جوزيه اتجنن ياناس!!!!

[kokowawa1979]

ياترى ماذا سيكون موقف إتحاد كرة القدم الأهلي( المصري سابقا) من تصريحات الجهبذ مانخوليا جوزية فيما قاله بعد مباراة المقاولين وهذا ماقاله في حق رئيس لجنة الحكام :

استغل جوزيه الفوز الكبير الذي حققه الفريق أمام المقاولون ليعلن عن بركان الغضب الذي يثور بداخله منذ فترة والذي وصل إلي قمة ثورته عقب الهزيمة الثقيلة أمام الإسماعيلي حيث فوجئ الجميع بجوزيه في المؤتمر الصحفي رغم قراره السابق بعدم حضور المؤتمرات الصحفية.. فتح جوزيه النار علي جمال الغندور رئيس لجنة الحكام بالاتحاد المصري مؤكدا أنه كان أحد أسباب الهزيمة أمام الإسماعيلي.

اتهم جوزيه جمال الغندور بأنه تآمر علي الأهلي وأنه جلب طاقم الحكام الإماراتي رغم المواقف السلبية السابقة للحكم الإماراتي فريد علي مع الأهلي.. وقال جوزيه إن جمال الغندور لم يكتف بذلك وإنما خالف شرف التحكيم وخرج بعد المباراة ليبرر أخطاء الحكام رغم أنها كانت واضحة أمام الجميع.. وأكد جوزيه أن من راهن علي خسارة الأهلي سيخسر كثيرا ولن يستفيد من هذه المؤامرة.

بذمتكت شفتم بقى فتونة أكتر من كدة - طبعا هو ماقالش كدة إلا بعد أن علم أن اتحاد الكورة يحميه !!!

ده نفس الاتحاد اللي غرم حلمي طولان 15000 جنيه ووقفه شهر علشان لمح بس لحكم مباراة الحرس مع الأهلي وضربة الجزاء اللي كانت من خارج المنطقة وبقدرة قادر أصبحت داخل المنطقة !!!

ياترى الاسطى زاهر والاسطى شوبير والاسطى مجدى والاسطى نايف عزت والاسطى أحمد شاكر هايكون موقفهم إيه المرة دي !!!

[se_ Elsyed]

بتتكلم عن مين يا أخ كوكو ... إيه .. قول تاني كده ؟

جمال الغندور مين ؟

اللي كان رئيس لجنة حكام وأول شخص في هذا المنصب يحصل على مرتب خيالي لأداء عمله - وهذا حقه - ثم يضع نفسه في موضع شُبهه ويقدم على أجازة وضع قصدي أجازة بدون مرتب لمدة شهر عشان يروح يحاضر في الإمارات وهو في نفس التوقيت اللي راح تعاقد فيه مع هذا الحكم الضعيف اللي كبيره قوي يحكم في مراكز شباب وعلى فكره هو موقوف ومستبعد من الإتحاد العربي لأداءه السيء ...وطبعاً الأخ غندور عكم عكمه تمام وحصل على صُره من الدنانير من الإخوة الإماراتيين في الشهر ده ..

فلما يرجع يا كوكو يا حبيبي نبقى نشوف الموضوع ده ..

وأنا أستبعد تماماً أن يكون الغندور متحامل على الاهلي أو متعاطف مع الإسماعيلي ..

لكن ليه الإنسان يضع نفسه في مواطن الشبهات ويرجع يعيط ؟

وبعدين سيمر زاهر مين اللي هايشتكو ليه ؟

إنت سمعت تصريحه لأحمد شوبير لما قال إن يحي الكومي هو اللي أختار الحكم ده .. وكأنها تكيه وكل واحد بيفصل حكم على مقاسه طالما هو اللي هايدفع التكاليف ؟

[se_ Elsyed]

خد الحتة دي يا كوكو عشان تعرف الراجل إتجنن ليه

الأهرام بتاريخ 13/1/2006

اتجاه في اتحاد الكرة لاتخاذ موقف متشدد مع الغندور‏..‏ ومعاقبة جوزيه

كتب: محمد أبو الخير

هل سيتم توقيع عقوبة علي مانويل جوزيه المدير الفني لفريق الأهلي بعد انتقاده للجنة الحكام باتحاد كرة القدم علي اختيار الحكم الإماراتي الذي ادار لقاء الأهلي والاسماعيلي الاخير‏.‏

وهل سيكون هناك موقف مع جمال الغندور رئيس لجنة الحكام بسبب إصراره علي السفر للإشراف علي حكام بطولة خليجي‏18‏ في أبو ظبي ومطالبته بالحصول علي اجازة بدون مرتب مدة سفره‏.‏ هذه هي موضوعات الساعة داخل اتحاد كرة القدم فطبقا للائحة فلا يمكن ان يمر انتقاد جوزيه لاختيارات الحكام دون عقوبة‏,‏ ونفس الامر بالنسبة لجمال الغندور الذي علت لغة انتقاده ليس لسفره لأبو ظبي ولكن لتركه مسئوليته المهمة في ظل ارتفاع حدة المنافسة في الدوري وانتظام المسابقة وكثرة المباريات والمهم هنا ان رئيس اتحاد الكرة سمير زاهر اجتمع عصر امس بنادي هليوبوليس مع جمال الغندور للوصول لصيغة يقبلها الجميع تفاديا لحدوث صدام سيكون الخاسر فيه هو الغندور وليس اتحاد اللعبة الذي لديه بدائل كثيرة في حالة الوصول لطريق مسدود‏!‏

[kokowawa1979]

يعجبني في الأهلوية إنهم بيسلموا نفسهم لعملية غسيل المخ بسرعة رهيبة ويصدقوا كل اللي يكتبه عديمي الضمير من الصحفيين اللي بيغرروا بعقلية الشعب المصري :lol:

سي السيد كتب :

جمال الغندور مين ؟

اللي كان رئيس لجنة حكام وأول شخص في هذا المنصب يحصل على مرتب خيالي لأداء عمله - وهذا حقه - ثم يضع نفسه في موضع شُبهه ويقدم على أجازة وضع قصدي أجازة بدون مرتب لمدة شهر عشان يروح يحاضر في الإمارات وهو في نفس التوقيت اللي راح تعاقد فيه مع هذا الحكم الضعيف اللي كبيره قوي يحكم في مراكز شباب وعلى فكره هو موقوف ومستبعد من الإتحاد العربي لأداءه السيء ...وطبعاً الأخ غندور عكم عكمه تمام وحصل على صُره من الدنانير من الإخوة الإماراتيين في الشهر ده ..

فلما يرجع يا كوكو يا حبيبي نبقى نشوف الموضوع ده ..

ده اللي إنت كتبته ياأخي سي السيد نقلا عن بعض الصحفيين إخصائيي غسيل المخ :happy:

وده صحفي أهلاوي شديد بس كان مصدوم من الفرقة فكتب الحقيقة وهو مصدوم :angry: لإن الصحفي الرياضى المصحصح المطعم عمره مايكتب كدة على أولياء نعمته !!!

ده بالمناسبة كتبه في الجمهورية -عدد الجمعة 12/ 1 / 2007

حاقدون .. شامتون .. والله أعلم!!

جمال هليل

g_holail@hotmail.com

* الوسط الرياضي يعيش حالة حقد غريبة!! حالة تربص وتلصص وحسد تدعو للشفقة. ولا أعرف لماذا تغيرنا خلال السنوات الأخيرة. تحول الحب إلي حالة من الكُره والحقد. فمن ينجح ينظر له الجميع وكأنه حالة استثنائية يجب أن تعود إلي واقعنا السائد.. وهو الفشل والسقوط!! استشعرت ذلك خلال المؤتمر الصحفي الذي عقده سمير زاهر ووجدت هجوماً غريباً. لكنه كان منظماً جداً وكأن هناك "لوبي" كامل يعمل من أجل فتح أبواب جهنم علي اتحاد الكرة ولجنة الحكام!!

أخذ جمال الغندور القسط الأكبر من هذا الهجوم.. لا لشيء سوي لأنه تلقي دعوة من الاتحاد العربي لتولي مسئولية الحكام في دورة كأس الخليج إلي هنا والموضوع عادي جدا.. لكن شاءت الظروف أن تكون الدورة في الإمارات.. وفي نفس الوقت الحكم الذي أدار لقاء الأهلي والإسماعيلي من الامارات!! .. و"ياداهيه دقي" كما يقولون في الأمثال.. ربط البعض بين مجاملة الإمارات للغندور.. ثم رد الغندور للمجاملة بمجاملة أخري لأن الحكم جاء للإسماعيلي من الإمارات.. وفاز الإسماعيلي!!

المصيبة أنني شخصياً أعرف أن الاتحاد العربي هو الذي رشح الغندور منذ يوم 31 أغسطس الماضي أي منذ خمسة أشهر وأرسل الخطاب للاتحادين المصري والاماراتي.

فماذا لم يجامل الغندور الأمارات في لقاء الأهلي والزمالك مثلاً؟! .. وما فضل اتحاد الامارات علي الغندور إذا كان الاتحاد العربي هو الذي رشحه للعمل في كأس الخليج؟!!

وبصراحة هل حكم الامارات أفسد لقاء الأهلي والإسماعيلي؟!! وهل هو الذي هزم الأهلي بالأهداف الثلاثة؟!! هل لعب مع الإسماعيلي وأعطاه ضربة جزاء مثلاً. أم أنه قدم للأهلي عدة هدايا من ضربات ثابتة وعلي دائرة المنطقة.. فهل الحكم هو الذي سدد الكرات وأضاعها أم أنه قال لأبوتريكة سددها خارج المرمي؟! وهل الحكم الاماراتي قال لدفاع الأهلي أفتح أحضانك وأقدامك لهجوم الإسماعيلي.. واترك محمد فضل يعدي ويسجل كما يشاء!!

أنا أشعر أن حالة من الحقد الدفين تسيطر علي الوسط الكروي.. فالمدرب المطرود يجلس في التليفزيون ليحلل ويقطع في زملائه. والمعلق يسرق تعبيرات زميله.. و"يقف عليها" كما يحلو له. والناقد يبحث عن باب ليفتح من خلاله أبواب جهنم علي لجنة الحكام. وعلي كل حكم أجنبي أو عربي يأتي للتحكيم في مصر!!

السؤال.. عاجبكم يعني.. التحكيم في كأس العالم. وهل سينصلح حال التحكيم إذا اعتذر الغندور عن السفر.. أم أن الامارات ستلغي البطولة علشان عيون أصحاب القلوب السوداء عندنا!!!؟

قد تكون للحكام أخطاء اكبر من الغندور.. ابحثوا عنها أولاً!!

إيه رأيك بقى ياسي السيد في الكلام ده :wub:

تم تعديل 13 يناير 2007 بواسطة kokowawa1979

[se_ Elsyed]

إنت بتتكلم عن إيه يا كوكو ؟

غسيل مخ إيه وغسيل مواعين إيه ؟

أولاً أنا مش ناقل كلامي عن أي صحفي أو جريدة .. ولكن دي أخبار موجودة في كل المواقع الإخبارية يا واوا .

ثانياً : لو كانت الدعوة اللي موجهة له دي دعوة رسمية فإيه لزوم الإجازة اللي بدون مرتب .. ما سألتش نفسك ليه ؟

ولما سمير زاهر ما يوافقش عليها بحجة إن الدوري فعلاً أصبح مُلتهب والمنافسة على الصدارة والهبوط أيضاً أصبحت على أشُدها ... وبعد ده كله رئيس لجنة التحكيم اللي هي عنصر فعال في اللعبة يغيب عشان في سبوبه ولقمه طريه قدامه .. يبقى لما نحب نككلم شعب مصر نتصل بمين ؟ وإوعى تقولي 140 دليل :lol:

لم يذكر أحد من الاهلاوية إن الحكم هو سبب هزيمة الاهلي .. لكن هل تستطيع ان تُنكر بإنه هزيل وضعيف تحكيمياً تماماً مثل السلوفاكي اللي حكم ماتش الاهلي والزمالك ؟

أما الأخ للحكام أكبر من أخطاء الغندور فأبحثوا عنها " !!!!!

أبحث عن إيه يا حبيبي إذا كان رب البيت بالدف ضارباً .. ومن يجب أن يُسأل عن ضعف الحكام هو رئيس لجنتهم

ولا إيه يا كوكو كوكو ؟

بالمناسبة

الغندور عملها قبل كده بعد ما رجع من كأس العالم 2002 وراح شهر إحترف في اليابان وقبض بالفرنك الياباني :happy: .. وماحدش كلمه لإنه كان مجرد حكم زيه زي أي واحد موجود

لكن لما يبقى واحد في موقع مسئولية .. يبقى سامحني بقى

[kokowawa1979]

جرى إيه ياخويا سي السيد -ده إنت المعروف عنك إنك أستاذنا كلنا في الأمور الإدارية ودي بقى بجد مش بهزار :lol:

سي السيد كتب :

ثانياً : لو كانت الدعوة اللي موجهة له دي دعوة رسمية فإيه لزوم الإجازة اللي بدون مرتب .. ما سألتش نفسك ليه ؟

أمال فين الشفافية اللي بنطالب بيها الحكومة :happy:

الدعوة من الاتحاد العربي وليس من الاتحاد المصري ياعم السيد يعني حتما لابد وأن يحصل على أجازة بدون مرتب مش كدة واللا إيه وإلا يبقى مفيش شفافية ويبقى اللي بيتقال صح :angry:

وبعدين قول لي ياعم السيد : هو الغندور كان قابض من مين في كاس العالم ؟

أنا كل اللي اعرفه إن في جهة واحدة بتعكم الحكام في مصر ياترى عارفها :wub: ؟

[drhouba]

بذمتكت شفتم بقى فتونة أكتر من كدة - طبعا هو ماقالش كدة إلا بعد أن علم أن اتحاد الكورة يحميه !!!

ياترى الاسطى زاهر والاسطى شوبير والاسطى مجدى والاسطى نايف عزت والاسطى أحمد شاكر هايكون موقفهم إيه المرة دي !!!

زميلى فى الكتيبه الزملكاويه الصامده كوكو سؤالك لا محل له من الإعراب لأن هذا الإتحاد بكل مكوناته مصحوبا بإعلامنا النزيه المحاااااااايد هو من تغاضى و غض البصر عن حركة الباشمهندس جوزيه المؤدبه اللى عملها فى مباراة أنيمبا فى بطولة أفريقيا الأخيره و كاد الأخ مذيع الضانى مدحت شلبى أن يبكى فرحا بها بل و طالبه بالمزيد !!!! فماذا تنتظر منهم بعد كل هذا أظن إن كل كوكب الأرض ( نظرا لعالمية الأهلى ) شاهد هذه الحركه و محدش يقدر ينكرها حتى حبيبنا سى السيد فلا تنتظر شيئا ضده أو ضد غيره إنت عاوز الأهلى يتعامل زيه زى باقى الفرق إصحى و فوق كده :lol:

تم تعديل 13 يناير 2007 بواسطة drhouba

[se_ Elsyed]

أظن إن كل كوكب الأرض ( نظرا لعالمية الأهلى ) شاهد هذه الحركه و محدش يقدر ينكرها حتى حبيبنا سى السيد [/

من فضلك يا دكتور هوبا ما تتكلمش على لساني

لإني شوفت الحركة دي وباركتها كمان لإنها

ما كانتش في ماتش أنيمبا زي ما أنت قلت .. لكنها كانت في ماتش أسيك ميموزا بتاع أبيدجان :lol:

شفت أنت ظلمت الاهلي إزاي ؟

[drhouba]

أظن إن كل كوكب الأرض ( نظرا لعالمية الأهلى ) شاهد هذه الحركه و محدش يقدر ينكرها حتى حبيبنا سى السيد [/

من فضلك يا دكتور هوبا ما تتكلمش على لساني

لإني شوفت الحركة دي وباركتها كمان لإنها

ما كانتش في ماتش أنيمبا زي ما أنت قلت .. لكنها كانت في ماتش أسيك ميموزا بتاع أبيدجان :lol:

شفت أنت ظلمت الاهلي إزاي ؟

سى السيد حبيبى إنت جيت ؟ يا راجل الواحد ساعات بيتسرع فى الحكم على الأمور أنا آسف يا عمنا أنا كنت فاكر إنه عملها فى ماتش أنيمبا إنما لما إنت صححت لى المعلومه إكتشفت غلطتى ... إذا كانت حصلت مع أسيك يبقى مفيش مشاكل ... و أنا بانضم لك و بأبارك الحركه و ربنا ما يجيب زعل إحنا جايين نهدى النفوس زى ما إنت عارف :lol:

[kokowawa1979]

المهم هو إن أخونا سي السيد زي الزئبق :lol: ماتعرفش تمسكه أبدا - تذكر له حقايق ومستندات يدخلك في متاهة - تقول له حلمي طولان لمح على حكم بس مش رئيس لجنة الحكم اتهف 15000 غرامة وشهر إدارة مباريات الفريق بالموبايل من منازلهم :lol:

في حين إن الجهبذ جوزيه ياما سب للحكام ودرع للحكام :lol: ومدربي الفرق الأخرى ( ماهو تربية نادي المبادئ :D )

ووجدنا من يدافع عنه لإننا شعب بيؤمن بالماسوخية ( ألا إيه الماسوخية دي :D ) يا أخي الواحد بتطلع منه حاجات :D - وبعدين الجهبذ ده ياريته يروح يدرب إنبي دلوقت ويفرجنا هايعمل إيه - فاكرين تسوبيل كان عامل كام بطولة للأهلي وقلنا إن أي مدرب بيدرب الأهلي في هذا الوقت كان برضه لازم يكسب لإن الحكام والاتحاد في إيده :D أهو ده تسوبيل نفسه اللي جاب انبي الأرض بس بصراحة أبو ناب أصفر علاء عبد الصادق هو السبب في فشل إنبي الحالي مش حد غيره ماهو تربية نادي المبادئ وصاحب نظرية التطفيش لكل ماهو زملكاوي من انبي وآدي النتيجة جاب انبي الأرض بعد مامشي المعلم الكبير طه بصري .

ياترى ياعم السيد جوزيه الجهبذ صاحب نظرية وائل جمعة راس الحربة سابقا يقدر ينتشل إنبي من الغرق اللي رماه فيه عبد الصادق وهونا؟؟؟؟؟

[kokowawa1979]

سي السيد كتب :

هل سيتم توقيع عقوبة علي مانويل جوزيه المدير الفني لفريق الأهلي بعد انتقاده للجنة الحكام باتحاد كرة القدم علي اختيار الحكم الإماراتي الذي ادار لقاء الأهلي والاسماعيلي الاخير‏.‏

وهل سيكون هناك موقف مع جمال الغندور رئيس لجنة الحكام بسبب إصراره علي السفر للإشراف علي حكام بطولة خليجي‏18‏ في أبو ظبي ومطالبته بالحصول علي اجازة بدون مرتب مدة سفره‏.‏ هذه هي موضوعات الساعة داخل اتحاد كرة القدم فطبقا للائحة فلا يمكن ان يمر انتقاد جوزيه لاختيارات الحكام دون عقوبة‏,‏ ونفس الامر بالنسبة لجمال الغندور الذي علت لغة انتقاده ليس لسفره لأبو ظبي ولكن لتركه مسئوليته المهمة في ظل ارتفاع حدة المنافسة في الدوري وانتظام المسابقة وكثرة المباريات والمهم هنا ان رئيس اتحاد الكرة سمير زاهر اجتمع عصر امس بنادي هليوبوليس مع جمال الغندور للوصول لصيغة يقبلها الجميع تفاديا لحدوث صدام سيكون الخاسر فيه هو الغندور وليس اتحاد اللعبة الذي لديه بدائل كثيرة في حالة الوصول لطريق مسدود‏!‏

يا عم سي السيد دي كلها تساؤلات لسة :lol:

وصدقني أنا شخصيا في اعتقادي إن عقوبة جزيه هاتكون زيادة عدد التدريعات مستقبلا :lol: لإن الشعب المصري مايستحقش إلا كدة :lol: في عرف زمرة بتوع الجبلاية .

ولامانع من تنحية الغندور صاحب نظرية ملاكي الأهلي :D والذي يعيب عليه الآن الاسطى جوزيه ولم يشفع للغندور ضربات الجزاء الوهمية التي يحتسبها الحكام الذين يعملون في إعلانات الأهرام !!

بذمتك فيه شفافية لم أخللي حكم زي فهيم عمر رئيسه حسن بشله في الأهرام !!! وجايين بعد كدة تلوموا على الغندور اللي شبعكم ضربات جزاء فكان جزاؤه مثل سنمار :D

[أبو محمد]

من عدد اليوم 13/1/2007 .. من أخبار اليوم

كتب أحمد السعيد :

القضية الخطيرة التي تفرض نفسها ليست هي فوز هذا النادي أو خسارة ذاك.. ولكنها عملية استقدام الحكام الاجانب! فهل التزام رئيس اي ناد من أصحاب الملايين بتكاليف استقدام حكام اجانب يعطيه الحق في إختيار هويته وجنسيته؟! .

السؤال أتوجه به إلي الكابتن الغندور: لماذا اخترت هذا الحكم الاماراتي بالذات ياكابتن؟ وأنت تعلم تماما مشاكله الكثيرة في بلاده وفي قطر والسعودية وحتي مع الاهلي؟! .

ولماذا تتهم الان الصحافة بالكذب والافتراء..؟ أليست هذه الصحافة المصرية التي وقفت بجانبك في محنتك يوم شنت الصحافة الاسبانية حملة عالمية واسعة النطاق واتهمتك بالرشوة في مباراة اسبانيا وكوريا في كأس العالم 2002 وكانت في هذه الحملة نهاية علاقتك بكأس العالم كحكم دولي؟! أليست هذه الصحافة المصرية التي ساندتك ودافعت عنك بمحض إرادتها ؟.. وبالرغم من مرور أكثر من 4 سنوات علي تلك الواقعة.. إلا إننا لم نسمع عن أي حكم صدر لصالحك ضد أي صحيفة اسبانية إتهمتك بتلك التهم المخلة بالشرف ! .

أرجوك ياكابتن إذا أردت أن تجيب علي تساؤلات الرأي العام، أن يكون ردك مبنيا علي اعتبارين.. أولهما: ان الذي يستمع اليك كامل الاهلية ويستطيع أن يفرق بين الغث والسمين من القول.. وثانيهما: ان الله يراقبك.

* "الغندور" أكد أن "الكومى" طلب حكما عربيا ولكنه لم يرفض حكام شمال أفريقيا

* "الكومى" أكد أنه لم يحدد جنسية الحكم "المطلوب" ولم يرفض حكام من الشمال الأفريقى

* رئيس اتحاد الكرة أكد أن "الكومى" رفض ترشيح حكام من الشمال

ليست هذه فزورة ولكنها أحد انجازات اتحاد الكرة التى لم يذكرها فى مؤتمره الأخير !

أما من الصادق ومن الكذاب ؟ فاترك هذه المهمة للصديق العزيز شوبير !

* "الكومى" أكد أنه لم يطلب "استقدام" الحكم محمد فاروق لإدارة مباراته مع المحلة ، ولم يدفع تكاليف استقدامه برغم عدم صحة ضربة الجزاء التى اعترف بعدم صحتها والتى جاء منها هدف الفوز أمام المحلة !

قرأت أن الكومى توجه إلى اتحاد الكرة ليقدم شكره لرئيس لجنة الحكام على استقدام الحكم الإماراتى .. فحدثت مشادة بينه وبين بعض الحكام تبودلت فيها الألفاظ النابية وكاد "إثنان" من الحكام أن يفتكا بالكومى .................

لم أسمع أن تعليقا قد نشر على لسان الكومى أو الغندور على تلك الواقعة .. وصلت للضرب ياجماعة .. سلمولى على الرياضة :lol:

[se_ Elsyed]

كوكو يا حبيبي قلبي لما تنوي تتكلم كوره صح يبقى تعالى نحتسي شاي الساعة الخامسة سوياص وناخد وندي في الكلام

ليه بقى ؟

انات تعلم جيداً إن كورة القدم عبارة عن منظومة متكاملة :

- إدارة ناجحة

- لعيبة كويسة مش كسر زي معظم لعيبة الزمالك كده :lol:

- مدرب محترم

- حُكام بياخدوا رشوى :lol: :lol:

فلما تقولي خلي جوزيه يدرب إنبي ونشوف هايعمل إيه .. كإنك بتقول نجيب المدير التنفيذي لشركة نيسان اللبناني " فريد غُصن " وده من الناس اللي بأتابع أخبارهم لإنه جهبذ إدارة وكان ماسك قبل كده شركة فورد وسابهم وراح نيسان وتيجي تقولي خليه يمسك شركة النصر لصناعة السيارات اللي لسه بتصنع الفيات القردة وتقولي نشوف هايعمل إيه .؟

والدليل على ذلك ... فابيو كابيلو طالع عين اهله مع ريال مدريد الموسم ده و الفريق داخل في رابع سنة اللي رايح واللي جاي عمال يلطش فيه . مع إن فيه لعيبة ثمنهم يساوي ميزانية 10 دول أفريقية مجتمعة .. وقبله دوب عدة مدربين لكن اللعيبة بتاعته بقوا out of control

وبعدين المدرب مش مطلوب منه يلبس 11 فانله و22 فردة جزمة وينزل يلعب يا كوكو ؟

[kokowawa1979]

اقول إيه وأعيد إيه ياعم السيد :lol:

برضه مازلت مثل الزئبق- أنا حاولت أنبهك إن بعد تفريغ الأندية ( ياسيدي بالحلال بلاش الطرق غير الشريفة) :lol: لازم جوزيه يكسب وعلى رأي مدرب الطيران بعد ماقابل الأهلي في كاس مصر وقال لو الأهلي جاب واحد قهوجي ودربه برضه هايكسب لإن المنظوكة كاملة زي ماتفضلت وقلت :

إدارة محترمة نهبت جريدة الأهرام

لاعبين تم الحصول عليهم بالطريقة المشروعة والغير مشروعة

مدرب زلنطحي ساعده سياسة التفريغ ولوي الذراع والتدريع للحكام اللي النهاردة علشان الأهلي انهزم مباراة شاف فيها الذل والمرار جعل الأفاكين يفتحون ملفات جمال الغندور ( ياترى الملفات دي كانت فين لما محمد السيد شاف أحمد السيد وهو بيمزع فانلة لاعب الاسماعيلي جوة منطقة الجزاء والاسماعيلي مغلوب 1/0) - وكان فين الملف ده لما الحكم حسب ضربتين جزاء للهلي في مباراة المحلة علشان الأهلي يتعادل 2/2) وكان فين الملف لما الحكم حسب لابو تريكة ضربة جزاء من نصف الملعب في مباراة الحرس علشان الأهلي يكسب بيها ) دي غير ضربة الجزاء اللي من خارج المنطقة في مباراة الاتحاد وبيها كمل الأهلي ال6 بعد لعيبة الاتحاد ماتعقدت من الظلم !!!

كل ده اتنسى لجمال الغندور اللي هو عامل لكم لسته ملاكي الأهلي !!!!

وياعيني عليك ياغندور وقعت في إيدين طول عمرها ممدودة للأهلي أقصد الصحفيين المرتزقة الذين نستشهد بهم الان اللي مفيش ولا واحد فيهم طلع له حس بعد مباراة الاسماعيلي :lol: لكن مادام الأهلي كسب تاني ترجع ريما لعادتها القديمة ونقول إن الأهلي خسر بالحكام -- هو احنا بلدنا بتتوكس من شوية :D

[نانو]

يا جماعه كل سنه وانتم طيبين

احنا في ايام مفترجه وكلها اعياد راس السنه واعياد المسيحين و الاسماعيلي

كفايه خنااااااااااااااااااق

تم تعديل 13 يناير 2007 بواسطة نانو

[drhouba]

ليه بقى ؟

انات تعلم جيداً إن كورة القدم عبارة عن منظومة متكاملة :

- إدارة ناجحة

- لعيبة كويسة مش كسر زي معظم لعيبة الزمالك كده :lol:

- مدرب محترم

- حُكام بياخدوا رشوى :lol: :lol:

سيسو حبيبى أول مره تنسى حاجه ... المنظومه كده مش كامله لسه فيه منشطات و إتحاد كوره متواطئ و إعلام محااااااااااااااااايد جدا معلش يا سيسو إنت حتفتكر إيه و اللا إيه معلش بكره نعزل و نسيب لكم البلد ( الحزب و النادى ) و ساعتها مش حتنسوا حاجه لأن العمليه حتبقى فى بيتها :D

تم تعديل 13 يناير 2007 بواسطة drhouba

[otaka]

أنا كل اللي اعرفه إن في جهة واحدة بتعكم الحكام في مصر ياترى عارفها :lol: ؟

اوعى يكون قصدك الهتاف الاشهر بتاع

الاهلى بيدفع كام :lol:

[الحاج فوزى]

وبعدين بقا فى الزملكاوية دوووول

انا كل ما اروح مكان الاقى كوكو ورايا وريا ، و اوتاكا ودكتور هوبا كمان !!

وسى السيد بالمرصاد للكل :lol: ( الى الامام يا س س )

على العموم ، اخر مداخلة واوا زعل منى ،،

فحرصا على شعور الزملكاوية ,, انا مش هتدخل ( مؤقتا )

وادعو ارسين لوبين وابو محمد ورمضان وكل الاهلوية الحلوين انهم يضيقوا الخناق على الزملكاوية

ويقفوا مع فريق القرن والاخلاق ضد الحاقدين :lol:

حسين

تم تعديل 13 يناير 2007 بواسطة Huss.

[kokowawa1979]

سحس كتب :

واد

عو ارسين لوبين وابو محمد ورمضان وكل الاهلوية الحلوين انهم يضيقوا الخناق على الزملكاوية

ياعم سحس إحنا هانلاحق عليكم واللا على اتحاد الكورة واللا على الحكام الملاكي - ياراجل دانتم مضيقين الخناق على البلد كلهاأوفففففففففففففف ياساتر :lol:

[الحاج فوزى]

والله يا واوا يا صاحبى ( ما محبة الا بعد عداوة :blink: ) الزملكاوية دول يكدبوا الكدبة ويصدقوها

منشطات واتحاد وحكام وحكومة .. انا مش عارف هتجيبوا كلام منين تانى تقولوه

على العموم

لجنة المسابقات توقيع غرامة قدرها 20 ألف جنيه على جوزيه علشان خاطر الكلمتين اللى قالهم .. مبسوط يا سيدى ؟!!

الراجل طالع عينه ولما يتفك بكلمتين يدفع 20 باكو

يلا مش مهم ، تيجى ايه العشرين الف قصاد مكافاة تالت العالم :angry2: :blush:)

حسين