ألف حمد لله على السلامة يا... حاج ياسو...

[مصرية يعني مصرية]

أهلا بيك يا عزيزي

أسمك منور المحاورات كلها

يا حاج

فرحت جدا والله لما لقيت إسمك جنب إسمي :angry2:

في باب الإجتماعيات

هه؟

ياترى جيبت لي إيه معاك ياحج

السبحة؟؟

ولا الطاقية؟؟؟

:wub:

تم تعديل 19 يناير 2007 بواسطة مصرية يعني مصرية

[shahd]

الف حمدلله على السلامة وحج مبرور وذنب مغفور ان شاء الله

[Modest]

معلش يا جماعة سيبوني على راحتي .. و رجاء من السادة و السيدات المشرفين و المشرفات ما يقطعوش أي كلمة من اللي هاكتبها :angry:

------------------------------------------------------------

و لو انك ما تستاهلش يا راجل يا (تووووت) يا (تووووت) و كمان يا (تووووت) :huh:

يعني يا (تووووووووت) تكون جنبي هنا و بيني و بينك فركة كعب و ما تتصلش بيّا ؟ .. كل ده علشان مستخسر فيا السبحة و الطاقية؟ :sad:

فاكرني أكلت الأونطة اللي قلتهالي في التليفون النهاردة؟ أنا آه أكلتها .. لكن بمزاجي علشان باحبك :o

و عموماً أنا هاطلع أجدع منك و أقول لك حمد الله على السلامة و ربنا يتقبل منك و من جميع الحجاج.

حمد الله على السلامة يا عم الحاج ياسو

:sad: :sad:

[yasovinas]

الله عليكم يا ناس يا عسل

طيب ورحمة خالتي نزاكة ان الدمعه بتترقص في عيني ؛؛؛؛ حقيقي مش عارف اقول ايه ؛؛؛ ربنا ما يحرمني منكم ولا من طيبة قلوبكم

الغاليه مصريه يعني مصرية انت تامري الشنطه مليانه في عندنا سبح من اول الدستة ب4 ريال لغاية السبحه ام 40 ريال للغاليين وفي طواقي وسجاجيد وكمان في طرح صلاه بتاعة بنات ماليزيا

الغاليه قوي قوي تيتة شهد ربنا ما يحرمني من طيبة قلبك يا طيطه وطبعا طرحة الصلاه الماليزية جاهزة يا فندم وتحت امرك

حبيبي الغالي وصديقي الصدوق موديست (اولصو) (سفن اب) واخيرا (رابسو) مش عارف اقول لك ايه غير كلمه واحده اديني ودنك علشان المشرفين والمشرفات

(تووووووووووووووووووووووووووووووووووووووووت)

حقيقي يا محمود اللي قلته لك مش اونطه لاني دلوقت راجل حاج ولسه في فترة الجرانتي فما ينفعش اكذب ابداً :huh:

[النسر المصري]

والله وزماان ياحاج ياسو....فنك وفين ايامك...... :D

وحشتنا موووووووووووووووووووووووووووووووووووووت

تعرف ان كل امنيتي بالنسبه لحضرتك...اني اشوفك :happy:

آآوالله...يعني لما نزلت الاسكندريه المرة دي (ودي كانت المرة التاني في حياتي اشوف الاسكندرية من تلاتاشر سنة)...ماكانش ف بالي الا حضرتك واسكندراني دة بالنسبه للذكور

اما بقى الاناث فدول بقى في المنتدى الحبيب كتير اوي..

المرة الجاية انا هاظبط نزلتي لمصر والاسكندرية مع نزلت سعادتك

والف حمدلله عالسلامة ياجميل :)

[nancy]

حمد الله على السلامة ياياسر يلا بقى اكتب موضوع وحشنى الاختلاف معاك ياعم :happy:

[محمد عبدالعزيز]

تقبل الله منك ومن الحجاج جميعاً

وألف حمد لله على سلامتك يا حاج ياسو

[سهيلة]

بيب بييييييييييييييب

ياسو فيناس حبيب الملايييييييييييين

ا قصدى الحاج ياسو

معلش لسة ما اخدناش عى اللقب الجميل دة

حج مبرور وذنب مغفور

وحمد اللة على سلامتك

وحشتنا موضوعاتك وتعليقاتك اوىىىىىىىىى

[Sherief AbdelWahab]

حمد الله ع السلامة يا حاج .. حج مبرور وذنب مغفور بإذن الله.. :happy:

واحشنا يا عزيزي السكندري..

خلص الكلام

[se_ Elsyed]

الأخ موديست

يُمنع منعاً باتاً شخصنة الحوار أو إستخدام ألفاظ يعاقب عليها القانون

فيا تقولنا كان قصدك إيه بالتلاتة توت اللي إستخدمتهم أو سنقوم إحنا بتوليف كلمات على تلك التوتوهات تحت مسئوليتك

وكمان أنا لي عندو حق عرب وعلى الأقل ممكن يتحكم عليه بدبح ربع ناقة من النوق الحُمر بتاعت ملك الفرس لإنه معاه تليفوني ولا أتصل ولا جاب سيرة ...

أما صحيح إنك يا ياسو طلعت تووووووووت على الاخر

[نانو]

ياسو فيناس

الف حمد لله علي السلامه

واعي تكون نسيتنا في السبح اقصد في الدعاء

حج مبرور و ذنب مغفور باذن الله

يالا تعالي ونورنا بمشاركاتك الفظيعه ... :lol: (الكويسه يعني )

ده بعد اذنك يا موديست يعني :D

[محمود الشاعر]

فعلا والله لك لوحشة

الحمد لله على سلمتك حج مبرور وذنب مغفور وتقبل الله منك جميع اعمالك

[Scorpion]

تعلن الخطوط الجوية الموروستانية عن وصول الرحلة رقم 1313 الي مطار المحاورات الشعبي و علي متنها الحاج ياسو ... علي السادة المنتظرين رجوعه الهدوء التام ... و الإلتزام بقواعد السلامة و المتانة و الأمان ...

فين بقي السبحة بتاعتي ؟؟؟

كان ليك وحشة بجد يا ياسو ... الف مليون حمدلله عالسلامة :huh:

[bentmasria]

حمد لله على سلامتك يا فندم

ربنا يتقبل منكم ويثيبكم باجرها يارب

حج مبرور وذنب مغفور

مادا وماما

[yasovinas]

النسر المصري بريشه ومراخيرة هنا بيرحب يا خبر ابيض لا كده بقى تبقى الدنيا احلوت والحياة ابتسمت ؛؛؛ انت لسه ما اتجوزتش يابني !!! باين من كلامك ؛؛ شوف يا باشا باذن الله باذن الله الاجازة سوف تكون اول اغسطس رتب حالك ونتشرف بيك في الاسكندرية ويمكن يمكن تبقى جنازتك على ايدي قصدي جوازتك

اختى الغاليه وحماة ابني وبنت جهتي نانسي هانم عدنا والايام اللي جايه سوف تسفر عن العديد الحوارات الساخنه جدا قولي لي بقى عايزة ايه طرحه ماليزي ولا سبحه ولا زجاجه كحل اثميد :angry2:

الغالي محمد عبد العزيز اشكرك جدا وربنا يوعدك ويوعد الجميع ويعيدنا اليها مرة اخرى يارب

سهيله الهايله ربنا ما يحرمنا منك ابدا يارب ؛؛؛ بس الحج مش هيغير مني كتير ؛؛ يعني حاجات بسيطه هنبطل نميمه ونبطل كذب ونبطل !!! بس ما هو انا ما كنتش بعمل حاجه تانيه وحشة حتى الكذب كان كذب بسيط من نوع المجاملات

صديقي المثقف الاعلامي الرهيب شريف باشا عبد الوهاب ربنا يوعدك بيها عن قريب بس نفرح بيك الاول ؛؛؛؛ وكمان وكمان اقولك الكلام لا يخلص ولا ينتهي معاك لانك من اظرف الشخصيات المحاوراتيه تحياتي

صديقي الغالي رمز المجدعه والشهامه س س ابو عمر انا فعلا تووووت توووت لان انا ما عنديش موبايلك يا بطل بس حتى لو كان معايا فما حدث ان اولاد الحلال الخبرا هنا نصحوني بالا اخد معي الموبايل الغالي علشان هيضيع مني فجبت حته ب99 درهم بس حته جديده على الزيرو هي اي نعم ابيض واسود بس اهي تقضي الغرض واكتشفت بعد السفر انها لا تتحمل اكثر من عشر ارقام فقط وطبعا كنت تركت الموبايل الاصلي في ابو ظبي ،، تخيل اني اتصلت بالاهل في مصر لاخذ منهم رقم اختى في مكه ؛؛ سماح يا عمده وليك عندي طاقية وسبحه وسجاده كمان بس سماح الله يعمر بيتك

نانو :unsure: السبحة والسجاده كمان وعليهم حتة مسواك بطعم النعناع للغالين بس

قائد قوات شباب المحاورات وزعيم طائفة منتصف العمر حبيبي الغالي قوي سكوب تسلم يارب والشوق والله متبادل فلا تلومني على ما انت فيه يعني نتفق احنا الاتنين اننا نبطل كسل ونرجع تاني للمحاورات

السبحه والطاقيه وزجاجة عطر كمان علشان الغالي سكوب

ام مادا الغاليه ام الغالي ولو ان السلام رسمي شويتين (يا فندم) وكده س برضه كله مقبول من مادا وامه وطبعا حمدا لله على سلامه الوالده وعقبالك يا ؛؛؛؛؛؛؛فندم :blush:

[الرافعي]

أخي الحبيب ياسو

أدعو الله أن يتقبل حجك ويغفر ذنبك ، ويقبل دعواتك في حجك، وأن يصبنا جميعاً من خيرها

نورت بيتك ومطرحك، ووحشت حبايبك

حمداً لله على السلامة يا أستاذ

[أبو زياد]

أستاذ رافعى حييجى الحفلة ؟ :unsure:

إيه دة مش معقول و الساعة تلاتة الصبح ؟

أقوم أغسل وشى و ألحقه بسرعة ..

نورت يا حاج رافعى و ما جابكش إلا الشديد الغالى ... :angry2:

عرفت غلاوتك يا حاج ياسو ؟.. أهنيك مرة أخرى و عقبال كل سنة ..

[Eemaan]

حــــــــــــــــج مبرور و ذنب مغفــــــــــــــــور

[yasovinas]

اخي الغالي الرافعي ابو الحكمه والعقل كله اشكر لك مرورك الكريم وترحيبك باخوك الصغير

الغالي ابو زياد الغلاوة متبادلة والحمد لله وربنا يديم المحبة والصداقه

ايمان الغاليه اشكرك واكرر معاكي اللهم آمين واوعدنا جميعا بزيارة بيتك الحرام كمان وكمان يارب

[عصام]

وحشتنى يابن عمى :sad: