لما الدخل يكون 20 مليار جنيه ليه نقترض 30 مليون دينار كويتي

[Simba]

في جريدة الأخبار النهاردة وعلي صفحة واحدة صرح رئيس الوزراء بأن الدخل من خدمة الاتصالات وبيع خدمة الجيل الثالث 20 مليار جنيه تضخ في المشروعات الخدمية لما يعود بالنفع علي المواطن وفي نفس الصفحة مصر تقترض من الكويت 30 مليون دينار كويتي( 1.2 مليون دولار ) بقروض ميسرة لتمويل محطة الكهرباء

حقيقي انا انا مش بفهم في الاقتصاد قد ايه كده بس الحكاية لخبطتني في ايه فيه دخل وفي ايه بنقترض

حد يفهمني علشان استوعب

جريدة الأخبار

[يحى الشاعر]

مش عايزين نعيش ولا إيه ....؟؟؟؟

.. مين الل راح يغطى تكاليف "دعوة العشاء بالليل ... والجواز ... والخطبة ... مش عايزين نفتح أبواب الشقة من بحرى لقبلى" ... مش كل ده بيكلف فلوس ... طب وراح تييجى منين ؟؟؟ .. فالشعب مامعهوش حاجة ... يعنى راح يجوع ... "مش الشعب" .. لآ ... شعب مين .... ؟؟؟؟ ده أحسن له ينام على الأرض ... اللى عمل القرض ... "الفوائد والنسبة فى البنك .. وفرق التحويل من بنك للتانى ... "

لأ خلينى أبعد عن نقدها دى بقى ... بعدين تفكرنى بألأمريكانى معاذ ...

ماتعرفش مين ده ... "خــســـارة يبقى فاتت وبتفوت عليك" ...

يحى الشاعر

تم تعديل 23 يناير 2007 بواسطة يحى الشاعر

[الحاج فوزى]

لأ خلينى أبعد عن نقدها دى بقى ... بعدين تفكرنى بألأمريكانى معاذ ...

:wub: :wub:

حسين

[أبو حميد]

في جريدة الأخبار النهاردة وعلي صفحة واحدة صرح رئيس الوزراء بأن الدخل من خدمة الاتصالات وبيع خدمة الجيل الثالث 20 مليار جنيه تضخ في المشروعات الخدمية لما يعود بالنفع علي المواطن وفي نفس الصفحة مصر تقترض من الكويت 30 مليون دينار كويتي( 1.2 مليون دولار ) بقروض ميسرة لتمويل محطة الكهرباء

حقيقي انا انا مش بفهم في الاقتصاد قد ايه كده بس الحكاية لخبطتني في ايه فيه دخل وفي ايه بنقترض

حد يفهمني علشان استوعب

يعني هما العشرين مليار هما اللي هايغنونا ويسدوا كل الخروم اللي في الميزانية دا الحكومة لحد السنة اللي فاتت كانت مديونة داخليا فقط ب 600 مليار جنيه وساحبين أموال التأمينات كمان وما خفي كان أعظم.

يعني من الأخر لو الحكومة لقت ذهب دلوقت قيمته الف مليار جنيه برضه الحكومة هاتقترض من أي حد ممكن يقرضها.

ويجعله عامر

[se_ Elsyed]

بص يا سيمبا

التاجر الشاطر هو اللي ما بيشتغلش بفلوسه

دي حقيقة

يعني تلاقي معاه سيوله ومع ذلك بيقترض .. نوع من انواع توجيه الموارد

وبعدين ممكن فائدة لاقرض تكون أقل من فائدة إيداع المبلغ المملوك للتاجر في البنك .. يبقى انهو أحسن ؟

كما إن عامل السيولة له دور

صحيح ممكن نتوقع دخل كذا مليار من صفقة معينه .. لكن أنا محتاج أنفذ مشروع دلوقت حالاً بعدة ملايين فقط .. يبقى لسه هاستنى الفلوس اللي جايه ولا أقترض أسرع عشان ما أخسرش بمرور الوقت ؟

أنا لست ضد مبدأ الإقتراض

ولكن ضد مبدأ عدم الشاففية المُتبع في مصر واللي ما بتعرفش فيه مين راح فين ومين جه منين

على سبيل المثال الإشاعة أو بلونة الإختبار اللي أطلقها أخونا محمود محي الدين وزير الإستثمار من يومين - الراجل شغال ون واي بصراحة بيبيع بس ما بيشتريش - عن عمليات البيع الواسعة لما تبقى من شركات القطاع العام هذا العام ورجع تاني يوم وكذب الخبر

لكن أؤكد لك يا عزيزي سيمبا إن ده هايحصل .. الراجل بيقولك الديون الداخلية للقطاع الحكومي كانت 30 مليار وده للبنوك المملوكة للدولة .. بيعنا اللي ورانا واللي قدامنا لحد عمر أفندي نفسه وسددنا 20 وباقي علينا 10 .. ساعدونا يا أسيادنا ومن قدم شيء بيداه إلتقاه

فهايبيعوا الباقي عاشن يسدوا العجز

وفي الأخير نقعد على الحديدة ده لو ما باعوش الحديدة هي كمان