صباح الخير يا محاورين

[hamadh]

السلام عليكم

عاوز اقولكم حاجه وبدون زعل

انتو جيبتولى احباط اكتر من الحكومة

انا دخلت المنتدى على انه منتدى معارض يعنى يمثل اغلبية الشعب الزهقان الطهقان

وتوقعت انى هلاقيه شعلة من النار ومليان نقاشات وحاورات وتفاعل

لكن للاسف التفاعل ضعيف جدا لا يمثل حالة الغليان اللى احنا عايشين فيها

الاعضاء اللى بيتفاعلو معدودين على الصوابع

وفى اعضاء تحط مواضيع وتنساها مش عارف هو حاطتها ليه عشان يتناقش فيها ولا عشان يغزى عين الشيطان

اتمنى ان التفاعل فى المنتدى يتناسب مع اسمه

لانى اعتبره واجهه لمصر

يعنى لما حد غريب يدخل المنتدى ويلاقى اسمه محاورات المصريين ويلاقى حالة الركود الغريبه دى هايقول علينا ايه

اوعو تزعلو من كلامى انا بس احب ان المنتدى يكون على احسن وضع

[أبو حميد]

صباح الفل يا حمادة

أهلا بيك في المنتدى وأسفين لو محدش رحب بيك قبل كده.

وبعدين يا عم روق كده وربنا ما يجيب أحباط. انا مش فاهم أنت زعلان ليه علشان التفاعل ضعيف من وجهة نظرك بالعكس كل القضايا الحيوية بتتناقش هنا بس المحاورين المصريين لما ها تعرفهم هتلاقيهم مش بيردوا غير لما يكون عندهم إضافة مهمة ومش هتلاقي ردود متسرعة. ورغم كده أنا برضه زيك نفسي المشاركات تزيد بس المفروض قبل ما أطلب كده من الباقيين أشارك أنا على قدر الوقت المتاح مع الإلتزام بقواعد المحاورات وبدون المشاركة لمجرد المشاركة من غيرإضافة وكمان مطلوب من كل عضو أنه يفكر في مواضيع جديدة يفتح بيها باب المناقشة.

ياريت انت تتعرف على المنتدى وتقرأ بعض المواضيع القديمة وتفتح كل الأبواب بالمنتدى وبعدين تبتدي تفتح مواضيع جديدة (لم تفتح سوى هذا الموضوع) وتشارك أكتر من كده( 13 مشاركة في 10 أيام) ولا تنتظر أحد أبدأ بنفسك وأعمل اللي عليك وهتشوف النتيجة.

[Junior Pharaoh]

انا معاك في كلامك يا اخ حمادة

لاني فعلا جالي احباط , بعد ما فتحت النقاش في موضوع جديد ولم يشارك فيه احد

وايضا شاركت في موضوع اخر ومرة اخري لم يرد احد

فحسيت انهم مبيكلموش حد جديد !!!

ومع احترامي للجميع

بس ده رأي

[أبو زياد]

أهلا بك أخى العزيز حماده نورتنا و آنستنا و مرحبا بك كأخ كريم ,

طبعا مثلنا من المغتربين

أخى أولا لا تقلق أبدا من تأخر مشاركاتنا وكما نصحك الفاضل أبو حميد كلنا مررنا بهذا الشعور أن لا أحد يخاطبنا و تجاوزناه و السر هنا يكمن فى كثرة الموضوعات وهذا ليس عيبا ...

فلن تجد أبدا أن وقتك يتسع لمتابعة و المشاركة فى جميع الموضوعات فلا تقلق فالكل هنا يحبون كل مصرى و يضعوه فى أعينهم ..

لن أزيد شيئا على ما ذكره لك أبو حميد و أهلا و سهلا بك مرة أخرى ..

ما هو الموضوع الذى شاركتنا به ؟