعتبر ده تنفيث من غل أو حقد زي ما انت قلت في أول مداخلتك عن تعجبك من غل وحقد الزمالكاوية مع إنك لو قريت التوبيك اللي قبله هاتعرف فين الغل بصحيح

اقولك ايه .. فكرتنى بإبراهيم نصر و... كوكوواوااا

مع احترامي الشديد لك فكرتني بمحمد سعد .........

ملحوظة أخي الفاضل نرجو عدم الزج بالغمز واللمز والتشبيهات الكوميدية التي لاطائل منها - فقد اضطررت لذلك لإنك أعطيتني الحرية أن تجعل تشبيهي بإبراهيم نصر في أي شخصية لكن قد تكون التي في راسي ووقتها وجدت محمد سعد هو الأقرب لكلامك - لذا فمعذرة !!!

تم تعديل 8 يناير 2007 بواسطة kokowawa1979

[Ahmad Farahat]

الحكم شبع لعيبة الاسماعيلي فاولات على الفاضي وعلى المليان - أما إذا كنت عاوز تقارن الحكم بما يفعله الإخوة : محمد سمير عثمان - فهيم عمر- -ياسر عبد الرؤوف - محمد فاروق فطبعا فارق شاسع بينه وبينهم لإن دول اخصائيين في احتساب الفاولات اللي خارج منطقة الجزاء ب100 متر لتصبح ضربة جزاء !!!! والأمثلة كثيرة !!!

نعم لو كان أحد هؤلاء قام بنحكيم المباراه لفاز الأهلي 3 على الأقل !!!

أما سيل الدماء التي تتكلم عنها فهل تسديد الكرة بالأنف بدلا من الرأس يحاسب عليها أحمد السيد أم مدافع الاسماعيلي الذي كان بعيدا عنه !!!!!

الأهلي يتمحك الآن بأن نصف فريقه مصاب وموقوف !! أليس الأهلي هو من فرغ الأندية من لاعبيها وقام بركنهم على الدكة حتى علاهم الصدأ لإن جهبذ التدريب يعتمد على مجموعة لايريد أن يقوم بالتغيير أو التبديل فيها فرأيناه يشرك الحضري وهو يلعب برجل واحدة !! ولم يفكر في نادر الذي تجمد دمه من كثرة الجلوس على الدكة - وأين وائل رياض وغيرهم !!! أليست القائمة 30 لاعبا والفريق 11 لاعبا فقط !!!

أما بالنسبة للعبة التي أصيب فيها دمث الخلق ( وهذه حقيقة لاينكرها إلا جاحد) فلو رجعت إلى شريط المباراه ستجد أن أبو تريكة كان بين لاعبين ولم يمسه أي منهم على الإطلاق ولقد حزنت عليه بالفعل لإن هذا اللاعب أعتبره الوحيد في لاعبي مصر الذي يتميز بالاستقامه وطيب الخلق بغض النظر عن انتمائه للأهلي !!!!

وأخيرا عزيزي أرسين متى يشاهد جمهور الأهلي المباريات بعيون غير حمراء !!!!

بداية لا ينبغي للمغالطات أن تكون حكما بيننا و لايمكنك ادعاء شيء على حكامنا المصريين بأنهم يجاملون الأهلي أو يعملون على تواصل انتصاراته فأنت تعلم مثلي أن هذا الأمر كذبة يدعيها الفاشلون العاجزون عن تحقيق الإنتصار ولا أتمنى أن تكون واحدا من بينهم(من قلبي والله بقول الكلام ده)

أما عن سمير عثمان في مباراة إنبي مثلا فقد كان للأهلي ضربة جزاء واضحة لم يحتسبها الحكم في الشوط الأول لمتعب كما أن خطأ الحكم في التسلل أتى من المساعد ولا يمكنك إقناعي بأن هذا الخطأ ليس واردا في كل مباريات الكرة العالمية............

ومهما بلغ ظلم الحكام للأندية التي تلاعب الأهلي فإن هذه الأخطاء لا تكفي لصنع بطل بحجم الأهلي وأنت تدرك هذا أيضا..............

حكامنا يخطئون في حدود المقبول ودون أن يتعمد أحدهم الخطأ فقط هم كأشياء كثيرة في مصر ضعيفة المستوى وأنا أعرف جيدا ما أقول..............

أما حديثك عن القائمة (اللي تاعبة ناس كتير مش عارف ليه) فهو حديث ممل سئمناه كأني بك لا ترى هذا الأمر في جميع الأندية وفي الزمالك نجد الكثير من اللاعبين لا يلعبون ومنهم من أتى وغادر دون أن نشعر به ولك في عادل فتحي مثال كما أن رصيد مانويل جوزيه من الإنجازات لا تهزها مباراة العار التي لعبت بالأمس........

لقد شاهدنا جميعا هذا الحكم السائر في اتجاه واضح ومتعمد ضد الأهلي كما إن إصابة أحمد السيد تسبب فيها صعود قدم أحمد فتحي وليس نزول رأسه كما ادعيت أنت كما أنصحك بإعادة النظر في مسألة إن أبو تريكة محدش لمسه..............

أما عن العيون الحمراء فأقول لك كلا يا سيدي نحن لا نغضب للهزيمة إن أتت بشرف وكثيرا ما هزمناكم وهزمنا أزلام ناديكم رغم عدم اللعب بأسلوب شريف وأذكرك أن هؤلاء اللاعبين مظلومون لأسباب لا أدري لماذا يغض الطرف عنها.............

إنني لست غاضبا من الهزيمة فالأهلي حقق ما لايمكن لأحد أن يحققه ولكنني ناقم على هذا الأسلوب غير الشريف الذي اتبعه الإسماعيلي ليهزمنا وأستعيد قول صدام حسين(هيك المرجلة)...........

لازال لدي الكثير لأقوله ولكن فليكف هذا الآن............ز