حد فهم نظام الثانوية العامية الجديد ؟

[se_ Elsyed]

دلوني ياخوانا

شوروني يا جماعة

أخوكو سين سين واقع في حيص بيص وخايف على عُمر إبنه اللي هايدخل ثانوي بعد 9 سنين وخايف عليه أحسن على ايامه يخلوا الثانوية قبل الحضانة والحضانة بعد الإبتدائية وودنك منين يا جُحا

أريد شرحاً !!!! :lol:

[Sherief AbdelWahab]

حد يسألني ويقول لي يا كابتن شريف إيه نظام الثانوية العامة الجديدة.. :lol:

دي باينهم حيسموها كدة "الثانوية الفعالة" .. أصل كلمة "الفعالة" هي الموضة السنة دي .. زي موضات السنوات اللي فاتت زي الشفافية والحراك السياسي!

الثانوية الفعالة يا جماعة اللي حيأهلوا الطلاب منها عن طريق المدارس الفعالة المتماشية مع التغيرات العالمية والكوكبية في ضوء البرنامج الانتخابي للسيد الرئيس!

باختصار .. الثانوية العامية الجديدة حتبقى شلولخ كبير قوي قوي قوي :happy:

على فكرة .. على ما يكون عمور وصل للثانوية العامية حيكون فيه نظامين تلاتة اتغيروا .. بس إحساسي إن يسري بيه ناوي على الفعالة!

الثانوية الفعالة .. فيلماً ليسري الجمل :angry:

خلص الكلام

[se_ Elsyed]

لأ بجد

حد يشرح لنا الشلولخ الجديد ده يا جماعة .. عشان شكلنا بقى وحش وإحنا قاعدين مش فاهمين حاجه

[kokowawa1979]

إيه ياعم س.س إنت فتحت التوبيك مش تدينا فكرة عن إيه هي النقط الرئيسية اللي في المشروع ؟ ده أنا كنت بافكر أعيد اثانوية العامة من جديد علشان أشجع العيال على المذاكرة :lol:

[أبو حميد]

بعد الفحص والتمحيص أعتقد لسه مفيش تفاصيل منشورة يا جماعة في بس كلام كبير زي :

تعقد اللجنة الفنية العليا لتطوير التعليم الثانوي يوم الخميس القادم اجتماعا لاقرار ما تم الاتفاق عليه من ملامح اساسية للتطوير بما تضمن من ملامح النظام الجديد للثانوية العامة تمهيدا لاعلانها في بداية شهر مارس القادم كمشروع محدد للثانوية العامة وتطوير التعليم الثانوي يتم عرضه علي مجلس الشعب في دورته الحالية لتطبيقه من العام الدراسي القادم.. وصرح د. يسري الجمل وزير التربية والتعليم ان التطوير المطلوب يرتكز علي عدة محاور في مقدمتها زيادة مساحة الاختيار في المواد المؤهلة للالتحاق بالجامعات وتأهيل الطالب بشكل افضل للالتحاق بالكلية المناسبة لقدراته وسوف يتم بالتنسيق مع التعليم العالي وضع الاسلوب الامثل لشروط القبول بالكليات الجامعية.. وباختصار فان النظام الجديد سيؤدي في تطبيقه الي القضاء علي كل مشاكل الثانوية العامة.

يعني ربنا يخليهولنا هايقدر بضربة معلم يخلص على مشكلة الثانوية العامة اللي معقدانا من 50 سنة.

[Sherief AbdelWahab]

يسري بيه بتاع المشاركة المجتمعية عايز يخلي النظام "سري" وبالتالي يبقى مجهول للناس اللي يفترض إنها حتشارك مجتمعياً في صياغة النظام!

ولا تعليق..

خلص الكلام

[أبو زياد]

متهيألى لما عمر الجميل يبلغ أشده إن شاء الله و يوصل ل 16 سنة حيكون عدا الثانوية العامة و بقى دكتور .. ودة هو التطور

و الله يا س س ما شاء الله عليك .. الواحد شايل هم الأسبوع الجاى و انت بتفكر بعد 9 سنين ؟؟!!

[Tafshan]

دلوني ياخوانا

شوروني يا جماعة

أخوكو سين سين واقع في حيص بيص وخايف على عُمر إبنه اللي هايدخل ثانوي بعد 9 سنين وخايف عليه أحسن على ايامه يخلوا الثانوية قبل الحضانة والحضانة بعد الإبتدائية وودنك منين يا جُحا

أريد شرحاً !!!! :blink:

في اوروبا و الدول المتقدمه بيأخذوا IGCSE مش ثانويه عامه :angry2:

طفشان الحمش

ناظر ابتدائى

[الحازم حسن]

انا تاني دفعة من نظام الثانوية العامة الجديد

دخلت وخرجت ومفهمتش منه حاجة <_<

[أبو حميد]

انا تاني دفعة من نظام الثانوية العامة الجديد

دخلت وخرجت ومفهمتش منه حاجة <_<

لا أحنا بنتكلم عن النظام الجديد الذي سيتم عرضه على مجلس الشعب في مارس القادم.

خلاص النظام اللي أنت أمتحنت فيه ده بقى قديم ما هو أنظمة الثانوية دي موضات وكل وزير بيجيب النظام بتاعه معاه وهو جاي وبيرموه وراه وهو سايب الوزارة مع القلة اللي بيكسروها.

تم تعديل 16 يناير 2007 بواسطة أبو حميد