مواقف مضحكة

[نانو]

صحيح يا ولاد .. صدق الشاعر الذي قال

" إمشي ورا أتوبيس هيئه .. ولا تمشيش ورا واحده سايقه "

لأ لأ يا س س مش كل الستات :D

ده انا اخويا اللي علمني السواقه ....و من كام سنه كده كان في مصر

وقالي ماشاء الله... يا نانو يا اختي ده انت سواقتك زي سواقه سواقين المكيروباصات بالضبط ...فعلا عرفت اربي :D

وكان فخور بيا جدا :lol:

[nora]

والله فكرتوني بايام العربيه بتعتي الله يسامحها ويرحمها مطرح متكون

انا وبلا فخر عملت 10 حوادث 2 منهم كانت غلطتي اما الباقي كان الناس الي غلطنين

اطرف حادث ليه كان اول يوم ليا في العام الدراسي وانا كنت بشتغل instructor المهم فلجل الهبل بالغلط بدل ما اظبط المنبه على 7 الصبح ظبطه 7 بليل و مصحتش غير 8 الصبح وانا عندي اول سيكشن وبيبتدي 9 طبعا اتصلت بالمدير وقلتله انا هتاخر شويه دخل حد بدالي مش هلحق

المهم انا نزلت ومن سرعتي وانا طلعه من الجراش خبط الحيطه قلت مش مشكله الحمد لله جت على اد كده بس طلعت باه من شارع ابو ذر الغفاري للدخله الي بتطلع على طريق الفحيحيل السريع وانا معرفش ان الدنيا زحمه وطلعه باسرع ما يمكن ملقتش نفسي الا وانا لبسه في الازاز القدماني :o

واعدت يجي 10 دقائق مش مستوعبه في ايه

شويه وببص لقيت الراجل جي بيقولي اجبلك الاسعاف قلت له لاه انا كويسه طبعا انا منزلتش من العربيه لان والواضح ان من كتر سرعتي خبط عربيه بقوة الدفع خبطت الي قدمها بس اتصلت باه بمديري وقلتله انسى اني هاجي النهرده اصلا mfb:

واتصلت بماما المسكينه الي كانت اول متشوف رقمي وانا بره تتسرع لاني مكنتش بتصل بيها الا علشان اقولها اني ريحه المخفر :o

بس طبعا العربيه جابت كل حاجه زيت وميه وكلو .... بالضبط المتور مكنش باين ولا اي حاجه كانت متحطمه من ادام بس مشيت :o

ورحت المخفر وقلت للضابط ايوة انا الي غلطانه وانا وانا بس عيزة امشي :excl:

واعدت 3 ايام ركبي سيبه دي كانت اكبر حادث ليا طبعا العربيه دفعت فيها دم البي من شد اللمتور وووووووو وتقريبا غيرتلها كل حاجه في البتاع الي بيعمل تبريد للمتور ده اتحطم خالص :D

ومرة كنت طلعه على شارع رايسي وكنت وقفه مستنيه العربيات تعدي المهم خلاص جيه ادوس بنزين واطلع قامت العربيه وقفت وببص لقيت حد خبطني من ورا ابص في المرايه الاقيها عربيه دوريه والضابط نازل مش قادر يمسك نفسه من الضحك وقالي اسفين :lol: ومشي :D

[Eldisel]

((نتابع المغامرة بعض الفاصل ( عشان اعصابي تعبت ) وللمئاسي بقية))

ديزل حبيبى ..إنت فين ؟

وحشتنى جدا جدا ...

مش الحمد لله جت سليمة ؟؟

يا عمى الموضوع إسمه مواقف مضحكة

أضحك الله سنك و دورلنا على حاجة تضحك أحسن أنا عمال أبكى من ساعة ما مشيت

انت لسة شوفت حاجة ياأبا زياد دة يادوب اول القصيدة

بس والله كل ما افتكر الموقف دة اقعد اضحك من قلبي

المهم

عدنـــــا

بعد ياسيدنا ما العجلتين فرقعوا واحنى في وسط الصحراء الساعة 1 بالليل ( يعني خد تعابين وسحالي وديابه ... وسلعوة ) وبعد ما هديت من حالة العصبية اليعندي لقتهم محتاسين وهنعمل اية هنعمل اية

روحت لافح عجلة ومزعق واحد يجيب العجلة التانية ويجي ورايا ورحت اعت اشاور لاي عربية جاية على الطريق عشان تقلنا لاقرب بنزينة .....

الحمد لله واحد شفنى وكان راجل طيب ووصلنى لاقرب بنزينة على بعد 7 كيلوا من العربة

نزلت من العربية وبشوف حالة العجلتين الي معايا اية في النور مانا مكنتش شيفهم في الضلمة وافوجاء ان العجلة الاولانية مش مفسية لاء دا طلع الكوتش متهالك وواخد ضبة ومفتاح يعني عاوز كوتش جديد او كفر جديد تمالكت اعصابي ( مانا لو هشتري كوتش جديد من بنزينة وعلى طريق سفر يبقى هتشيع في تمنة وصاحب البنزينة طبعن لازم يستغل الموقف اقلها 400 جنية لفردة كوتش ماتعملش 150 جنية في المدينة )

قولت ياواد طنش خالص ( بصوت محمد صبحي في مسرحية تخاريف ) البركة في عجلة المتوسكل ( اصدي الاستبن ) واهي ترجعنى القاهرة تاني بقلب فيها كدة .... لقيت مخروم خرم ادخل فية صباع رجلي الكبير وانا مستريح ... :D mfb: :excl: كدة تبقى كملت

روحت مشيل حبيب قلبي صديقي الانتيخ اصدي الانتيم العجلتين ورحت لبتاع الكوتش عشان اشوف لو عندة كوتش مستعمل اجيب وحدة نص لبة وخلاص... طبعن الراجل بصلي بصة مش الي هية والي مبشتغلش في المستعمل ......

طب الجديد بكام ياعم .. قالي عندي عجلة محترمة جداً صيني بــ 450 جنية

طبعن ورتلوا الاستبن هل يصل للتصليح او الترقيع فابلغني انة لا يصلح .. ودة شيء انا عارفة وبعد ما وضحتلوا حالتنا المادية وان العربية متاجرة قالي بعدنا هنا بشوية ممكن تلاقي واحد بتاع كوتش بيبيع مستعمل .. شيلنى العجلتين ورحنا لبتاع الكوتش المستعمل بعد مشي حوالي 700 متر كدة طبعن احنى صيدة بالنسبالة

هات ياعم فردة مستعملة من عندك ترجعنى القاهرة جبلي واحدة اوحش من الي معاية وبيقولي 120 ج رفضت جاب التانية والتالتة وكان بيجبهم معرفش منين من مخذن بعيد شوية المهم بعض التفاوض على واحدة شكلها كويس على السعر الي وصل 100 ج قلتلة انفخ واتوكل على الله الراجل فك وركب وبينفخ العجلة راحت مفرقعة وهو بينفخها :o mfb: ( طبعن انا كدة كونت تعديت مرحلة العصبية دي من ذمان عشان الساعة سعتها كانت 3:30الفجر ) قولت للي معاية انا مليش دعوة هات الواد الي اجر العربية هنا وهو يتصرف انا خلاص جبت اخري ... ورحت راجع لصاحب الورشة قولتلة رقعلي الاستبن اي حاجة اجيب العربية عندك هنا وبس اميشة السبعة كيلوا دول وبس وبعدين الي ماجر العربية يتصرف فقالي انا هعملك حل موقت بس ما ينفعش تمشي بيها كتير ولا بسرعة

قولتلوة اي حاجة انا عاوز امشية السبعة كيلو دول .... قعد يلحم في العجلة ساعة كاملة يرقع هنا ويرقع هنا وبعد ما خلص خدها صحبي ورحلهم وبعد حوالي ساعة الا تلت جم بالعربية وهمى ماشين على مهلهم ( 30 ) كم / س عشان العجلة متسمحش بسرعة اكبر من كدة ( قلتلهم اتصرفوا انتم بقى ... تشتروا جديد تشتروا مستعمل انا خلاص جبت اخري )

راح طلع الصديق العزيز بفكرة جهنمية وهي اني احنى نرجع القاهرة بالاستبن كدة ... طبعن دة ماينفعش ... قعت احاوال اقنع فية واسترجاة ان العجلة متستحملش ترجع بينى .. قالي مانا هتنيني ماشي على 30 - 40 كم ,.,.,.,., يبني يهديك يرضيك .... ابداً هرجع بيها كدة وههذق الي انا اجرت العربية منة

بعد مل تعبت معاة قولتلوا اعمل ما بدالك ( ان شالله تشيل العربية وتشلنا معاها وترجع بينى مشي )

طبعن رجعين على الساعة 5:30 الفجر على الطرق الصحراوي وبسرعة قصوى 40 كم / س .. والحمد لله شاهدنا الشروق وانا مش قدر افتح عيني من التعب ...... غفلت شوية ( ما هو صمم انة يسوق بردة ) غفلت شوية وانا بحلم بالرحلة الي كان المفرود تتحقق والبحر, وطيور النورس ...و الشط الجميل ..واكلة السمك ,,,,, و........ طخخخخخخخخخخخ

قومت مفذوع على صوت ارتطام جامد انزل من العربية الاقي نص نقل خابطنى من ورى ( وش واحد جالة شلل ) طبعن قعت اطنطت في نص الطريق انا واصحابي

mfb: :o اذاي .... ولية .... دة احنى مشين على 40 وفي اليمين ... طبعن حجج السواء كانت كتيرة وغير مجدية وسبنى ومشي ... وطبعن احنى مش هنعرف نجيبة .... :o

طبعن كلنا اعصبنى مشدودة سامح الي كان سايق من شدة اعصابة ذود السرعة شوية بقيت 50 كم / س راحت العجلة مفسية ودة قبل القاهرة بـ 40 كيلوا

وقفنى تاني في نص الطريق وكانت حوالي الساعة 6:30 _ 7 الصبح هنعمل اية راح صديق متصل باخوة عندة عربية يجي ينقذنى ( راح اخوة منفضلة عشان نايم ) :D رحت مقترح انة يروح يجيب عربية اخوة والاستبن بتاعها ويجي نركب الاستبن في العربية النحس ونروح بالعربية التانية

فذهب سامح والصديق الاخر وانتظرت انا وصديقي الانتيخ ( الانتيم ) في السيارة منطظرين المدد ( مش عاوز اقولوكم الدبان و الشمس و العطش مخلوناش نعرف نريح )

المهم البهاوات جم الساعة 10:30 الصبح وهما جايبين استبن مشابة للاستبن المتركب بس سليم والعربية التانية ركبت العربية التانية وروحنى وطبعن دفعنى الفلوس الي يالمفروض كنا نتفسح بيها لمن اجر العربية عشان يبقى يسمكرها بمعرفتة

ورجعت البيت على الساعة 12 يعني قبل الجمعة بشوية كما هو مخطط للرحلة ونمت لغاية الساعة 10 بالليل لاعرفت اصلي جمعة ومعرفتش اتكلم اصلن

وكانت دي نهاية صدقتي بجميع من كانوا معي في الرحلة المشئومة دي الا واحد الي هو صحببي الانتيخ ( النتيم ) مكلمتوش لمدة اسبوع

بس بجد الموقف دة كل ما افتكرة اقعد اضحك والموقف دة حصلي فعلن بحذافيرة .... والحمد لله اتعلمت منة كتير :lol:

تم تعديل 22 يناير 2007 بواسطة Eldisel

[inas]

يا ابني انا لو مكانكم كنت استنيت اول عربيه نقل ورميت نفسي تحتها ايه الحظ المكعبل ده

والله موتني على روحي من الضحك :closedeyes: :rolleyes:

[سلمان خان]

مرحبــــــــــــــــــــــــــــــــــــــــــــأ بالكل...............................

...............................................................عندي في الشغل في ولد الي بحضر القهوة والشاي مرة قلتله روح على المطعم وهات اكله اسمها في الامرات برياني فسألني برياني باللحم او الدجاج فقلتله لأ برياني دجاج فقال طيب وراح ايجيب المهم بعد اشوي بسأل عنه واذا هو جاي وبسألني وين هذه المنطقة تقع قلتله بعد الجوع هذا كله والتأخير جاي أتقولي وين بيقع البرياني دجاد المهم مش راح اطول عليكم في النهاية قلتله بتوقع في بطني

[مصرية يعني مصرية]

لا بجد فظيعة دي

موتوني من الضحك

أنا متابعة يلا كملو

سلمان خان

أهلا بيك معانا

بس فين بقيت العيلة

شاهروخان و سيف خان و كاجول و أميتاب باشان

على العموم أتست و شرفت

[Eldisel]

مرة وانا راجع من الكلية مع اصحابي وكونت بركب وانا راجع البيت متروا مصر الجديدة ( المرغني ) والمتروا دة لية مواقف جميلة معايا ودة لانة بيتميذ عن بقية مواصلات القاهرة بخاصية الفيبرشن ... ولانة اثر

المهم واحنى راجعين وماشين في الشارع .... وعلى مرمى بصرنا وجدنا ( المرغني ) داخل المحطة فطبعن كولنى جرينا عشان نلحقه وسبقتهم انا بعدة خطوات .. ورحت ناطت على الرصيف وجي انزل على الارض روحت واقع على القضبان :) وعموا المرغني جاي ياخدني بالاحضان :sad:

فانا طبعن من اثر الصدمة كونت دايخ شويه بس ياروح مابعدج روح ... روحت قايم وواقع على القضيب التاني ( الخط التاني ) ولسة بقع كدة اذا بمترو اخر جاي بسرعة يتسارع على اخدي في احضانة هو الاخر :) ( انا سعتها فوضت امري لله وقولت دة ناصبي وخلاص ) ورحت فاتح درعاتي له بكل قوة ويقاتل يامقتول :P

بس الحمد للجي واحد من صحابي راح شدني وانقذة من ايدي بعد طبعن ماتسحولت والنضارة اتكسرت , ووشي كلة وهدومي بقت ذيت وهباب من الي كان موجود في الارض

بس لولى صحبي انقذة من ايدي كان ذماني قلبتة :)

ونشوفكم علي خير

تم تعديل 3 فبراير 2007 بواسطة Eldisel

[أبو حميد]

كان في شلتنا صديق متهور عنده سيارة كبيرة تسع الشلة كلها (سبعة) دعانا يوما للذهاب للقناطر الخيرية فذهبنا جميعا ثم أخبرنا أنه سيعود بنا من طريق أبو رواش بدلا من الطريق المعتاد "مش عارف أيه اللي خلانا نوافق" ومشينا ومشينا ومشينا ثم توهنا وبدأنا في التوغل داخل قرى ريفية بحثا عن أبو رواش الذي ينفي بعض الفلاحين الذين نسألهم أنه هنا والأخرين يشيرون للأمام بيقين "أبو رواش جدام" نسير من قرية لأخرى وطريق أبو رواش المنشود لا يظهروالطريق يضيق ويضيق ويضيق حتى أصبحنا لا نراه وصاحبنا مستمر.

وفجاة وجدنا أنفسنا نمر داخل مقابر"الله يخرب بيتك" "أنت عاوز تموتنا؟؟!!" "أحنا أيه اللي جابنا في الحتة المقطوعة دي؟؟" وصاحبنا زاغ بصره وأدركنا أننا لا محالة هالكون وتجاوزنا المقابر سالمين والطريق مظلم ولا ندري ماذا سنجد بعد ذلك.

حتى ظهر ضوء من بعيد فأسرعنا إلى مصدر الضوء فوجدنا عشة يلعب خارجها طفل صغير فسالنله عن طريق ابو رواش فأخبرنا أنه لا يعرف لكن "شارع أسكندرية قدام" يعني أيه؟ مش عارفين فمشينا وأمرنا لله يعني هو كلن فيه طريق غيره المهم وجدنا انفسنا نخرج على طريق سريع وسرنا نبحث عن لافتة أو علامة نعرف منها اين نحن؟

حتى وجدنا لافتة تقول "الأسكندرية مش فاكر كام كيلو" كنا في مكان مظلم أول طريق مصر أسكندرية الصحراوي اخذنا اول يو تيرن وعدنا للقاهرة وكنا لا نصدق اننا خرجنا من هذه المغامرة على خير.

[memo2007]

هاااااااي انا جايه وهاحكى موقف موضحك حصل

بس اياكم ثم ايااااكم حد يضحك عليا :angry2:

-_- :wub: :wub: :wub: :wub: :wub:

كنا في مرة طلعنا احنا والعيله نزور الهرم

المهم واحنا ماشين على منحدر "بس كان حته منحدر " وماما شايله ترمس الشاي وماشيه معانا المهم انها اتزحلقت ووقعت وطبعا لان ده منحدر ما وعرفتش توقف وتقوم وكملت طبعا شوفت مش هاقف اتفرج روحت رايحه ومسكت ايديها وبدل ما اقومها روحت اتزحلقت معاها وكملنا المنحدر كله زحلقه mfb:

الناس كلها قعدت تضحك علينا ويقولولى كنتى تسيبيها ضحيه واحده احسن من ضحيتين وان انا يعنى كنت عارفه انى مش هاعرف اقومها

وانا اقولهم دى امى اسيبها تقع لوحدها ............. ده ينفع يعنى :angry2: دى أمى

المضحك فعلا ان بابا جه عشان يسأل ويقولنا الترمس اتكسر ولا لأ :wub: .................. مش يشوف ايه اللى حصل لمراته وبنته ...................

لحد انهارده مش نسياهالو

تم تعديل 7 فبراير 2007 بواسطة memo2007

[Eldisel]

هاااااااي انا جايه وهاحكى موقف موضحك حصل

بس اياكم ثم ايااااكم حد يضحك عليا :wub:

كنا في مرة طلعنا احنا والعيله نزور الهرم

المهم واحنا ماشين على منحدر "بس كان حته منحدر " وماما شايله ترمس الشاي وماشيه معانا المهم انها اتزحلقت ووقعت وطبعا لان ده منحدر ما وعرفتش توقف وتقوم وكملت طبعا شوفت مش هاقف اتفرج روحت رايحه ومسكت ايديها وبدل ما اقومها روحت اتزحلقت معاها وكملنا المنحدر كله زحلقه mfb:

الناس كلها قعدت تضحك علينا ويقولولى كنتى تسيبيها ضحيه واحده احسن من ضحيتين وان انا يعنى كنت عارفه انى مش هاعرف اقومها

وانا اقولهم دى امى اسيبها تقع لوحدها ............. ده ينفع يعنى :) دى أمى

المضحك فعلا ان بابا جه عشان يسأل ويقولنا الترمس اتكسر ولا لأ ;) .................. مش يشوف ايه اللى حصل لمراته وبنته ...................

لحد انهارده مش نسياهالو

والله انا بقالي فترة مدخلتش على المحاورات ودي اول مدخلة لي من يجي شهر بس عشان اطمن ياميمو :wub: لحسن انت قلقتيني و مقلتيش :wub:

يعني الترمس اتكسر ولا لأه؟ :wub: ;)

[memo2007]

هههههههههههههههههههههههههههههههههه :wub: :) :wub: :wub: :wub: ;)

انت كمان هو ده اللى همك هو اتكسر ولا لا

هو مين المهم انا وماما ولا الترمس :angry2

الترمس اتكسر

[عبده بيه]

من المواقف الكثير ولكن اللي حاضرني الان اول مرة اسافر فرنسا ولسه الفرنساوي بتاعي شوية دراسة وشوية مذكرة وشطارة وركبت الاسانسير و ركبت معي واحد طيعا فرنسية

من الذوق ان الراجل هو اللي يسال حضرتك عايزة اي دور والرجل هو اللي يضغط علي الرقم المطلوب يعني رقم الدور

فا المفروض اسالها طبعا بالفرنساوي كيل اليتش وفسالتها كيل لاش فالاولي معنها اي دور ترغب والثانية كم في عمرك فطبعا انا سالتها الثانية يعني كام في عمرك فردت هي قالت وقالت 35 فبدوري ضغت علي 3 و5 لاني العمارة 14 دور فقط

للاسف فهمت الموضوع ده بعد فترة اتمني ان اكون عرفت اشرح

[tarek hassan]

مرحبــــــــــــــــــــــــــــــــــــــــــــأ بالكل...............................

...............................................................عندي في الشغل في ولد الي بحضر القهوة والشاي مرة قلتله روح على المطعم وهات اكله اسمها في الامرات برياني فسألني برياني باللحم او الدجاج فقلتله لأ برياني دجاج فقال طيب وراح ايجيب المهم بعد اشوي بسأل عنه واذا هو جاي وبسألني وين هذه المنطقة تقع قلتله بعد الجوع هذا كله والتأخير جاي أتقولي وين بيقع البرياني دجاد المهم مش راح اطول عليكم في النهاية قلتله بتوقع في بطني

 

حاسس المصريين بقوا مكتئبين ... ليه كل العالم مستمتع بحياته بأوقاته ماعدا إحنا  ....

فين القعدة الحلوة الرايقة اللي كنا بنحكي فيها مواقف وقفشات 

ونضحك من قلوبنا ونسخسخ وتدمع أعيننا من الضحك....

حتى الناس اللي كانت هنا بتضحك وتهزر اختفت ضحكاتهم الجميلة 

أو بينقلوا الضحك المعد والمصنوع وبطلوا يخترعوه إلا قليلا

عشنا كتير نعتقد أن البهجة والسعادة حرام وإن الحزن والتكشيرة والعبوس هم الأساس اللي هنؤجر عليه 

كنت بحب أدعم شرحي بالمواقف والطرائف اللي بتقوي الدرس وكنت أعدها مع الدرس وكانت المواقف الطريفة تأتي عفوية من خلال إجابات الطلاب

محتاجين نرجع لمة كبيرة في المواضيع زي زمان علشان كل واحد ياخد نفسه ويكتب برواقه أكتر 

عموما 

هل عندنا خلق نحكي مواقفنا الطريفة من تاني 

ياريت كل يوم يكون فيه موقف 

زي أخونا الكريم اللي فضل يدور على الساعة أو الموبايل وهو في إيده 

أو بيدور على النظارة وهو لابسها 

وعلى فكرة الموقف غير مرتبط بالسن 

وعلشان مكونش دخلت الموضوع بإيدي فاضية جبت لكم ماريو بالعربي 

https://web.facebook.com/1126846990682990/videos/1143186342382388/

ومعذرة لأنه مش موقف 

تحياتي 

[أبو محمد]

 

أو بيدور على النظارة وهو لابسها 

:)

بتتكلم عن مين يا أستاذ طارق ؟

[Scorpion]

تتصل بي ام جونيور في لحظة حرجة ..

- سرقوا العربية يا ابو جونيور ... طلعت من الشغل ما لقيتهاش .. و  عملت بلاغ في القسم .. تعال بسرعة مش عارفة اعمل ايه ..

- يا روح قلبي .. العربية ما اتسرقتش و لا حاجة انتي نسيتي انك اشتكيتي من صوت الموتور قمت وصلتك الشغل بيها الصبح و طلعت بيها عالميكانيكي بعد كده ...

- يا خبر .. آه صحيح .. ده انا نسيت خالص .. العيال في المدرسة لحسوا مخي ... طب ايه العمل دلوقتي .. ارجع القسم و اقولهم ايه ؟

-  تقوليلهم  اللي  حصل ببساطة .. بس عشان خاطري ممكن الأول ادي الموبايل للعسكري اللي ساحبني علي القسم بتهمة سرقة العربية تشرحيلو القصة دي كلها ...

 

[باهى الطائر الحزين]

مجرد جار عادي يادوب بنا السلامات

اتوفت والدته ؛

في العزاء حضني وقعد يبوس فيا بحراره

 

ايه ياعم هي ام مين فينا ياللي ماتت ؟!

ههههه

[باهى الطائر الحزين]

 

 

https://web.facebook.com/1126846990682990/videos/1143186342382388/

ومعذرة  

 

 

الفيديو ده بيقف ازاي

من ساعت ما شغلته وهو علي سطح المكتب

وعمال يعيد ويزيد مش راضي يقفل ؟!

[tarek hassan]

 

:)

بتتكلم عن مين يا أستاذ طارق ؟

 

أنا فاكر حاجة زي كده حصلت مع أخونا باهي وأنت قلت له : ما تقولش لحد

والحمد لله نجحت في استرجاع بعض مواقفه وتعليقاته الطريفة

في الفيديو اللي ميقفلش

وفي الراجل اللي نسى إن والدته هي اللي ماتت

لكن في الغالب أنا كنت بضرب أمثلة عامة لمواقف طريفة ناتجة عن عملية النسيان حصلت معانا 

زي لما أقوم من النوم وألبس وأروح الشغل أكثر من مرة في يوم أجازة ... ومبقولش لحد 

تحياتي

تم تعديل 22 فبراير 2016 بواسطة tarek hassan
إضافة

[tarek hassan]