سارع بحجز شقة الآن في هذه المدينة!!!!!!!!!!!!!!!!

[The Professor]

مدينة جديدة سيتم بنائها في إمارة دبي ولكن هذه المرة ليست على البحر او الارض..ولكن بارتفاع 200 متر عن سطح الارض محمولة بوسادات عملاقة معبأة بغاز الهيليوم ومولدات ضخمة مضادة للجاذبية لتظهر المدينة وكأنها فقاعة هوائية في الجو.ويحيط بالمدينة الفقاعية قبة زجاجية مع بعض الفايبر لتحتوي المطاعم والمتاحف والطرق والمنتزهات وقاعات الاجتماعات والمؤتمرات.

وبالطبع يوجد هناك فتحات خاصة وعشوائية لدخول الاكسجين طاقة المدينة ستكون من خلال الطاقة الشمسية من خلال خلايا شمسية ..وتكلفة المشروع التقديرية 30 مليار دولار""تصميم وفكرة المدينة سيحصل على جائزة دولية...

[أبو حميد]

لا يا عم خلينا على الأرض أحسن وبعدين دي هاتبقى اغلى شقق في العالم دا أحنا حتى منعرفش نحجز أوضة على السطوح.

[بنت النيل]

ودى بقى انشاء الله لما احب اروح السوق او زيارة عائلية مثلا همزل منها اذاى :wub:

ولو نزلت هطلعها تانى برده اذاى :P

وياترى لها جراجات سيارات ولا طيارات :)

لا ياعم ذى مقال ابوحميد خلينا على الارض احسن

بصراحة اعتقد انها مجرد مدينة خيالية فقط :wub:

[autoscriptor]

مجرد خدعة اعلانية. هذا مقال للواشنطن بوسط عن دبي ويتضمن مقطع عن تلك الخدعة الاعلانية.

"A few months ago one of the newspapers did a spoof about a project called Bubble City," said Sohrab Motiwalla, a longtime Dubai resident who tracks development trends. "It was going to be a huge city encased in a glass bubble, suspended above Dubai by helium balloons. The problem was that it took people here a few weeks to figure out it was a joke."

الترجمة:

يقول سوهراب موتيوالا، وهو واحد من قاطني دبي والمتابع للاتجاهات نمو المدينة: منذ عدة شهور نشرت واحدة من الصحف المحلية اعلانًا مزيفُا عن مشروع يسمى المدينة الفقاعة. وطبقًا للاعلان انها ستكون مدينة عملاقة داخل فقاعة زجاجية تتدلى فوق مدينة دبي بواسطة بالونات هيليوم. الغريب أنه مر من الزمن أسابيع قبل أن يكتشف الناس أنها مجرد مزحة

[وليد صفوت]

ودى بقى انشاء الله لما احب اروح السوق او زيارة عائلية مثلا همزل منها اذاى :wub:

من غير ما تنزلى يا بنت النيل ... :wub:

انتى تنزلى السَبت لبتاع الخضار و تقوليله عاوزة كام كيلو و هو يعبى على طول :) .. و بالنسبة للضيوف ممكن يطلعوا فى السَبت برضو :P

[The Professor]

الأخ : autoscriptor أنا شخصيا لا استبعد شيئا ولا استغرب شيئا يخص امارة دبي تحديدا.

الأخ : وليد صفوت - فكرة " السبت " دي فكرة رائعة - وكده تبقى اتحلت - يعني نتوكل على الله ونحجز- بس على فكرة اي " سبت " تقصد ؟ السبت القديم المصنوع من الغاب ( البوص ) ولا السبت بتاع اليومين دول ( البلاستيك) ؟

الأخ : ابو حميد - ماتجرب - يعني ايه اللي عاجبك قي الأرض.

الأخت بنت النيل : اصلا هاتبقى مدينه متكاملة يعني مش هاتحتاجي تنزلي للأرض لأي سبب - كله هيبقى متوفر- هما عاملين حسابهم- يالا فكري تاني ومش هاتندمي.

[بنت النيل]

الأخ : autoscriptor أنا شخصيا لا استبعد شيئا ولا استغرب شيئا يخص امارة دبي تحديدا.

الأخ : وليد صفوت - فكرة " السبت " دي فكرة رائعة - وكده تبقى اتحلت - يعني نتوكل على الله ونحجز- بس على فكرة اي " سبت " تقصد ؟ السبت القديم المصنوع من الغاب ( البوص ) ولا السبت بتاع اليومين دول ( البلاستيك) ؟

الأخ : ابو حميد - ماتجرب - يعني ايه اللي عاجبك قي الأرض.

الأخت بنت النيل : اصلا هاتبقى مدينه متكاملة يعني مش هاتحتاجي تنزلي للأرض لأي سبب - كله هيبقى متوفر- هما عاملين حسابهم- يالا فكري تاني ومش هاتندمي.

متكاملة يعنى مثلا لو اخذت فيها شقة هيوفرو لى امى واخواتى وعائلتى مثلا عشان لما احب ازورهم ولا اشوفهم :ph34r:

مش بتقول متكاملة :D ومش هحتاج انزل الارض لااااااه ده الموضوع كدا كبير اوى :blink:

على العموم فكرة وليد يجى منها برده

خلاص يا بروفيسور نفكر تانى هو التفكير بفلوس :D :D

[عازفه على أوتار الذهب]

ياريت يابروفوسير تكون المدينه دي موجوده...

وياريت الواحد يقدر يعيش فيها بعيييييييييييييييييييييييييييييييييييييد

واسمحلي يا برفوسيرانقلكم صور بيوت من اغرب البيوت في العالم

وقولولي ايه رايكم...

ده اعلى ولا المدينه بتاعت بوفوسير....

دول بقى ولاحتى "سبت" ينفع معاهم

تم تعديل 13 يناير 2007 بواسطة عازفه على أوتار الذهب

[The Professor]

الأخت : بنت النيل - ايه انتي مش واخدة بالك ولا إيه من المسافة ؟ دول يادوب 200 متر يعني اقل من ربع كيلوا متر . يعني تقريبا تعادل ارتفاع برج من ابراج اليومين دول وده يمكن يخليهم يفكروا في اسانسير بشكل معين وبالتالي مش هاتحتاجي مواصلات دي حاجة - الحاجة التانية بقى في حالة النزول للأرض ولا قدر الله لو فيه طوارئ ومستعجلة قوي - هايكون فيه كشك لتأجير بارشوت - وده مش هايخد منك ثواني وتكوني عل الأرض . ياللاه اتوكلي على الله.

الأخت : عازفة على اوتار الذهب _ تسلم اناملك - المدينة مش هاتكون بعيد قوي عن الناس وقرفها - يعني مش على القمر ولا المريخ - يعني الناس وراكي وراكي ويمكن العينات اللي هاتلاقيها فوق يكونوا من النوعية اياها اللي عاثوا في الأرض فسادا وطالعين يكملوا البرنامج فوق- اما عن البيوت فهى تحف فنيه رائعة - لا أدري هل هى حقيقة موجودة ؟ بس البيت الأولاني شكله يخوف - يعني الواحد يخاف يعيش فيه والتاني برضه الواحد يخاف يعيش فيه لاحسن تيجي تايتانك تانية وتبقى وااقعتنا سودة. تحياتي

[Eldisel]

طب لو البلونة الي المدينة دي فيها فست شوية ولا واحد بيهرج مع المدينة وراح خرمها بمسمار

ايه العمل سعتها ..... دحنى ممكن نفرقع جواها :lol:

[رمضان]

طب لو البلونة الي المدينة دي فيها فست شوية ولا واحد بيهرج مع المدينة وراح خرمها بمسمار

ايه العمل سعتها ..... دحنى ممكن نفرقع جواها

والله برافو عليك يا ديزل كويس انك نبهتني قبل ما احجز وعلى رأي المثل اللي بيته من زجاج ما يحدفش الناس بالطوب

[desert_rock70]

فعلاً إمارة دبى بقت زحمة ولازم يتعملها دور تانى

[kokowawa1979]

طبعا إنتم أخدتم الموضوع تهريج لكن إذا كان هذا المشروع يدور في راس الشيخ محمد بن راشد حاكم دبي (اللي أنا فهمته إن الواشنطن بوست كتبته بنوع من السخرية) - لكن كل اللي يعرف الشيخ محمد بن راشد يعرف إنه رجل قمة الاحترام ولايوجد في قاموسه كلمة مستحيل .

هو رجل عملي لايعتمد على البترول بل يسخر المال من أجل أن يأتي بمال آخر لهذا أصبحت دبي بينها وبين باقي الدول العربية فارق شاسع لإنهم لايجعلون أي شيء للصدفة .

قيل قبل ذلك قبل عمل مشروع جزيرة النخله أن هذا المشروع درب من الجنون فلمل تم المشروع واكتملت صورته النهائية وجدنا مشاهير العالم يتوجهون نحو شراء فيلل وقصور في هذه الجزيرة العجيبة - وقد قام الشيخ محمد بتحديد مهلة سنتين لإنشاء الجزيرة من 2004- 2006 وتمت المعجزة !!!

وقبلها كانت معجزة برج العرب الذي يعتبر أفخر فندق في العالم - وله العديد من الطوابق تحت سطح البحر !!

وهناك الآن يتم إنشاء جزيرة قارات الدنيا وهي جزيرة تأخذ كل جزء منها شكل إحدى قارات العالم !!!

ياخوانا الناس دي ناس بتفكر إزاي القرش يجيب قرش .

فأرجو ألا تستبعدوا أن تقوم دبي يإنشاء مدينة فوق سطح الأرض ب200 متر !!!

يا ليت مصر لديها رجل حكم مثل محمدبن راشد كان زماننا سابقين الأمريكان بإمكانياتنا الحالية ب100 سنة !

[عازفه على أوتار الذهب]

الأخت : عازفة على اوتار الذهب _ تسلم اناملك - المدينة مش هاتكون بعيد قوي عن الناس وقرفها - يعني مش على القمر ولا المريخ - يعني الناس وراكي وراكي ويمكن العينات اللي هاتلاقيها فوق يكونوا من النوعية اياها اللي عاثوا في الأرض فسادا وطالعين يكملوا البرنامج فوق- اما عن البيوت فهى تحف فنيه رائعة - لا أدري هل هى حقيقة موجودة ؟ بس البيت الأولاني شكله يخوف - يعني الواحد يخاف يعيش فيه والتاني برضه الواحد يخاف يعيش فيه لاحسن تيجي تايتانك تانية وتبقى وااقعتنا سودة. تحياتي

هما صحيح يابروفوسير الناس هيكونواورايا ورايا بس اكيد فمكان زي ده حاجات كتييير قوي هتكون احسن

الغريب اني شايفه الناس كلها بتعاني من الفساد ومفيش حاجه بتتغير....

المهم مش هبعد عن الموضوع وحبيت اقولك ان مش بعيد ابدآ على بلد زي دبي انها تحقق وجود مدينه الاحلام ما هي مدينه زي دي نقدر نسميها مدينه

الاحلام بس عارف اكيد الناس دول وصلوا لكده لأن مفيش واحد جرب يدوس عالتاني من الكبيير لحد الصغير احنا طبعآ فاكرين الشيخ زايد الله يرحمه

ويحسن اليه قد ايه الراجل ده كانت الناس كلها بتحبه ومازال يذكر بكل الخير...شوف ساب وراه ايه...الله يرحمه ويرحمنا يارب..

[The Professor]

والله يا جماعة انا لا استبعد ان تقوم إمارة مثل دبي بعمل مشروع كهذا- قد يبدوا غريبا وصعب تخيله وفيه عشرات التساؤلات اللي ممكن تقفز لذهن اي واحد يقرا الموضوع - لكن في النهاية كل الاختراعات كانت في بدايتها افكارهبلة ومستحيلة - لكن اهي بقت واقع - المهم الإرادة والإخلاص وطبعا راس المال. تحياتي للجميع وخاصة الأخت الفاضلة عازفة على اوتار الذهب اللي اتمنى في يوم من الأيام تبعت لنا دعوة لزيارتها في Bubble City

[عازفه على أوتار الذهب]

شكرآ بروفوسير على التحيه....

ومن عنيه الاثنين الدعوه جاهزه من دلوقت....

على حسابك... ;) :D :D

كلنا معزومين عندك قريب ان شاء الله في Bubble City

*************************************************

والله يا بروفسير يا ريتنا نقدر نحقق حاجه من اللي الناس دي بتحققه...

بس في مبادئ كتيييير قوي لازمنا 10000سنه عشان نقدر نحققها ده لو بدأنا اصلآ....

شكرآ بروفوسير عالمواضيع الراقيه انت فعلآ بروفوسير...

تحياتي...