صدمة أخرى للجامعات المصرية

[محمد عبدالعزيز]

فى صدمة أخرى, أو قل صفعة أخرى, للجامعات المصرية وللمصريين جميعاً

مركز أول جامعة مصرية فى ترتيب الجامعات على مستوى أفريقيا التاسع, وهى الجامعة الأمريكية, وال 8 مراكز الأولى لجنوب أفريقيا.

أضف إلى ذلك خروج جامعة الإسكندرية , ويحز فى نفسى أن أكتب هذا لأنها جامعتى, من ترتيب أفضل 100 جامعة على مستوى أفريقيا.

أفضل 100 جامعة على مستوى أفريقيا

المصيبة الكبرى حينما قلت أشاهد التصنيف على مستوى الشرق الأوسط لعلنى أجدنا فى مراكز متقدمة نوعاً ما, فوجدت المصيبة أكبر وأشد, فأول جامعة مصرية تظهر فى المركز ال 16 بعد 7 مراكز لإسرائيل, منهم ال 4 مراكز الأولى, و8 مراكز لجامعات تركيا.

أفضل 100 جامعة على مستوى الشرق الأوسط

صوتى بالصوت الحيانى يامصر

مع الاعتذار للأستاذ يحيى الشاعر

[nash]

أخي الكريم محمد....

يعني بكده الواحد مايزعلش...علي أنه مش قادر يدخل أبنه في جامعات الحكومه المصريه..

مثل عين شمس والقاهرة؟

يعطيك العافيه....

الحمدلله ربي ألهمني الصواب..إن شاءالله

[أبو محمد]

أختى nash

إن كان ذلك فى استطاعتك يكون أحسن .. والحل الوسط هو الجامعة الأمريكية فى مصر .. جامعاتنا أصبحت مثل المدارس .. الأولاد يعتمدون على الكورسات .. ومنهم الكثير الذى لا يحضر المحاضرات حتى فى الكليات العملية إعتمادا على تلك الكورسات اللعينة .. المستوى العلمى والثقافى للطلبة ضحل .. أما الأساتذة والمعيدين فإننى لا أريد الحديث عن مستواهم العلمى .. فلست مؤهلا لذلك .. ولكن ثقافيا وتربويا .. ربنا يستر

على فكرة .. أحسن استثمار يفكر فيه الآباء لأولادهم هو تعليمهم تعليما جيدا ..

[nash]

أخي الكريم أبو محمد...

طبعا الجامعه الأمريكيه رائعه بس للأسف غاليه بطريقه مستفزة الأن...

أنا أيضا مؤمنه بفكرة الإستثمار في أولادي ربي يوفقهم وولاد المسلمين...

كان نفسي أعرف الكثير عن جامعه سيناء الجديده ومدي المستوي العلمي..والإعتراف بها في

الدول الأخري...

بالنسبه للكابتن ياسر أحتمال كبير جدا يكمل في جامعه هنا أسمها اليمامه ...مستواها الأكاديمي رائع

ومصاريفها مقاربه للجامعه الأمريكيه لكن فرق العمله أرحم ...ويكون برضه في حضننا...

فما هو رأيك كأب لشابين ربي يحفظهم لك...؟

[أبو زياد]

إسمحوا لى أشارك برأيى يا جماعة ..وقبل أن أتناقش معكم فى الشئون الخاصة

لأنى وضعت مشاركة هذا الصباح و للأسف طارت فى الهواء - بس برضه حاعيدها

ربنا يوفق أولادنا و أولاد الجميع ..

اللى منا لم يتعلم فى جامعة حكومية يقول يا جماعة ..

كلنا اتعلمنا فى جامعات الإسكندرية و القاهرة و عين شمس ..

عنى شخصيا معترف لها بالفضل إنى بقيت مهندس ..

بعد أبى و أمى ربنا يخليهم ..

أخى محمد عبد العزيز لم يضع الموضوع لنعطى ظهورنا لجامعاتنا المصرية ..

ولا لنتباكى على الماضى ..

ولكن لنفعل شيئا .. من أجل جامعاتنا التى تضرب فى جذور التاريخ ..

كما يقولون للفلاح أرضك هى عرضك أقول جامعاتنا هى كرامتنا ..

الجامعات الكبرى فى كبرى الدول ليست خاصة أو أهلية ..

إذن فالعيب ليس فى كون الجامعة حكومية ..

حتى لا أطيل عليكم و أعطيكم الفرصة إخوانى الأعزاء ..

إن شاء الله - ( إن استطعت ) سوف أعلم إبنى فى جامعة حكومية و سوف يكون مواطنا صالحا و مبدعا بإذن الله ...

هذا هو أملى وأتمنى أن احسن الظن بنفسى و ألا أكون كاذبا أو أحمل مجرد شعارات جوفاء ..

