فتات الروح

[إبن مصر]

اربعه عشر عاما مرت على تلك الترنيمات على ارجول حروفك... اربعه عشر عاما كما لوكنت تستقرىء المستقبل..

اكتب يا صديقى..

اكتب .. فمازال لديك الكثير..

ومازال القلب يحمل الكثير..

ذكرتنى بتلك الحروف:

ليه الجراح والالم فى كلامك مكتومه

رص الحروف يا صاحبى دا انت لك قومه

قول على فى نفسك

وواجه بيه نفسك

جمع كلامك يا صاحبى يبقى معلومه

ايوه يا صاحبى احنا حروف وكلام

يوم نتنظم شعرويوم بكا والام

يوم نكتب نكته

تضحك يا سلااااام

ويوم نتنقع سم يكفى كل الانام

مش كده برضه يا صاحبى دى الحقيقه

الضحك عمره ثانيه والكدب الف دقيقه

حروفى عاصيانى

مش راضيه تتجمع

بقيت عدوه يا صاحبى بعد ما كانت شقيقه

[محمود الشاعر]

ان من اروع ما يحدث انكم قد اطلقتم روح شاعرة مبدعة فى جنبات المحاورات هذه الروح التى الهمت الجميع واحدثت صخبا فى بئر الصمت فخرجت اقلام واقلام وتجارب ومبدعين لكم الشكر على مجهوداتكم الرائعة

[محمود الشاعر]

مشروع اغنية للاسف مكملش

موسيقى وليد صفوت

كانت وقت حرب لبنان الاخيرة

الطفل مات

( المطلع )

كان المعاد لحظة سكات كل البشر

لحظة ما لبنان الجريح قلبه انفطر

لحظة سقوط القنبلة

الطفل مات كدة من سكات

من غير اغاني تودعه ولا ذكريات

الطفل مات الطفل مات

(1 )

على الطريق

انا شفت وردة وردة دبلت م الجراح

شفت شجرة أرز باكية شفت فرحك اللي راح

الطفل مات كدة من سكات

من غير اغاني تودعه ولا ذكريات

الطفل مات الطفل مات

(2)

يا حببتي يا حتة مني

راح الملم جسمك اللي

عاش فى دنيتنا يومين

مات وليد بأدين جبانة

مات عشان داق الخيانة

مات بيسئل كان و فين

الطفل مات

كدة من سكات

من غير اغاني تودعه

ولا ذكريات

الطفل مات

( لبنان لبنان لبنان فى خطر )

[Ahmad Farahat]

إنت متألق قوي في الصفحة دي.........

نورك واصل لحد عندي...........

متعنا كمان وكمان.........

[محمود الشاعر]

ارسين يا صاحبي مش هعفيك من تعليق كامل بلاش كلمتين واجري متخفش مش هزعل اقول اللي فى نفسك واتكلم من معاميك معاميك نفسك ماشي يا صاحبي

[Salwa]

احاول هنا جمع بعض الفتات المبعثرة من روح تسرى فى كل ارجاء المكان تملؤه رحيقا طيبا ..اصيلا ..مصريا..

موجوعا ..

وما رأيك لو كان حديثنا بالعامية المصرية ؟؟...ومن القلب ..وببساطة مصرية عصرية ...؟؟

اعتقد انه يكون افضل ويتلائم مع القصائد العامية .. الرائعة ..

زى ماسبق وقلت لكم انى اقرأ كل كلمة تكتب هنا ...وفى احيان كثيرة لااكتب رد ....اعلم انى مقصرة ..بالطبع لدى اسبابى ..( بعضها مقنع والبعض الآخر غير مقنع.... لغيرى ) ...!

لعل ....مهيب...الله يمسيه بالخير ...واعتراضه يوما ....جعلنى اخرج عن صمتى فى اوقات كثيرة ..واكتب .

فى الحقيقة تعجبنى اكثر الاقلام هنا ...بدون ذكر اسماء ..

باب الادب و الشعر والقراءات بالنسبة لى من اهم ابواب المحاورات ...

اوقات كثيرة احدثكم ....(بدون كتابة) ...واقول ( الله عليكم ) ..

مثلا.....فى موضوعك ...اضئت لك روحى ..كتبت تعليق ...( تعليق ربما كان مجنون ) ...ثم لغيت كل ما كتبته ...!!

كتبت اقول ان اختيار عمود النور اختيار موفق ...هل دار بخلدك وانت تكتب هذه الشخصيات ان عمود النور مصنوع من الحديد ويقال ان الحديد اساسه النيازك...او ان الحديد يدخل فى تكوين الهيموجلوبين وهو اساسى فى حياتنا ؟؟ وبالتالى هو عنصر حيوى ؟؟ وبالتالى استنتجت ان العمود ( ربما كانت به بعض ...( الحيوية ) ..) قرأت من فترة عن عاشق مجنون ( عالم فيزياء قديم ) ..حاول استخلاص الحديد من جسده...كان يسحب دم من جسده كل فترة ويفصل الحديد ...حتى يستطيع صنع خاتم واهداؤه لمحبوبته....( بالطبع مات قبل ان يستطيع صنع الخاتم )...

كتبت اقول عندما يتحدث الانسان ( على لسان الجماد )...فهذا يعنى اشياء كثيرة ..منها مثلا عدم المواجهة ..بمعنى

هو الذى يحكى ...او هى ...

كتبت ....ولغيت كل اللى كتبته !!!

كانت لى تجربة مشابهة ...(( حقيقية )) ...

كتبت على ( منديل ورقى من المناديل التى يقدمونها فى الكافتريات ...مكتوب فى ركن منه ....شكرا لزيارتك )..

كتبت ..( انا احبك )...وتركته على (( منضدة بيضاء فى غرفة بيضاء حيطانها بيضاء ...وتحت ركن علبة شيكولاتة !))

و.....يحكى المنديل الورقى ...كيف طويته بعناية بحيث لو نظر النائم...ورأى.. حرف المنضدة.. فسوف يرى كلمة عربية مكتوبة باللون الازرق تحكى كل شئ...يحكى المنديل ...ان ممرضة اتت...وذهبت...وتركته مطويا ( بطريقة معينة ) تظهر ما كتب عليه ...يحكى زيارات ...يحكى عبرات ...يحكى بسمات ...يحكى ..

رائع الحكى على لسان الجماد....

اما فتات الروح......و

شهقة الحلم البراح...و

الطفل مات.....

بالنسبة لى ....غنوة وداع الخيل ..جعلتنى اتذكر ( بعض تأملاتى ) ..

فيه كلام تقراه ..وغيرك يقراه...انت تفهمه وغيرك لأ .....لكنه يحدث فى الاتنين نفس التأثير ..يارب يكون كلامى مفهوم ؟؟

زى الموال....زى الترانيم...

نفس النغمة ونفس الايقاع ...

الاحساس مش نابع من المعنى اد ماهو نابع من موسيقى الكلام ...من احساسك بالكلمة .....

وكأنك بتكلم واحد ميعرفش العربى ...وحيقولك ...( الكلمة دى بتوجع ) ....( الكلمة دى بتسعد ) ...( الكلمة دى بترقص )

بنكتب كلام حى ....كلام ( صاحى )..

وزى ماكل شئ فى حياتنا ..........عدوى..

حاتلاقى ( ملاك ) الكلمة يطوف فى ارجاء المكان ...ويملاه رضا ..

كل اللى اقدر اقوله...

جميل جدا جدااااااا..ونادر جدا جدا جدااااااا......لما تلاقى حد يعرف....يعزف ويحس بالكلمة ..

وكلنا هنا ....بنكون اوركسترا رائع...رائع فعلا ...

[Ahmad Farahat]

ارسين يا صاحبي مش هعفيك من تعليق كامل بلاش كلمتين واجري متخفش مش هزعل اقول اللي فى نفسك واتكلم من معاميك معاميك نفسك ماشي يا صاحبي

والله زي الفل.......

أنا هخاف منك يعني.......

من غير أي تعليق كامل.......

إنت فعلا متألق......

بس حاضر عشان خاطرك........

هاعملك نقد خصوصي.........

دانا عندي شغل كتير قوي في الأجازة............

إنت والبنت المصرية وباسم...........

شغلانه.....

ربنا يقدرني