والإسماعلوية كسروا غرور الأهلوية

[kokowawa1979]

إنني لست غاضبا من الهزيمة فالأهلي حقق ما لايمكن لأحد أن يحققه ولكنني ناقم على هذا الأسلوب غير الشريف الذي اتبعه الإسماعيلي ليهزمنا وأستعيد قول صدام حسين(هيك المرجلة)...........

لازال لدي الكثير لأقوله ولكن فليكف هذا الآن............ز

مهلا أخي أرسين فكل ماكتبته يدل على أنك غاضب من هزيمة الأهلي بالفعل !!!

فأي أسلوب غير شريف اتبعه الاسماعيلي لكي يكسب الأهلي ؟ فهي ليست المرة الأولى التي يفوز فيها الاسماعيلي على الأهلي بالثلاثة أو الأربعة فقد سبق ذلك مرات عديدة والهزيمة ليست عار في حد ذاته لكن إن الاسماعيلي أو أزلامنا كما تقول سبق لكم أن هزمتوهم وهزمتم الزمالك فهذا لايمكن إنكاره .

لكن بالله عليك أخي أرسين وبكل حياد كم مرة دخل الأهلي منطقة جزاء الاسماعيلي أمس ؟؟؟؟

إن نسبة استحواذ الاسماعيلي على الكرة أمس كانت نسبة 90 % و10 % للأهلي من ال90% نسبة 90% منها داخل منطقة جزاء الأهلي وهذا بشهادة الأهلويين طه اسماعيل وشوبير !!

لهذا فعلا الأهلي خرج من المباراة بأقل خسائر ممكنه !!!

والحمد لله أنك لم تقل الكثير الذي لديك لإننا مش هانخسر بعض علشان خاطر الأهلى والزمالك كمان علشان ماتزعلش وآدي راسك ياعم أرسين :wub:

[أبو حميد]

إنني لست غاضبا من الهزيمة فالأهلي حقق ما لايمكن لأحد أن يحققه ولكنني ناقم على هذا الأسلوب غير الشريف الذي اتبعه الإسماعيلي ليهزمنا وأستعيد قول صدام حسين(هيك المرجلة)...........

لازال لدي الكثير لأقوله ولكن فليكف هذا الآن............ز

لا بجد أيه هو بقى الإسلوب غير الشريف؟

سقا الأهلي حاجة أصفرة ولا قاله بص العصفورة وشيله ثلاثة على حين غرة

عزيزي أرسين لوبين لازم نعترف أن الأهلي كان فعلا وحش (أرهاق بقى أصابات الله أعلم) ومن ماتش أنبي وهو كده بس ربنا سترها قدام أنبي والزمالك التعبان.

أما الإسماعيلي فهو فعلا لعب ماتش عمره وكان موفق جدا والحكم لم يساعده في شئ الأهداف صحيحة ومفيش أي قرارات مؤثرة كانت منحازة للإسماعيلي ومحمد صبحي لم يختبر سوي كرة متعب اللي في العارضة في حين دفاع الأهلي شايل كذا جون من الخط.

مش كده ولا أيه؟

[أبو محمد]

أتابع منتدى الرياضة باهتمام بالغ لأن الوسط الرياضى إبتداء جهاز الرياضة إلى الجماهير مرورا بالأندية وإداراتها هو شريحة إذا اختبرناها انعكست أمامنا صورة للمجتمع الكبير ... ولحسن الحظ فإن النادى الذى أشجعه نادى مسالم .. لا يصارع على القمة وأحيانا قليلة يحاول الهروب من القاع .. ولذلك فأنا أنظر إلى مشاركات مشجعى الفرسان الثلاثة (الأهلى والزمالك والاسماعيلى) بعين لاهى حمراء ولا بيضاء ولا صفراء (يجعلها خضرا بإذن الله) :wub:

مما يثير الحزن أن نرى الجماهير تسلم عقولها إلى من يخدعونهم .. فقطاع عريض من الجماهير يردد أكاذيب أطلقها الفاشلون ليبرروا فشلهم ويشوهوا نجاح الآخرين .. وتشويه نجاح الآخرين أسهل بكثير من محاولة الوصول إلى مثل نجاحهم .. وتشويه نجاح الآخرين وخداع الجماهير يلفت نظر تلك الجماهير عن فشلهم .. وأفضل بيئة لنشر الكذب والخداع هى البيئة المتعصبة .. لذلك يلجأ المخادعون إلى خلق تلك البيئة المتعصبة ليسهل عليهم ممارسة خداعهم

أرجو ملاحظة أن الفقرة السابقة لا تخص الجماهير الرياضية فقط ..

سأتكلم الآن عن الجماهير الرياضية (التى أعتبرها شريحة لباقى الجماهير) .. فلقد لاحظت منذ عامين (بداية خروج النادى الأهلى من كبوته بنجاح) أن جماهير الفارسين الآخرين (الزمالك والاسماعيلى) تردد مقولة أن النادى الأهلى أفرغ النادى الإسماعيلى من لاعبيه .. ولاحظت ردود الأهلوية من أن الأهلى لم يأخذ لاعبا من الإسماعيلى سوى خالد بيبو ومحمد عبد الله والباقى أتوا إلى الأهلى من أندية أخرى (إسلام الشاطر ، عماد النحاس ، بركات) وأن النادى الأهلى لعب بطولة أفريقيا وبطولة العالم وأبلى فيهما بلاء حسنا بدون هؤلاء اللاعبين .. وقرأت ردودا أخرى ، لا أرى فيها إلا التعصب الأعمى ولذلك لن أذكرها

ولكننى قرأت فى أهرام الجمعة الماضية موضوعا عن عقد النادى الإسماعيلى مع المدرب الهولندى "مارك فوتا " وخرجت من الموضوع بما يؤكد بالوثائق كيف يتلاعب الفاشلون بعقول جماهيرهم .. فيصورون لتلك الجماهير أن هناك من يتآمر على ناديهم ويسعى لتفريغه من لاعبيه وفى الحقيقة أنهم هم الذين يتاجرون بلاعبى النادى ويهدرون المال العام .. إتضح أن إدارة الإسماعيلى تعاقدت مع سمسار لاعبين فى هيئة مدير فنى ليسوق لاعبى النادى مقابل 25% من قيمة التعاقد .. رأيت كيف يبيعون هذا التعاقد لمن يطلع عليه ببند غريب لا يوقعه مدرب محترف يتعهد فيه يإحراز ثلات بطولات (2 دورى وكأس) .. رأيت كيف يتنازل النادى عن 600 ألف دولار ويظهر للجماهير أن من أسباب الفشل قلة الموارد المالية .....

سأضع صورة للموضوع لمن لم يقرأ عدد الأهرام .. بدون المزيد من التعليق .. لعل البعض يقدم استقالته من حزب أعداء النجاح .. وينصرف إلى تشجيع ناديه بكامل وعيه

[otaka]

اسلوب غير شريف

هو اللى حصل فى اخر ماتش فى القاهره ده تسموه ايه

كوره محمد جوده اللى الاخ الملاكى محمد السيد اعتزل بسببها

ما هو لا الاهلى ده رضى الله عنه و ارضاه و لازم يكسب بالذوق بالعافيه لاما فى حاجه غلط

لولا الكفته و بخت بطيخه المحظوظ الجيم كان خلص تمانيه و لا تسعه امبارح مرتاح

كفايه انفراده ايمن الجمل اللى اتحسبت اوفسيد

بتفكرنى بجول الراحل اوتاكا فى احد الاربعات السابقه

تم تعديل 8 يناير 2007 بواسطة otaka

[se_ Elsyed]

أستفزتني كلمات كوكواوا

اللي كان واقع فيها الأهلي ملك الهزائم في هذا الوقت وكان معرض للهبوط في الدرجة التانية

إنت بتتكلم جد ولا بتهرج

لغإ الكلام ده لو جد يبقى قول قدام الناس ترتيب الأهلي كان كام في تلك السنوات ؟

وكام مباراة إتهزمها في كل موسم وكام هدف أُحرزوا في مرماه ؟

سكوربيون أخد الكلام من على طرف لساني

والظاهر إن الزملكاوية كلهم عجينه واحده وال " القرعة بتتعاجب بشعر بنت اختها "

وقال إيه مش مهم إحنا نغلب لكن المهم الإسماعيلي يغلب الاهلي ... طب ما تندمجوا مع بعض وتورونا نفسكو

إش حال لو كان االأهلي إتغب 6/0 مثلاً زي ما عملنا في الإسماعيلي العام قبل الماضي .. ده كانت القيامة قامت

المباراة كانت مثلها مثل أي مباراة وأي فريق في العالم بيتغلب لكن لما يبقى نفس الفريق ده اللي أتغلب مازال متربع على قمة الدوري بفارق معقول وصاحب أقوى هجوم ودفاع وهداف الدوري منه وبقى له 71 مباراة متتالية على مدار ما يقرب من 3 سنوات ( من مايو 2004 ) لم يُهزم وحتى تعادلاته لا تذكر ولا تتعدي السبع مباريات .. يبقى الزمالكاوية هما اللي لازم يتكسفوا ...

بمناسبة الدرجة الثانية

الموسم قبل الماضي في نادي إسمه الزمالك جمع 6 نقاط من 13 مباراة في الدوري الثاني والفرق اللي نزلت درجة تاننية جمعت ضعف ما جمع وكل فريق كان مزنوق في نقطة كان بيلطش له وياخدها منه وتقريباً إتهزم من جميع فرق الدوري حتى اللي هبطت .. وزي ما قلت قبل كده لو كان الدوري من دور واحد كان زمان بتوع ميت عُقبه بيلعبوا في دوري كفر أبو طشت ..

والفرق الكبيرة بتبان من نفسها الطويل .. فبعد ما طلع الزمالك بأقل خسائر وأنهزم 2/1 بس من إسبوع .. كلهم قالوا " زعبوله القله رجع تاني ويا أهلاً بالمعارك " وإذ به يفلت من هزيمة محققه أمام المحلة بعدها بعدة أيام .. وبقى مجموع نقاطه قريب من فرق الوسط زي المحلة والاتحاد والمقاولين وحتى المرتبة الثانية اللي بيعشقها مش هايحصلها وهايشترك زيه زي أي فريق تعبان في الكأس الكونفدرالية ..

أما عن الإسماعيلي فبلا شك أدى مباراة ممتازة لإنه فريق صاحب مهارات وبه لعيبه عاليين .. لكن للأسف مشكلة الإسماعيلي في البدلاء وفي إدارته كمان وبالتالي زي ما قلنا ممكن تلاقيهم في الماتش الجاي قدام طنطا مثلاً إتعادلوا أو إتغلبوا كمان .. والفريق اللي بيرسم على الدوري لازم يكون ماشي بخطوات ثابتة وحتى لو حصلت له كبوة لازم يقوم منها بسرعة ..

ومازلت أراهن بإن الأهلي هو بطل الدوري والإسماعيلي التاني والزمالك بقى ربنا يتولاه ...

واللي بيتكلم على إن الأهلي بيخطف اللعيبه وبيغريهم في الفلوس يبقى لسه عايش في الغيبوبة والعصور الحجرية وروح الفلنه والإنتماء للنادي حتى لو هاتشحت ويكون بقى لك شهور ما أخدتش مرتبك وعمال تكحت في الأسفلت .

فلما تعرفوا إن كل لاعب في الأهلي حصل على مبلغ وقدره 2 مليون ج مكافأت فوز فقط في سنة 2006 ... يبقى بالله عليكو هل في لاعب عاقل ما يتمناش إنه يرتدي فانلة النادي الأهلي ؟

[أبو محمد]

اسلوب غير شريف

هو اللى حصل فى اخر ماتش فى القاهره ده تسموه ايه

كوره محمد جوده اللى الاخ الملاكى محمد السيد اعتزل بسببها

ما هو لا الاهلى ده رضى الله عنه و ارضاه و لازم يكسب بالذوق بالعافيه لاما فى حاجه غلط

لولا الكفته و بخت بطيخه المحظوظ الجيم كان خلص تمانيه و لا تسعه امبارح مرتاح

كفايه انفراده ايمن الجمل اللى اتحسبت اوفسيد

بتفكرنى بجول الراحل اوتاكا فى احد الاربعات السابقه

إنفرادة أيمن الجمل لم تكن أوفسايد .. كلامك صحيح يا أوتاكا ..

بس أنا فاكر فى أحد مناقشاتنا طلبت منك أن تنظر بعينيك الإثنتين ...

الأهلى له 3 بنالتى لم يحسبوا .. أحدهم مضحك جدا اللى مدافع الاسماعيلى شال رجلين حسن مصطفى الاتنين من الخلف ... كان ممكن ما اضحكش لو البنالتى لم يحتسب .. لكن ضحكت عندما احتسب فاول على حسن مصطفى

الحكم كان أسوأ بكتير من الحكم السلوفاكى بتاع ماتش الزمالك

[kokowawa1979]

أستفزتني كلمات كوكواوا

ياسلام ياخونا سي السيد وأخيرا ظهرت. :huh: الحمد لله إن كلماتي استفزت زعيم الأهلوية في الموقع لإن بصراحة كان ناقصنا تعليقاته الشديده دائما .

إنت بتتكلم جد ولا بتهرج

لأ طبعا باتكلم جد سي السيد هي الحاجات دي فيها هزار !!

ياترى لسة متذكر أول سنه مسك فيها المأسوف على شبابه عصام عبد المنعم وتابعه عدلي القيعي سكرتير الانحاد في الوقت ده كان ترتيب الأهلي الكام في يناير !! كان اثامن وبينه وبين الأخير تقريبا 4 نقاط فتم اختراع الانتقال الشتوي من أجل عيون الأهلي بالطبع ممثل الحكومة وتم تدعيمه بحسن مصطفى وابوتريكة اللي هو فرقة الأهلي لواحده حاليا !! يعني الأهلي كان هابط هابط !!! بيفكرني بالسنة اللي الأهلي كان في المركز العاشر في الستينات وفاز الزمالك يومها واضطر المرحوم صالح سليم ورفعت الفناجيلي والملقب بالشيخ الشريب لقيادة التمرد على الحكم في الملعب ويومها ألغى المشير عامر الدوري حتى لايهبط الأهلي إلى دوري الحرافيش !!!

إنتم ليه بتنسوا التاريخ !!!

أنتم الآن تعايرون الزمالك بأنه حصل على المركز السادس الموسم قبل الماضي نعم لإن الفرقة كانت ومازال الكثير منها لايصلح للعب كرة القدم - لكن السادس بمجهود المكسحين أفضل من سرقة اللاعبين وليس ضم اللاعبين لإن نادي المبادئ في كثير من صفقاته بيفكرني بتوفيق الدقن في أحلى من الشرف مفيش ؟؟ فهو يجعل اللاعب يتمرد على ناديه بصرف النظر عن إن الزمالك دخل في منافسة على اللاعب وعندك عمرو منشطات وأكوتي ومحمد عبدالله دليل على ذلك!!

ونظرا لإن فلوس الأهلي حرام في حرام :P فما يجمعه في سنين يضيع في ثانية :blink: فأين أكوتي منساه أبو 11 مليون - وأين بركات وأين جيلبرتو وأين أحمد حسن الذي خطفه الأهلي من الاسماعيلي ( غير أحمد حسن الحالي الشهير باستاكوزا !!! بل أين نادر السيد - أليست هذه كلها ملايين ضائعة !!!

بل أين نادي المبادئ حينما سرق المرحوم ( طيب الله ذكراه وجعله من أهل جنته ) محمد عبد الوهاب الذي خطفه الأهلي بل سرقه من نادي الظفرة الإماراتي ولكن نظرا لإن الأهلي هو السارق لذلك قام الإخوة المطعمين بإكفاء ماجور على هذه القضية !!!

أسيب لك المجال شوية بقى أخي السيد :blink:

[se_ Elsyed]

نفس المنطق ونفس اللسان

وطول ما في شماعات عبيطه بتعلقوا عليها فشلكو هاتفضلوا زملكاويه 100 سنة لقدام .. وبعد كده هاتاخدوا عل كده

أصل يا كوكواوا يا صاحبي لي صديق إسمه محبط بيقول برضوا إن الأهلي نادي لغسيل الأموال زي ما أنت بتقول إن فلوسه حرام .. وزي ما عينت نفسك قاضي القُضاة وقلت إن حسن حمدي سرق 100 مليون جنيه وقد يكون لديك أدلة سرية ستكشفها في الوقت المناسب - مانتو تربية مرتضى منصور بتاع ملف لكل مواطن -

وإذا كنا في سنة 2007 ولسه بتتكلموا عن سرقة اللعيبة أو إن الاهلي بيسقيهم حاجات أصفره ويخليهم يوقعوا عقود للعب ضمن صفوفه ولا تعترفون بالإحتراف ولا تملكون دليل واحد بإن الاهلي خد راجل من وسط عياله قصدي أخد لعيب من ناديه اللي لسه عقده ساري معه بدون دليل حتى لصرصار واحد مش لاعب ... يبقى كل سنة وإنتو طيبين

أما حكاية إن الأهلي كان الثامن في هذا العام .. فكل سنة وإنت طيب برضوا وخد لك حبيتن لإنعاش الذاكرة

إستنى قبل ما امشي

بمناسبة صفقات الأهلي المضروبة والفلوس اللي راحت في الأرض ... ما تكلمنا كده عن صفقات الزمالك سواء المحلية او الأجنبية يا مان وإطربنا .. ربما يكون الزمالك بيحافظ على القرش وهو عبارة عن معمل تفريخ للناشئين وجميع لاعبية من أو عبمنصف إلى عمرو زكي عاملهمم بعرق جبينه ..

وما تنساش وإنت في السكة تدفع الفلوس اللي عليك للأوقاف قبل ما يتحجز عليكو عشان ما دفعتوش أوجرت أوكتوبر ونوفيمبر وديسيمبر .. فاكر الفيلم ده ؟

يا راجل ده مش بعيد نصحى الصبح نلاقي فلنات اللعيبة نزلت في المزاد عشان يسددوا الـ 14 مليون الديون اللي عليكو للأوقاف ....

وقبل ما تتكلم عن فلوس الأهلي الحرام .. روحوا ياخويا إدفعوا فلوس اليتامى والمساكين اللي لهفتوها

وبرضوا إفضلوا إتمسحوا في الإسماعيلي وتدارو على خيبتكو وإتكلموا عن أبو حباجة والضظوي اللي دفعوا رشوى للحكم سنة 800 قبل الميلاد عشان توت عنخ آمون ياخد الدوري من تحتمس الثالث وعيشوا في غيبوبة الماضي وإنسوا الحاضر أو المستقبل الأسود ...

أما عن سرقة محمد عبد الوهاب فدي تهمة أخرى بتبعترها بدون قصقوصة ورق كدليل .. وإنت طبعاً يا كوكو مش أقوى من الفيفا اللي فضيحة الزمالك عنده بقت بجلاجل ولسة الكابتن جودا هايجيب لكو حكم نفقة مثتعةو وهاياخد حقه تالت ومتلت منكو .. وبالتالي لما هو مسروق من نادي الزفرة .. كان بيلعب في الأهلي جدعنه ولا تخليص حق .. وليه الظفرة ما اشتكاش للفيفا لو كان عنده دليل إن الاهلي خطاف رجالة ؟

إلا بالحق .. أخبار شيكابولا إيه ؟ وهايلعب إمتى ؟ وشهادة التجنيد المضروبة اللي قدمتوها لباوك وإن فاضل له 5 سنين في الخدمة العسكرية أخبارها إيه ؟ يا راجل ده أنتو عملتوا اأفراح وليالي ملاح عشان أخدتو الصفقة من الاهلي وكانت عبارة عن صفعه لا مؤخذه مش صفقة والموسم خلص وماشوفناش شيكوبولا ولا شعبولا حتى ؟

يا راجل دي غلطة ما يعملهاش حرامي غسيل .. ده لو واحد بصمجي بياخد 3 سنين تجنيد .. يبقى جبتوا الخمسة والخميسة دي منين ؟ إوعى تكونوا كنتو عايزينه يتطوع ويبقى عسكري مخله ؟ .... على فكرة تعرف ولا ما تعرفش إن الزمالك بيحاول يسحب الورقة دي قبل ما باوك ياخدها ويطلع بها على قسم أول الفيفا ويبهدلكو بها ويطعن بالتزوير وتبقى فضيحتكو بجلاجل ؟.. يعني حجز على العفش وسجن بتهمة التزوير وفي شهر عشرة الجاي مقدمين على الضغط ولاذبحة الصدرية وهانستلمهم في الميعاد ...

وبرضوا الأهلي عمهم وحابس دمهم

[أبو محمد]

يا عم س.س ... إنت حقيقى عندك سادية فظيعة .. ياراجل من حقهم الفرح .. ومفيش مانع من شوية شماته .. مش كتير عليهم بعد 71 مباراة بدون هزيمة ومكسب كل البطولات اللى بيشترك فيها الأهلى ..

بس نفسى يكون الكلام بحقايق مش ترديد لأقوال تبريرية مصدرها مجالس إدارات همها الأول السبوبة والذى منه

وبعدين ماتزعلش .. مفيش نادى فى العالم بيكسب على طول الخط .. الرياضة برضه فيها هزيمة .. وبكل موضوعية الأهلى بيمر بظروف لو نادى تانى بيمر بيها كان كتيره مكان فى المنطقة الدافئة من جدول الدورى .. وده دليل على إن الأهلى كيان كبير وناجح بالرغم مما يقوله الفرحون بهزيمته

[Ahmad Farahat]

إنفرادة أيمن الجمل لم تكن أوفسايد .. كلامك صحيح يا أوتاكا ..

بس أنا فاكر فى أحد مناقشاتنا طلبت منك أن تنظر بعينيك الإثنتين ...

الأهلى له 3 بنالتى لم يحسبوا .. أحدهم مضحك جدا اللى مدافع الاسماعيلى شال رجلين حسن مصطفى الاتنين من الخلف ... كان ممكن ما اضحكش لو البنالتى لم يحتسب .. لكن ضحكت عندما احتسب فاول على حسن مصطفى

الحكم كان أسوأ بكتير من الحكم السلوفاكى بتاع ماتش الزمالك

أحب أن أضيف إلى معلومتك القيمة سيدي العزيز.............

أنه في المباراة التي أشار إليها السيد أوتاكا...........

لم يحتسب محمد السيد ضربة جزاء واضحة لأحمد جلال ناشئ الأهلي............

وقد اعترف بها أيضا في أحد البرامج الرياضية بعد أن رآها...........

بس تقول لمين............

[Diab]

الإسماعبلي هو اللي غلبنا الزمالك فرحان ليه هه

عبلة كامل

خدوا سته رايح خدوا أربعة جاي

الكورس

خدوا سته رايح خدوا أربعة جاي

خدوا سته رايح خدوا أربعة جاي

خدوا سته رايح خدوا أربعة جاي :huh: :P :blink: :blink: mfb: :) :D -_- -_-

[الحاج فوزى]

Huss كتب:

فريق ادارة كويسة ، تنظيم كويس ، مايشترى اللى هوا عايزه ، الفرق بتبيع ليه لما هيا محتاجة اللاعيبه ؟!!!

معاك حق الإدارة كويسة جدا بدليل إن رئيس مجلس افدارة نهب له كم 100 مليون من إعلانات الأهرام !!

الإدارة كويسة لما كان عدلي القيعي في منصب سكرتير الاتحاد المعين بقيادة عصام عبد المنعم وقرا ملفات اللعيبه بتوع مصر كلهم لاستخراج الثغرات منها تمهيدا لضمهم لللأهلي في السن اللي كان واقع فيها الأهلي ملك الهزائم في هذا الوقت وكان معرض للهبوط في الدرجة التانية لولا مجلس الاتحاد الأهلاوي آنذاك بقيادة على جناح التبريزي وتابعه قفة فاخترع لنا الانتقال في منتصف الموسم وهو الموسم الذي انضم فيه فريق الأهلي حاليا أقصد محمد أبو تريكة واسنطاع أن ينتشل الأهلى من السقوط في بئر الحرمان أقصد في بئر النسيان !!!!

ماهو الأهلي نفسه الذي هرب من مقابلة الزمالك في البطولة العربية بعد أن رفض الاتحاد العربي طلب الأهلي بان يلعب بالفريق الذي اشستراه في النوة الشتوية ففضل الجهبذ نفسه الانسحاب من أمام الزمالك الذي كان في أشد عنفوانه هربا من الفضيحة !!!

معلهش ياأخ Huss اعتبر ده تنفيث من غل أو حقد زي ما انت قلت في أول مداخلتك عن تعجبك من غل وحقد الزمالكاوية مع إنك لو قريت التوبيك اللي قبله هاتعرف فين الغل بصحيح

الغريب يا كوكوواوا انك مذاكر التاريخ الاهلاوى ( من وجهة نظرك ) وبتتناسى التاريخ الزملكاوى

وبرضوا ليك وجهة نظر غريبة جداً .. اقولك ادارة كويسة تقولى نهب كام مليون !!

ادارة .. مش اشخاص .. ادارة .. ادارة قدرت تحافظ على اسم النادى ، ادارة على مر الزمن عملت اسم النادى الاهلى ، ادارة عملت نوادى وفروع للنادى ، الناس تتهافت علشان تشترك فيها .. مش خرابه اسمها ميت عقبه !

تصدق بالله ، والله كل ما اتناقش مع واحد زملكاوى اقول اخر مره ..

على العموم كفا الاهلى فخرا انجازته ، واسمه العالمى ، وموتوا يا زملاكويه بغيظكم ، طقوا ، اتفلقوا

ولا اقلكم .. افرحوا كل ما الاهلى يتغلب من اى فريق بره ولا جوه .. ماهو ده اقصى شىء تقدروا عليه

حسين

[otaka]

إنفرادة أيمن الجمل لم تكن أوفسايد .. كلامك صحيح يا أوتاكا ..

بس أنا فاكر فى أحد مناقشاتنا طلبت منك أن تنظر بعينيك الإثنتين ...

الأهلى له 3 بنالتى لم يحسبوا .. أحدهم مضحك جدا اللى مدافع الاسماعيلى شال رجلين حسن مصطفى الاتنين من الخلف ... كان ممكن ما اضحكش لو البنالتى لم يحتسب .. لكن ضحكت عندما احتسب فاول على حسن مصطفى

الحكم كان أسوأ بكتير من الحكم السلوفاكى بتاع ماتش الزمالك

أحب أن أضيف إلى معلومتك القيمة سيدي العزيز.............

أنه في المباراة التي أشار إليها السيد أوتاكا...........

لم يحتسب محمد السيد ضربة جزاء واضحة لأحمد جلال ناشئ الأهلي............

وقد اعترف بها أيضا في أحد البرامج الرياضية بعد أن رآها...........

بس تقول لمين............

بالاضافه لان الجول التانى تسلل

[drhouba]

سيد متولى عاوز حكم اجنبى يا شباب

كده الاهلى فى احتمال ينزل

لا يا أوتاكا يا أخويا ما تقولش كده الأهلى فريق كويس و مش بطال و ما ينفعش نجيب حكام أجانب لكل الماتشات التحكيم المصرى راجع و الأهلى مش حينزل

[drhouba]

Huss كتب:

فريق ادارة كويسة ، تنظيم كويس ، مايشترى اللى هوا عايزه ، الفرق بتبيع ليه لما هيا محتاجة اللاعيبه ؟!!!

معاك حق الإدارة كويسة جدا بدليل إن رئيس مجلس افدارة نهب له كم 100 مليون من إعلانات الأهرام !!

الإدارة كويسة لما كان عدلي القيعي في منصب سكرتير الاتحاد المعين بقيادة عصام عبد المنعم وقرا ملفات اللعيبه بتوع مصر كلهم لاستخراج الثغرات منها تمهيدا لضمهم لللأهلي في السن اللي كان واقع فيها الأهلي ملك الهزائم في هذا الوقت وكان معرض للهبوط في الدرجة التانية لولا مجلس الاتحاد الأهلاوي آنذاك بقيادة على جناح التبريزي وتابعه قفة فاخترع لنا الانتقال في منتصف الموسم وهو الموسم الذي انضم فيه فريق الأهلي حاليا أقصد محمد أبو تريكة واسنطاع أن ينتشل الأهلى من السقوط في بئر الحرمان أقصد في بئر النسيان !!!!

ماهو الأهلي نفسه الذي هرب من مقابلة الزمالك في البطولة العربية بعد أن رفض الاتحاد العربي طلب الأهلي بان يلعب بالفريق الذي اشستراه في النوة الشتوية ففضل الجهبذ نفسه الانسحاب من أمام الزمالك الذي كان في أشد عنفوانه هربا من الفضيحة !!!

بص يا كوكو موضوع حسن حمدى ده مفيش منه فايده لأن طوب الأرض فى مصر عارف الموضوع ده و مفيش حد بيعمل حاجه دى حلقه من سلسله كبيره لو فتحت واحده منها حتكر و بعدين ده رئيس النادى الأهلى الحبيب ... ما ينفعش ... ده بيفكروا يدوا له 100 مليون تانيه و يكتبوا جرنان الأهرام بإسمه .

و كمان أنا ملاحظ إنك بتتجنى على عدلى و عصام بقى الناس الكمل دول يطلع منهم الكلام ده لا ما لكش حق تقريبا إنت تانى واحد فى مصر بعدى ياخد

باله من الموضوع ده لأن كل ما بأتكلم فيه الأهلويه يبصوا لى و ما يردوش لدرجة إنى تصورت إن أنا بيتهيأ لى فشكرا لك لأنك النهارده فقط و من 3 سنين أثبت لى إنى مش مريض .

و موضوع الإنسحاب من البطوله العربيه ده كمان هو اللى محتاج حبوب تقوية ذاكره للإخوه الأعزاء

يا شباب وارد جدا إن كل شئ فى الدنيا له بدايه و قمه و نهايه و إنتم فى تلك الفتره كنتم فى القاع و إحنا فى القمه و دلوقتى إحنا نزلنا و ممكن نرجع تانى فالموضوع مش محتاج تشنج محتاج شوية واقعيه و إعتراف بالأخطاء إن وجدت بمعنى لازم تقتنعوا إن الأهلى و إدارته و جماهيره مش منزلين من السما و ممكن ممكن بعد الشر بعد الشر يعنى يغلطوا... قليل من التواضع ... شكرا

[a7mad-egy]

لقد تم تغيير كود الاهلي (منطقه الجزيره) الي 03 بدلا من 02

[a7mad-egy]

فودافون : عفوا كل الشبكات معطله و غير متاحه عدا شبكه الحضري

[Ahmad Farahat]

إنفرادة أيمن الجمل لم تكن أوفسايد .. كلامك صحيح يا أوتاكا ..

بس أنا فاكر فى أحد مناقشاتنا طلبت منك أن تنظر بعينيك الإثنتين ...

الأهلى له 3 بنالتى لم يحسبوا .. أحدهم مضحك جدا اللى مدافع الاسماعيلى شال رجلين حسن مصطفى الاتنين من الخلف ... كان ممكن ما اضحكش لو البنالتى لم يحتسب .. لكن ضحكت عندما احتسب فاول على حسن مصطفى

الحكم كان أسوأ بكتير من الحكم السلوفاكى بتاع ماتش الزمالك

أحب أن أضيف إلى معلومتك القيمة سيدي العزيز.............

أنه في المباراة التي أشار إليها السيد أوتاكا...........

لم يحتسب محمد السيد ضربة جزاء واضحة لأحمد جلال ناشئ الأهلي............

وقد اعترف بها أيضا في أحد البرامج الرياضية بعد أن رآها...........

بس تقول لمين............

لم يكن تسللا والجميع أكد هذا.........

[kokowawa1979]

أصل يا كوكواوا يا صاحبي لي صديق إسمه محبط بيقول برضوا إن الأهلي نادي لغسيل الأموال زي ما أنت بتقول إن فلوسه حرام .. وزي ما عينت نفسك قاضي القُضاة وقلت إن حسن حمدي سرق 100 مليون جنيه وقد يكون لديك أدلة سرية ستكشفها في الوقت المناسب - مانتو تربية مرتضى منصور بتاع ملف لكل مواطن

أنا لاقاضي ولا حاجة ياخويا سي السيد -موضوع حسن حمدي معروف وكتب فيه الكثير ولم يستطع حسن حمدي أن يقاضي أي صحفي كتب عن هذا الموضوع بما يعني إن البطحة على راسه مع إن ماقاله الصحفيون كتابة أكثر مما قاله مرتضى الشريف الذي نفخر بأننا من تربيته بدلا من أن نكون تربية حرامي !!!!

مرتضى لسانه زالف صحيح لكن أنا أعتبره شخصيا رجل ضد دولة الفساد الذي يعتبر حسن حمدي أحد رموزها وكما قال أخونا الدكتور هوبة بأن حسن حمدي أحد حبات السبحة التي يمكن أن تنفرط وتكر أقصد وتجر الباقين لكن في زمن الفساد هذا لاأظن !!!!

حينما تكلمت عن ترتيب الأهلي تكلمت عن ترتيب الأهلي في الموسم الذي تولى فيه السيد عصام عبدالمنعم المحترم وتابعه عدلي القيعي زمام الأمور في اتحاد الكرة ومازلت مصرا على رأيي كان الأهلي في المركز الثامن ;) وكان على وشك الهبوط لولا الخطة الجهنمية التي أتحفنا بها العص!!! وهي انتقال اللاعبين في منتصف الموسم !!!

ولم تعلق أخي السيد على الموسم الذي كان ولابد من هبوط الأهلي فيه لولا قرار المشير بإلغاء الدوري بعد أن أثار مشاغبوا نادي المبادئ ؟؟؟؟ الشغب في نادي الزمالك العظيم بعد هزيمتهم 2/0 بعد الهدف الثاني الذي راوغ فيه عمر النور دفاع الأهلي بالكامل حيث قاموا بتكسير وإحراق مدرجاته ومن بعدها صدر قرار بنقل مباريات الزمالك والأهلي إلى ستاد ناصر سابقا ( القاهرة حاليا) لإن الاسطى السادات كان ماشي على اسم ناصر بأستيكة !!!!

مالقيش عندك حبتين للذاكرة ياخويا سيد أحسن الحبوب المنشطة لعيبة الأهلي لموها كلها من السوق :P !!!!!

حسين كتب :

وموتوا يا زملاكويه بغيظكم ، طقوا ، اتفلقوا

والله ضحكت ياخويا حسين لما قريت الكلام ده لإني حسيت بك إنك إنت اللي متغاظ وانت بتكتب

ياعم حسين إحنا هنا بنرد والقصد الفرفشة عن الناس وإخراج الكبت لكن مع بعضنا في صورة الأهلي والزمالك الأهلي بيمثل الحكومة بفسادها والزمالك بيمثل الشعب المطحون - ودي حتة استفزاز لاخويا سي السيد

مش لاقي اللوجو بتاع وش بيضحك

تم تعديل 9 يناير 2007 بواسطة kokowawa1979

[Hamdi Soliman]

المسلمين ينددون بإعدام صدام فى عيد الأضحى ، والمسيحيون يحتجون على ذبح الأهلى فى عيد الميلاد المجيد