أقتراح بتعديل باب في المنتدى

[أبو حميد]

باب انجازات مصرية ورغم أنه غالي علينا إلا أنه ثاني أقل باب من حيث المواضيع 52 موضوع واقل عدد للمشاركات 262 مشاركة.

ورغم أنه معمول لكل الإنجازات "فى تاريخنا الحديث وعصرنا الحالى .ابطال وانجازات ...نتحدث عنهم" لكن كل المواضيع بتتحدث عن الحاضر بس محدش بيرجع لتاريخنا الحديث حتى أستاذ / يحيى الشاعر بيكتب عن بطولات المقاومة في باب تاريخ مصر.

لذلك أقترح أننا نخليه باب لكل القيم المصرية يعني برضه الانجازات الحالية

ونضيف لهم كمان الكلام عن الأماكن الجميلة في مصر والمدن والأحياء يعني نتكلم عن شوارعها وحواريها وحدائقها وذكرياتنا الشخصية في الأماكن دي بأدق التفاصيل اللي فاكرين أنها ما تهمش حد غيرنا بالعكس كلنا هانحبها. مش مهم المكان يكون شكله حلو المهم روحه حلوة فيه ونس ودفا.

كمان الشخصيات اللي مش مشهورة ولا تذكر في كتب التاريخ حتى لو كان شخص قابلناه على المستوى الشخصي وأعجبنا بيه "أستاذ جامعة - أمام مسجد - رجل دين - مدرس - ناظر - مدرب رياضي - صديق" نكتب عنه علشان اللي عمله ما يروحش هدر ويبقى حد أفتكره.

أنتظر رآيكم.

تم تعديل العنوان

الإدارة

تم تعديل 10 يناير 2007 بواسطة أبو حميد

[Diab]

للأسف في عصرنا لا يوجد إنجازات اللهم إلا علي يد المتعلمين بالخارج

مثل زويل والباز وغيرهم

[أبو حميد]

عندك حق يا دياب لا يوجد إنجازات زي ما انت و Dr. Houba بتقولوا أو يوجد إنجازات قليلة زي ما أنا بقول

أرجع لموضوع هل توقفت الإنجازات؟؟؟

يعني في المحصلة الإنجازات الموجودة ما تأكلش عيش قصدي ما تفتحش باب يبقى لازم نضملها مواضيع تانية تكون بتكمل نفس المعاني زي ما أنا وضحت.

يعني من المواضيع الموجودة حاليا واللي ممكن تندرج تحت باب قيم مصرية اللي بتكلم عنه

سلسلة هؤلاء المخرجون العظام : واللي ها تبتدي بكمال الشيخ

وفاة الحاجة أمينة قطب

عائلة محمد على باشا الكبير "حكام وملوك المملكة المصرية"

تخيل كمان موضوع عن بور سعيد يكتبه أستاذ / يحيى الشاعر أو محاور تاني يكتب عن مصر الجديدة أو موضوع عن أحمد رزة قائد مظاهرات طلبة الجامعة في السبعينات المواضيع كتير وفعلا كلها انجازات مصرية أو قيم مصرية