الجنرال موديست في ضيافتنا بالرياض

[Modest]

استدراك هام

إلى إبننا واحد بيه تاني

:sad:

لم اقرأ هذا الموضوع إلا بعد عودتي من الزيارة المكوكية التفقدية

و على ذلك تنتفي أي نية من جهتي لتطنيش سعادتكم

:huh:

مع وعد بالقيام قريباً بإذن الله بزيارتكم زيارة خاصة للتعبير عن مدى الصداقة التي تربط بين الشعبين الشقيقين

هذا و بالله التوفيق

:o

[Diab]

داروين وموديست والعبد لله

مثلث جدة الدهبي

أحنا تلاتة تملي تلاتة (أيييييييييييييييه فينك يا منير يا مراد ) :huh:

[nancy]

حمدالله على سلامتك يا مودست

وبعدين يا دياب ملاقتش الا الاغنيه دى

ولله حرام عليك :huh:

[yasovinas]

لي اسبوع اواكثر متواجد يوميا تقريبا في المحاورات وملاحظ اختفاء الخاطف والمخطوف

موديست يا صديقي اين انت

يا اهل المحاااورااات رجالة وسيدات

حدش شاف جدع طيبوب من الجميع محبوب

قلبه كبير ورزقه كتير

بيحب الاغاني وبينفذ الاماني

للاهل والاحباب وكمان للطلاب

ارجع يا رابسوا وابعد يا جن يا للي لابسه

ارجع يا الصوا

يا ناس يا طيبين هاتو لي الغالي {سين سين}

اتطمن عليه واملي من كلامه العين

[se_ Elsyed]

خـــــــــــــــــــــــــــــــــــــبر عـــــــــــــــــــــــــــــــــــــــــــــــــاجل

- علمت مصادرنا السرية بإن الجنرال موديست قائد قوات الكتاكيت في المنطقة الغربية.. قد قام بزيارة سرية .... تفقدية .. مهلبية .... للمنطقة الوسطى المركزية .. أستغرقت سويعات قليلة .... تفقد فيها أحوال القوات المتمركزة في منطقتي البطحا والمنفوحة ومنتزهات الثُمامة ..

ولقد أصطحبه في الجولة الشاويش أول رُكن " سين سين " الذي أبر بوعده وقام بإصطحاب الجنرال إلى المنفوحة والبطحا في زيارة ليلية تفقدية .. ولكن الجنرال هرب من عزمة الأكل هناك

مع إني كنت عازمه على حاجات سناكس .. خفيفة يعني أو مسح زور

" فتة كوارع بالخل والتوم .... لحمة راس ولسان وجوهرة وفشة وممبار ... عكاوي رئاسية من اللي وصى عليها مبارك في تذكرته .. ماشنكاح بالبهارات .... أما الحلو فكان ملوخية بالأرانب "

وما إن سمع الجنرال هذه المسميات المستهجنة .. إذ به يسقُط مغمئناً عليه من الأسامي فقط .. أومال لو كان سمى بإسم الله ودخل بصدره في الحاجات دي ؟

إخص على كده يا جنرال ... ده إنت طلعت قائد فلول الكتاكيت بحق وحقيق

[achnaton]

خـــــــــــــــــــــــــــــــــــــبر عـــــــــــــــــــــــــــــــــــــــــــــــــاجل

- علمت مصادرنا السرية بإن الجنرال موديست قائد قوات الكتاكيت في المنطقة الغربية.. قد قام بزيارة سرية .... تفقدية .. مهلبية .... للمنطقة الوسطى المركزية .. أستغرقت سويعات قليلة .... تفقد فيها أحوال القوات المتمركزة في منطقتي البطحا والمنفوحة ومنتزهات الثُمامة ..

ولقد أصطحبه في الجولة الشاويش أول رُكن " سين سين " الذي أبر بوعده وقام بإصطحاب الجنرال إلى المنفوحة والبطحا في زيارة ليلية تفقدية .. ولكن الجنرال هرب من عزمة الأكل هناك

مع إني كنت عازمه على حاجات سناكس .. خفيفة يعني أو مسح زور

" فتة كوارع بالخل والتوم .... لحمة راس ولسان وجوهرة وفشة وممبار ... عكاوي رئاسية من اللي وصى عليها مبارك في تذكرته .. ماشنكاح بالبهارات .... أما الحلو فكان ملوخية بالأرانب "

وما إن سمع الجنرال هذه المسميات المستهجنة .. إذ به يسقُط مغمئناً عليه من الأسامي فقط .. أومال لو كان سمى بإسم الله ودخل بصدره في الحاجات دي ؟

إخص على كده يا جنرال ... ده إنت طلعت قائد فلول الكتاكيت بحق وحقيق

[size="6"]يعنى يا ابو عمر .. فيه حد يعزم برنس على لحمة راس .. ؟؟؟

وكمان فته كوارع .. دا بقى كان كمين .. ربنا انقذ البرنس منه .. ربنا يحميك يا برنس المحاورات

[Tafshan]

و الله يا س س انا بحبك لله ف لله :)

و الا يهمك ..

انت عارف مودست رومانسي و موسيقى كلاسيك و كده .. انت لبعث هات له ذبادى و ح يبقى تمام bv:-

اما عن العزومه .. و لا يهمك .. ح ابعث لك صندوق بريدي .. ابعث لى الاصناف اعلاه و لا كأنك عملت حاجه :lol:

انتم مش ناويين تيجوا لنا دبي ؟؟

مودست واعدنى من 3 سينين انه يجي .. و س س قال جيتكس اللى جاى و ده برضو من 3 سينين .. ح افضل مستنى كده :)

[se_ Elsyed]

عمي الغالي اخناتون .. إتفرج يا سيدي على شباب اليومين دول .. اللي الواحد لما كان قدهم كان بيفوت في نص العجل بصدره وما يقومش إلا وهو مشفيه وجايبه عالعضم ...

---------

طفطش ملك المسامط

والله يا طفطش إنت اللي فاهمني

طب توعدني لو إتقابلنا في دبي ذات مساء تعزمني عل مسمط إماراتي ويكون بيشتغل في الحلويات ؟ :)

أما البرنس فأنا رميت طوبته .. وهو فعلاً أخره زبادي .. ومنزوع الدسم كمان ..

طب والله العظيم يا طفطش أنا كنت عايزك تشوف منظرة وأنا واخده من الفندق اللي والعياذ بالله فايف ستارز وموديه على المنفوحة عشان أأكله ماشنكاح وحاجات من دي .. صاحبك اول ما سمع السيرة لقيته نزل في الدواسة ووشه بقى زي اللمونه المعصورة ويقولي : والنبي يا سين سين الله يخليك أنا ماليش في الحاجات دي .. ده أنا أساساً نفسي غمت عليه من أساميها ..

المهم مين اللي إتصل وإحنا في أرض المعركة ؟ صاحبك داروين .. وحكيت له القصة .. لقيته بيقولي نفس البوؤين : يا عم حرام عليك الجدع هايروح منك ... بلاش ماشكناح يا سين سين ورجع الجدع سالم غانم لعياله ..

هذا وقد عرض علي البرنس موديست إننا نسهر في الفندق .. وقلت له فشــــــــر .. أنا بتاع حاجات من دي .. وأقعد في مكان محفلط وملزق والناس عماله تبص عليه ... وقد كان يا مبارك .. وروحنا إحدى الإستراحات اللي تبعد عن الرياض 40 ك ... والباقي إنت عارفه بقى ...

أهم حاجه إنه سافر جده وهو شخص تاني ... متظبط .. ومدردح .. إلى حد ما

ديتها بس زيارتين تلاتة للرياض وبدل ما هايبقى إسمه " البرنس موديست .. سليل عائلة محمد علي باشا الكبير " إلى المعلم مدحت راس الفيل .. سليل عائلة الأضبش بالمدبح وبرج المدابغ ..

طبغاً الإكسلنس اخوه هايدخل يقرأ الكلام ده ويفطس على نفسه من الضحك ويقول : ده لو كل العالم بقوا معلمين مش ممكن موديست يبقى معلم ... عمركو شفتو معلم عينه خضر وشعره أصفر وشبه ريتشارد جير ؟

llllllllllllllllllooooooooooooooooooolllllllllllllllllllllll

[Tafshan]

يا باشا انت تنور :)

تعالى انت بس و يا ريت تزق عم مودست معاك و اخذك على ابو شقره بتاع دبي عشان يمشى معنا و معاه .. ممكن نضرب جوز حمام محشى ع السريع و معلش نجيب جوز مشوى لاخونا مودست عشان الديت ... ده طبعاً عقبال ما الكوارع تيجي :) .. معلش .. في دبي ما فيش حلويات :lol: نقضيها ممبار و خلاص (وش واحد محروم من الحلويات )

بجد يا ريت نشوفكم .. انا عارف انكم بتنطوا على الامارات كثير ..

[yasovinas]

يا طفشان يا اخويا العالم دي سياحه شفايف بس يعني يتكلموا كتير ويلفوا العالم وهم على الكرسي واللي يروح فيهم من البديعه للسوق المركزي يقول يا غربتي وتلاقيه قاعد في محاورات المصريين بيشتكي من الغربة واللي شافه من النغتربين في السوق المركزي ولا البطحاء

شوف يا طفطف العالم دي لو خطت برجليها حدود تالامارات ندر عليه والندر امانه لياكلو حلويات وكوارع وسقط كمان بس يعملوها ،،،، موديست حبيبي ايه حكاية {عيون خضرا دي } هو انت غيرت البربيز القدماني ولا حطيت عليه مخفي ازرق ؟؟؟؟؟

[Diab]

مع إني كنت عازمه على حاجات سناكس .. خفيفة يعني أو مسح زور

" فتة كوارع بالخل والتوم .... لحمة راس ولسان وجوهرة وفشة وممبار ... عكاوي رئاسية من اللي وصى عليها مبارك في تذكرته .. ماشنكاح بالبهارات .... أما الحلو فكان ملوخية بالأرانب "

:rolleyes:

:huh:

:angry:

ياسلام طيب ماأنا كنت عندك في الرياض يوم الخميس والجمعة أستنتني لحد مارحت المطار بتكلمني تقولي

أنا لسة ماشوفتكش بتعزمني عزومة مراكبية

ماشي ماشي

مسيرك تيجي عندنا جدة شوف بقي مين هيدخلهالك أساساً

بكرة أنا كمان أبقي سيرجنت مش حنرال وهأوريكم كلكم

سلام clwn: brd:: bsh:)

[Modest]

عمي الغالي أخناتون :wub:

ماتخافش على إبنك .. موديست راح و رجع صاغ سليم و بيكتب لك أهو بعد محاولة التجنيد الفاشلة التي حاول القيام بها المدعو عبد التواب النمساوي الشهير بسين سين :ninja:

---------------------------------------------

فضحتني و خليت سمعتي في الحديد يا سين سين أفندي :cry: ...طب اتجوز ازاي انا دلوقتي؟ :cry:

لازم فوراً و من كل بُد نقوم بطلعة سريعة على الإخوة طفطف و ياسو أعضاء التنظيم في الإمارات علشان نصحح صورتي اللي انضربت هناك بفعل فاعل.

ياسو و طفطف

سيبكم من أبو شقرة و أبو فروة و الحاجات اللي ماتأكلش عيش دي

أنا عايز تجهزوا لنا - عدم اللامؤاخزة - "عِجل" :blink: على مزاجكم كده علشان هاأزازُه صاحي قدامكم أول ما نوصل الإمارات :FN:

و من موقعي هذا أناشد إدارة المحاورات لتغيير إسمي من موديست إلى أي إسم مناسب من الأسماء التالية:

1- المجرم

2- المفتري

3- أبو رجل مسلوخة

ksh::

[se_ Elsyed]

أنا عايز تجهزوا لنا - عدم اللامؤاخزة - "عِجل" على مزاجكم كده علشان هاأزازُه صاحي قدامكم أول ما نوصل الإمارات

هههههههههع هههههههههع هععععععععععع

طل وعيل اللي يرجع يا موديست ... أنا مستعد اخدك لأولياء الله الصالحين في الإمارات .. وأشتري لك عجل على حسابي - ودستتين شمع كمان - ولو كلت العجل يا عم ربع العجل قدام الخواجه ياسو وأخوه طفطش ... هاشيل أنا تكاليف رحلة العلاج دي ... وهانزلك نعي قصدي إعتذار قدام الناس الحلوه اللي في المحاورات ..

---------

وعربون محبه .. هانحول طلبك للأدفيزر لتغيير إسمك إلى " المجرم المفتري أبو رجل مخلوعة " يعني تلاتة في واحد

------

طفطش .. ياسو .. حضروا الحله اللي بنسلق فيها راس العجل

موديست المفتري جالكو .. خبو عيالكو

يا خوفو بعد ده كله يلاقي طفطش جاي وراكب العجل من بعيد

نلاقي موديست أغم عليه زي ما تخيلنا الصورة دي

( صورة موديست وهو محمول على الأعناق من كلاً من ( س س أبو رداء أسود .. طفطش مرتدياً البياض وهو يمد يد المساعدة وجاي من بعيد يقول : يا ساتر يارب ... ياسو ذو الرداء الأصفر وهو يصرخ قائلاً : إلحقونا يا ناس الولد هايروح مننا في شوربة ميه )

[yasovinas]

العجل جاهز وفي انتظارك يا مودي يا ابو رجل فيها واوا {يعني على وزن ابو رجل مسلوخه } والتكاليف كلها اندفعت خلاص والطشت "اسم الله على مقام حضرتك" منتظرك وبيقول يا حلو ياللي قوم ؛؛؛؛؛؛؛؛؛

بس انت تعالى وهات معاك الغالي ابو عمر اهو على الاقل تلاقي حد يروحك بيتكم اخر اليوم

نرجع تاني للسؤال اللى محيرني

يا موديست يا ابو احمد يا حبيبي ايه حكاية العيون الخضرا اللي بيقول عليها س س دي ؟؟؟؟؟

افيدونا افادكم الله

[Modest]

عيون خضرا إيه بس يا ياسو يا خبيبي B)

إنت عارف أخوك أبو عمر شيش بيش ..و بعدين بيقول لك طلعنا سهرنا في البر .. و البر ده 40 كيلو خارج الرياض و في الظلام الدامس كمان .. يعني يادوب كان عارفني من صوتي :rolleyes: