حول شريك الحياة ...

[shawshank]

تعيشان سعيدَين = تعيشان حياة "أسعد" بشكل ملحوظ من أي حياة مع أي زوج آخر .

تم تعديل 16 يناير 2007 بواسطة shawshank

[otaka]

الجواز ملوش علاقه بالسعاده

يمكن الاطفال لكن الزوجه صعب

ده الواحد لو فكر يتجوز واحده صاحبته بيحس انه هيخسرها :closedeyes:

فبيغيير رائيه

ممكن يكون له علاقه بالمسؤليه بالمشغوليه لكن السعاده دى موضوع نسبى يتعلق بحريه الاختيار و هو ما لا يوفره الارتباط

البنى ادم انانى بطبعه و سعاده الرجل غير موجوده سوى فى الحريه اما ما يمكن ان نتحدث عنه فى الزواج هو الرضا بالنصيب

و ده امر الله

و شر لابد منه و هكذا

الاختيار لا يوجد

[shawshank]

ده الواحد لو فكر يتجوز واحده صاحبته بيحس انه هيخسرها :closedeyes:

:wub:

يا سيدي مانا بتكلم بشكل نسبي ...

يعني لو على مقياس من 1 إلى 10 من السعادة ، كم واحدة في العالم لو اتجوزتها هتكونوا (انتوا الاتنين) سعداء بدرجة 8 من 10 مثلا ؟

[otaka]

ده الواحد لو فكر يتجوز واحده صاحبته بيحس انه هيخسرها :closedeyes:

-_-

يا سيدي مانا بتكلم بشكل نسبي ...

يعني لو على مقياس من 1 إلى 10 من السعادة ، كم واحدة في العالم لو اتجوزتها هتكونوا (انتوا الاتنين) سعداء بدرجة 8 من 10 مثلا ؟

فكرتنى بايام زمان لما كانوا يذيعوا نتيجه ثانويه عامه فى الراديو

مدرسه اوتاكا الزوجيه

لم ينجح احد

بس اذا موضوع 8 من عشره يعنى اكيد هيكون فى اكتر من 100 شخص ممكن اكون سعيد معاها بالموجب يعنى من 1 من عشره و انت طالع :wub:

[واحد تاني]

اخترت رقم واحد :closedeyes:

اصل كل انسان مننا عبارة عن (نصف كائن) انشطر قديما لنصفين وتفرقا ...

يظل كل نصف منهما يبحث في الحياه عن مكمله الذي لا يكمله سواه ...

البعض يجده ... ويحيا مكتملا ...

والبعض لا يحالفه الحظ ...

ويعيش مشوها ...

ملتصقا بنصف لا يشبهه ...

[عصام]

إخترت الاختيار الرابع (أكثر منن 100)

بعد التفكير بشوية موضوعية وبعيدا عن العواطف ..

الزواج والسعادة يعتمدان بشكل أساسى على "التفاهم" والود .. وأنا أعتقد أن هناك عدد لا نهائى بين سكان الأرض يمكننهم ويمكننى التفاهم معهم

طلب أخير .. لو حد يعرف المدام .. يقولى قبل ما يقولها ... وهاشوفه بقرشين :closedeyes:

[نانو]

انا اخترت رقم 1

طبعا لانك بتتكلم عن السعاده المطلقه ....يعني اقصد نسبه 8-10 ديه بمقايس الحياه تعتبر منتهي السعاده

لانك مش ممكن تحب وتتوائم مع اكتر من شخص واحد في حياتك لهذه الدرجه

نفسي اعلق علي كلام واحد تاني

كلامك قاسي شويه العميله مش بتتحسب بالدقه ديه ...يعني يا اما شريكك يا اما تعيش مشوه....كبيره اوي كلمه مشوه ..فين التاقلم والتكيف والتعود

فيه مقايس كتير اوي بتدخل في حساباتك بعد ما تكون متجوز تخليك تعيش سعاده بنسبه 1-8 و اعتقد ده مش تشوه

وفيه نقطه اخطر ....كام واحد سمعته بيشوف واحده قبل الجواز ان هيا ديه شريكه حياته اللي كان بيحلم بيها طول عمره وهيا ديه نصه اللي كان بيدور عليه

وبعد الجواز ...الحلم يتبدد :closedeyes: ولا تبقي نصه ولا حتي ربعه

موضوع الجواز والسعاده الزوجيه من اكتر المواضيع اللي كل ما تحطله قاعده برضه يشذ عنها

[Junior Pharaoh]

اخترت رقم 3 يعني من 10 -101

لان الاختارين 1و2 حسيت معاهم باستحالة العثور علي الشريك المناسب

ولكن مع اخياري السابق , لا يزال سؤالي مطروحا ....

هل تكفينا دائرة المعارف و الاصدقاء المحدودة لاختيار الشريك المناسب ؟؟

ام ان علينا الاستعانة بوسائل اخري ؟؟

[واحد تاني]

نفسي اعلق علي كلام واحد تاني

كلامك قاسي شويه العميله مش بتتحسب بالدقه ديه ...يعني يا اما شريكك يا اما تعيش مشوه....كبيره اوي كلمه مشوه ..فين التاقلم والتكيف والتعود

فيه مقايس كتير اوي بتدخل في حساباتك بعد ما تكون متجوز تخليك تعيش سعاده بنسبه 1-8 و اعتقد ده مش تشوه

:closedeyes: مكنش قصدي والله يكون الكلام قاسي ...

انا كنت بتكلم عن الحالة المثالية الاسطورية ...

وكلمة مشوه دي بقصد بيها ان النصفين مش متداخلين بطريقة (عاشق ومعشوق) والدليل على كده كلامك اللى انا لونته ده ...

ليه ؟... لأن نسبة السعادة اللى هي 1 من 10 على مقياس السعادة دي تبقى اقرب للعكننة من السعادة ...قيسي على ذلك لغاية ما نوصل لدرجة النجاح حتى ولو بتقدير مقبول جدا عند نسبة 7 او 8 من 10 ... لكن في النهاية مش هنكون وصلنا للحالة المثالية الاسطورية اللي تطرقت لها من البداية واللى هي غالبا ما بتكون موجودة فى روايات عبير ... :wub:

[shawshank]

انا كنت بتكلم عن الحالة المثالية الاسطورية ...

... لكن في النهاية مش هنكون وصلنا للحالة المثالية الاسطورية اللي تطرقت لها من البداية واللى هي غالبا ما بتكون موجودة فى روايات عبير ... :closedeyes:

واحد تاني

بس أنا بتكلم عن الحالة الواقعية مش الأسطورية ... يعني مش روايات عبير و لا حتى ميكي .

أنا بميل لاختيارك بس مش قادر أختاره :wub: ... و لا قادر أختار أي اختيار تاني يا واحد يا تاني

[shawshank]

الموضوع ده كان ظريف جدًا ... ولسه شاغلني لحد دلوقت .

حد تاني يؤمن بنظرية "النص التاني" لصاحبها "واحد تاني" ؟

[vipwithyou]

الموضوع كويس

انا اخترت الاختيار الاول

لسبب بسيط

ان الانسان لما بيختار حد ويكون على قناعة انه هيكون سعيد معاه المفروض انهم يوصلوا للسعادة دى

وفعلا السعادة نسبية يعنى الـ 7 / 10 كمان جميلة جدا ً

غير ان كل واحد بياخد نصيبة

[koji]

لمفيش حد

[ابو جيداء]

اجمل البحار بحر لم ترتادة شراعنا بعد

[TROY]

مع أتساع قاعدة الإتصال ( موبايل ، أنترنت )

فبتالي بالتأكيد سيكون العدد أبر من 100 و ممكن كمان اكبر من 1000 بكتير.

[shawshank]

مع أتساع قاعدة الإتصال ( موبايل ، أنترنت )

فبتالي بالتأكيد سيكون العدد أبر من 100 و ممكن كمان اكبر من 1000 بكتير.

ماهم يتعرفوا على بعض أو لأ ده موضوع تاني . بس يبقى اختيار حضرتك "أكثر من 100" .

خليني أوضح الموضوع أكتر ، والمرة دي بالرياضيات عشان مايكونش فيه أوضح من كده ولا أقل كلامًا من كده :ninja:

لنفترض شخص "س" من جنس "ج" (ج عضو في {راجل ، ست}) موجود في مكان ما على كوكب الأرض وعايش خلال فترة "ز" .

السؤال : ما عدد الأشخاص "ص" من جنس غير "ج" عايشين على كوكب الأرض خلال الفترة "ز" بحيث لو تزوج "س" و "ص" هيعيشوا سعيدين حتى وفاتهما ؟

تعريف "السعادة" ايه بقه ؟ مش عارف . بس هعيد نفس الكلام اللي فوق : لو على مقياس من 1 إلى 10 ، يبقى 8 من 10 ، أو 9 من 10 .

تم تعديل 27 أبريل 2008 بواسطة shawshank

[مشمش]

خليني أوضح الموضوع أكتر ، والمرة دي بالرياضيات عشان مايكونش فيه أوضح من كده ولا أقل كلامًا من كده :ninja:

لنفترض شخص "س" من جنس "ج" (ج عضو في {راجل ، ست}) موجود في مكان ما على كوكب الأرض وعايش خلال فترة "ز" .

السؤال : ما عدد الأشخاص "ص" من جنس غير "ج" عايشين على كوكب الأرض خلال الفترة "ز" بحيث لو تزوج "س" و "ص" هيعيشوا سعيدين حتى وفاتهما ؟

e^(i*pi) + 1

[shawshank]

e^(i*pi) + 1

الترجمة : صفر

يا رااااجل ؟

[shawshank]

طب قول لي أعلى سعادة من 10 مايكونش الناتج عندها صفر .

[مشمش]

e^(i*pi) + 1

الترجمة : صفر

يا رااااجل ؟

"لقد خلقنا الإنسان في كبد"

السعادة في الحياة تعتمد بشكل أساسي علي الشخص نفسة. اللي ميعرفش يتأقلم مع أي ظروف و يعيش سعيد (حتي لو في السجن), ممكن ييبقي تعيس حتي في أفضل الظروف.

موضوع النص التاني بيجنن ناس كتير, و تقعد من غير جواز مستنين الكائن الخرافي ده

المهم الصحة, الحاجات الباقية دي كلها كماليات. :ninja: