الجنرال موديست في ضيافتنا بالرياض

[se_ Elsyed]

بيان عسكري رقم 1

أحب أبعت برسالة إلى أعضاء المحاورات بإننا أسرنا الجنرال / موديست الشهير بأبو الذوق وذلك أثناء قيامه بزيارة عمل لمدينة الرياض إستغرقت بضع سويعات ولكننا كمننا له في أحد الاحراش المطلة على البحر في طريق المطار وأستطعنا أسره

وإذا كونتوش تلموا من بعضكم وتدفعوا لنا فدية وقدرها 35 جنبيه .. فهاندبحه ونحط السيخ المحمي في صرصور ودانه

توقيع

جماعة القط الإسود (إيفيريدي )

[نانو]

الو....الو ...من نانو الي رئيس العصابه

كله تمام يا ريس

وجاري لم المعونه ...اقصد الفديه ....

وعموما لو ما قدرناش نلم المبلغ كامل....هابعتلك السيخ المحمي من عندي وخلاص بقه علي اساس اني عندي واحد زياده ... :wub:

اعمل ايه بس... واهو كله بثوابه :closedeyes:

[مصرية يعني مصرية]

لالالالالالالالالالالالالالالالالالالالالالالالالالالالالالالالالالالا

:)

لالالالالالالالالالالالالالالالالالالالالالالالالالالالالالا

أخوياااااا

حرام عليكم يا ناس

يا ظلمة

ده الأخ إلي حلتي

خلو الفدية دي عليا أنا

أنا هبيع السكانير و الثلاجة و الغسالة إلي جابهم لي سي السيد :wub:

و هبيييع إلي ورايا و إلي قدامي

و لي على شمالي و إلي على يميني

و أفدييييييية

يالروح بالدم نفديك يا زعيمنا مودست

طب هندفع لمين و إزاي؟؟؟ :closedeyes:

:D دلوقتي هيتخانقو و هيتفضحو -_-

تم تعديل 16 يناير 2007 بواسطة مصرية يعني مصرية

[MZohairy]

35 جنيه؟ :wub: :closedeyes:

الى جنة الخلد يا موديست

ستظل روحك الطاهره ترفرف في سمائنا و سماء الفن

ياأسير الفن والفنانين

رحمك الله -_-

[سمـ مصر ــا]

وإذا كونتوش تلموا من بعضكم وتدفعوا لنا فدية وقدرها 35 جنبيه

:closedeyes: :wub:

35 جنية بحالهم ياظلمة لية يعنى

لا شوفوا خلينا نتفاوض وهزوا المبلغ شويتين

بس الا قولى هوة أنتم حتدبحوة الأول ولاة حتحطوا السيخ المحمى فى صرصور ودنة الأول

معلش أصلها تفرق

على أساس لو حدبحوة الأول يبقى خلاص مش حيحس بالسيخ

أنا يجماعة مش عيزاة يتألم أبداً

ولو ما أتفقناش على المبلغ يبقى نتفق على طريقة تريح الراجل -_-

[نانو]

بس الا قولى هوة أنتم حتدبحوة الأول ولاة حتحطوا السيخ المحمى فى صرصور ودنة الأول

معلش أصلها تفرق

على أساس لو حدبحوة الأول يبقى خلاص مش حيحس بالسيخ

أنا يجماعة مش عيزاة يتألم أبداً

ولو ما أتفقناش على المبلغ يبقى نتفق على طريقة تريح الراجل :closedeyes:

انت فعلا لفتي نظري للموضوع ده يا سما .....ايفريدي قايل انه هايدبحه الاول... و كده هيبقي السيخ اللي عندي مالوش لازمه

يبقي لازم يبدا الاول بالسيخ المحمي واضحي انا باكله الكفته المشويه الاسبوع ده .....فدااااااااااااك يا موديست :wub:

وانتي يا سما عليكي تسخين السيخ وما تنسيش تحمي النار كويس علشان ما يتعذبش....حرااااااااااااام -_- ده مهما كان...اخ و عزيز وغالي

[واحد تاني]

لأ ...

لأ ...

لأ ...

كله الا الجنرال ...

ارواحنا فداك يا موديست ...

عيالنا ولا نقطة دم واحدة منك يا موديست ...

نبيع هدومنا وتعيش انت ... واحنا مش مهم يا موديست ...

نداء الى جماعة اينرجايزر ...

حددوا المكان والزمان لتسليم الفدية ...