أرجو أن يشاركنى أحد فى هذا الإتجاه ..

[Sherief AbdelWahab]

هذا لا يمنع أن الجامعات المصرية الحكومية تم تسييسها من قبل البيروقراط ، وما يدور فيها من تخبط لا يخفى على أحد ، عزلة تامة عن المجتمع المحيط واحتياجاته ..

خلص الكلام

[أبو محمد]

أخي الكريم أبو محمد...

طبعا الجامعه الأمريكيه رائعه بس للأسف غاليه بطريقه مستفزة الأن...

أنا أيضا مؤمنه بفكرة الإستثمار في أولادي ربي يوفقهم وولاد المسلمين...

كان نفسي أعرف الكثير عن جامعه سيناء الجديده ومدي المستوي العلمي..والإعتراف بها في

الدول الأخري...

بالنسبه للكابتن ياسر أحتمال كبير جدا يكمل في جامعه هنا أسمها اليمامه ...مستواها الأكاديمي رائع

ومصاريفها مقاربه للجامعه الأمريكيه لكن فرق العمله أرحم ...ويكون برضه في حضننا...

فما هو رأيك كأب لشابين ربي يحفظهم لك...؟

للأسف ليس لدى معلومات عن جامعة سيناء ..

إنما حضرتك ذكرتى نقطة فى غاية الأهمية .. وأرجو أن لا تجعليها تغيب عنك فى اتخاذ أى قرار "ويكون برضه في حضننا" .. النقطة دى هى اللى خلتنى أترك الكويت وانزل مصر بعد تعثر محمد فى الدراسة سنتين .. وكما قلت لك إن أهم استثمار يعمله الوالدين لأولادهم هو التعليم .. فكان قرارى الحاسم بترك أى مكاسب مادية من وجودى فى الكويت فى سبيل إنقاذ مستقبل إبنى .. والحمد لله نزولى كان بفائدة وأنا غير نادم عليه بالمرة ...

لكن لى ملحوظة كانت مثيرة لجدل مستمر فى بيتنا .. وهى أن إشراف الوالدين على الأولاد (خاصة الذكور) لا يجب أن يتعدى المعقول إلى حد الحجر على شخصياتهم فهذا يفقدهم الثقة فى أنفسهم ويجعلهم فى كثير من الحالات يعاندون فى الفارغة والمليانة لمجرد إثبات الذات .. يا سلام لو الوالد يحاول إنشاء علاقة صداقة بالإبن .. بيكون فى تهرب من جانب الإبن فى بداية الأمر ولكن صدقينى أجمل صديق للإبن هو والده .. وأجمل صديق للوالد هو إبنه

ربنا يوفقكم للقرار السديد لأن .. مع الأسف .. الجامعات المصرية أصبحت فى المؤخرة .. أنا مرت بى ظروف خاصة .. وظروف عامة فى الجامعة .. وجدت تلاحما وتراحما من الأساتذة والمعيدين .. عندما أسأل بعض الشباب الجامعى فى العائلة عن مواقف مثل تلك .. أراهم ينظرون إلى بعضهم وإلىّ ولسان حالهم يقول "الراجل ده بيحلم ولا خلاص هرتل" .. ده فى عقل بالهم طبعا وإلا كانوا زمانهم اتلطشوا بكل ديموقراطية وحب زى أنتى ما بتقولى فى نهاية مشاركاتك :wub:

[nash]

أخي الكريم أبو زياد

..........................

بالتأكيد..معظمنا إن لم يكن جميعنا تخرج من الجامعات الحكوميه ...أيام ماكنت أسمها جامعات...

لن نضحك علي أنفسنا....الأن الجامعات لا تمت بصله لجامعات زمان..الأن أغلب الدكاترة أصبحوا كالضيوف علي الجامعات الحكوميه نظرا لعملهم في الجامعات الخاصه....

ثم..ماهي الحلول في نظرك لتصليح أوضاع وأحوال الجامعات؟؟هات ما لديك من أفكار..ويدنا مع يدك...

الأخ محمد الكريم...وضع أستبانه توضح وضع الجامعات..وترتيبها ...فانظر إلي الترتيب...ثم نتكلم...

أين الحكومه ورئيس الدوله..والعمداء والدكاترة..من هذه المنظومه التعليميه....

ثم إذا كان الأن بكالوريوس الهندسه ...للشاب مثلا خريج عين شمس...لا يستطيع العمل بها في أي مكان خارج مصر كما في السابق....فماذا لباقي الشباب المطحونين في دائرة مفرغه ويريدون الخروج بأي طريقه للعالم الرحب...؟؟

إن شاءالله زياد يحقق لك كل أمانيك..وإن شاءالله برضه...ينصلح حال الجامعه علي عهده....

[nash]

أخي الكريم أبو محمد

...............................

أؤيد تماما ماقلته..عن الإستثمار في الإبناء...ثم التوفيق بعد ذلك من الله...

إذا كنا لا نعرف حتي الأن موعد أستقرارنا في الحروسه..إذا الأفضل للصبي الإلتحاق هنا...

حتي لا نتشتت..كأسرة...لذلك طبعا سأقوم بصلاة الأستخارة مع أبو ياسر ..وواثقه إن رب العالمين سيرشدنا إلي الصواب...

قراري بالجامعات الخاصه...كان بسبب ماقلت عن التأخر..في ذيل قائمة الجامعات الأخري علي مستوي أفريقا والعالم......

يا أبو محمد...التراحم والتلاحم...قسما بربي حتي أنا لم أشاهده في الجامعه...منتهي الهوس بالدروس....وكم ستدفع..هذا ماكان يشغل بال الدكاترة والمعيدين...

هذا علي أيامي ...فما الحال الأن....؟

...............................................................................................................

نقطه الصداقه لازم يفتح لها موضوع بذاته.....حتي يأخذ حقه من النقاش....

لإنه موضوع فعلا حيوي ومهم جدا لمن لديهم مراهقين..ومراهقات مثلي....

..............................................................................................

[rar]

موضوع رائع... بس مادام العزيزة ناش جابت سيرة "بكالوريوس الهندسه ...للشاب مثلا خريج عين شمس" يبقي لا محيص اننا نشيل سلاح و ننزل ندافع عن شرف الكلية <_<

الكليات المصرية مش ضايعة خالص كدة... و موضوع الترتيب العالمي ده مفهومة أسبابه... لأنها بتعتمد علي وجود بحث علمي للدكاتره... و ده مستحيل مع الأعداد الخزعبلية اللي بتدخل الجامعة علي حساب دافع الضرائب المصري...( وتفضل تسقط و تعيد براحتها... والكلية مطالبة تفضل تعلمه و لو أخد 20 سنة... و حتي لو كان ده علي حساب الطالب المتفوق... اللي مستوي الخدمة المقدمة له بيقل عشان خاطر الطالب المتوسط و تحت المتوسط...)

الترتيب ده برضه مستحيل مع المعامل الغلبانة... و لكن مع اقتصادنا المضحك لا نأمل من دافعي الضرائب بأفضل من ذلك... كل ده كوم و سمعة الكلية في أوساط العمل ده كوم تاني... لأن سمعة الكلية لا تعتمد علي البحث العلمي بتاع الدكاترة... ولا علي المعامل... و لكن علي مستوي الطلبة المتخرجين... و ده مازال زي البرلنت في الداخل و الخارج و هأقدم الدليل...

أعرف أن الدكاتره المتبقين في الكليات المصرية أغلبهم "بالتأكيد مش كلهم" دكاترة كسر من اللي ما عرفوش يهاجروا... أو بيزكوا عن صحتهم في الكلية الميري انما معظم وقتهم في الكلية الخاصة... و ده برضه ولا يهمنا... ولا يأثر علي مستوي الطلبة... لأن العامل الأساسي في تعليم الطلبة في الكلية الميري ليس الدكاتره... و لكنه الطلبة المتفوقين... و هنا مربط الفرس... اللي الكليات الخاصة ما قدرتش لسه تتفوق فيه...

1) دفعتي يا جماعة... من كام سنة يعني مش بعيد قوي كدة... كان فيها التاني علي الجمهورية... و كان فيها أكتر من 40 واحد أوائل مدارسهم في الثانوية العامة... و كان الدكتور بيتهته و يقول اللي ماحدش يفهمه في الدنيا.. و مع ذلك تاني يوم المحاضرة تكون متراجعة و متنقحة و متراجعة و مكتوبة بخط جميل... و موجودة في المكتبة قدام الكلية عشان الباقيين يصوروها... طبعا طريقة غريبة في التعليم... بس ده اللي كان بيحصل... الحاجة أم الاختراع... احنا ماعندناش امكانيات صحيح... بس عندنا Brain Power تكفي قارة بحالها... تكونش هي دي الاشتراكية اللي بيقولوا عليها؟

2) طبعا موضوع الكتب المتصوره و المرجع أبو 15 جنيه دي معروفة... و دي ميزه تانية للعدد الهلامي... الدفعة بالميات و أكيد في مكتبة مستعدة تطبع (تسرق) الكتاب و تبيعة... انما في الجامعة الخاصة... الدفعة صغيره... روحوا بقي اشتروا المرجع الأصلي أبو 300 جنيه :blink:

3) أما عن السوفتوير المسروق فحدث... و أعتقد ان المعامل الشيك للجامعات الشيك... برضه ما تقدرش توفر كل أنواع السوفتوير المطلوبة لكل التخصصات... بما يكفي عدد الطلبة... هنا في أمريكا و كندا العيال بتروح المعمل في الليل... عشان تلاقي نسخة من البرنامج فاضية... أما احنا في مصر... فالحياة أسهل... "نسرق البرامج" و نستخدمها في البيت... علي كيف كيفي... و أنا في حل من عذاب الضمير -_-

بخصوص سوق العمل... وريني واحد من عين شمس أو القاهرة أو اسكندرية أو المنصورة أو... أو... جايب جيد جدا أو امتياز و لغته الاجنبية مش فضيحة و الدنيا مش فاتحاله دراعاتها... سامحيني... أنا أعرف شركات أجنبية في مصر... بتشحت علي و احد مرتبة شرف و مش لاقية... و ما تسأليش ليه يعني مصرين انه يكون مرتبة شرف... لأنهم شركات خاصة في سوق تنافسي... و عارفين هما بيعملوا ايه... دي مش تكية الحكومة

الموضوع ده مش بس في هندسة... برضه أعرف محاسبين و مدرسين و و و مرتباتهم بالآلاف و من غير وسايط... لو السوق بتاعهم مفتوح و فيه منافسة...

الواسطة ممكن تدخلك من الباب... لكن ما بتوصلش للسما...

أنا عن نفسي... طلعت بالامتياز من الكلية دي... قدمت علي منح ماجستير في تلات جامعات مختلفة في كندا... اتقبلت فيهم كلهم... ميزه رابعة للجامعة الحكومية العتيقة... 4) ان ما فيش دكتور في العالم... ما يعرفش اسم جامعتي...

الموضوع و ما فيه... ان مش كل من دخل الهندسة و خرج بقي مهندس... الحكومة بتدخل آلاف للهندسة عشان الناس تتكتم و تبوس الايادي... وعشان ابن الباشا لما يطلع بمقبول... برضه هنعرف نشغله... مش كده... موضوع مناظر بس مش أكتر... لأن الوظيفة اللي ها ياخدها مش عايزه مهندس... عايزه شهادة تتعلق... بس السوق الحقيقي مش أهبل... ولاد الباشا بتوع المقبول برضه مش ها يفلحوا في سوق رأسمالي (بدون تعميم)... و ولاد الغلابة بتوع المقبول فقدوا الطموح من زمان.... لكن بياخدوا الشهادة يمكن تنفع... اهي لقب نتباهي بيه...

التعليم عمره ما كان و عمره ما هيكون مجاني... و لو عباقرة الاشتراكية وقفوا علي ودانهم...

معاك فلوس ادفع و اتعلم... ما معاكش طيب معاك موهبة اثبت و اتعلم... ما معاكش الاتنين بتشتكي ليه؟

الرأسمالية نظام دموي... مثل نظرية التطور بالضبط... الضعيف لا يتساوي مع القوي... الجينات الأفضل تحيي... و الأسوأ تموت... ليس انسانيا و ليس عدلا... و لكنه النظام الذي اختاره الخالق للتطور... و من رفضه... انقرض.

كان مفهوم ان الطلبة المتفوقين جدا ياخدوا منح... و الطلبة الشاطرين مصاريفهم تبقي معقولة... و الطلبة الأغلبية لو معاها فلوس تدفع و تاخد اللقب تفرح بيه... مش معاها تشوف مجال تاني... و بكدة الجامعات تقبل عدد معقول من الطلبة... و ترتيبها يبقي تمام و الميزانية تكفي و نبقي بلد محترمة... و ده اللي الجامعات الخاصة هتعمله... انا لا أري انها خطأ... و لكنها اصلاح لخطأ ارتكبناه و آمنا به منذ زمن... اسمه التعليم المجاني

الجامعة الخاصة... ان لم تعط منح كافية للمتفوقين... فلن تصبح منافس حقيقي للميري للأسباب التي ذكرتها.

أما عن الجامعة الحكومية... ستضطر الحكومة علي تغيير سياساتها لتقلد الجامعات الخاصة... ان ارادت ان تبقيها حية...

فلو ولاد حضرتك متفوقين جدا... ما تخافيش عليهم من الميري... الشركات تقدر المقاتل الذي انتصر علي كل هذه الصعاب...

لو مش شاطرين قوي كده... فالتعليم نوع من الاستثمار زيه زي البورصة و التجاره... لازم تحسبوها كويس...

في الحالتين معاه شهادة يتجوز بيها... لكن ماديا هل العمل بالشهادة أكسب علي المدي الطويل؟ ولا مشروع بتمن تعليمه أكسب؟

القرار لازم يبقي استثماري بحت... و خالي من المشاعر و "البرستيج"... عشان يكون صح... و ربنا يوفقهم في كل اللي تختاروه