إشمعنى؟

[Sherief AbdelWahab]

اليوم في أخبار السادسة في التليفزيون الرسمي المصري قالت المذيعة خبراً كان موجوداً على الشريط الإخباري بأن النائب العام يتابع شخصياً التحقيق في واقعة الإهمال التي نسي فيها طبيب - محترم - فوطة في بطن مريضة..

الغرابة هنا أنه كانت هناك حالات سابقة أفظع ولم يتم نقاشها في أي من وسائل الإعلام رغم أن النيابة حققت فيها هي الأخرى.. إشمعنى؟

خلص الكلام

[هيليوم]

بسبب اهتمام الرئيس بالموضوع :) راجع الصفحه الأولى من جريدة الأهرام عدد الجمعه :happy:

[drhouba]

أولا خبر يدعو للحزن و الحسره فى آن واحد يعنى الكوارث اللى نازله ترف على دماغنا و مفيش غير الموضوع ده اللى مهتمين به على الصفحه الأولى للجرايد و الله حاجه تقرف

ثانيا و ده الأهم معروف على جميع المستويات الطبيه إن نسيان فوطه فى بطن مريض أثناء عمليه جراحيه ليس مسئولية الجراح نهائيا و إنما مسئولية ممرضة العمليات المساعده له لأن من ضمن واجباتها أثناء العمليه و قبل أن يقوم الجراح بإنهاء الجراحه أن تقوم بحساب عدد الفوط التى بحوزتها لتعرف إن كان هناك نقص و اللا لأ و تقوم بإبلاغ الجراح إذا كان فيه أى نقص لأن ده معناه إن فيه فوطه مفقوده فيقوم الجراح بمراجعة مكان الجراحه للعثور عليها هى دى الحقيقه اللى مفيش حد مكلف نفسه يسأل عنها قبل ما كل يوم و التانى أى صحفى فرحان بخبر نسيان طبيب لفوطه داخل بطن مريض يا شباااااب الدكتور أى دكتور غير مدان فى هذه الواقعه بس الناس بتستسهل و مفيش حد عاوز يتعب نفسه بالسؤال عن الحقيقه أو متابعة نتيجة أى تحقيق جرى فى حوادث مشابهه لأن ببساطه فى هذه الواقعه

الدكتور براااااااااااااااءه :happy:

تم تعديل 20 يناير 2007 بواسطة drhouba

[Sherief AbdelWahab]

مع احترامي لوجهة نظرك يا دكترة..

الدكتور حيعلق المسئولية على الممرضة ، والممرضة حتعلق المسئولية على إدارة المستشفى ، وهلم جرا لحد ما نتوصل لخلاصة إن اللي عمل الموضوع دة عفريت من الجن على علاقة بجماعة الإخوان!

والجرايد تصوت وتطالب بالقضاء على الإهمال اللي مش عارفة مصدره!

حاجة تحرق الدم فعلاً..

قُصْر الكلام : ليه الرئيس اهتم بالحالة دي دوناً عن بقية الحالات؟ ليه ما أصدرش توجيهاته للوزير الدكتور حاتم الجبلي ونقيب الأطباء المحترم الدكتور حمدي السيد بفتح ملف الإهمال الطبي البشع في مستشفيات مصر؟ صحيح التحقيق في الجرايم دي مهم ، لكن فتح الملفات أهم لقطع المشكلة من جذورها..

خلص الكلام

[drhouba]

شريف باشا أنا مش بأعلق المسئوليه على الممرضه أنا بأوضح حقيقه غايبه عن الناس لأنهم غير متخصصين أما بالنسبه لملف الإهمال الطبى فببساطه شديده مش حيتفتح عارف ليه ؟ لأن مفيش حد من الباشوات بيتعالج فى مستشفيات الحكومه

[Sherief AbdelWahab]

طبقاً للجامعورية أحيل المتهم إلى محاكمة عاجلة..

إشمعنى؟ بجد إشمعنى؟

إشمعنى ما شفناش حد اتسبب في وفاة مواطن اتقدم لأي شكل من أشكال المحاكمة؟

إشمعنى ما شفناش صحفي راح حقق مع الدكتور المتهم ولا سمعنا وجهة نظره أياً كان سخفها وعدم إقناعها وضعف منطقها ، في الوقت اللي الست منى الشاذلي سمحت فيه لهاني سرور ولشركته بإبداء وجهة نظرهم رغم إن جريمتهم أفظع من مجرد إهمال طبي مع تسليمنا بفظاعة الإهمال الطبي في حد ذاته؟

إشمعنى ما شفناش نقابة الأطباء اللي بتنصر أعضاءها ظالمين ومظلومين بالحق وغير الحق؟ رغم إننا شفنا في وقائع إهمال أفظع ناس من النقابة بتتشنج وتقول إن الطب في مصر مستهدف ومصر مستهدفة ولدينا مش عارف إيه أعلى مستوى؟

هل فقط لأن الرئيس علم بما حدث؟

إذا كان هذا قد حدث لأن الرئيس علم بما حدث فاسمحوا لي بالقول بأننا قد تم الضحك على ذقوننا جميعاً .. نفر نفر على رأي سهير البابلي ، عندما قالوا أن هناك حراك سياسي ، فما أراه هو حراك إلى الخلف .. وما هي جدوى كل ما يحدث من انتخابات واستفتاءات وتعديلات دستورية وملوخية ومهلبية إذا كان كل شيء في مصر ينتظر أوامر السيد الرئيس وإشارة السيد الرئيس وعلم السيد الرئيس وتعليمات السيد الرئيس؟ ماذا تفعل مؤسسات الدولة بالله عليكم إن أخذنا من يقول لنا أن مصر دولة مؤسسات على قدر عقله وصدقناه؟

إشمعنى .. وستين إشمعنى كمان..

وآدي الكزرووووووووووووووووووووووووووووووووووووووووووووونة لو سامعاني يا أميرة.. <_<

خلص الكلام