جوزيه اتجنن ياناس!!!!

[otaka]

إذا أى حاجه حصلت لواوا كلنا واوا و حنكمل رسالته من خلال الكتيبه الزملكاويه الصامده بصراحه يا واوا انت عامل اللى عليك و زياده مش سايب حاجه ممكن الواحد يقولها إنت كنت فين من زمان أنا كنت حاسس إنى لوحدى فى العالم الأحمر ده

الذهب دائما نادر بين الصخور

مش العدد فى اللمون

كما ظهر الاخ حمدى سليمان ابن النوبه البار و بنت مصريه بنت بورسعيد صاحبه السبق فى بورسعيد مش حمره

اللى يدور يلاقى مش كل مصر حمره يا هوبا :ninja:

[Ahmad Farahat]

أرسين لوبين كتب :

ال

غريب أن تجد بعض الزملكاوية يتحدثون وكأنهم خائفون على مال الأهلي وخزينة الأهلي

ياعم أرسين إحنا زعلانين على فلوس الشعب اللي بتتنهب في الأهرام ومانخوليا بيعبترها قصدي بيغسلها - ليلتك فل ياباشا :ninja:

وانت فاكر ان فلوس الأهرام تكفي عشان تصرف ع الأهلي.............

وبعدين جميل قوي.............

يعني حسن حمدي بيسرق من الأهرام عشان يصرف ع الأهلي.............

الحقيقة إنت مؤلف عبقري............

وربنا يرحم...........

كأن الأهلي ده معندوش موارد.........

ومعندوش اشتراكات ولا مجلة ولا فلوس بياخدها من الحقوق والفانلة والشعار والبطولات و..........إلخ

ولسه القناة التليفزيونية..........

بجد ربنا يرحم...........

[أبو محمد]

نادى ما عندهوش مبادئ ، بيخطف اللاعيبة ، فلوسه حرام ومغسولة ، ولاعيبته القدام والجداد بدون أخلاق ، ومسيطر على ملك وأربع رؤساء جمهورية ومئات الحكومات ، وحاصل على 98 بطولة بالحكام والحظ ، وكل الإعلام واخد وش بوية حمرا وبيسبح بحمده .. وهو فى الحقيقة ولا يسوى

ونلاقى المجلس الأعلى للرياضة فى أفريقيا (الذى يضم اتحادات جمبع اللعبات فى أفريقيا) يختاره أحسن نادى فى أفريقيا ، ويصنفه الاتحاد الدولى للإحصاء رقم 33 على العالم ضمن 350 نادى هم إجمالى الأندية المصنفة

فى حين لا نجد أكبر ، وأجدع ، وأحسن ، وأشرف ، وأروع ، و أبرع ، وأحرف ناديين فى مصر ليسا فى عداد ال 350 .. حقيقى حاجة تجنن (يمكن إضافة المزيد من الصفات على الناديين باستعمال صيغة أفعل التفضيل)

ولكن أبشر جماهير الكرة الحرة الأبية .. التى لا تستكين للطغاة إن كلها 200 - 300 سنة وتتعدل :ninja:

[Ahmad Farahat]

نادى ما عندهوش مبادئ ، بيخطف اللاعيبة ، فلوسه حرام ومغسولة ، ولاعيبته القدام والجداد بدون أخلاق ، ومسيطر على ملك وأربع رؤساء جمهورية ومئات الحكومات ، وحاصل على 98 بطولة بالحكام والحظ ، وكل الإعلام واخد وش بوية حمرا وبيسبح بحمده .. وهو فى الحقيقة ولا يسوى

ونلاقى المجلس الأعلى للرياضة فى أفريقيا (الذى يضم اتحادات جمبع اللعبات فى أفريقيا) يختاره أحسن نادى فى أفريقيا ، ويصنفه الاتحاد الدولى للإحصاء رقم 33 على العالم ضمن 350 نادى هم إجمالى الأندية المصنفة

فى حين لا نجد أكبر ، وأجدع ، وأحسن ، وأشرف ، وأروع ، و أبرع ، وأحرف ناديين فى مصر ليسا فى عداد ال 350 .. حقيقى حاجة تجنن (يمكن إضافة المزيد من الصفات على الناديين باستعمال صيغة أفعل التفضيل)

ولكن أبشر جماهير الكرة الحرة الأبية .. التى لا تستكين للطغاة إن كلها 200 - 300 سنة وتتعدل :ninja:

هوا ده يا أستاذ أبو محمد............

إزاي..........

هيجننوني...........

ناخد بطولة بالحكام .....ممكن.

إنما 98 ...........إزاي

طيب...........خد دي عندك

في استفتاء أفضل اللاعبين ميلا الأول.........الخطيب التاني ...........حسام حسن التالت...........الكابتن صالح سليم الثالث عشر............هاني رمزي التاسع عشر............حسن شحاته العشرون.

[أبو محمد]

from zamalek.sc forum

فعلا لا هو نادى أخلاق ولا نادى مبادئ .. كيف ينجح ؟

الصورة من منتدى أهلى نيوز

[أبو محمد]

على فكرة ياجماعة .. أنا مدين لكم باعتذار لخطأ غير مقصود جاء فى مداخلاتى :

الخطأ :

ومسيطر على ملك وأربع رؤساء جمهورية ومئات الحكومات

التصويب :

ومسيطر على ملك وتلات رؤساء جمهورية ومئات الحكومات

فلقد جاءتنى معلومة لم أكن أعرفها وهى إن الولدين والكومى عاملين شغل مع بعض ونازلين قش

[kokowawa1979]

ياسلام عليك ياأرسين ياخويا لما تيجي وتقول لي الأهلي العالمي شوفوا الاتحاد الأفريقي رشحه إزاي يكون نادي أفريقيا الأول يعني نادي القرن بالمفتشي :ninja: ياترى عندك فكرة إزاي الأهلي اختاروه نادي القرن :blink:

أنا بقى أقول لك - اللوبي الأهلاوي بصراحة مايفرقش كتير عن لوبي بني ص.... لإن الاسطى مصطفى مراد فهمي سكرتير الاتحاد الأفريقي ووريث أبوه مراد فهمي في نفس المنصب ( يبقى ليه زعلانين إن أبو الجيم يورث أبو أبو الجيم ) وضع اسس لاتنطبق إلا على نادي وحيد القرن فقط عند إختيار نادي القرن !!! وبدلا من أن يكون نادي القرن هو من حصل على أكثر البطولات الأفريقية في هذا الوقت وهو بالطبع النادي الشريف الذي لايطعم اللئام وهو بالطبع عم الأندية بصحيح نادي الزمالك - أخونا مصطفى مراد فهمي الأهلاوي حتى النخاع فكر في نظرية جهنمية وهي أن يتم ترشيح نادي القرن على أساس عدد المباريات التي لعبها كل فريق اعتبارا من دو ر 32 في البطولات الأفريقية ونحسب عدد مباريات كل فريق والفريق اللي لعب أكتر هو ده يبقى نادي القرن - يعني في عرف الاسطى مراد البطولة دي آخر حاجة نفكر فيها - لكن الغل والحقد على كل ماهو زملكاوي من كل أهلاوي حتى لو كان في المحافل الأفريقية أو العالمية مش مشكله ماهم تربية نادي المبادئ الديناوية نسبة إلى دينا والسعدية نسبة إلى سعد الصغير والفيفية نسبة إلى فيفي عبده :blink: وبكدة أصبح نادي وحيد القرن هو نادي القرن على الرغم من إن عمه نادي الزمالك كان سابقه ييجي ب3 بطولات منهم 2 بطولة أبطال دوري وأتحدى بقى أي عنتيل من عناتيل الأهلي ( على فكرة عنتيل مش كلمة عيب لاحسن اللي بيحبوا يخبطوا في الحلل كتير واسألوا أخونا سي السيد عن العناتيل يقول لكم مين هم) يقول إن كلامي مش مضبوط . وطبعا نظرا لإن أعضاء اتحاد عيسى حياتو أرزقية واسألوا فرح أدو رئيس لجنة حكامهم - بعد عمل الحسابات اتضح إن نادي وحيد القرن هو أكثر نادي لعب في دور ال32 حتى قبل النهائي وبالتالي رسيت المناقصة التي رتبها بإحكام مصطفى مراد فهمي الأهلاوي الصميم بإحكام !!! :P

مشكلة جماهير الأهلي إنها بتشجع بالتبعية وخلاص - :D

نيجي بقى لنقطة النادي العالمي اللي في المركز مش عارف كام وتلاتين !!!

ياترى الأهلوية عارفين الزمالك كان في المركز الكام على العالم في آخر سنه حصل بيها على بطولة أفريقيا بالفن والهندسة مش بكورة عامشة في آخر ثانية !!!

ياترى فاكرين إن الزمالك كان من المفترض أن يكون أول نادي مصري يلعب في بطولة العالم في نفس السنة التي حصل فيها على بطولة أفريقيا لولا انسحاب الشركة الممولة - وتم تعويض الزمالك وباقي الأندية الأبطال عن طريق الفيفا عن عدم إجراء البطولة

عارفين الزمالك كان الكام على العالم : كان الأول واللا نسيتوا :

الفيفا يعرف يعني إيه أهلي ومشجعيه مين ويعرف الزمالك ومشجعيه مين :D

مشكلة جماهير الأهلي إنها بتشجع بالتبعية وخلاص - :D

سحس حبيبي أنا على النت أهو - وريني بقى هاتعمل إيه :D

الإخوة الزملكاوية التقال : أوتاكا - الدكتور هوبة - وباقي الإخوة الكرام معاكم لآخر نفس على قلب الأهلوية على رأي أبو علاء :D

ياراجل ده حكم نسي نفسه مرة وجري مع لعيبة الأهلي لدايرة السنتر قبل المباره علشان يقرا معاهم الفاتحة :D

تم تعديل 15 يناير 2007 بواسطة kokowawa1979

[se_ Elsyed]

على يــــــــــــــــــــــــــــــدي

الزمالك فعلاً كان الاول

فالأول كان قاعد هنا .. والزمالك كان قاعد جنبو

حتى بالأمارة في تصنيف الفيفا من كام يوم ما أخدتش حتى المرتبة الألف ولا حتى أخد مولة سرير :ninja:

وفي أمارة أكتر

امارة أمارة .. فوراقك يا جاره ... تيريررررم

بامارة ما الاتحاد الأفريقي اللي بيسيطر عليه لوبي أهلاوي ولأول مره يمكن في تاريخ الأندية المصرية .. خلى الزمالك يصفي من الدور 64 مع أندية :

1- توروميات موزمبيق .

2- فلنكات ساحل العاج

3- كومسريات فولتا العليا

أقسم بالله أنا عشان مصري صعب عليه اللي وصلوا له ده ولسه في ناس معمولها غسيل ومكوه لمخهم ويتحدثوا عن الاهلي أكتر ما يتحدثون عن أنفسهم

------------------------

يا كوكو يا حبيبي .. يا ديروجبا يا ضنايا

لو إنت ساكن في شقة أوضه وصاله وعفشة ميه مشتركة وبتكسب رزقك بعرق جبينك .. وعلى أول الشارع في فيلا دوبلكس بحمام سباحه وجاكوزي وعنده بدل عبدو الجنايني .. إتنين عبدو لكن أصحابها تجار مخدرات ...

يبقى هل معنى ذلك تُبرر فشلك بإنهم حراميه والبلد سيباهم ؟

يا أخي إعمل اللي عليك وذاكر وخد الإبتدائية وإطلع وكيل نيابة وبلغ عنهم أو حتى على الأقل سددفلوس إيجار الشقة أم أوضه وصاله ودورة ميه مشتركة قبل ما لاأوقاف يحجزوا على منقولاتكو

إحنا يا سيدي نادي غسيل اموال .. ومنشطات وبنخطف اللعيبه بالإشتراك مع التوربيني وبنتغلب من الإسماعيلي بالتلاتة

طب إنتو مين ؟

[النسر المصري]

------------------------

يا كوكو يا حبيبي .. يا ديروجبا يا ضنايا

لو إنت ساكن في شقة أوضه وصاله وعفشة ميه مشتركة وبتكسب رزقك بعرق جبينك .. وعلى أول الشارع في فيلا دوبلكس بحمام سباحه وجاكوزي وعنده بدل عبدو الجنايني .. إتنين عبدو لكن أصحابها تجار مخدرات ...

يبقى هل معنى ذلك تُبرر فشلك بإنهم حراميه والبلد سيباهم ؟

يا أخي إعمل اللي عليك وذاكر وخد الإبتدائية وإطلع وكيل نيابة وبلغ عنهم أو حتى على الأقل سددفلوس إيجار الشقة أم أوضه وصاله ودورة ميه مشتركة قبل ما لاأوقاف يحجزوا على منقولاتكو

إحنا يا سيدي نادي غسيل اموال .. ومنشطات وبنخطف اللعيبه بالإشتراك مع التوربيني وبنتغلب من الإسماعيلي بالتلاتة

طب إنتو مين ؟

يا سلام عليك ياس س انت يا معلم الزمالكاوية علامه حمرا :blink:

والله يا سين سين ياخويا انت بتتميز توضيح الامور من منبع الحقيقة....ودائما تتكلم بالمعطيات والنتائج بحكم نجاحك الباهر في مجال الإدارة ...والذي أشهد أنها تشبه مسيرة النادي الأهلي الإدارية الناجحة على مدار مائة عام من النجاح ومائة بطولة أيضاً

والله إن لم أكن أهلاوياً...لوددت أن أكون أهلاوياً....إنه فخر مصر..بل أنه يكاد أن يكون فخر مصر الوحيد....

في واحد صاحبي زمالكاوي من أيام الكلية....طلعنا مع بعض الصبح لوحدينا نتفسح ونلف وقضينا اليوم مع بعض...واتفرجنا سوا على ماتش الأهلي والمقاولين..والاسماعيلي والمحلة.....والزمالك وإنبي.......

صاحبي ده زمالكاوي نار.....واتناقشنا بكل أدب واحترام ..... وفضلت وراه لغاية لما وضحت الأمور بالمعطيات والنتائجج...عارفين ايه كان رده

( أصل الزمالكاويه ددول يابني زي اليهود........أقلية....وبيكدبوا الكدبه وبيصدقوها!!!!)........ :blink: :P

فعلا .....الحمدالله على نعمة العقل :ninja:

[kokowawa1979]

مش باقول الأهلوية دول ناس عسل :ninja:

غسيل مخ كامل تذكر حقايق - يقول لك الأوقاف - تذكر يوم ما الأهلي كان نازل درجة تانية لامحالة والمشير الزملكاوي الله يرحمه لغى الدوري علشانه بعد جمهور القيم والمبادئ ما ولع نار في نادي الزمالك يقول لك 999 بطولة :blink:

تقول لهم إيه رأيكم في اللي عمله مجدي مقشة بخلع البنطلون وشوشو في اللي قاله عن المرحوم اللي بيعبده الأهلوية :blink: ومدرب ألعاب القوى يقول لك حجرة وصاله وفانلة وشورت وكاب !!!!

تقول كل الصحافة المحترمة قالت بالمستندات حسن اللول حرامي - يقول لك خد الابتدائية وابقى وكيل نيابة و استدعيه !!!!!!

تقول الترتيب الأفريقي اللي هم أكتر ناس عارفين إنهم مالهومش حق في نادي القرن يقول مش عارف إيه !!!

الله يخرب بيت الكلوريكس اللي بيغسلوا بيه الدماغ :P

النسر المصري كتب :

والله إن لم أكن أهلاوياً...لوددت أن أكون أهلاوياً....إنه فخر مصر..بل أنه يكاد أن يكون فخر مصر الوحيد....

تصدق بالله يانسر إنت لولا إنك حبيبي قوي لرصيتك على الحتة دي بس :D

[الحاج فوزى]

ابو محمد يا هندسة ، كلام فن ومدرسة

سى السيد يا كايدهم ، ايه الحلاوه ده .. شووووت يا راجل كمان وكمان وعلم على الزملاكاوية كمان وكمان

بس والنبى واحدة واحدة عليهم ، مش عايزين حد منهم يطق ويموت ، لحسن يخلصوا ومنلاقيش حد نطرقعله

حسين

[se_ Elsyed]

تعالى لحمو يا كوكو عشان هارد عليك بالمنطق وبالأدلة والبراهين .. عسى أن تهتدي يا ولدي وتتوب قبل أن تموت :ninja:

تذكر يوم ما الأهلي كان نازل درجة تانية لامحالة والمشير الزملكاوي الله يرحمه لغى الدوري علشانه

أقول مثلما قال الشاعر

رب وزارة أخدت حكماً بإخلاء نادي وطرد من فيه عشان أكلتيه ما دفعوش الإيجار

فهبت أصوات الرحمه والإستجداء تقول : حرام عليكو طب نلعب فين ؟ إوعى حد يقولي يلعبوا في مناخيرهم

بقى يرضيكوا نادي الزمالك يتحول إسمه ويبقى " نادي الأوقاف "

وبدل ما أقول خط الوسط من اليمين للشمال أسامه حسن وإينو وطارق السيد .. أقوم اقول الفقي أسامه حين والتُربي معتز إينو والمِغسل طارق السيد

ما هم نادي الأوقاف بقى والحاجات دي تبعهم

وده كله ليه ؟

يقولك مستحيل يطردونا ..

أصل الزمالك ده قيمه

والزمالك ده قلعة - زي قاعة الكبش كده -

والزمالك لو وسرحوا لعيبته بقُرص من أم عجوه يبقى الاهلي يغلب مين ويلطش لمين وياخد مين ستة رايح ويدي مين ستة جاي .. ده حتى حرام ؟ :blink:

فهمت يا كوكو ؟

تخيل الدوري كده من غير الاهلي ... يا راجل دي الدول الكُبرى وجوزيف بلاتر كانو ياكلو وشنا

----------------

تقول لهم إيه رأيكم في اللي عمله مجدي مقشة بخلع البنطلون

يا كوكو ياللي دايماً تصرخ وتقول الديمقراطية والملوخية

مجدي عبد الغني جاي بناء على إنتخابات حُره وجمعية عمومية .. يبقى لا علاقة بالاهلي ولا الترسانة بالموضوع ... ولا هو كمان لوبي ومسنود ؟

وبالتالي لما يخلع البنطولن أو يلبس جزمة فرده وفرده ... ما هو في جمعية عمومية بها برضوا الزمالك والإسماعيلي والمصري والناس اللي ما بتحبش النادي الاهلي فهل القطه اكلت لسانهم ومش قادرين يقدموا قرار لسحب الثقة منه ولا إيه ظروفهم ؟

ويوم ما نقولهم طب ما أيمن يونس زملكاوي وعضو مجلس إدارة إتحاد الكوره .. يقولك ده بياكل على كل الموائد

الرد جاهز عندهم واتحدى أي زملكاوي من الزملكاوية عبر الزمن وإلى ان تقوم الساعة او الأوقاف يطردهم :blink: إنه يشاور على شخص مصري راضع لبن طبيعي ويكون بالنسبة له شريف !!!!!

كل الناس حراميه

إتحاد الكورة اللي بييجي بالإنتخاب الحر المباشر دايماً مجهزين شماعة فشلهم عشان يقولوا ده إتحاد أهلاوي

رئيس لجنه الحكام .. حتى لو جبنا لهم الراجل أبو صلعه جنان الإيطالي " كولينا " برضوا هايقولوا أهلاوي مرتشي وشغال في الأهرام ... بس للأمانة ممكن يوقول ان " كولينا " شغال في " الأهرام آبدو " على أساس إنه ما بيعرفش عربي وكده يعني وبالتالي هايبقى إسمه " كول علينا " مش كول لينا :P

والصحافة جميعها بلا إستثناء

-------------

وشوشو في اللي قاله عن المرحوم اللي بيعبده الأهلوية

لا تعليق

فلا معبود غير الله

------------------

تقول كل الصحافة المحترمة قالت بالمستندات حسن اللول حرامي - يقول لك خد الابتدائية وابقى وكيل نيابة و استدعيه

طالما هو إنسان قوي وفوق القانون بالرغم من وجود ادلة وبراهين ضده .. يبقى من حقه يعمل اللي هو عايزه

وطالما الكلام ده بيصدر عن زملكاوية .. يبقى عفواً هم لا يتمتعون بالمصداقية

بأمارة مرتظى حنطور لما طلع ورقص عشرة بلدي في جميع الفضائيات وورانا ورق ومراجع وقال على كمال درويش ده الورق اللي هايسجنك يا حرامي .. والراجل المحرتم البريء ما أخدش حتى لفت نظر من ولى أمره مش حبس .. وكذلك قال على إسماعيل سليم .. مع إنه كان عضو في البرطمان ساعتها

والسبب بسيط جداً وهو إن الإنسان الغير شريف يرى دائماً الجميع غير شُرفاء ومأجورين وبيرتشوا و و و .. وقذف الناس وأتهامهم في أعراضهم وشرفهم بيبقى اسهل عنده من شُرب الحاجه الساقعه

انا لا اقصدك يا كوكو ولكن أقصد أي إنسان بغض النظر عن إننا بنتكلم في الرياضه

تقول الترتيب الأفريقي اللي هم أكتر ناس عارفين إنهم مالهومش حق في نادي القرن يقول مش عارف إيه

ولما هو مصطفى مراد فهمي له كل هذا التأثير على عيسى حياتو وعلى جميع أعضاء الإتحاد الأفريقي .. يبقى كان فين لما مصر كلها بيتلطش لها من حياتو في جميع المناسبات ومنهم النادي الأهلي نفسه اللي من حقه يلعب مباراة السوبر الأفريقي على أرضه وحياتو بيه ملففنا الأحراش كلها شويه في أديس أبابا وبعدين يروح ناقلها الخرطوم ولا أم درمان ويقوم مرجعها تاني أديس أبابا ؟

عزيزي كوكو

للمرة المليون هاقولهالك

بدلاً من أن تنظر إلى القشه التي في عين أخيك .. يجب أن تنظر إلى العود الذي في عينك

أصلحوا ذات بينكم أولاً أيها الرفيق وبعدين إحكوا وتباكوا على حالكم المايل وعلى الدنيا اللي متأرمه عليكو

أو كما قال الشاعر حماده هلال

" هاتو الفلوس اللي عليكو "

[drhouba]

تقول لهم إيه رأيكم في اللي عمله مجدي مقشة بخلع البنطلون

يا كوكو ياللي دايماً تصرخ وتقول الديمقراطية والملوخية

مجدي عبد الغني جاي بناء على إنتخابات حُره وجمعية عمومية .. يبقى لا علاقة بالاهلي ولا الترسانة بالموضوع ... ولا هو كمان لوبي ومسنود ؟

وبالتالي لما يخلع البنطولن أو يلبس جزمة فرده وفرده ... ما هو في جمعية عمومية بها برضوا الزمالك والإسماعيلي والمصري والناس اللي ما بتحبش النادي الاهلي فهل القطه اكلت لسانهم ومش قادرين يقدموا قرار لسحب الثقة منه ولا إيه ظروفهم ؟

هو ليه البلد دى الكيل فيها بمكيالين عادى جدا و شرعى على الآخر لما مجدى يقلع لهم يبقى جاى بالديمقراطيه و الشرعيه و الملوخيه بالتقليه و لما الرمز و القائد الخالد مدى الدهر مرتضى منصور يطرقع للأهلى و اللى يتشدد له تقوم الدنيا القيم و المبادئ و الأخلاق و البدنجان المقلى كأنه نازل ببراشوت على النادى و لكن عزائنا أننا على حق و هو على حق و دولة الظلم ساعه و دولة الحق إلى قيام الساعه :ph34r:

تم تعديل 15 يناير 2007 بواسطة drhouba

[drhouba]

تخيل الدوري كده من غير الاهلي

تصدق يا كوتش و الله فكره حلوه من أفكارك اللى بأحبها حيبقى ظريف جدا إن الدورى يبقى من غير الأهلى الدنيا حتبقى كوووول من غير خناق و لا شبهات و لا النفوس حتشيل من بعضها و إنتم تروحوا تلعبوا مع أندية العالم الكبيره اللى إنتم تالتها و تسيبوا التفاهات دى للغلابه و تنتبهوا إنتم لبطولة تويوتا و نيسان و 128 و لو تعملوا فى شعب مصر جميل نفتكره لكم العمر كله خدوا الحزب الوطنى كمان معاكم و ربنا يكرمك و يخللى لنا أفكارك الجميله :ph34r:

[kokowawa1979]

أقول مثلما قال الشاعر

رب وزارة أخدت حكماً بإخلاء نادي وطرد من فيه عشان أكلتيه ما دفعوش الإيجار

فهبت أصوات الرحمه والإستجداء تقول : حرام عليكو طب نلعب فين ؟ إوعى حد يقولي يلعبوا في مناخيرهم

بقى يرضيكوا نادي الزمالك يتحول إسمه ويبقى " نادي الأوقاف "[/

quote]

:ph34r: إيه ياعم السيد هو أنا أقول تور تقولوا احلبوه - :P إيه علاقة اللي انت كاتبه بموضوع رفع الأوقاف قضية على الزمالك علشان الأرض - ماهي علشان البلد هايصة ومالهاش صاحب غير الحرامية بتلاقي واحد زي عبد الرؤوف

ماكانش حد يسمع عنه قال اتمحك في الزمالك واهي فرصة أعمل لي في الطبلة نقرة !! والناس تعرفني !!

ياعم السيد في حاجة في القانون اسمها وضع اليد - يعني إذا عدى عليك 25 سنه وانت حاطط إيدك على الأرض أصبحت الأرض ملكك وأظن نادي الزمالك إتنشأ إمبارح بس !!

وبعدين دي برضه بتثبت كلامنا لما نقول الأهلي نادي الحكومة الفاسدة لإن موقف الأهلي زي موقف الزمالك بالضبط فليه الأهلي بيدفع جنيه عن ايجار الأرض كل سنة ومطلوب من الزمالك يشتري بعد 150 سنه :D

مش باقولك غنكم ناس زي العسل حتى مش هاين عليكم تفكروا شوية في الكلام قبل ماترصوه :D

quote]بأمارة مرتظى حنطور لما طلع ورقص عشرة بلدي في جميع الفضائيات وورانا ورق ومراجع وقال على كمال درويش ده الورق اللي هايسجنك يا حرامي .. والراجل المحرتم البريء ما أخدش حتى لفت نظر من ولى أمره مش حبس .. وكذلك قال على إسماعيل سليم .. مع إنه كان عضو في البرطمان ساعتها

بالضبط كده هو ده الفارق بين الأهلي والزمالك إحنا مستعدين نقول للحرامي إنت حرامي في وشك وده بقى اسمه الشفافية الحقيقية - كمال حشكبولا زيه زي حسن اللول بالضبط بس الفارق إن كمال سرق فلوس النادي واللول مازال بيسرق فلوس الشعب :D

ويفضل المر مر مهما قيل عنه - يكفي إن كل الحرامية وقفوا قصاده ومع ذلك ماقدروش بس يقولوا إن المر سرق مليم بالعكس هم اللي سرقوا مكانه :D

أول مرة أشوفك فاقد التركيز ياسي السيد

إنت سوخون ياحمو :D

تم تعديل 15 يناير 2007 بواسطة kokowawa1979

[الحاج فوزى]

تقول لهم إيه رأيكم في اللي عمله مجدي مقشة بخلع البنطلون

يا كوكو ياللي دايماً تصرخ وتقول الديمقراطية والملوخية

مجدي عبد الغني جاي بناء على إنتخابات حُره وجمعية عمومية .. يبقى لا علاقة بالاهلي ولا الترسانة بالموضوع ... ولا هو كمان لوبي ومسنود ؟

وبالتالي لما يخلع البنطولن أو يلبس جزمة فرده وفرده ... ما هو في جمعية عمومية بها برضوا الزمالك والإسماعيلي والمصري والناس اللي ما بتحبش النادي الاهلي فهل القطه اكلت لسانهم ومش قادرين يقدموا قرار لسحب الثقة منه ولا إيه ظروفهم ؟

هو ليه البلد دى الكيل فيها بمكيالين عادى جدا و شرعى على الآخر لما مجدى يقلع لهم يبقى جاى بالديمقراطيه و الشرعيه و الملوخيه بالتقليه و لما الرمز و القائد الخالد مدى الدهر مرتضى منصور يطرقع للأهلى و اللى يتشدد له تقوم الدنيا القيم و المبادئ و الأخلاق و البدنجان المقلى كأنه نازل ببراشوت على النادى و لكن عزائنا أننا على حق و هو على حق و دولة الظلم ساعه و دولة الحق إلى قيام الساعه :ph34r:

ايه يا عم هوبا ده

تصدق انا جسمى قشعر وحسيت ان المفروض امسك علم الزمالك وانزل الشارع واهتف بالروح بالدم نفديك يا مرتظى قصدى يا مرتضى :P

ان شاء الله ربنا يرد لكم مرتضى على خير ، ويكمل بيع السور ، او يدفع باقى مستحقات اللاعيبة بوتيكات :D

حسين

[drhouba]

بامارة ما الاتحاد الأفريقي اللي بيسيطر عليه لوبي أهلاوي ولأول مره يمكن في تاريخ الأندية المصرية .. خلى الزمالك يصفي من الدور 64 مع أندية :

1- توروميات موزمبيق .

2- فلنكات ساحل العاج

3- كومسريات فولتا العليا

يا راجل يا طيب إتحاد أفريقى مين ما هو ده الإتحاد اللى طلعكوا فى غفله من الزمن نادى وحيد القرن فى الوقت اللى كنا واخدين بطولة أفريقيا 4 مرات و إنتوا إتنين يعنى العمليه فى النمليه يا معلمى و بالنسبه لفرق هيئة النقل العام اللى حنلعب معاها ما أنا قلت لك سيبكم من بطولات الغلابه دى و ركزوا مع العمالقه اللى إنتوا منهم أنا حاسس إنكم نادى مش من كوكب الأرض .... روح يا شيخ ... ربنا يوفقكم :ph34r:

[otaka]

المبادئ ناديه

الاخلاء ناديه

ما سبق كان استهلالا لا بد منه

بوجا

اينو

عصفوره الشهير بالباشكاتب

احمد عادل

ميدو عبد الحميد حسن

يا ترى الاهلى هيرمى وائل رياض و محمد عبد الله و كتكوتى و عبد الاه جمال

يا سلام لو الاسماعيلى يظبط الناس دى ببلاش

و لسه الاهلى هيشترى حارس مرمى بدل الجول الظريف اللى بيشوف تخاطيف الاخ نادر عماشه اللى راح انبى

ابو دراع اظاهر نويها السنه اللى جايه

ثلاته السنه دى و اربعتين الموسم اللى جاى رضا موووز

بالضبط كده هو ده الفارق بين الأهلي والزمالك إحنا مستعدين نقول للحرامي إنت حرامي في وشك وده بقى اسمه الشفافية الحقيقية - كمال حشكبولا زيه زي حسن اللول بالضبط بس الفارق إن كمال سرق فلوس النادي واللول مازال بيسرق فلوس الشعب :P

ويفضل المر مر مهما قيل عنه - يكفي إن كل الحرامية وقفوا قصاده ومع ذلك ماقدروش بس يقولوا إن المر سرق مليم بالعكس هم اللي سرقوا مكانه :D

أول مرة أشوفك فاقد التركيز ياسي السيد

إنت سوخون ياحمو :D

و لا محافظ القاهره اللى اداهم ارض مدينه نصر بلوشى

على فكره انا ساكن جنبه و لما والدتى قالتلى اعملوكوا اشتراك فيه كنت فى اولى ثانوى او حتى تالته اعدادى

قولتلها اياه لا كسكيلياه

دى نادى بيئه :ph34r:

تم تعديل 15 يناير 2007 بواسطة otaka

[kokowawa1979]

سي السيد كتب :

يا كوكو ياللي دايماً تصرخ وتقول الديمقراطية والملوخية

مجدي عبد الغني جاي بناء على إنتخابات حُره وجمعية عمومية .. يبقى لا علاقة بالاهلي ولا الترسانة بالموضوع ... ولا هو كمان لوبي ومسنود ؟

وبالتالي لما يخلع البنطولن أو يلبس جزمة فرده وفرده ... ما هو في جمعية عمومية بها برضوا الزمالك والإسماعيلي والمصري والناس اللي ما بتحبش النادي الاهلي فهل القطه اكلت لسانهم ومش قادرين يقدموا قرار لسحب الثقة منه ولا إيه ظروفهم

؟

حتى الأهلاوى اللي قلت في نفسي أهو ييجي منه وله في الكورة شوية بيفاجئني كل شوية بحاجات غريبة !!!

ياعم السيد إنتخابات حرة إية وبتنجان إيه :ph34r: دي كلها عبارة عن مراكز شباب وساحات شعبية سندوتش كفتة واحد بيخلليهم يهروا على نفسهم

هو حد يقول إن شوشو تبقى وكيلة اتحاد وطاهر أبوزيد المحترم ( أي والله دي بجد) مايحصلش إلا صوت واحد وتقوللي انتخابات - وبعدين مقشة ده مش تربيتكم واللا تربية جولدا مائير :P

هو انتخابات واحد مجهول زي أحمد مجاهد خلصها كلها باكتساح وعلى رايه في ناس في اتحاد الحوكشة مش مصدق لحد النهارده إنه بقى عضو اتحادوتقوللي انتخابات - فيه انتخابات تيجي بسوسو وشوشو وميمي وتختم بسوسو الهواري وحفظي يعني صعب على الحكومة إن لستة الأهلي ماتكملش فجابت سوسو وعلى حفظي وهلم جرة !!!

وحياتك ياشيخ ماتنسى تسلم لي على الانتخابات :D

ياترى فاكر يوم ما حسن ترللي مصطفى أما حب يشطب الزمالك جمع رؤساء مجالس الشباب إزاي زي التيران وعزمهم على أكلة جمبري وبعدها تم شطب بطل الأبطال من دوري كرة اليد !!!

نقول كمان يا سي السيد واللا كفاية كدة :D

تم تعديل 15 يناير 2007 بواسطة kokowawa1979

[se_ Elsyed]

فريق الأوقاف ( الزمالك سابقاً ) لازم له جلسات كهربا

بس ما ينفعش معاه جلسات الكهربا أم 220 فولتز

دول ناخدهم كده بربطة المعلم ونروح بهم أسوان جنب السد على طول

ونخلع كابل من أي توربين من الي هناك ونوصله بدماغتهم يمكن تتعدل او التوربين نفسه يتكلم ويقول : مش لاعب

طب لا الإتحاد الأفريق يعاجبكمو

ولا رجل مشرف مصر في العالم كلها وأول رئيس غتحاد لعبة عالمية مصري .. عاجبكو ( حسن مصطفى )

وال إتحاد كره منتخب إنتخاب حر ومافيش حد من نادي الأوقاف يقدر يقول غير كده عاجبكو

خلاص بقى سيبو إنتو بلدنا حبيبتنا وروحوا إلعبوا في دوري مريخ الدرجة الثانية يمكن يعجبكو

على فكرة يا دكتور هوبا .. مرتضى لايق عليكو .. ولم يتكلم أي أهلاوي بكلمة ويقول إنه مش جاي بإنتخابات حره

أصل يا هوبا ياخويا

من اعمالكم سُلط عليكو

أما أخي وحبيبي ديروجبا اللي مارضيش يشترك في الأهلي عشان بيئة

فـــ :ph34r:

كفايه عليك ميت عُقبة ... و

كرباج ورا يا آسطى

أهو دلوقت يا عم ممكن تلبس الكاوكولا والعمه والقفطان وتربط عين وتسيب التانية مفتوحه وتروح تشترك في نادي الأوقاف

ويا أوقاف يا مدرسة

لعب وفن وهندسة

إلا صحيح

ماتشنا الجاي مع نادي الأوقاف الثانوية بنين إمتى ؟

دكتور هوبا أنا محضر لك مفاجأتون قريبه

بجد والله هاتعجبك قوي

وأول حرف منها

نادي الأوقاف

إنتظرونا بعد الفاصل