آه يا جبابرة... 35 جندي ;) هنجيبهم منين دول

[واحد تاني]

الى سينو سينو ...

اذا كنت لسه متحفظ على الجنرال ... احيات عينيك يا شيخ تمسك فيه لغاية بكرة ...

عشان اطب عليكم بقى ونتقابل ... حقه ده لو حصل ... دي هتبقى ليلة يا عمدة ... ;)

[النسر المصري]

اية ده :D ...مش معقول :D !!

أكيد في حاجة غلط!!! :D

أصل الجنرال موديست بقالو خمس ايام بايت عندي بنتفسح وبنسهر للصبح مع بعض :D

اومال مين اللي عندك ده ياسيسو !!!! ;)

[se_ Elsyed]

كل حلفاءك باعوك يا ريتشارد

إصحى ولو لخمس دقايق يا موديست عشان تشوف أصحابك وحبايبك واللي كنت بتعتبرهم حته من قلبك عاملين إيه في وقت أزمتك وكل واحد فيهم بيتبارى نه يُحضر سيخاً من عِنده لزوم صراصير الودان

على العموم إحنا هانفتح باب التفاوض

حد قال 34 ج ؟

طب 30 وحد يشيل ويمشي وأحلف ما هي راجعه البيعه دي ونديه ضمان سنة ؟

----------------

بجد كانت مفاجأة سعيده بتشريف الجنرال المتقاعد موديست الشهير بأبو الذوق لمدينة الرياض أول أمس لبضع سويعات قليلة والمفروض كان يقعد يومين ورتبت أموري على كده ولكنه هوشني وعمل إنه هايشوطها في اليمين وبعد ما أترميت ركنها لي شمال وغادر سريعاً إلى مكان أخر غير معلوم

لكننا قضينا بضع ساعات سوياً نتجاذب أطراف الحديث ونناقش العلاقات الثنائية بين البلدين وسُبل دفع عجلة السلام ..

إضحكوا بقى

أولاً البيه طيارته وصلت الساعة 8 ونص مساءً وده كان موعد بدء مباراة للاهلي .. ولو كان أبويا نفسه وصل الرياض كنت خليته ياخد ليموزين ويجيب لي الفاتورة .. لكن موديست عشان ضيف واخ عزيز فقلت ممكن بتوع الليموزين يشتغلوه ويودوه أي حته ويقولوا له يالله وصلنا .. أو عيل سواق هندي صايع يبيع له الساعة بتاعت المطار .. فضحيت بالشوط الأول كاملاً وروحت جيبته - أنا لي عندك 50 ريال يا جدع إنت - وكملنا الشوط الثاني في الفندق

الموقف الظريف بقى

مطار الرياض في مقابله مطار أخر يُسمى الصالة الملكية .. من إسمها باينه هي بتاعت مين طبعاً .. المهم لقينا قدمها زي لجنة تفتيش كده ووقفونا بتاع 3 دقائق ولإن الصاله مكشوفة فانت شايف كل الطائرات الواقفة هناك .. فقلت لموديست .. بص كده يا جنرال مش البتاعة اللي واقفة هناك دي فيها شبه من الـ Air Force One بتاعت أمريكا .. هو مين جه دلوقت ؟ فقالي : آه والله شبهها ...

فقلت له أحسن تكون ام سحلول الشهيرة بكوندليزا رايس ؟ الوليه دي ما بتهمدش .. هي مش لسه كانت عندنا في مصر الصبحيه ؟

وإذا بنا نُفاجأ بفتح الطريق وبموكب سيارات متواضع وعادي جداً ماشي جنبنا على الطريق كتف بكتف وجم عند أحد المخارج المؤديه لأحد الفنادق وراحوا محودين

أتااريها طلعت كوندليزا اللئيمه وكانت في زيارة للرياض أستغرقت يوماً واحداً

أنا شكيت بصراحه وقلت لموديست : إيه اللي بينك وبين كوندي يا موديست .. ما هي مش صدفه تكونوا واصلين سوا وتمشوا سوا .. قول إعترف قِر بكسر القاف ؟

فقالي : والله ولا أعرفها .. أنا أساساً ما أعرفش الأشكال العِكره دي .. وبعدين إنت عارف ذوقي يا سين سين

فقلت له : مانا عشان عارف ذوقك سألتك السؤال ده

المهم قلنا نعملها موفاجأتون للجناح العسكري لمنتدى المحاورات اللي موجود في مصر وقائده أحمد محمود القاطن في 10 دير النحاس ونكلمه هاتفياً من تليفون موديست طبعاً .. وإذا بنا نجد التنظيم كله عنده :

الاخ المجاهد : سكوربيون الشهير بسكوربيونو الطلياني اللي كان في زيارة سريعة لمصر ورجع تاني قوام قوام

والأخ العنتيل عصام : قائد سلاح مشاة ميكانيكا

وثلاثتهم كانوا قاعدين بيضربوا الماتش وبيضعوا الفاينل تاتش لعملية السطو على وزارة الداخلية

وفعلاً كانت مفاجأة هايلة إننا نسمع صوتهم - يعني سمعنا عبد الحميد حافظ ياخي -

وتم عمل كونفرنس كول أيضاً مع أمير الجماعة بمنطقة جده الاخ داروين ربنا يفك اسره

واظن الصُحبه دي من الصعب تتجمع حتى ولو على التليفون

لكن عشان ربنا بيحب موديست فوجدناهم جميعاً آون لاين .. وموديست هو اللي هايدفع ثمن المكالمات من موبيله أبو كرت .

---------------

عشان اطب عليكم بقى ونتقابل ... حقه ده لو حصل ... دي هتبقى ليلة يا عمدة ... :D

مانت لو عرفت هو لما هوشني وركنها لي يمين راح فين ... كنت هاتستغرب ؟

بس أنا هافتن وأقول إنه كان عندكو يا شقيق في ديريتكم

عامةً أنا في إنتظارك وأديها إنت بس ميسد هاتلاقيني فوريره في المطار .. مانا خلاص جبت ميكروباز وبقيت شغال على خط عُليا - مطار

اومال مين اللي عندك ده ياسيسو !!!! ;)

يمكن عندك كونديزا ؟

حاكم انا عارفك نفسك حلوه وبتحب الحاجات الحرشة

[واحد تاني]

عشان اطب عليكم بقى ونتقابل ... حقه ده لو حصل ... دي هتبقى ليلة يا عمدة ... :)

مانت لو عرفت هو لما هوشني وركنها لي يمين راح فين ... كنت هاتستغرب ؟

بس أنا هافتن وأقول إنه كان عندكو يا شقيق في ديريتكم

عامةً أنا في إنتظارك وأديها إنت بس ميسد هاتلاقيني فوريره في المطار .. مانا خلاص جبت ميكروباز وبقيت شغال على خط عُليا - مطار

كان ... ؟؟؟ :D

يعني فعل ماضي ...

يعني خلاص فينيتو ...

يعني عايز تقولي ... ;)

ان موديست ...

كان هنا ... :D

وعلى بعد دقائق معضوضة مني ... :D

وانا مشفتوش ...

ولا قابلتوش ... :D

طب اعمل ايه فيك ... :D

وفموديست شخصيا ...

خبر زي ده لازم يتسرب فى التو يا ساينو ... :D

امنت بيك يا رب ... :huh:

[مصرية يعني مصرية]

س س

مودست

:wub:

يا بختكم

:wub:

اللهم لا حسد

:blink:

[nancy]

الحمد لله خلاص اتفك اسره على خير :wub:

وبعدين اية الحكاية كله رايح على الرياض محدش حيجى المدينة :blink:

[Siwa]

انا بيعت اللي حيلتي وجبت فلوس الفديه.....يارب ماكونش جيت متأخره......عاملوا فيك ايه يا استاذ موديست ......عموما انا جيبتلك الفديه ومعاها لبن وديك رومي

تم تعديل 17 يناير 2007 بواسطة Siwa

[اسود وتعالب وارنب]

لالالالالالالالالالالالالالالالالالالالالالالالالالالالالا

مستحيل حد ييجي جمب اخويا وسندي في هذا المنتدي انبي لو حد جه جمبه لنقطعه اني اسكندرانية وزي موج البحر لو قام يوم منيل يعني نظام نوه من بتاعه الفيضة الكبيرة او واحد نوه امشير بعني حيتاذي حيتاذي بعد الشر عنك يامحقق امالنا ومطالبنا نحن فداء نحن فداك

[أبو محمد]

طول عمرك حونينة على الفرقة ياست ترتر .. دايما تبانى فى المواقف الصعبة .. إبننا منعم قصدى إبننا موديست بكره ربنا يفك أسره ويرجع لنا وينورنا

على فكرة يا كتاكيتو بنى .. لو الجماعة اللى فى الرياض زرجنوا ولا حاجة .. ولا يكون عندك فكر .. أنا حشدت فرقة حسب الله.. ( الكوماندوز على ما تفرج) وبادربهم على خطة التحرير وسميتها (عاصفة من التصفيق)

عمك جادوليو

[Siwa]

هو في غلاوة الفرقه عندي ياعم جادليو.....

ودا عشمنا في حضرتك برده عشان نفك اسر الفنان القدير منعم او موديست....

وانا حبيت بس اوريهم شكل الفرقه قبل وبعد التدريب عشان يعرفوا إن احنا عالم مابنخفش

اولا عم جادليو الشهير باساذنا ابومحمد

حسب الله السادس عشر.....الشهير باستاذنا زهيري

منعم....الشهير باستاذنا موديست

المخرج.....الشهير باستاذنا واحد تاني

ترتر كتاكيتو بني .....الشهيره بسيوة

ودا شكل الفرقه بعد عمليه عاصفة من التصفيق

تم تعديل 17 يناير 2007 بواسطة Siwa

[se_ Elsyed]

انا بيعت اللي حيلتي وجبت فلوس الفديه.....يارب ماكونش جيت متأخره......عاملوا فيك ايه يا استاذ موديست ......عموما انا جيبتلك الفديه ومعاها لبن وديك رومي

يا بنت الإيه يا سيوه

إنتي جبتي صور الحاجات دي منين ؟

هي العُملات دي لسه موجوده في مصر

ولا أنتي من هواة جمع الدودة قصدي العُمله ؟

يا ريتني خطفت موديست من زمان

[Modest]

أهلي و حبايبي و المجتمع و الناس <_<

أنا في غاية التأثر و هاطق من جنابي من السعادة إن محدش فيكم قَب بربع جنيه يساهم به في إنقاذي من براثن العصابة .... مفيش غير سيوة الغالية الشهيرة بترتر كتاكيتُه بني و التي أثبتت أن في هذه المواقف تظهر معادن الرجال (لا مؤاخذة يا سيوة - قصدي البنات :blink: ) .. أشكرك يا سيوة على بذل الغالي و النفيس و إنك طلعتي مش "بؤ" بس زي بقية حبايبي الغاليين :closedeyes:

إستطعت الهروب بعد وضع خطة جهنمية استغليت فيها هطول الأمطار و انشغال زعيم العصابة المُفَدّى في هوايته المفضلة و هي اللعب تحت المطر و عشقه الشديد لأغنية "يا مطرة رخي رخي"... غنيتها له بضع مرات حتى انفعل مع الأغنية تماماً و قمت أنا بالهرب من السلم الخلفي للسيارة :)

----------------------------------------------------------------------------------

سين سين حبيبي الغالي

"كعادتك" حوّلت جو الرياض البارد و الممطر في هذه الأيام إلى أدفأ مكان على وجه الأرض بالنسبة لي من دفء المشاعر التي أحطتني بها.

أضف إلى ذلك حرارة العشاء المُفتخر اللي عزمتني عليه .. يعني الرياض كانت حارة بكل المقاييس على عكس ما تعلنه مصلحة الأرصاد الجوية :D

سين سين .. قبل ما أنسى :angry:

دي عصابة جميلة خالص .. ياريت تقول لها تجهز نفسها تخطفني تاني يوم 29 الله يكرمك :D

----------------------------------------------------------------------------------

إبننا واحد بيه تاني

لو كنت أعرف إنك موجدود في البلد إياها ماكنتش رحتها -_- ............... إلا و انت عارف طبعاً :blink:

إن شاء الله ستتعدد سفرياتي إلى هناك قريباً و اعدك أن أبلغك بميعاد قدومي قبلها بفترة كافية حتى تتمكن من الهروب :D

[واحد تاني]

لأ ...

لأ ...

لأ ...

كله الا الجنرال ...

:

:

نداء الى جماعة اينرجايزر ...

حددوا المكان والزمان لتسليم الفدية ...

:sad:

الى سينو سينو ...

اذا كنت لسه متحفظ على الجنرال ... احيات عينيك يا شيخ تمسك فيه لغاية بكرة ...

عشان اطب عليكم بقى ونتقابل ... حقه ده لو حصل ... دي هتبقى ليلة يا عمدة ... :)

:sad:

يعني عايز تقولي ... :huh:

ان موديست ...

كان هنا ... :sad:

وعلى بعد دقائق معضوضة مني ... :o

وانا مشفتوش ...

ولا قابلتوش ... :angry:

:sad:

اعدك أن أبلغك بميعاد قدومي قبلها بفترة كافية حتى تتمكن من الهروب :D