إهداء إلى العزيزة ناش وإلى كل قائدات سباقات الفورميلا 1

[se_ Elsyed]

منذ ان قصت علينا أختنا ناش حكايتها ومعانتها مع موضوع ركن السيارة أو كما يقول عليها إخواننا الخليجيون " تلبيك السيارة " لم يغمض لي جفن واخذت عهد على نفسي بان أحل لها مشكلتها بأي ثمن ومهما كانت التضحيات .. وقمت بفتح إتصال مع جميع منتجي السيارات من أول الفيات قردة في مصر لـــــــــــــــــــــــــــــــــــــــــــــــــــــــــــــــحد الماياباخ في دولة الرايخ الثالث

وحمداً لله اللي ما بيخيبش رجائنا - عشان خاطر الولايا اللي حدانا - فلقد أكدت عليهم جميعاً بإن لديهم فرصة لا تزيد عن إسبوعين عشان يلاقوا لي حل لمشكلة التلبيكة عشان ما يبقاش لناش تلكيكة وتحطم سيارات البشر

والآن ها هو الحل السحري أيها السادة وفعلاً " اليابانيين ما خلوش حاجه لحد "

وسمعوني الصلاة عالنبي

كيف تركن سيارتك من غير ما تحُك في سيارة جارتك

[inas]

في ايه يا س س

ناش الحقي شوفي دا اسمك مكتوب :sad:

انا تخصص في ركن السيارات

داركر مش عايزه اسمع صوتك هنا :sad:

[nash]

ياسلااااااااااااااااااااااااام لما ألاقي أسمي محطوط علي الصبح..... :wub:

بس الحقيقه...داخله وأنا مقدمه رجل...وسايبه التانيه برة علشان ألحق أجري.....

مش عارفه ليه مش مستريحه للفقره دي في العنوان (وإلي كل قائدات سباقات الفورميولا 1)

.................................................................................................

سي السيد طول عمرك طيب وبريء الصراحه :sad:

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

منذ ان قصت علينا أختنا ناش حكايتها ومعانتها مع موضوع ركن السيارة أو كما يقول عليها إخواننا الخليجيون " تلبيك السيارة " لم يغمض لي جفن واخذت عهد على نفسي بان أحل لها مشكلتها بأي ثمن ومهما كانت التضحيات <<<<< أنت فاهم غلط...أنا معنديش مشكله نهائي في الركن المشكله عند أصحاب السيارات المركونه من الأول :blush:

..............................................................................................

عشان يلاقوا لي حل لمشكلة التلبيكة عشان ما يبقاش لناش تلكيكة وتحطم سيارات البشر <<<<<<<<طب وانا أعيش إزاي دلوقتي من غير ما أحطملي عربيتين علي الصبح...بدل فنجان القهوة الحقيقه.... :wub: :wub:

.....................................................................................

والآن ها هو الحل السحري أيها لاسادة وفعلاً " اليابانيين ما خلوش حاجه لحد "

مش قلتلك مش مستريحه للموضوع من الأول :angry2:

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

الله يسامحك...... (وش واحده متشحتفه)

...................................................................

للأسف الشديد أنا عارفه.....أن ماليش حل مع الركن بالعرض....

ولا بالطول كمان.....

بس عارف....( هاتفاجأ إن ناش فتحت مدرسة لتعليم السواقة ولا يهمني )

[نانو]

بس عارف....( هاتفاجأ إن ناش فتحت مدرسة لتعليم السواقة ولا يهمني )

نوكن اخد درس في السواقه عندك :P

علشان مش بأعرف اخبط اي عربيه وانا سايقه ولا حتي وانا بأركن :sad:

[Folana]

السلام عليكم ورحمة الله ....

:) ايه ..نعم..فيه حد نادى علىّ وصحانى من النوم؟...مين بيقول قائدات سباقات الفورميلا؟....

موضوع محزن جدا يا س.س......بتفكرنى بمآسى حياتى كلها...

ولا تزعلى يا ناش ...كلنا فى السواقة مهلبية...:).....تصورى كل مرة اسوق وزوجى جنبى..الاقى وشه تحول الى الوان الطيف..مش عارفة ليه؟. :P ..ويقولى اركنى ..اركنى...انزلى ..انزلى...ايون كل كلمة بيكررها مرتين كده ويشاور بايده...زى شريط الكاسيت السافف كده... :)

ويكمل هو سواقة...بس انا باركن كويس جدا على فكرة...الحمدلله ......امام بيتى رصيف طويل عريض لانى ساكنة على ناصية..لا حد قدامى ولا ورايا...وزوجى بيكون واقف زى اشارجى المرور. أو منادى السيارات....ويقولى ايوه ..تمام ..لفى...هاتى ورا شوية ...بسسسسسسس خبطتى فى المركب....

لكن الحمد لله على كل شىء...الحمد لله ....بس انا مرة واحد خبطنى..او خبطته مش عارفة ..مش متذكرة..ونزل كسر لى العربية ..ومن يومها ياحضرات وانا باخاف جدا ..واول ما الاقى عربية داخلة على ..افضل اقول يانهار اسود..يا نهار اسود ..وافتكر الرجل التيب ده :) :lol:

اييييييييييييييييييييييييييييييه....نهايتو...جوزى جاب لى سواق اختصارا لتكاليف التصليح ...

حاسة بك يا ناش فعلن فعلن...... :sad: