فين الروح الرياضية ؟

[se_ Elsyed]

إخوتي الكرام المشاركين في موضوعات باب الرياضة

لوحظ في الاونة الأخيرة في بعض الموضوعات خروج بعض الزملاء عن الروح الرياضية ووصف جمهور أو نادي اخر مُنافس أياً كان بأوصاف لا تليق وصفات لحيوانات أو ما إلى ذلك .

وبهذا نهيب بالجميه الإلتزام بالروح الرياضية وروح المرح لإني مازلت أعتبر باب الرياضة من الأبواب الخفيفة اللي الناس بتدخلها عشان تتبسط وتشجع فريقها أو تنكش جماهير ومشجعي الفريق الأخر ولكن بشكل محترم ولا يضر بروح الصداقة التي بيننا .

مرة أخرى أرجو من الجميع أخذ هُدنه ووقفة مع النفس وعدم الإنزلاق إلى أي غلط أو خطأ في حق الأخرين .

وأذكركم جميعاً ونفسي أولاً الموضوع في الأول والأخر كرة ..... والكرة مستديرة .. يومٌ لك ويومٌ عليك .

وأنا شخصياً بالرغم من أهللاويتي الشديدة إلا أن الأهلي أو كرة القدم تذهب إلى الجحيم ولا إن زميل أو صديق يزعل مني أو يفهم كلامي غلط .. وأنا على إستعداد لحذف أي موضوع أو مشاركة تخصني في حالة مضايقتها لأي زميل .

[رمضان]

اؤيد كلامك يا سي السيد وعلى فكرة انا من محبي الكرة جدا لكن لا ادخل كثيرا الى قسم الرياضة وذلك بسبب ما يحدث من خروج عن الروح الرياضية .

[ابو ايمان]

فعلا للأسف اصبح المتعصبين بالكورة كتير

ولا يعرفوا انها مستديرة

شوفوا ريال مدريد ولا مستوى برشلونه هذا العام

ولا غيرة من الاندية العالمية

تجد هناك خسارة وفوز ايضا ولكن بدون تعصب

ارجوا ان يخرج التعصب من عقولنا بالنسبة لكرة القدم

وتكون روحنا رياضيه نتقبل الهزيمة قبل الفوز

ولا نشمت فى الاخرين

[النسر المصري]

انا طبعا مؤيد من زمان المواضيع

بس انا الشهاده لله النهارده كتبت موضوع بقصد المزح...لكني عكيت :closedeyes:

الواحد مابيتعلمش ببلاش بردو.....والبركة في ادارتنا :wub:

[kokowawa1979]

خي وحبيبي سي السيد بالنيابة عن كل الزملكاوية في الموقع أقول لك إن كلامك عين العقل - وأعتذر وبكل شجاعة إن أحد الأهلوية ( حبيبي فعلا ) قد بدأ ببعض الكلام واضطررت للرد عليه وعلى الرغم من أنني نبهته فقط بنفس أسلوبه -إلا إن تدخلي لفت نظر المشرف على الباب وقام مشكورا بالفعل بحذف الكلام الخارج وحذف مداخلتي . ولي الشجاعة أن أقول ذلك - لإن البعض قد يأخذه الحماس ويذكر أشياء قد لايدرك أنها قد تغضب البعض دون أن يلحظ - وأنا وأعوذ بالله من كلمة أنا مصيبتي السودا إني عاشق لقراءة مابين السطور- وليس تصيد الأخطاء كما يفهم البعض لكن نريد من الكل الالتزام كما قال أخونا سي السيد وبالطبع أنا أود أن أكون أول الملتزمين .

أحييك أخي السيد على هذا الموضوع ولو إني عارف إني قد أكون مقصودا بجزئية من هذا الموضوع - لكن الاعتراف بالحق فضيلة وعشمي أنكم تفهمتم سر مداخلتي العنيفة للفت النظر والحمد لله أصبحت أنا وصاحبنا صاحب المشاركة التي تسببت في هذا المضوع سمن على عسل .

ملحوظة :

(1) أشرت بكلمة صاحبنا حتى لايظن أخونا الفاضل صاحب المداخلة الكارثية أنني أتجاهل اسمه لكنني أحترم خصوصيته وله حبي وتقديري مش كدة واللا إيه يا ...... أقول ياعسل الإسم واللا بلاش :closedeyes:

(2) أهو كدة المبادئ الحقيقية مش تقول لي مبادئ نادي القرن :wub:

عارف إنك هاتقول ما أنا أهلاوي -_- وفجأة الاقي الأهلوية هوب دخلوا الموضوع وعلقوا على الحتة دي بالذات وهات ياتخبيط في الحلل :)

لك تحياتي حقيقة أخي سي السيد

أبو إيمان السكرة كتب :

فعلا للأسف اصبح المتعصبين بالكورة كتير

ولا يعرفوا انها مستديرة

شوفوا ريال مدريد ولا مستوى برشلونه هذا العام

ولا غيرة من الاندية العالمية

تجد هناك خسارة وفوز ايضا ولكن بدون تعصب

ارجوا ان يخرج التعصب من عقولنا بالنسبة لكرة القدم

وتكون روحنا رياضيه نتقبل الهزيمة قبل الفوز

ولا نشمت فى الاخرين

مش باقول لك انت حتة سكرة ياأبو إيمان - مش تقول لي خدوا 6 رايح و4 جاي :D

النسر كتب :

بس انا الشهاده لله النهارده كتبت موضوع بقصد المزح...لكني عكيت

يابني عك إيه ؟؟؟ هو إنت مش نيتك الفرفشة - طالما كله في حدود المعقول مفيش مشكله وانت بالذات عارف باعتباري زعيم الكواسر :D حتى شوف اللوجو اللي أنا وضعته مع اسمي ياكل أجدع نسر لك الحق تقول اللي انت عايزه فيما يخصني من مداخلات لإنك حقيقي صديق عزيز - ولن أزعل منك :D

تم تعديل 16 يناير 2007 بواسطة kokowawa1979

[drhouba]

الكوتش سيسو معاك فى كل اللى قلته الموضوع مش مستاهل خناق أهو كله فضفضه و فرفشه و أنا و كل الكتيبه الزملكاويه المقاومه بنعلن إلتزامنا بخارطة الطريق اللى عرضتها مع عدم الإخلال بالخط الثورى للكتيبه

و لإثبات حسن النيه مبروك يا عم على عروض الأهلى القويه الأخيره و زوال الإجهاد لحين أول هزيمه قادمه ;)

[الحاج فوزى]

همممم

يا ترى يا واوا ،

الشخص ده موجود هنا ؟ ;) :D

ربنا يديم المحبة يا عم واوا و يديم الاخلاق والمبادىء ( من غير نادية ) ونعمت قراءة ما بين السطور

حسين

تم تعديل 16 يناير 2007 بواسطة Huss.

[بنت النيل]

يا عمو س . س مش انا قلت لك من بدايه الامر اخرها مش هيكون كويس

واكيد هتوصل لكلام ممكن يزعل قلتلى خلينا نضحك ونفرفش شوية صح ;)

على العموم حصل خير ،، لا حصل خير صحيح :D

وذى ما قال حسين ربنا يديم المحبه بين الاعضاء كأخوه واسرة واحدة وليس كازملكوية واهلوية

وكمان بقولك لابو ايمان الزمالكوية عندهم اكثر روح رياضية تعرف ليه لانك قلت: تكون روحنا رياضيه نتقبل الهزيمة قبل الفوز.. واحنا الحمدلله اتهرينا هزيمة قبل الفوز :D :D

ايه ده ايه اللى انا بقوله ده مبسوط ياعمو س. س ادينى عكيت تانى يلا حصل خير برده فى بيتها

[Ahmad Farahat]

والله يا سي السيد فكرة حلوة وجميلة................

خصوصا أنني من المنادين بالموضوعية في الحديث وعدم الخوض في الجدل السفسطائي العقيم.............

وأعتذر إن بدا كلامي غير لائق في محاوراتي مع الآخرين في المرة السابقة.............

وأدعوك كما أدعو جميع المحاوراتيين الأهلوية وإن شاء الزملكاوية فليفعلوا لإعداد مستند ضخم عن النادي الأهلي في الصفحة الجديدة التي سنقوم بتحريرها على منتدى المحاورات...........

وأعتقد يا سي السيد أنك تمتلك الكثير في هذا الصدد وشكرا.............

ملحوظة

الصفحة هي النادي الأهلي (مائة عام من البطولات)

[se_ Elsyed]

إذاً

عاش الهلال مع الصليب ;)

وبيب بيب أهلي

توت تووت أوقاف .. قصدي زمالك

تحياتي للجميع

وأرجو من جميع الإخوة اللي حُفت لهم مداخلات أو مواضيع بهذا الخصوص إنهم ما يزعلوش مني

أهلاوي ميفتيري وواخد في وشه بقى بعيد عنكم

[kokowawa1979]

سي السيد كتب :

عاش الهلال مع الصليب

وبيب بيب أهلي

توت تووت أوقاف .. قصدي زمالك

خلاص ياعم سي السيد أنا بقى في الجزئية دي موافقك واحنا نادي الأوقاف وانتم الباقي ;)

سحس كتب :

همممم

يا ترى يا واوا ،

الشخص ده موجود هنا

يابني ربنا أمر بالستر - إنت ليه مصر إنك تفضحه :D

[Ahmad Farahat]

أشعر وكأن المواضيع التي لا سباب فيها.........

لا قيمة لها في هذا البلد...........

هل لابد وأن تمتد القراءات إلى الألف والردود إلى المائة عندما يتعلق الأمر بالسباب؟

أجيبوني من فضلكم............

[drhouba]

أشعر وكأن المواضيع التي لا سباب فيها.........

لا قيمة لها في هذا البلد...........

هل لابد وأن تمتد القراءات إلى الألف والردود إلى المائة عندما يتعلق الأمر بالسباب؟

أجيبوني من فضلكم............

نفس فكرة لما تبقى ماشى بالعربيه فى الشارع و فجأه المرور يقف تماما و تقعد تدور على السبب تلاقى حادثه الناحيه التانيه و كل الناس حيقتلها الفضول عشان تتفرج و مفيش حد بيفكر ينزل يساعد لو فيه مشكله .... ده سلوك شعب يا صديقى فى النيت فى الشارع ده جين مكتسب عند الشعب المصرى دلوقتى و بأقول مكتسب لأننا ما كناش كده زمان

بس أنا لى عندك سؤال هو إحنا متخانقين ؟

[Ahmad Farahat]

...

نفس فكرة لما تبقى ماشى بالعربيه فى الشارع و فجأه المرور يقف تماما و تقعد تدور على السبب تلاقى حادثه الناحيه التانيه و كل الناس حيقتلها الفضول عشان تتفرج و مفيش حد بيفكر ينزل يساعد لو فيه مشكله .... ده سلوك شعب يا صديقى فى النيت فى الشارع ده جين مكتسب عند الشعب المصرى دلوقتى و بأقول مكتسب لأننا ما كناش كده زمان

بس أنا لى عندك سؤال هو إحنا متخانقين ؟

متخانقين..........!!!!!!!

حدد معاك ولا مع غيرك..........

جايز مش أنا وانت............

جايز غيري وغيرك..........

إنما لما توصل الردود في موضوع كله شتيمة لمية وتلاته والقراءات ألف وكذا...........

وموضوع زي موضوع الروح الرياضية أو النادي الأهلي أو رسالة من مشجع زملكاوي بالكويت تلاقي مفيش حد بيعبرها ............

ده إفلاس يا صاحبي...........

عموما أنا بس مستغرب وفيه حاجات كتير قوي أنا مستغربلها.............

أبقى أقولك عليها بعدين

[otaka]

يا شباب دى كوره مش ممكن يعنى الواحد اللى بيشجع الاسماعيلى يكره اللى بيشجع الزمالك و كلنا بنشوف الاعلام مع بعض فى المدرجات

و الجمهور مبسوط و الكوره فى مصر مفيش غير الزمالك و الدروايش

شوفوا الحب

التعصب بييجى منين

من وجود الاهلى

يبقى يجب القضاء على الاهلى و من ولاه :closedeyes:

بالذمه مش وجهه نظر يعتد بيها

يا شباب الشعب المصرى شعب فقرى دمه خفيف بيهزر حتى على نفسه فمش المفروض حد يزعل يعنى طالما كلنا بنتكلم بقصد الضحك محدش قصده يهين التانى ابدا بدليل انه فى المواضيع التانيه كلنا وجهات نظرنا بتتفق و تختلف و بيبقى ضدى زملكاوى و معايا اهلاوى و تحيه لنجم النوبه الصامد الدراويشى الاصلى حمدى سليمان

[drhouba]

أوتاكا فينك يا راجل سايبنى أنا و واوا بنقاوم لوحدنا ده أنا كنت قلقان عليك .... عاوزين نجتمع فى المقر السرى مع الزعيم رقم صفر لوضع اللمسات النهائيه للقضاء على التعصب و النادى الأهلى فى وقت واحد و ربنا يديم المحبه و يقدرنا على فعل الخير

[otaka]

أوتاكا فينك يا راجل سايبنى أنا و واوا بنقاوم لوحدنا ده أنا كنت قلقان عليك .... عاوزين نجتمع فى المقر السرى مع الزعيم رقم صفر لوضع اللمسات النهائيه للقضاء على التعصب و النادى الأهلى فى وقت واحد و ربنا يديم المحبه و يقدرنا على فعل الخير

الامتحانات يا كبير

يا رب ابعد عنا الممتحنين و الممتحنات

الواحد صحته ضعيفه اصلا

لكن لا تقلق نحن ننبذ التعصب شارك فى الحمله ضد العنصريه الكرويه

مفيش اهلى مفيش تعصب :lol:

[otaka]

من المسؤول عما حدث امس فى الاستاد

حسن شحاته اللى ضفره برقبه المرتزقه اللى شتموه امبارح و هو كسبان

سيد معوض يتشتم و هو بيلعب باسم مصر

ليه

و لولا ان الولد محترم كان عملهم زى ما طارق السعيد عمل زمان

حسبى الله و نعم الوكيل

جمهور لا يستحق اى شئ حتى الشتيمه خساره فيه

[عبده بيه]

سي السيد الموضوع علي لساني لان احنا فعلا دخلنا في منطقة محظورة فارجوا الجميع عدم التعصب لان نادي ولا ننسي اننا في الاخر لبعض وملنهاش غير بعض وعمر لا الاهلي ولا الزمالك ما هينفاعونا باي شئ ارجوا من الجميع احترام الاخرين وحرية الاخرين ولكم تحياتي