ملل الزوجه غير العامله والمقيمه مع زوجها في الغربه

[Simba]

الاخت سمبا

ياعم انا شاب

[نورت مصر!!!]

اسف حقيقي بس ياعم متزعلش عموما كل سنه وانت طيب ياراجل ياطيب

[أبو زياد]

إبعد عن كل من : الإنترنت - و التليفونات - و الجيران ( فى حدود ) - وخففوا شوية من الأسواق - الأسعار مولعة و أفضل شىء زيارات الأقارب والمعارف اللى ببلاش مع عدم الإختلاط -

هو اللي بتتكلم عليها ديه يا ابو زياد ....الزوجه ...ولا الاسير mfb:

لا أتكلم لا عن الزوجة و لا عن السير

الزوجة ليست أسيرة و لكنها قرة عين الزوج وعمود البيت الذى لا يمكن له ان يستقر بدونها

ولا يمكن ان تستقر الحياة إذا شعرت بالملل أو الضيق ..

أوضح ما قلت قبل أن تحكمى عليه اختى العزيزة :

قلت إبعد و لم أقل أبعدها و قلت فى حدود و ياليتنى كتبت ( إحترس من كذا) حتى لا يفهم كلامى خطأ

كل ما كتبته له أضرار و محاذير معروفة و هذا ما قصدته وأردته

أكرر ما ذكره جميع الإخوة و لولا اهمية هذا الموضوع لما اشتركت فيه و لما أثاره الأخ الفاضل

إهتمام الزوج بالزوجة لا يجب ان يقل عن اهتمامه براحته بعد ساعات العمل ..

وشكرا لكم ...

[ام حبيبة]

موضوع جميل

وفعلا مشكلة ... تعانى منها كثير من البيوت فى الغربة

انا كنت اعانى من نفس شعور زوجتك فى اول الزواج وانتقالى للعيش مع زوجى مباشرتا الى الكويت

عشت حياة الوحدة بمعنى الكلمة :huh: ...

ما كان فى تليفون فى البيت ... وبالتالى ما فى انترنت ... وما كان فى حتى تلفزيون

جلست هكذا لمدة 3 شهور -_-

حتى استقر الحال ودخل التليفون وجاء التلفزيون ودخل الدى اس ال ... والمية والنور كمان -_-

ولكن ظل الشعور بالوحدة (لانى ما بعرف احد وغير مسموح لى بمعرفة الجيران :huh: )

ظللت ابحث وابحث ... الى ان وجدت المخرج الحمد لله

فلا يمكن ان تترك الزوجة نفسها فريسة للوحدة والفراغ ... يجب ان تبحث ان اى شئ مفيد يملئ فراغها

ان تنمى هواية من هوايتها ... رسم اشغال فنية ... شغل ابرة ... طبخ ... تصوير فتغرافى .... كتابة الشعر او القصة

(وهناك الكثير من المنتديات التى تعلم كل هذة الهويات .. واحنا فى البيت)

ان تتعلم لغة جديدة ... ممكن فى البيت عن طريق السى دى المتخصصة

ان تشترك فى احدى المنتديات التى توافق اهتماتها (وهناك الالاف من المنتديات الجادة الهادفة فى كل مجال)

ان تحاول حفظ القران الكريم ... وهناك منتديات متخصصة ايضا فى ذلك وتقوم بالتسميع والمساعدة على الحفظ

فى الكثير والكثير من الامور التى تشغل العقل والبال

وتجعل من الزوجة كتلة من النشاط والحيوية ... حتى من غير ما تخرج من البيت ... ومن غير اصدقاء ولا جيران :huh:

انا من كثرة مشغولياتى ما بقى عندى وقت اقوم بة بالكثير مما يدور فى عقلى وما عندى وقت اتعرف على اصدقاء ولا جيران -_-

حتى اننى اقوم باشراك زوجى باهتمامتى واخذ رائية ... واجدها مناسبة جيدة لفتح حوار هادف بنا

حاول ان تساعدها اخى الكريم فى البحث عن هواية او تنمى عندها هواية بتحبها ... هو دة الحل

لانى لست مع خروج الزوجة للعمل ... ارى ان المشكلات بتزيد فى اغلب الاوقات ( ليس كل الاوقات)

خصوصا لو فى اطفال

اتمنى ان تحل مشكلتكم ... والله ييسر لكم الامور

تم تعديل 25 يناير 2007 بواسطة ام حبيبة

[نورت مصر!!!]

جزاكي الله خير اختنا ام حبيبه علي هذه النصيحه الجميله التي تنبعث من الاعماق لتدخل للاعماق وزوجتي ايضا بتشكرا

وربنا يهدي الجميع لما يحب ويرضى

[برو]

انا شايف ان الموضوع دة سببة ان مفيش علاقات اسرية او اجتماعيات ودة تتحل من خلال انك تعمل اجتماعيات مع ناس ويبقا فية زيارات عائلية مع اصحابك المتزوجين فى الشغل وبكدة هتتكون علاقات اسرية هتشغل الوقت ولو من خلال اتصلات وكلام وكدة يعني وربنا يصبرنا كلنا على الغربة

[Handasah]

انا شايف ان الموضوع دة سببة ان مفيش علاقات اسرية او اجتماعيات

انا بختلف شوية مع رأى الاخ برو ان مفيش علاقات اسرية اواجتماعية جيدة بالعكس فى علاقات اسرية اواجتماعية جامدة جدا بس احيانا لايوجد تقدير من الزوجين لطبيعة الغربة وقسوتها واحيانا الزوج يأتى على حق زوجتة او اسرتة بالكامل واحيانا اخرى كتيررررررررررررالزوجة لاتكون مقدرة ان الزوج يكون متعب وانا رأى ان اهم شىء للزوجة هو ملىء وقت فراغها بالشىء المفيد والنافع لها ولاسرتها

[folan]

كلنا ذاك الرجل يا عم نورت مصر ..ا لكن الحكاية عايزة شوية صبر مننا إحنا الرجالة .. طبعا أخوك صبر صبر أيوب علي حاجات كتير .. لكن اللي لسة مزعلني وحازز في نفسويتي شوية .. حكاية خد الزبالة وأنت نازل لأن طبعا أحب أقول لك ولجميع الأمة العربية إن أنا مش زي ما إنتو فاكرين لا أنا شخصيتي قوية خالص

تحياتي

تم تعديل 19 مايو 2007 بواسطة folan

[hooba]

في الحقيقة انا لسه مش متزوج و لكن الموضوع ده فعلا شدني لاني لامسه يمكن بشكل مش مباشر مع اصدقائنا المتزوجين .......

و الموضوع ده فعلا كان من اهم الامور اللي خلتني افكر في اني اتجوز لما ارجع مصر و خاصه اني مش ناوي اطول هنا في جده......و كمان مش حابب اني اللي هاكون مرتبط بيها اكون سبب في بعدها عن اهلها و اصدقاءها في مصر ....طبعا ناس كتيير ها تزعل من كلامي ده......لإن الست لازم تكون مع زوجها و تقف جنبو و كده ....بس انا شايف ان الحياه مش الراجل و الست و الاولاد بس ....الحياه منظومه متكامله لازم تأثر فيهم و يأثرو فيها ....و طبعا مع مراعاه كل منهم لظروف الاخر و طبيعه عمله و اهتماماته ............

و ربنا يصلح الحوال و يقصر أيام الغربه و يعطي لكل طالب مراده ...

[Ghost]

معادلة راحة الزوج و سعادة الزوجه المغتربين تكاد تكون شبه مستحيله خصوصا بالنسبه للزوجه التي اعتادت على العمل والاندماج في المجتمع

مش بس في السعوديه و الخليج..

عندي زمايل و اصدقاء في لندن و باريس و تونس و هامبورج و بلاد اخرى ولم يستطيعوا تحقيق المعادله بشكل جيد

الزوجه التي لم تندمج في المجتمع المدني بشكل كبير و لم تعمل في بلدها الأم لن تجد صعوبات تذكر في الحياه المذكوره

الحل الوحيد هو اشغال وقت الزوجه بما يفيدها و يفيد اسرتها و يضيع وقتها فيما ينفع وفيما يسليها ايضا

وبالتجربه لا يوجد غير عمل الزوجه أو وجود مجتمع تندمج فيه لتسهل عليها حياتها في الغربه

لذلك يلجأ البعض في السعوديه مثلا الى السكن فيما يسمى بالكمبوند أو المجمعات السكنيه و هي عباره عن مجموعه من الفلل و الشقق في مكان واحد مع بعض المزايا مثل حمام السباحه و الجيم و ملعب التنس و الباسكت و اتوبيسات توصيل المدارس و خلافه

في هذه المجمعات يتواجد من 10 الى 200 اسره على حسب حجم و مستوى الكمبوند مما يجعل الحياه اسهل في معظم الأحيان

و لكنها ايضا لا تخلوا تماما من العيوب الا ان نفعها اكبر من ضررها كثيرا

و الله كلامك ما في بعدة يا زهيري .. ياههههههه انا ما كنتش متخيل حجم المشكلة بهذا الشكل

بس اعتقد ان الزوجة الكويسة هتكون 100 100 في الداخل و الخارج , و هتكون متفهمه الى حد كبير حجم المسئوليه

شكرا

[Wishes]

معلش بس محدش قال الملل تتخلص منه ازاي الزوجه:كلكم بتهددوا الست وبس.خصوصا ان الحياه هنا مغلقه تماما ودرجه الحراره الجو لاتسمح بخروج ولو الست معندهاش ولاد .بتفضل تكلم اربع حيطان