Folana بتاريخ: 10 فبراير 2007 كاتب الموضوع تقديم بلاغ مشاركة بتاريخ: 10 فبراير 2007 السلام عليكم ورحمة الله..... بالهنا والشفا يابنت الشاطى1.....لما تعمليه..اعملى جنبه اللى يعجبك...بس متهيألى رز ده حيبقى صعب شوية لانه مش طبيخ...ممكن عيش عادى يعنى....:closedeyes: ما اعرفش اوصف طريقة الاكل الحقيقة...انا بأكله بالملعقة...:unsure: الطماطم الشيرى بتبقى صغيرة جدا...زى المشمش كده..ومتوفرة عادى انا مش عارفة انت عايشة فين ...لكن حتلاقيها فى السوبر ماركت والبابريكا اللى هى فلفل احمر مطحون ناعم جدا...ومنها الحامى او العادى....بس كده...اى خدمة....:ninja: { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
عازفه على أوتار الذهب بتاريخ: 10 فبراير 2007 تقديم بلاغ مشاركة بتاريخ: 10 فبراير 2007 (معدل) اختى الحبيبة "دهـــــــــــــــب"....اكتبى ولا يهمك..وجربى فينا...ونقول لبعض على الاخبار...ونهمس لبعض فى الرسائل الخاصة عن الاخطاء اللى تودى وراء الاسوار.. طب انا لىّ صولات وجولات فى المطبخ فى بداية زواجى...يا الله....والله زوجى ده له الجنة...لانه صبر علىّ ومارجعنيش البلد عند اهلى من اول اسبوع..:) احرق الاكل..وأخلله من كتر الملح...وابوظ ..وأخرب...يا ساترررررررررر...دلوقت بقى فعلا مايعرفش ياكل فى اى مكان الا ويقولى والله انت اكلك احلى وممكن تعملي احلى من ده ميت مرة... يعنى يالا جربى ولا يهمك..انا سوابق فى المطبخ وباتحمل النتائج كلهاااااااااااااا.. حبيبتي فولانه...انا من زمان مجيتش ...الظاهر ان كل الازواج في البديه بيصبروا...بس هو نصيبهم كده.. هيعملوا ايه.. :lol: بس عمومآ واضح انك بقيتي طباخه تمام...كل الاكلات اللي اضفتوها جميله جدآ وفي حاجات جديده... انا هجرب فيكم وانت تكفلتي بتحمل النتائج... :closedeyes: .. جبتلك النهارده احد افتكاساتي وربنا يستر...حد شايفنا... :huh: بسم الله نبدأ.... صينية الخضار بالبشاميل.... بطاطس...بسله....قرنبيط...فاصوليا....تسلق جميع المكونات وتصفى.... ثم توضع في صينيه مرشوشه بقليل من الزيت ثم الدقيق(عشان متلزقش)... يوضع الخضار في الصينيه بعد رشه بقليل من الملح والفلفل والبهارات... ثم يوضع فوقه البشاميل..ويرش بقليل من الجبنه الرومي ثم توضع الصينيه في الفرن... يمكن وضع اي نوع من الخضروات الاخرى حسب الرغبه.... ومحدش يسأل عن مقادير....ومش عايزه حد يعلق... :ninja: بالهنا والشفا...خلي المشتشفيات تسترزق... :unsure: ولي عوده.... :wub: تم تعديل 10 فبراير 2007 بواسطة عازفه على أوتار الذهب عازفه على أوتار الذهب ______________________________________________ ياعيني عليكي يا طيبه...لما بتضيعي منا.... لما بنصحى نلاقينا بقينا حد غيرنا...... وفعز الإحتياج لحضن يضمنا..... وفعز الإشتياق لحضن يضمنا.... قادرين إزاي ندوس على قلب حبنا... وبقينا إزاي كده....ياعيني عليكي ياطيبه...... رابط هذا التعليق شارك المزيد من خيارات المشاركة
Folana بتاريخ: 11 فبراير 2007 كاتب الموضوع تقديم بلاغ مشاركة بتاريخ: 11 فبراير 2007 السلام عليكم ورحمة الله .... أختى الحبيبة " دهوبة اللهلوبة ".....جميلة قوى الوصفة دى...تسلم ايديك...تصورى عمرى ما فكرت اعملها... النهاردة ..بأذنك يارب...بأذنك يارب ..حأعملها.....والاعمار بيد الله ... حبيبتي فولانه...انا من زمان مجيتش ...الظاهر ان كل الازواج في البديه بيصبروا...بس هو نصيبهم كده.. هيعملوا ايه.. لأ يا أمى...هو ما كانش صابر ولا بيصبر...هو كان بيأكل بره...ويسيب لى الاكل المحروق انا اكله وده بقى...ظلم الانسان لاخيه الانسان.... حاكتب لكم وصفة جميلة...بعد الفاصل صباحك جميل ...... :wub: { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
ام البنات بتاريخ: 27 فبراير 2007 تقديم بلاغ مشاركة بتاريخ: 27 فبراير 2007 فولانه اشد شعرى فى ايه كتبت مشاركات من 10 ايام وكل ما ادخل محدش بيرد والنهارد لقت فى ردود دخلت ملقيتش مشاركاتى ليه هو كنت بكتب فى موقع تانى ولا بكتب عند عم محمد البقال حد يقولى هاعيط لا عيط خلاص يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Folana بتاريخ: 27 فبراير 2007 كاتب الموضوع تقديم بلاغ مشاركة بتاريخ: 27 فبراير 2007 لسلام عليكم ورحمة الله ................. ياه ه ه ه ه ه......أدى الربيع عاد من تانى...:unsure: وحشتينى جدا جدا يا ام البنات.... ماتشديش شعرك ...تؤتؤتؤتؤتؤ....سيكهاى...سيكهاى...(يعنى اهدى خالص بالاوردو) فين بقى العشر مشاركات دول...انت جيتى فاضية ومشيتى فاضية...ما شفناش حاجة.... ولكن ممكن يكونوا راحوا فى الترميمات علشان كنا بنبيض وكدهوت يعنى...عموما ولا يهمك يا جميلة ..المهم انك بخير :blush:...ورجعتى لنا تانى..ده انت وحشتنى بشكل...يالا شدى حيلك بقى معانا... ماتعيطيش بقى....ليه تضايق وتغضب وتتعب ...اضحك يالا وافرح والعب......اضحك...اضحك اضحك اضحك.................. معلش يا جماعة اصل ام البنات معرفة جديمة جوى...وحبيبتى بجد ومن اجمل الناس الموجودين معانا هنا............. :blink: { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
ام البنات بتاريخ: 1 مارس 2007 تقديم بلاغ مشاركة بتاريخ: 1 مارس 2007 (معدل) حبيبتى فولانه اغلوظوغلى وحشتينى يا بنت الاتراك والعثمانيين والله ممكن يكون راحوا فى التجديدات يلا ولا يهمك المهم ان الموقع حصل له تجديدات وياما فى العزال والتجديد حاجات بتضيع تسلم ايد وعيونك على الوصفات النباتيه وأخبار مطبخ الدسامه إيه مطبخ ضار ولذلي محدش بيدخله ليه؟؟؟؟؟ هو لازم صحى وخفيف فولانه عاوزة وصفات تنفع للحضانه علشان احد البنات عندى بتفضل فى الحضانه لغاية الساعة 5 وبعدين مشكلتى انها رغم صغر سنها بتموت فى الأكلات الحرشه يعنى تحب الكشرى البتنجان بالتوم والخل الفته أى شئ له نكهه اما الأكلات الروشه مش قوى وانا عاوزة ااكلها أكل صحى احسن كتر أكل القرنبيط وما شابه بيأثر على المدرسة بتاعتها تعرفى تموت فى الرنجه والفسيخ بنت غريبه المهم اتحفينى بكام وصفه خفيفه ولها نكهه علشان انا تعبت من ارسال ملوخيه وفته والحاجات دى عاوزة شئ سهل عمله ااقولك اقعدها فى البيت أوفر وحشتينى يا حبيبتى تم تعديل 1 مارس 2007 بواسطة ام البنات يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Folana بتاريخ: 2 مارس 2007 كاتب الموضوع تقديم بلاغ مشاركة بتاريخ: 2 مارس 2007 السلام عليكم ورحمة الله ..... عثمانيين ايه بقى...انت عايزاهم يبلغوا عنى....خلينى مستترة كده....المطبخ الدسم موجود..بس انت عارفة ...انا ماليش فيه .....انا تبع الاكل الصحى والرجيم.....هى الغربة نسيتك يابنتى ولا ايه... :lol: الله...!!!! أنا مصدقاكى على فكرة فى موضوع بنتك..كان عندنا طفل فى العيلة...باشوف والدته الله يرحمها..بتدس له قرن فلفل اخضر فى جيب القميص وهو رايح الحضانة برضه..ولما سألتها ليه كده :rolleyes: قالت لى ما يعرفش ياكل الا كده.... حأكتب لك وصفات جديدة حاضر...بس صبرا..لانى بأعيد ترتيب الاوراق بس...يارب الاقى وصفة جديدة بينهم ويالا انت شاركى معانا بقى.... ولا أقولك ...حاكتب لك وصفة سريعة كده...... بطاطس سوفليه سويسرية بصى بقى انت معرفة قديمة وعارفة ان فى المقادير مش قد كده...ركزى معايا بس جهزى بطاطس زى ماتحبى بقى ..بس تكون حجمها كبير جبن جرويير مبشور زبدة.....وعلى فكرة فيه زبدة فيها نكهة الاعشاب..ولو مش موجوده ممكن تضيفى عليها الاعشاب..زى ماتحبى... كام ملعقة قشطة مكثفة بيضتان وافصلى الصفار عن البياض ...- عارفة الطريقة؟...لو مش عارفة اسألى وانا اقولك ملح وفلفل ولو بتحبى القرفة نونكن تضيفى شوية نونو.... الطريقة: اغسلى البطاطس كويس جدا...وانا على فكرة باغسلها بالليفة والصابون...اه والله..عاملة ليفة مخصوص للبطاطس...هى شوية يعنى؟ اثقبيها بالشوكة..من جوانبها ..ودخليها الفرن...وممكن تلفى كل واحدة على حدة..فى ورق المونيوم.. سيبها حوالى من ساعة لساعة ونص ....لحد ماتستوى وبعد ما تخرجيها من الفرن اقسمى كل واحدة نصفين...واكشطى القلب فى سلطانية بس حافظى على القشرة سليمه...ورجعى القشر تانى فى الفرن لحد ما يبدأ يتكرمش شوية تعالى بقى نجهز الحشو اهرسى قلب البطاطس وضيفى عليه الجبن الجرويير والزبدة والقشدة والقرفة لو عايزة وصفار البيض والتوابل ... اخفقى كويس جدا الكلام ده كله لحد الخليط مايتجانس اخفقى بياض البيض فى طبق لوحده بالمضرب لحد مايبقى له بوزة ..وبعد كده قلبيه على البطاطس.... تعرفى انا باحب اضيف شوية قرفة صغننة نونو...علشان ريحة البيض ده بعد كده احشى قشر البطاطس اللى هو زى الطبق..- ويارب يكون لسه سليم- بالخليط بتاع البطاطس....ودخليه الفرن لحد مايحمر تقريبا تلت ساعة .... وممكن قبل ماتخرجية من الفرن بشوية ترشى عليه رشة جبنة برضه وبالهنا والشفا.. دة تحية سريعة بس كده بمناسبة عودتك الميمونة { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
ام البنات بتاريخ: 4 مارس 2007 تقديم بلاغ مشاركة بتاريخ: 4 مارس 2007 فولانه يا حبيبتى أكيد انت بتهزرى معايا بقى عاوزة وصفه سريعه تكتبى لى الوصفه اللى كلها شغل بصى انا هاقفل وااقوم احمر لها شوية بطاطس واحط عليهم توم ايه يا فولانتى الجميله انت البنت سلطتك على هاعييط منها ومن الوصفه الرائعه اللى عاوزة عزومة علشان نظهر الإبداع انتظر وصفه سهل وش حدمفروس وهيفرقع يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Salwa بتاريخ: 4 مارس 2007 تقديم بلاغ مشاركة بتاريخ: 4 مارس 2007 مساء الفل والروائح المطبخية اللذيذة ....فولانة هانم وباقى المجموعة .. اول شئ... طريقة التورتللا الاسبانية ....هى اسمها ( التورتييا ) يعنى لاتنطق اللام ...لما يكونوا اتنين لام ..يعنى LL الطريقة اللى موجودة هنا فى باب الاكلات النباتية فيها ذرة حلوة لكن الحقيقة هى مفيهاش ذرة حلوة ..( يمكن تكون دى طريقة ميكسيكية ) لكن اساس التورتييا هى بطاطس وبصل وبيض ....فقط.. .(( الاصلية يعنى )) .الطريقة القديمة قوى التقليدية ... يعنى بصل محمر وبطاطس محمرة ثم يضاف لهم البيض ويقلب ثم نعملها فى طاسة زى ما بنعمل اى اومليت .. ممكن ننوع فى الطريقة ( وسبق لنا التحدث باسهاب فى هذا الموضوع ...فى ابواب اخرى من المطبخ العامر ) يعنى تتعمل ك...عجة ... ممكن اضافة فلفل اخضر او بقدونس ...ممكن يضاف الخرشوف المسلوق بدلا من البطاطس .. يستحسن فى تورتتيا الخرشوف ان نضع الثوم المدقوق بدلا من البصل .. كذلك ممكن تحل السبانخ محل الخرشوف وبرضه بالثوم ...( يعنى الخرشوف والسبانخ بالثوم ) ... ممكن بالتونة .....وممكن بالكوسة المحمرة .....وممكن خليط كوسة وبطاطس محمرة ...وممكن بالبذنجان المشوى مع البقدونس ... انهاردة نتكلم على اكلة نباتية جميلة جدا جدا ...ومشهورة جدا جدا ..هى اكلة كتلانية .. بتختلف عن بابا غنوج اللى عندنا ... اسمها ..اسكاليبادا ..escalibada هى عبارة عن بدنجان مشوى ...وفلفل احمر مشوى ...وبصل مشوى ....(( ممكن نشوى بطاطس جنبها )) نشوى العدد اللى احنا عاوزينه فى الفرن ..... نقشر البدنجان ونقطعه شرائح طولية وكذلك الفلفل الاحمر ...نقطع ايضا البصل المشوى بالطول شرائح .. نضعهم بالترتيب بدنجان وفلفل وبصل ...نضع عليهم زيت زيتون وملح وفلفل اسود وخل وواحد ثوم مقطع صغير جدا جدا .........نقطع البطاطس نصفين ونضعها على جانب الطبق ...او ممكن نفضيها ونخلطها بالثوم والفلفل الاسود والملح ونعيدها مرة اخرى فى مكانها .. على فكرة .....دايما الاسكاليبادا بتتقدم بجانب اى مشويات ايضا ....سواء كان سمك او لحم ... بالهنا والشفا ... يارب تعجبكم .... (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
Salwa بتاريخ: 4 مارس 2007 تقديم بلاغ مشاركة بتاريخ: 4 مارس 2007 مرة تانية بكتبلكم ...... قلت اكتبلكم طريقة جميلة قوى قوى ....للكوسة ....بالنسبة لبنت ام البنات اللى بتحب الاكل ( المتميز ) ... اصل انا عندى اصغر بناتى وهى صغيرة كانت كدة برضه ...ولسا كدة برضه . الاكلة دى اسمها ...بيستو...Pisto. هى عبارة عن .4.طماطم...2.بصل....2كوسة...1.فلفل احمر....2فلفل اخضر...ثوم ....ملح... .( ممكن وضع ربع ملعقة سكر ان احببتم ) نقشر الطماطم ونقطعها قطع صغيرة .. نخرط البصل والكوسة قطع صغيرة .. نقطع الفلفل شرائح صغيرة او مكعبات حسب طلبكم .. نحمر البصل ثم الثوم ثم نضيف الفلفل ثم الكوسة ...وبعد ثلاث دقائق تقريبا نضيف الطماطم ...ثم نتركها حوالى ربع ساعة مع المراقبة حتى لاتحترق ....ممكن نضعها على نار هادئة بعد الغليان .....نضع الملح ..( والسكر ان احببتم ) ... هذه هى الطريقة الاصلية للبيستو .. لو حد عاوز يضع السكر فيجب وضعه آخر شئ ...(( كما تعلمون لو تم وضع السكر مع الطماطم ....صعب تستوى بسهولة !!)) (((( انا شخصيا لا اضع السكر )))).... يارب تعجبكم .... على فكرة ولادى كلهم ( الاربعة يعنى ) ....لايأكلوا الكوسة الا بهذه الطريقة .....او باشميل ... مساء سعيد ان شاء الله... (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
ام البنات بتاريخ: 4 مارس 2007 تقديم بلاغ مشاركة بتاريخ: 4 مارس 2007 اكتبلكم طريقة جميلة قوى قوى ....للكوسة ....بالنسبة لبنت ام البنات اللى بتحب الاكل ( المتميز ) ...اصل انا عندى اصغر بناتى وهى صغيرة كانت كدة برضه ...ولسا كدة برضه . ربنا يسترك دنيا وأخرة يا سلوى يا حبيبتى انت عارفه العيل صاحب المزاج ده بيحير وخصوصا" فى السن الصغير يعنى مثلا" فى الحضانه ابعت معاها أكل حركات يعنى مكرونه وبطاطس ولا بيتزا ولا مربى اروح أخدها والكلام ده من 3 سنين كانت اصغر الاقى المدرسة تقولى الحقيقه هى فطرت معانا فول وطعميه ومرديتش تاكل اكلها أو أكل الحضانه من ساعتها وعرفت انى دى هتفضحنى على المللأ وبعدين اكتشفت فى ناس زيها كتيير بيحبوا الأكل اللى له نكهه تسلم ايدك وهاجرب الوصفه دى والتانيه ربنا يكرمك انت عايشه فى أسبانيا صح طيب بورفابور تقولى لى احسن حلوياتهم إيه وابسطها وممكن منيانا مش النهارده شوية كلام اتعلمته من التلفزيون على مرات واحد قريبا بنقلب بيه رزقنا وبنعمل فاهمين اسبانى بس اسبانى بتاعى بتاع امريكا الاتينيه تشاو السلام عليكم ورحمة الله وبركاته يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Salwa بتاريخ: 4 مارس 2007 تقديم بلاغ مشاركة بتاريخ: 4 مارس 2007 اختى العزيزة ام البنات .. مفيش بين الاخوات ...فابور ..favor. ده فضل منك انك تمتعينا بوجودك معانا .. ياست الكل عندك حق ...تخيلى انا كنت عاوزة اكتب موضوع مخصوص عن اكل الاطفال الصغار ...لكن ؟ زى ماحضرتك ملاحظة انا بكتب بس وقت ما احب بدون انتظام ...وممكن اقرر انهاردة واكتب بعد شهرين يعنى .. يعنى حفيدى عنده دلوقت ....سنة وثلاث شهور الا ست ايام ... ولو مثلا عملت له فى الغداء مكرونة ولحمة ....لو المكرونة بدون صلصة ..( ماياكلش ) ....شئ عجيب. ولو عملت رز مع سمك له مخصوص بدون ثوم وكمون ....ياكل ملعقة واحدة ويتركه ....لكن لو عملت له وجبته من اكلنا ...ياكل كويس . تخيلى انا مش بحب اضع القرفة على الارز باللبن ...( ليا انا ) ...تصدقى هو بياكل الارز باللبن عليه قرفة زى ما جده بيعمل ؟؟ بالنسبة للحلويات ...او الحاجات الحلوة ..فيه حاجات كتير قوى وان شاء الله حكتبلك ..بس مش انهاردة . نتقابل وقت تانى .. مساء سعيد عليكم ... (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
Folana بتاريخ: 6 مارس 2007 كاتب الموضوع تقديم بلاغ مشاركة بتاريخ: 6 مارس 2007 السلام عليكم ورحمة الله ..... والله زمان يا ام البنات.... smk: وحشتينا ووحشتنا ابتسامتك.....طب بنوتك دى نعمل معاها ايه بقى...؟انت حيرتينى... :rolleyes: أقولك ..خلينا هنا فى الوصفات النباتية..ونفتح موضوع خاص عن الفسيخ والرنجة والاكلات الحرشة بالحبشتكانات... وبعدين حتلكفى نفسك ليه اصلا.,..ماهى بتصرف نفسها مع المدرسات وبتاكل أكلهم ... سلوى الجميلة...تسلم ايديك على الوصفات الاسبانيولى الهايلة دى....تعرفى انا كنت كتبت وصفة الباييلا قبل كده وجدو ابو الفصاد اعترض عليها طلعت حاجة تانية خالص وعمالة افكر لها فى اسم تانى حفاظا لماء الوجه بس ..:) ياريت تكتب لى وصفتها بس فى مكان تانى بقى ونخلى هنا لمحدودى اللحمة بس..قصدى محدودى الدخل... والله عندى وصفات كتير كتير..بس ادونى فرصة اما اخلص اللحمة اللى عندى وارجع نباتية تانى معاكم ولى عودة............ :) et:( { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
شاعرالرومانسية بتاريخ: 14 مارس 2007 تقديم بلاغ مشاركة بتاريخ: 14 مارس 2007 بسم الله ماشاء الله يعنى اغيب وارجع اجى الاقيكى قلبالى المطبخ مصحة ومزعلة الزباين ... هو فية ازمة مالية فى المنتدى والا اية اية اكل العيانيين دة ... ومسلوق وخضار فين اللحوم والمسبك والحاجات اللى تدودى فى داهية دى :sad: هههههههههههههههههههههههه لا بس تسلم ايدك يافولانة ... والله اكل شكلة صجى .. وكمان لذيذ جدا عموما خدى عندك .. اكلة نباتية برضة بس فية شوية تحابيش طاجن بطاطس متبل نجيب كيلو بطاطس ونقشرة ونقطعة شرايح مش تخينة وننقعة فى مبة وملح ربع ساعة وبعدين نصفية وننشفة نسخن شوية زيت ونشوح فيهم البطاطس مع التقليب براحة لحد ما لونها يصفر خفيف ونقوم رصنها فى طاجن فرن نشوح بصلتين حلقات مع راس توم مفرومة ونضيف عليهم شرايح فلفل رومى واخر حاجة نضيف كسبرة خضرة مفرومة ونشوحهم كلهم خمس دقائق على نار هادية ونقوم صبين الخليط دة على البطاطس ونضيف حبة مية بسيطة ونتبل بملح وفلفل اسود وكمون وشعرة جوزة طيب ونغطى الطاجن ونحطة فى فرن حامى وبعد السوا نشيل الغطا عشا وش البطاطس يتحمر ونرش بقدونس بقى على الوش وممكن نضيف مع الفلفل الرومى فلفل احمر حامى للى يحب الحراق بالهنا ... مع اطيب تحياتى،،، :happy: :sad: http://www.postpoems.com/members/sha3r_elromansya/ حتى وأنت بعيد..حبيبى *** حتى وأنت مش معايا قولى مين غيرك داريبى *** حتى لو فى هواك أسايا مع خالص شكرى وتقديرى رابط هذا التعليق شارك المزيد من خيارات المشاركة
Folana بتاريخ: 19 مارس 2007 كاتب الموضوع تقديم بلاغ مشاركة بتاريخ: 19 مارس 2007 السلام عليكم ورحمة الله ... شاعرنا الاعظم حسن رومانسية.....يعنى انا ساكتة ومش عايزة اقول انكم مشيتوا واخدتم معاكم اللحوم والفراخ والذى منه... فقلت نمشيها نباتى لحد مانشوف حترجعوا اللحمة ولا لأ... تسلم ايديك وصفة رائعة فعلا.....كمل معانا بقى ..انت عارف بس مشغوليات الوزارة الجديدة وكدهوت يعنى ...لكن حاكتب ان شاء الله وصفات تانية ... صباحك جميل ............. :sad: { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
ام البنات بتاريخ: 29 مارس 2007 تقديم بلاغ مشاركة بتاريخ: 29 مارس 2007 فولانه ازيك عدنا بعد الفاصل يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان