من لديه معلومات عن الحياه في إيران؟

[MZohairy]

الأخوه الأفاضل

جاني عرض للعمل في طهران عاصمة إيران

المشكله مش عارف العرض حلو ولا وحش؟؟؟؟؟؟؟؟؟ :happy:

لأني مش عارف اي شيئ عن تكاليف المعيشه و الشقق المفروشه و المدارس المحترمه

و ايضا طبيعة المعيشه والحريه

حد يقدر يفيدني؟

كتر خيركم

[رمضان]

السلام عليكم

الاخ الفاضل مجرد سفرك الى ايران سيسبب لك مشاكل لا حصر لها خصوصا في ظل هذه الأجواء التي نعيشها واعتقد انت تعلم سبب هذه المشاكل

ثانيا بالنسبة للمعيشة في ايران فهي رخيصة جدا اكثر مما تتخيل وطبعا ذلك سيعتمد على المدينة التي ستعيش بها هناك طبعا عندك مدينة قم مدينة سياحية بها سياحة دينية لذلك تعتبر بها الاسعار مرتفعة نوعا ما وبالنسبة للشمال الاسعار هناك زهيدة جدا

اذا عند استفسار تاني ممكن تسأل وان شاء الله هتلاقي الاجابة

بس نصيحة اخوية بلاش ايران وتعرف انا بقولك كده ليه لما تنزل مطار القاهرة الدولي

[MZohairy]

الله يكرمك يا رمضان

المدينه هي طهران العاصمه

عايز اعرف التكاليف المعيشيه المحترمه

و المشاكل عموما

و المزايا

و كتر خيرك

[الحازم حسن]

صدقني حيكون صعب عليك تسمع سب الصحابة رضوان الله عليهم في التلفزيون الرسمي

كمان هي تعتبر بلد مضطرب سياسيا ولو رجعت مصر ممكن جدا تكون مرصود أمنيا

خليك في كندا أحسن

[MZohairy]

صدقني حيكون صعب عليك تسمع سب الصحابة رضوان الله عليهم في التلفزيون الرسمي

كمان هي تعتبر بلد مضطرب سياسيا ولو رجعت مصر ممكن جدا تكون مرصود أمنيا

خليك في كندا أحسن

طبعا صعب و صعب جدا

لكن اللي اعرفه ان اللغه في تليفزيونهم و مساجدهم هي الفارسيه او الايرانيه

فأخوك مش حيفهم حاجه اساسا :lol:

اللي يهمني حاليا هو تكاليف المعيشه و طبيعتها في طهران

اخوكم شريف ابو عافيه

محاورات المصريين

طهران

[nash]

بلاش صدقني......

خلك هنا خليك.....

أيران؟؟

المنطقه أساسا بتغلي....ومش عارفين بكرة فيه أيه....

خليك في السليم يا موزهوري

[MZohairy]

يا جماعه الموضوع شبه قرار من مجلس الاداره و مينفعش يترفض بالسهوله دي

[رمضان]

على العموم ولا يهمك في خلال 24 ساعة هيكون عندك كل التفاصيل عن طهران لان لي اصدقاء ايرانيين واصدقاء زاروا ايران كتير وانا كنت معزوم ازورها سياحة بس رفضت خوفا من رد الفعل وسوء الفهم

بس ثواني انته شركتك في اي دولة وهل ليها فروع هناك وفي اي مجال

[أبو زياد]

مجلس إدارة إيه ياعم !!

دة أنا لو مجلس إدارة جامعة الدول العربية قرر كدة حاهرب بجلدى ..

خليك فى كندا أحسن !!!!

أول شىء هل لديك أولاد إسمهم عمر أو عثمان ؟

لأ بجد ممكن يكون فيه تجديد و حوافز أحسن ..

فكر يا عم زوهيرى و ربنا يوفقك و فى اعتقادى إنك عايز معلومات من مصر من ناحية التعامل الأمنى أما معلومات المعيشة هناك فأظن أنها تمام التمام ...

بس حتوحشنا !!!

للأسف مفيش وشوش بتعيط فى الرد السريع !!!!

[MZohairy]

مجلس إدارة إيه ياعم !!

دة أنا لو مجلس إدارة جامعة الدول العربية قرر كدة حاهرب بجلدى ..

خليك فى كندا أحسن !!!!

أول شىء هل لديك أولاد إسمهم عمر أو عثمان ؟

لأ بجد ممكن يكون فيه تجديد و حوافز أحسن ..

فكر يا عم زوهيرى و ربنا يوفقك و فى اعتقادى إنك عايز معلومات من مصر من ناحية التعامل الأمنى أما معلومات المعيشة هناك فأظن أنها تمام التمام ...

بس حتوحشنا !!!

للأسف مفيش وشوش بتعيط فى الرد السريع !!!!

:D

كتر خيرك يابو زياد من ابو اياد :D

همتكو معايا الله يكرمك نجيب معلومات

اسحاق الخصاونه

محاورات المصريين

كندهار :lol:

[otaka]

اتوكل على الله يا زهيرى بس اوعى تتجوز

لان اصلا انا متعقد من الموضوع ده

عيلتى بقت اللغه الام فيها الفارسى ولاد عمامى كلهم متجوزين من هناك فمش طالبه نخسر كمان عنصر :lol:

بعدين مجلس الاداره يعنى هيكون احسن من اتحاد الكوره بتاعنا

اعزمهم على كباب و كفته يودوك سويسرا

[Diab]

آه صحيح ما هو انت عشان عايش في الخبر وبينك وبين إيران فركة كعب

نفسك هفت عليها . علي كدة اللي شغال في الأردن مجلس إدارة شركته حياخد قرار بنقله ل

تـــــــــــــــــــــــل أبــــــــــــــــــــــــيـــــــــــــــــــــب

[MZohairy]

طب اتأكد من حكاية الموضوع الأمني في مطار القاهره ده ازاي؟؟؟؟؟

[se_ Elsyed]

طب اتأكد من حكاية الموضوع الأمني في مطار القاهره ده ازاي؟؟؟؟؟

أول ما تلاقي نفسك إتعكشت وروحت لاظوغلي - مبنى مباحث أمن الدولة ... ممكن ساعتها تشُك إنك إتقبض عليك بتهمة التخابر لحساب دولة أجنبية ...

وبعدين أول ما تلاقيهم إبتدوا ينفخوا فيك ... ممكن تشك إنك بتتبهدل

وبعدين أول ما مرحلة النفخ توصل 45 ... كده تقدر تتأكد إنك روحت في أبو نكله

مع السلامه يا زهرهر .. هاتوحشني

مش قادر أقولك هاجيب لك عيش وحلاوة .. لإن المكان اللي إنت رايحه لا بينفع معاه عيش ولا حلاوه ولا جبنة براميلي حتى فانا هاديك اتنين جنيه وربع ووجيب اللي نفسك فيه ..\\\-----------

بس بجد إضافة إلى كلامنا المستفيض بالأمس تليفونيا ً ( بقيت تكلفني غالي قوي يا مزهرجي ) حاول تتحجج بالوضع الأمني هناك الآن خصوصاً مع دقات طبول الحرب التي تقرعها أمريكا

خد الخبر ده من الأهرام

الجحيم الأمريكي ضد إيران لن يقتصر علي المنشآت النووية

خطط لتدمير قدرات طهران العسكرية وزعزعة الشرق الأوسط

حشود عسكرية إيرانية عـلي الحدود مع كردستان العراق

واشنطن ـ طهران ـ وكالات الأنباء‏:‏

تكشفت أمس في واشنطن ملامح سيناريو الجحيم‏,‏ الذي ستعيشه إيران‏,‏ إذا ما قررت الولايات المتحدة شن هجوم عسكري ضدها‏,‏ وقال مسئول سابق في الإدارة الأمريكية‏:‏ إن الخطط الطارئة للقيام بعمل عسكري ضد البرنامج النووي الإيراني تتجاوز مجرد توجيه ضربات محدودة لهذا البرنامج‏,‏ وقد تؤدي بشكل فعلي إلي حرب ضد إيران‏.‏

و لو الضرب بدأ ساعتها يابا لا هاينفعك الفزدق الإيراني ولا السجاد العجمي .. قال ويقولي تعالى معايا يا سين سين .... لأ يابا يفتح الله .. أنا كبيري قوي أروح أكل في مطعم شيراز الإيراني اللي في شارع التحلية هنا .. وده كمان ما عنتش رايحو أحسن الأقمار الإصطناعيه تلقطني وانا داخل هناك ورجلي تيجي في الخيه ... بناقص أكل إيراني ...

ده أنت هاتاكل ضرب .. ما كلهوش حرامي إتمسك متلبس بيسرق الجزم بتاعت الناس اللي كانوا بيصلوا صلاة الجمعة اليتيمة وما فيش غير جامع واحد في المنطقة فالكل كانوا موجودين هناك

بس جرب وروح ومش هاتخسر حاجه .. وأهي تبقى تجربة تضاف إلى قاموس تجاربك الحياتية

( كده قربنا نخلص من مزاهيري في عملية نضيفة 100 % )

وتقبل تحياتي

اخوك / المُلا سين سين رافسنجاني

[Tafshan]

بقى مجلس الاداره مصمم :o

تيب :lol:

في الحاله دى يبقى الموضوع مختلف . ..

حاول تخلع يا ولدى العمر مش بعزقه ... و لو ما عرفتش .. اخرج منها على كندا و لا استراليا .. المهم بلاش ترجع مصر تانى :excl:

او ممكن تعمل حاجه نميسه ..

لو مهمه و ح تروح ... قدم على جواز بدل فاقد في السفاره المصريه في السعوديه لما ترجع و بكده تتخلص من الفيزه نهائياً mfb:

ملحوظه .. احترس من الصنف الناعم الايرانى .. يقال عنهم و العياذ بالله .. زى القمر .. و بالرغم من انهم كلهم :D بس المقررات سهله جداً :D

طبعاً زهيري و ما اعهده فيه من اخلاق القريه ينئى بنفسه عن مثل هذه الترهات :o

[واحد تاني]

مرجع كويس

دول زرتها وانطباعاتى عنها

[رمضان]

بص يا سيدي بالنسبة للحياة في طهران المعيشة هناك رخيصة جدا لابعد ما تتصور

بالنسبة للسكن في العاصمة افضل شقة بحوالي 150.000 تومان يعني حوالي 45 دينار بالكتير قوي

ايه استفسارات اخرى

[أبو زياد]

كتر خيرك يابو زياد من ابو اياد :angry2:

همتكو معايا الله يكرمك نجيب معلومات

اسحاق الخصاونه

محاورات المصريين

كندهار :closedeyes:

معلش يا مستر اسحاق ..

تهنئة صغيرة و تعبير عن فرحتى بكبر إياد أيدك الله به و بارك لك فيه ..

فعلا فرحتنى بالصورة الجديدة _ أيوة كدة بقى بنى آدم - :rolleyes:

مش حرام القمر دة يروح كندهار ؟؟

[kokowawa1979]

الأخ زهيري - كما ناشدك جميع الإخوة بلاش هذه السفرية التي سوف تجعلك كعب داير على جميع مراكز حبايبنا الحلوين والمشكلة أنها ستطول أبناءك وأبناء أبنائك في حياتك إن شاء الله - لأن حبايبنا الحلوين سيبدأون في فتح ملف خاص بك ثم أبناءك والأحفاد وهكذا كل ذكر يولد في العائلة إلى يوم الدين - هذا هو مبدأ حبايبنا الحلوين .

لهذا لاتستهين بالموضوع حقيقة -لأنك ستفاجأ بوقف ترقياتك ويمنع على أبنائك مستقبلا الالتحاق بأي جهاز حساس لأنه سيكتب في ملفهم : والدهم زائر سابق لإيران !!!

وإن كان ولابد من السفرية فعليك بكتابة مذكراتك اليومية لحظة بلحظة وتقديمها كاملة لحبايبنا الحلوين بمجرد وصولك !!

ألا هل بلغت اللهم فاشهد

تم تعديل 27 يناير 2007 بواسطة kokowawa1979

[MZohairy]

كتر خيرك يابو زياد من ابو اياد :angry:

همتكو معايا الله يكرمك نجيب معلومات

اسحاق الخصاونه

محاورات المصريين

كندهار <_<

معلش يا مستر اسحاق ..

تهنئة صغيرة و تعبير عن فرحتى بكبر إياد أيدك الله به و بارك لك فيه ..

فعلا فرحتنى بالصورة الجديدة _ أيوة كدة بقى بنى آدم - :angry:

مش حرام القمر دة يروح كندهار ؟؟

عقبال ماتشوف ولاد زياد كده يارب في عزك :angry:

الأخ زهيري - كما ناشدك جميع الإخوة بلاش هذه السفرية التي سوف تجعلك كعب داير على جميع مراكز حبايبنا الحلوين والمشكلة أنها ستطول أبناءك وأبناء أبنائك في حياتك إن شاء الله - لأن حبايبنا الحلوين سيبدأون في فتح ملف خاص بك ثم أبناءك والأحفاد وهكذا كل ذكر يولد في العائلة إلى يوم الدين - هذا هو مبدأ حبايبنا الحلوين .

لهذا لاتستهين بالموضوع حقيقة -لأنك ستفاجأ بوقف ترقياتك ويمنع على أبنائك مستقبلا الالتحاق بأي جهاز حساس لأنه سيكتب في ملفهم : والدهم زائر سابق لإيران !!!

وإن كان ولابد من السفرية فعليك بكتابة مذكراتك اليومية لحظة بلحظة وتقديمها كاملة لحبايبنا الحلوين بمجرد وصولك !!

ألا هل بلغت اللهم فاشهد

اشكرك يا كوكوواوا على النصيحه

بس المشكله اني اتصلت بأحد لواءات الجوازات بمطار القاهره واللي أكدلي ان طالما الإقامه في إيران مبرره (يعني عقد عمل واضح) يبقى مفيش أي مشكله

و كررت السؤال اكتر من مره و كانت الاجابه واحده!!!!!!

وعلى فكره مصر عندها ممثليه في طهران برئاسة سفير من الخارجيه المصريه!!

احترت والله

رأيك ايه؟