تامر .. والمعجبين..والوطن

[nancy]

امبارح شفت اعلان عن حفلت تامر حسنى

فلفت نظرى لحاجات مهمة جدا

مثلا

تامر حسنى اتعامل مع السنة دى بطريقة عبقرية

انة كتب اغانى ولحن وكتب فيلم وختم القرآن مرتين

يعنى استفاد بالسنة صح الى جانب ان فى وقت واحد الحفلة والفيلم الى كان مثله قبل السجن ولو عمل شريط اكيد حيضرب ويجمع ايرادات كبيرة لاحتجابة لمدة سنة

فهو حول انكسارة لانتصار شخصى ومادى مش كل الناس عندها القدرة دى على تحدى مشاكلها فانا احيه على كدة

على الجانب الاخر المعجبين الى هما من الشباب طبعا

لو سألت اى حد فيهم طيب دة اتهرب من الخدمة العسكرية ودخل السجن

حتلاقى الرد الامبالى واية يعنى

معنى اية يعنى دى كبير جدا

ان الشباب مش حاسس ان الخدمة العسكرية دى حاجة مهمة بالعكس دى شر لابد منة

ودة لانهم شايفين ان التعامل العسكرى على مستوى الشرطة او الامن المركزى او الجيش بيتعامل بشكل فية توحش وعدم ادامية

ونتيجة لمشاكل الثانوية العامة ومقالب التنسيق ومشاكل مستوى التعليم فى مصر الشباب خارج عارف انة دخل كليات مش فى احلامة الى جانب الوظايف مش متوفرة وكل حاجة تكرة فى العيشة ولازم يدخل الجيش

فيتبهدل ويكرة الى فاضل جواة من بلدة

ويتحول احساسة بمصر انة تاريخ وجغرافيا

وان حب الوطن فرض عليا افدية بروحى وعنيا ده هو الى كلام اغانى بجد

وللحق ولا تامر ولا معجبية شايفين ان فية مشكلة من الزوغان من الجيش هو اقل من ولاد الوزراء مثلا او ولاد الى عندهم وسطة مهما برضوا مبيدخلوش ولا جت على المغنى العاطفى الغلبان دة

المشكلة دلوقت مين الى كرة الناس فى الوطن وبقى مجرد مكان بنستنى فية لاننا مش لاقين بيت تانى

وربنا يستر على الشباب

[محمود الشاعر]

بغض النظر عن رأي فى موضوع تامرحسنى اللى خد اكبر من حجمه من الالة الاعلامية الرسمية واللي بيفكرني كل مرة بفيلم الهروب لأحمد زكي لما كان الظابط بيلعب باخباره مرة يكبرها ويبروزها علشان يلهي الناس بيها عن امور اهم ومرة يكبر موضوع المظاهرات فى الجامعة ثم يعود لموضوع احمد زكي وهكذا الاعلام يلعب بنا دائما ليلهينا عن الاهم .

اما موضوع الجيش فاعتقد ان جميع الشباب الان يرفضون بشدة ويحاولون الهرب منه لم تعد الجندية شرف اووسام على صدر الرجولة انما ايام صعبة من عدم الاحترام خصوصا لو المجند مؤهلات عليا والاقدم منه بدون مؤهل للا سف الشديد انسرق من هؤلاء الشباب معنى الانتماء و التضحية من اجل الوطن

وعلى رأي واحد مش فاكر هو مين الموضوع كبيير كبيير يعني

[أبو زياد]

الأستاذة الفاضلة المهندسة نانسى ..

فى عجالة كما هو واضح من كتابتك للموضوع

أقول لك حمدا لله على السلامة من رحلة الحج و تقبله الله

وإن لم يكن فربنا يوفقك فى السنة القادمة بإذن الله

لقد أثرتى عدة مواضيع فى وقت واحد و هذا جيد

الفساد يا أستاذة هو كلمة السر

الفساد فى كل مكان حتى فى الخدمة العسكرية للأسف

هو ما يغرى كل إنسان بالمخالفة مهما كانت مبادئه وهو ليس مبرر للمخالفة و لكنه مشجع و عامل كبير لإحساس أى إنسان بالظلم نتيجة عدم تكافؤ فرصته مع الآخرين

هذا الفساد يبدأ من عسكرى المرور - أو عفوا فهو رجل مسكين

إنها آلة متكاملة للأسف نعيش نحن بداخلها و ننكوى بنارها

فلا نعلم من أين تبدأ وأين تنتهى ..

كل ما أستطيع قوله أو فعله هو تربية أبنائنا على المبادىء قدر المستطاع عسى أن تنفعهم يوما ما عند الخروج من ثقب الإبرة إلى النور بإذن الله ..

وأن نحاول دائما ان نقول و نفعل شيئا حتى لو كان مجرد كلمات ...

[Sherief AbdelWahab]

أسطورة الراي شاب مامي موجود في السجن ، ولم نسمع مظاهرة في الجزائر أو في مسقط رأسه مدينة وهران تطالب بالإفراج عنه ولا بلافتة كبيرة في أكبر ميادين الجزائر أو وهران مكتوب عليها بالفرنسية "وحشتنا يا شاب مامي"!

مصر هي بلاد العجائب التي لم يكتب عنها لويس كارول!

حجة مباركة ومبرورة بإذن الله يا باشمهندسة..

خلص الكلام

[otaka]

وطن يباع ويشترى وتصيح فليحيى الوطن

لو كنت تبغي خيره لبذلت من دمك الثمن

[سمـ مصر ــا]

لن أستطيع مهما كتبت أن أترجم مقدار حب الشباب لتامر

فلقد رأيت التفافة غير طبيعية على التليفزيون من بعض الشباب والشبات

لأنة فى التليفزيون بعد خروجة من السجن ويتكلمون عنة وكأنة فعلاً مظلوم

المشكلة يانانسى هى فى جيل قدوته تامر حسنى وغيرة

جيل أخترقة الأعلام المرئي ومن ثم أحتواة وشكل بجدارة خصائصة

والتى جعلت منة كيان لوحدة غير مرتبط بالكيان الأكبر وغير مبالى بكل ماحولة سواء على مستوى الأسرة أو البلد

ولكن من الملام فيما وصل الية شبابنا 00 أعتقد أن الأسرة هى المسئولة الأولى عما وصل الية شباب الجيل

تم تعديل 8 يناير 2007 بواسطة سمـ مصر ــا

[nancy]

معلش يا سما مش الاسره بس

لا سياسة الدولة الى بتهمش الشباب

وتطحنهم فى حاجات ملهاش فائدة

ومستقبل مفيهوش نور واب وام انطحنوا سابقا ومعندهمش حلول لولادهم

لازم سياسة الدولة تتغير ويكون للشباب راى وصوت

وبعدين نقول تامر قدوه ولا لا

[kokowawa1979]

أولا شكرا للحاجة نانسي ( وحمدا لله على السلامة وحج مبرور وذنب مغفور إن شاء الله ) على فتحها لهذا التوبيك .

لكن لي ملاحظة على تعجب البعض مما يحدث فتامر حسني شئنا أم أبينا في عصر الفساد والتخنث من وسائل الإعلام التي صورت فالنتينو بل قل راسبوتين عصره بأنه رمز الرجوله بفتحة صدره وأنا في رأيي رمز للتخنث بأبشع صوره !

لي ملاحظتين في موضوع تامر حسني :

الأولى : هو أن الحكومة الذكية استعانت بتامر حسني لإحياء حفل إحتفالات نصر أكتوبر !!! شفتم حكومة أذكى من كدة !

على الرغم من إنه هربان من التجنيد !!! والله فضيحة بمعنى المقاييس !

الثانية : أن سيدة اسكنرانية طلبت من زوجها الطلاق عارفين ليه ( السيدة عندها 55 سنه كما جاء في الخبر)

لقد طلبت الطلاق من زوجها لأنه راجل رجعي ولم يأذن لها بزيارة ننوس أمه في السجن الشهير بتامر حسني !!!

تامر حسني أخد سنه في تزوير شهادة الليسانس وتزوير شهادة الخدمة العسكرية !! بينما أيمن نور أخد 5 سنين في تزوير توكيل مراته وحماه !!!!

[se_ Elsyed]

ذكرت بعض صحف اليوم بان هناك حالة إستنفار امني تحسباً للإقبال الرهيب على حفلة توتو حُسني خصوصاً وإنها أول حفلة يعملها بعد ما خرج من العمبوكه ... الغري بقى إنها حالة عـــــــــــــــــــــامه لإن فتيات كتيرة من جنسيات عربية صمموا يحضورا الحفلة ....

هو تامر في إيه أحسن من سين سين عشان البنات يتهبلوا عليه كده ؟ :)

[kokowawa1979]

هو تامر في إيه أحسن من سين سين عشان البنات يتهبلوا عليه كده ؟

:)

تصدق بقى يا سي السيد أنا زعلان منك بجد حتى لو بتهرج في السؤال بصراحة ماسمحلكش تحط نفسك في مقارنة ولو من باب التهريج مع واحد زي ده :wub:

[se_ Elsyed]

أعوذ بالله أن أتشبه بهذا الشيء لكن دي دعابة أهلاوية .. ليس إلا

فلقد رأيت التفافة غير طبيعية على التليفزيون من بعض الشباب والشبات

أبقي فسري كلامك يا سما أو شكِليه .. عشان في ناس سييء النية زي سين سين بيفهموا الكلام غلط وبيتصيدوا الأخطاء

أنا شخصياً قرأتها بمعنى Spit

وقلت فعلاً المفروض الناس تغرقه Spit بعد العمله السودا اللي عملها

اتاري ياخويا إلتفافه جاي من لف يلف لفاً لفلفةً ملفوفاً ... شوف إزاي ؟

[otaka]

تامر حسنى ده بلغه العصر مصدى اصلا و عاوز يتنقع فى كلور

و مره اخت فاضله قالتلى ده عامل زى ما يكون كان ماشى فى الشارع و وقع عليه تكييف :)

اما بالنسبه لغياب التدين انا لا اعتقد لان مثلا فى السبعينات لم يكن هناك تدين كهذه الايام لكن كان فى هم مشترك و كان فى وعى الى حد ما و كان هناك انتماء

[nancy]

حلوة يا س س موضوع التفاف دى بصرحة يستحقها مع ان المعجبين حيزعلوا اوى

بصراحة كل ما يجى اثار تقولى انا مش عرفة هو مش عجبك لية

فملقيش غير انة مش عرفة لية مش بيغسل وشه :wub:

[سمـ مصر ــا]

فلقد رأيت التفافة غير طبيعية على التليفزيون من بعض الشباب والشبات

أبقي فسري كلامك يا سما أو شكِليه .. عشان في ناس سييء النية زي سين سين بيفهموا الكلام غلط وبيتصيدوا الأخطاء

أنا شخصياً قرأتها بمعنى Spit

وقلت فعلاً المفروض الناس تغرقه Spit بعد العمله السودا اللي عملها

اتاري ياخويا إلتفافه جاي من لف يلف لفاً لفلفةً ملفوفاً ... شوف إزاي ؟

:P :wub:

طيب اية رأيك ياسين سين عايزة أهديلة أغنية بمناسبة خروجة من السجن

وبقولة من قلبى

كل مرة أشوفك فيها ببقى نفسى أ

ا :wub:

ا :)

التفافة :P

تم تعديل 10 يناير 2007 بواسطة سمـ مصر ــا

[النسر المصري]

نانسي :P

ماتغظنيش يانانسي

كان لازم تفتحي موضوع عن البتاع الغريب ده...حتى ولو كنا بندور على سلبيات...اساسا مايستهالش انطق اسمه ولا اكتب فيه ربع حرف!!!!

ياساتر......انا لما بسمع سيرة البتاع ده بيركبني ميت عفريت..!!!

اعوذ بالله من غضب الله..!!

واد خيخه وخرع مرع ولو نقعوه ف كلور جبس ماهواش ناضف بردو....لا منظره ولا أخلاقة ولا اي حاجة استغفر الله العظيم..!!

حسره عليك ياشباب ضايع مهوي فارغ مافيش اي خنافس ف مخك حتى....!!

جتهم الهم!!! wst::

تم تعديل 23 أبريل 2007 بواسطة النسر المصري

[ابو محمود]

عندما نمشى فى الشارع ونجد سوء سلوك من البشر

عندما نأكل طعام مغشوش وكلة كيما ومسرطن

عندما نتعامل جميعا بنفاق وكذب وتحايل

عندما ننسى اننا لنا اطفال تتعلم منا

فيجب علينا ان نعترف اننا اصبحنا لانستحق الا ان يكون مثل هذا المخنس قدوة لأبنائنا وان تتلاشى من امامنا كل قدوة حسنة لأننا أجرمنا فى حق اطفالنا بأن سمحنا لمن يحكمنا ان يسلبنا حقنا فى ان نتنفس هواء نقى ونسمع ونأكل ونشرب مواد غير سامة وهذا من صنع يدنا فلا نلومن الا انفسنا فأن أردنا ان ينصلح حال ابنائنا فيجب ان ندفع الثمن وأنا اشك اننا بقادرين علية لاننا اصبحنا عجزة وغير مؤهلين بأن نكون شعب حر لاننا جميعا ارتضينا ان ندخل القفص وأصبحنا عبيد لرغباتنا وشهواتنا وعندما نحاول الخروج من القفص نصتدم بأن اطفالنا سوف يجوعون ونسينا ان لنا رب يطعمنا قبلهم الحكاية مش حكاية تامر الحكاية حكاية شعب خلف وشجع تامر

الحكاية هى موت عزيمة فى قلب راجل الحكاية خوف وانزرع الحكاية رمز ووطن انقلع من جزورة الحكاية اننا اصبحنا كلنا مش قدرين على رفعة وطن وكل واحد اتكل على غيرة وكل واحد قال انا مالى وكأن مصر بتشحت مننا اننا نطهرها من كل سفيية وحرامى وعجبى

[KANE]

لي ملاحظتين في موضوع تامر حسني :

الأولى : هو أن الحكومة الذكية استعانت بتامر حسني لإحياء حفل إحتفالات نصر أكتوبر !!! شفتم حكومة أذكى من كدة !

على الرغم من إنه هربان من التجنيد !!! والله فضيحة بمعنى المقاييس !

وتفتكر يا عزيزي إن دي حركة مش مقصوده

وده الإحتمال الخبيث mfb:

وبالرغم من كده

لكنة الإحتمال الأرحم من الاحتمال الثاني :rolleyes:

الاحتمال الثاني وهو كما قاله مره المفكر الكبير عبد الوهاب المسيري

أن ظاهرة الفيديو كليب تدمر وعي وذاكرة الأمه

فأصبح الجميع مصاب بمرض فقدان الذاكرة

[kokomen]

موضوع تامر حسنى

أخذ اكثر من حجمه .. كثير من الشباب الأن بيحاولوا يتهربوا من الخدمة العسكرية .. ودي مصيبة في حقنا جميعا ................. لكن أسمع معي أغنية تامر .. كل مرة أشوفك فيها أبقى أه أه أه...........

مش عارف يقصد أيه ب أه أه ......... دي .......... يعنى أغنية والسلام ....... ومين اللى بيشجعه ؟؟؟؟؟ طبعا الشباب ....ومين اللى بيحضر له حفلات بالألاف .. طبعا الشباب ... فلا نلوم الا أنفسنا

وأصبح قدوة الشباب هو الهارب من شرف التجنيد .. وعجبي .................... بحبك يا مصر

أبو أحمد الأسكندراني

[Ghost]

انا مش عارف هل تامر حسني يستحق اصلا موضوع و كلام و محاورات

اعتقد انه حتى لا يسحق مجرد التفكير