استفتاء للزوجات

[Scorpion]

بسست .. زهيري ..

كلمة علي جنب يا كابتشن ...

ما هم كل عشر صوابع قايدين فيه وراهم حماة ...

حتتصرف بقي ازاي مع اربع حموات فاتنات ... و يا حظك بقي لو ربنا رزقك بواحدة زي حماتي ...

و زي ما دخلت الموضوع ده و انا بتسحب ( سكون فوق التاء و شدة فوق السين ) أديني خارج بتسحب من سكات ....

[inas]

ياه اربعه صحيح الا اذا عمل حسابو يكونوا يتاما كلهم :unsure:

زوهيري دا لو موافقين امال لو مش مافقين يبقى بالعند والغصب والاجبار الزواج مفهوش اكراه

والشرع حلل لزوج انو يتزوج باخرى وحلل للمراه طلب الطلاق في حالة وقوع الضرر النفسي عليها

ما ارحم شريعتنا الاسلاميه وجدة كل الحلول لراحة الطرفين

لكل شيء حكمه

وعارف ان ايام الحرب العالميه الثانيه

قررت المانيا بتعدد الزوجات وذلك لارتفاع نسبة العنوسه في ذلك الوقت

لي عوده اخرى

[Folana]

السلام عليكم ورحمة الله ...

أنا كنت معدية من هنا ...وقرات كلام مصرية...ماتصلى على رسول الله كده امال...ايه فيه ايه ..مالك واخدة الموضوع جد كده؟...:unsure:

ياواش ياواش علينا....

انت حرة فى رأيك طبعا بس مش معنى كده ان هو اللى صح...وانا ماقلتش على فكرة هو مافيش الا زوجى اللى حيعمل الحسنة ؟..

لى اعتراض على جملة تانية قلتيها...ان الدين اجاز للرجل التعدد كده من غير سبب...اسمحى لى بقى..احنا كده حنطور الموضوع للكلام فى الدين..واسمحى لى برضه انى باسجل اعتراضى...لان فيه اسباب للتعدد ده...

ولحد ما اصحى من النوم غدا صباحا...واتكلم من الناحية الدينية....انا برضه باقول...ان الزوجة لو قامت بدورها زى ربنا ما امرها ..يبقى حتعرف تحافظ على زوجها كويس...

وبرضه انت حرة فى رايك........

سكوب..يا سكوب........انا باحقد عليكم.... -_-

[نانو]

هايفضل الوضع علي ما هو عليه

الراجل بيحلم ويتمني .... ونفسه انه يتجوز واحده اتنين وثلاثه

و هاتفضل الست المتزوجه رافضه لمليون سبب ذكروا قبل كده

وهاتفضل البنت الغير متزوجه وسنها قرب علي العنوسه او الارمله او المطلقه ....تدافع عن تعدد الزوجات ...لانه ده حقها من وجه نظرها

يعني كل واحد بيدافع عن وجهه نظره ....و ليه اسبابه ومبرراته....

بس انا عن نفسي . هاقولكم وجهه نظري ملخصه كده وبسيطه ....و اهو اديني باخد ثواب في الرجاله علشان يتخيلوا زوجاتهم بيفكروا ازاي :unsure:

..لو خيرت ان جوزي يتجوز عليا ولا يهفه ترماي ( بعد الشر عنه طبعا)....هاختار الترماي وانا مطمنه و ضميري مستريح و هابقي مرضيه كمان -_-

[Folana]

السلام عليكم ورحمة الله .....

والله يانانو ..طول عمرى باقول عليك رادل من ضهر رادل...بتجيبى المستخبى ...منين ده يانانو هه؟....بيتباع فين يعنى؟...

انت كده قلت المفيد....

ولى عودة صباحا ان شاء الله...............

[إبن مصر]

دستور يا اخوانا..

السلام عليكم..

والله الموضوع من الاهميه الى تخلى الواحد يقايس ويخش..

المهم..

اطلاق التعدد كده على العموم فيه خطأ واضح شرعى ونفسى واجتماعى فرب العزه اشار الى ذلك .. وان خفتم الا تعدلوا فواحده....

ثم اضاف فى موقف اخر ولن تعدلوا بين النساء ولو حرصتم..

لذلك فالتعدد لابد ان يكون مسبب والسبب هنا لا يمكن ان تكون الزوجه والزوج لا يوجد اى منغص لحياتهم وتوافقهم ثم يقوم هو بذبحها بهذه الطريقه ..

ان حب الامتلاك والتفانى هى وقود الحب.. واى طعنه للمرأه بعد ان تشعر انها لا تلبى احلام ورغبات الزوج مما دفعه للنظر الى الخارج والزواج وان تشاركها فيه انثى اخرى؟؟؟

الاسباب التى ساقها حبيبى دارون هى الاساس.. لانه فى مرحله ما توافق الزوجه على ذلك طالما احتفظت بالكيان المادى لمملكتها ولا تهتم بما يطلبه قلب الرجل..

ولكن ان كان هناك لا يوجد مثل هذا الموقف.. فلماذا اذا.. ان مشاكل الارامل والمطلقات والعوانس لا تحل بالمتزوجين ولكن يحلها العزاب .. وهم كثره..

كفايه كده ولما ارجع ان شاء الله أكمل..

بس كميل والله الموضوع ده..

استر يا رب.. وبنت مصر ما تخشش اليومين دول!!!!!

[inas]

الله الله يا استاذ احمد انت فين من زمان

لذلك فالتعدد لابد ان يكون مسبب والسبب هنا لا يمكن ان تكون الزوجه والزوج لا يوجد اى منغص لحياتهم وتوافقهم ثم يقوم هو بذبحها بهذه الطريقه ..

ان حب الامتلاك والتفانى هى وقود الحب.. واى طعنه للمرأه بعد ان تشعر انها لا تلبى احلام ورغبات الزوج مما دفعه للنظر الى الخارج والزواج وان تشاركها فيه انثى اخرى؟؟؟

ولكن ان كان هناك لا يوجد مثل هذا الموقف.. فلماذا اذا.. ان مشاكل الارامل والمطلقات والعوانس لا تحل بالمتزوجين ولكن يحلها العزاب .. وهم كثره..

حكم يا ناس

شكرا ليك يا استاذ احمد ولازلت اكرر احنا مبنحرمش ولا بنقف ضد الشرع ولكن بعلم ورضا وموافقة الزوجه الاولى

[nash]

طبعا ده ردي علي كلامك أختي الفاضله مصريه يعني مصريه......لو فيه أخطاء في الأقتباس فده هايكون بسبب أستخدامي لهذه الخاصيه للمرة الأولي

وأنا هنا برد علي النقاط التي أوردتيها......وتعليقاتي عليها

كمان حكاية تصلحي من أخطائك دي مش سهلة ....مش أي أخطاء ممكن تتصلح...سعات بتبقى حكاية تركيبة <<<<< مين اللي قالك كده وفهمالك ؟؟ لا حبيبتي الطباع ممكن تتصلح إذا الرغبه في الإصلاح موجوده

شخصية إتكونت من زمان ...طباع مهما حاولتي تغيريها الطبع ذائما بيغلب التطبع...ميول مختلفة ..حاجات صعب تغيريها <<<<< ده فقط مبرر لإي واحده تريد أن تأخذ زوج من زوجته تبدأ في سياقه هكذا أعذار

كمان احتياجات عند الراجل إنتى مش قادرة توفريها حتى لو حاولتي..في حاجات انتي لو سمعتي عنها حتى ..حتقولي باستغراب إيه معقول؟ <<<<<< دي الحقيقه مافهمتهاش ممكن توضيح أكثر.... :) :rolleyes:

مش ممكن طبعا....الراجل بقا عنده معقول أوي و محتاجها..و في ستات هتوفرها له....حجات كثير جدا لأن ربنا مادام إدى لراجل حق التعدد<<<<< نفس تبرير أي إمرأة تريد أقناع نفسها بمشروعيه الزواج من رجل صاحب أسرة وأبناء وحياة

إلا وهو عارف خلقه و أدرى بعباده....مثلا و لله المثل الأعلى....حد صنع الة أو جهاز لما تشتريه هتلاقي معاه إيه ؟<<<<<< ولا الراجل معاه ريموت كنترول لزوجته برضه.....يعني معلش الأثنين داخلين حياة ومع الوقت كل واحد بيعرف التاني بطريقه صحيحه

فالله سبحانه وتعالى خلقنا و أنزل علينا كتاب إلي هو القرآن.....إلي أباح لراجل فيه أن يعدد من غير سبب...بشرط أن يعدل.<<<<<< بجد دي جديده.....يعني أيه من غير سبب كده من الباب للطاق ضربت في دماغه يتزوج بأخري قام رايح متزوج من الثانيه....دي تبأة حاجه جميله خالص :rolleyes:

فهو أدرى بنفسه...و كمان العدل إلي قال عليه ربنا هو عدل في المصروف...عدل في تقسيم الأيام بين الزوجات حاجات مادية <<<<<< خلينا من النقطه دي لإنها ليست محل جدال بينا لإن الزوجه ممكن تكون بتشتغل وتقدر تصرف علي أهله ومراته التانيه كمان

إنما في مسائل الأحاسيس و المشاعر و الحب طبعا دي حاجات مايقدرش يتحكم فيها أي مخلوق و هو ده إلي قصد ربنا بقوله تعالى:<<<<<< برضه ماتجيش واحده تلف علي راجل وده اللي بنشوفه الصراحه....بيكون هوة زي الفل مع أسرته وتيجي واحده تبتدي ترمي شباكها عليه وتخرب البيت :o

.

وكمان النساء الأرامل و المطلقات مين إلي هيتجوزهم...الراجل إلي لسة أعزب لو قال لأمه أنا عايز أتجوز وحده مطلقة أو أرمله <<<<< حقيقي دي مش مشكلتنا زي ما قال الأخ الفاضل أحمد محمود ألاف من الشباب بيقول يله الستر وبس

المتجوز لو قال لمراته كده...تبقى طلقني أنا و إتجوزها لو عايز...<<<<< ده لإنها ست محترمه وبتحترم نفسها في المقام الأول الحقيقه ولا ترضي بأنصاف الحلول

المهم حاسة إني طولت كده :blink: <<<<<<<لا أبدا ما طولتيش....حابه أعرف ردك الحقيقه

و نكمل بعد فاصل فولانة <<<<<< إن شاءالله لنا عوده برضه بس هايكون رد علي كلامك حبيبه قلبي اللي هاتقوليه :rolleyes:

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

[Folana]

السلام عليكم ورحمة الله ...

والله ياجماعة انا بعد كلام الاستاذ احمد مش باعرف اقول حاجة.......بس لو يسمح لى يعنى اكمل رغى معاكم شوية :rolleyes:

احنا بنتكلم عن الزوجة الطبيعية ..او عن الحياة الاسرية المستقرة...لما فجأة كده وبدون اى اسباب او مقدمات ..يجى الزوج ويعلن عن رغبته فى الارتباط من اخرى او يتزوجها سرا ..لا لشىء الا لاشباع نزوة عابرة يمر بها...او ان السيدة الاخرى قدرت توصل لكتالوج نفسيته وتلعب فى الزراير بتاعتها...هل ده مقبول؟....

ممكن احدى الزوجات تقول يالا فى داهية ...بكرة يشرب..انا مش خسرانة..معايا ولادى وشقتى وفلوسى....بس ده معناه ان زوجها كان بالنسبة بنك متنقل بيمولها من اجل الحصول على مستوى معيشى أفضل...وهنا بقى الخلل...

لانها كده مش فاهمة يعنى ايه حياة زوجية...ويعنى ايه قول الحق سبحانه وتعالى .." وجعل بينكم مودة ورحمة ان فى ذلك لآيات لقوم يتفكرون"....

وكأنما يلتقط الصور من أعماق القلب وأغوار الحس.......ليدركون حكمة الخالق فى خلق كل من الجنسين على نحو يجعله موافقا للاخر ...ملبيا لحاجته الفطرية (نفسية - عقلية - جسدية )..بحيث يجد عنده الراحة والطمأنينة والاستقرار

وقوله تعالى ..." يأيها الناس اتقوا ربكم الذى خلقكم من نفس واحدة وخلق منها زوجها وبث منهما رجالا كثيرا ونساء "

لو أدركنا هذه الحقيقة البديهية ...لعلمنا ان الله سبحانه وتعالى شاء ان تقوم الاسرة على اساس الارتباط الوثيق بين الرجل والمرأة وهما من نفس واحدة ..مكملين كل منهما للاخر...ولايقينا دور كل كل منا فى بناء الاسرة والحفاظ عليها...

نرجع بقى للاساس اللى بنتكلم فيه...لماذا أباح الاسلام هذه الرخصة؟....

جاءت هذه الرخصة بتعدد الزوجات مع التحفظ عند خوف العجز عن العدل والاكتفاء بواحدة ...قال الحق تعالى :"وان خفتم ألا تقسطوا فى اليتامى فانكحوا ماطاب لكم من النساء مثنى وثلاث ورباع فان خفتم ألا تعدلوا فواحدة أو ما ملكت ايمانكم ذلك أدنى ألا تعولوا ".... النساء

جاء الاسلام فى زمن كان الغالب فيه ان يكون مع الرجال عشر نساء او اكثر او اقل ...تمام كده؟

فجاء ليقول للرجل...هناك حدأ لايتجاوزه المسلم وهو اربع وأن هناك شرط او قيد ...هو شرط العدل ..والا فواحدة

جاء الاسلام لا ليطلق ولكن ليحدد ..ولا ليترك الامر لهوى الرجل ولكن ليقيد التعدد بالعدل والا امتنعت الرخصة المعطاة ...

وهو نظام واقعى ايجابى يتوافق مع فطرة الانسان وتكوينه ويرتفع به الى القمة فى غير انكار لفطرته وفى غير عنف او تعسف....

وطبعا المسببات اللى ممكن تسمح للرجل ان يتزوج بأخرى معروفة لدينا جميعا...مرض مستعصى للزوجة...عقم....نفور من الزوجة نفسها...الى اخره....الا ان يكون هذا السبب هو اتباع هوى فى نفسه..والا سيكون الفشل هو نتيجة هذا الزواج....

واى انسان مدرك لطبيعة روح الاسلام لا يستطيع القول بان التعدد مطلوب لذاته ومستحب بلا مبرر ..وبلا دافع الا التلذذ بكونه رجل يستطيع اقتناء اكثر من انثى ويضمها الى حريمه ...

ويسعد بالتنقل بين الزوجات كما يتنقل الخليل بين خليلاته ...

انما التعدد ضرورة وحل يواجه مشكلة نعجز عن حلها وليس متروكا للاهواء بلا قيد ولا حد ....

ولان العدل هو الشرط الوحيد امامنا او الرخصة المعطاة للرجل ..فده شىء مش سهل ...

انك تعدل فى المعاملة والنفقة والمعاشرة ده وارد...لكن انك تعدل فى المشاعر وأحاسيس القلوب فده شىء صعب فعلا....وده العدل اللى ذكره المولى تبارك وتعالى فى اية اخرى :

" ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة "....

النساء

وشريعة الله ليست هازلة حتى تشرع الامر فى اية وتحذر منه فى الاخرى ....ولكن المعنى واضح...العدل مطلوب وده ممكن يتحقق فى المطالب المادية...

ولكن لاننا بشر والله اعلم بطبيعتنا ...فهو سبحانه اعلم بالقلوب...التى هى بين اصابع الرحمن يقلبها كيف يشاء ومن هنا اكدت الاية على صعوبة العدل بين الزوجات...ولكن لم تحرمه ...

ولنا فى رسول الله اسوة حسنة ..ونعلم جميعا انه كان يؤثر السيدة عائشة بعاطفة قلبية خاصة لا تشاركها فيها غيرها ...وقد كان يقول عليه افضل الصلوات والتسليم

" اللهم هذا قسمى فيما املك ...فلا تلمنى فيما تملك ولا أملك "......(اخرجه ابو داود والترمذى والنسائى "

كفاية كده؟...كفاية......

مع السلام عليكوا :)

ولى عودة.....

[أبو حميد]

موضوع جميل جدا وشائك جدا أنا حتى خليت مراتي تقعد جنبي وأنا بتصفحه وضحكنا جامد على ترماي نانو ومراتي قالتلي أنا هختارلك حاجة تليق بمقامك طيارة أو باخرة.

لو لي اني اقول رأيي الشخصي هأقول ان الرجال وأولهم أنا ساعات بنحب نجادل في الموضوع ده علشان نحتفظ بحقنا في الجواز مرة تانية بس لكن محدش هايعملها تاني؟

مين اللي بيدعي أن عنده المقدرة على الجواز مرة تانية؟؟؟ مش بتكلم عن المقدرة المالية لكن هو الراجل كان عمل كل واجباته في البيت نحو ربه الأول وبعدين زوجته وأولاده على الوجه الأكمل وبعدين راعى أهله وخصوصا والديه علشان يروح يتجوز مرة تانية نربي أحنا ولادنا الأول ومنرميش الحمل على الزوجات ونقول عملنا اللي علينا ونروح نتجوز.

ان مشاكل الارامل والمطلقات والعوانس لا تحل بالمتزوجين ولكن يحلها العزاب .. وهم كثره..

أعتقد قصدك بالعزاب هنا الرجال الأرامل والمطلقين لأن غالبا من لم يتزوجوا لن يقدموا على الزواج من الأرامل والمطلقات إلا نادرا.

النسر المصري

أنت أيه اللي دخلك هنا من أساسه المقابلة اللي فاتت قطعت قلبنا علشان نلاقيلك عروسة وخليتنا نعيط على حالك والناس كانت بتطلعلك صور العرايس من الشنط جاي حضرتك دلوقتي تدافع عن حق الرجل في الزواج مرة تانية!!!!!

طب أتجوز القطة بتاعتك وقلها عاوز اتجوز تاني وأنت هاتتخربش.

تم تعديل 30 يناير 2007 بواسطة أبو حميد

[MZohairy]

انا شايف الموضوع ابتدى يولع :)

وشكلي كده حهدي نفوس لما اقول يا بس .......بس مش دلوقتي :rolleyes:

نتكلم بجد شويه

كل مشايخ السلف في السعوديه و غير السعوديه (وهم يمثلون رأي اسلامي لا يستهان به) يرون ان الأصل هو التعدد و ليس في الافراد بزوجه واحده

يعني بالعربي كده الأكثر ثوابا هو من يجمع اكثر من زوجه

و الأقل ثوابا هو من له زوجه واحده

و لا يشترط اطلاقا وجود عيب او مشكلة ما عند الزوجه الأولى لتبرير الزواج من ثانيه و ثالثه و رابعه (طبعا بعد تطبيق العدل المادي و الاجتماعي)

بل هو الزواج من اجل زيادة الثواب و اتباع سنة الرسول عليه الصلاة و السلام

اعترضوا بقى .........

[نيرون]

معلمى الباشا الكبير .. مؤلف كتاب وصف العروس فى تهدئه النفوس..

معلش يعنى ولو فيها ثئاله..

انا مالى ومال شيوخ السعوديه؟؟

هى الغربيه وحشه؟

ولا البحيره؟

ولا المنوفيه؟؟

الى هما ادرى ببلدى وناسى ويضعون ذلك فى الحسبان عند الفتوى..!!!!! :)

وبعدين تعالى هنا..

ان نسيت يا معلمى أن الرسول الكريم عليه الصلاه والتسليم..

لما أراد سيدنا على كرم الله وجهه أن يتزوج مره ثانيه وكان متزوجا من السيده فاطمه رضى الله عنها وارضاها...

ماذا قال له الرسول؟؟؟؟

الا تعلم انه رفض ذلك..

ارجع وابحث عن القصه وسوف تفاجأ مفاجأه العنقاء حين ارادت ان تشرب ماء من بحيره ام الدرمان.... :rolleyes: ( جبتها ازاى دى )

المهم..

ان الرسول رفض زواج سيدنا على من امرأه اخرى تكون ضره للسيده فاطمه رضى الله عنها وقال ان كنت فاعل فطلقها..دور يا معلمى وانا عارف انك بتجيب الكفت..!!!!!

قال شيوخ السعوديه قاااااال..

مش دول برضه الى كفروا الى يقول ان الارض كرويتوننننننننننننننننننننن :rolleyes:

ملاحظه على هامش القضييييه..

انا شخصيا نفسى اتجوز تسعه.. ده غير ما ملكت ايمانكم..!!!!

هاقول ايه..

ماحنا لو سكتنا .. هايملوا البدددددددددد

تم تعديل 30 يناير 2007 بواسطة نيرون

[nash]

زوهيري.......سامعني........؟؟؟ :rolleyes:

الله يرضي عليك ....ماتدخلش زيد في عبيد....

لما بس ناخد الجنسيه السعوديه ...نبأة نذكر حبايبنا الحلوين :rolleyes:

...............................................................

مش شيوخ السعوديه دول برضه اللي حرموا الدش وماليين القنوات الفضائيه

مش هما برضه اللي حرموا الموبايل أبو كاميرا....

مش هما برضه اللي حللوا الجواز المسيار والجواز بنيه الطلاق؟؟

مش هما برضه اللي كان عندهم وقت وطلعوا فتوي بتحريم البوكيمون؟؟

مش شيوخ السعوديه اللي قالوا أن اللي ماتغطيش وجهها تبأة كذا وكذا وزوجها كذا وكذا .....؟

..........................................................................

خليك من شيوخ السعوديه .....الدنيا مليانه شيوخ......

ولا النظام حط بينك وبين النار مطوع؟ :)

...........................................................................

عايزة أقول نقطه الحقيقه .....المرأة المصريه.....وربي وأقسم بالله غير حانثه....أعظم أم في الدنيا تهمل نفسها وذاتها وكيانها من أجل زوجها وأولادها....وهي نفسها هذه الست الوديعه ...تتحول إلي وحش كاسر...إذا أحست بخطر يقترب من بيتها ...وقد تحرق الأخرين

[Folana]

السلام عليكم ورحمة الله .....

زلالالالالالالالالالالالالالالالالالابية....فرررررررررررررررملة... :) (وش شرفنطح وهو بيكلم زينات صدقى فى عفريتة اسماعيل يس)

خلونا فى الاستفتاء يا خوانا...مالناش دعوة بحد الله يخليكوا....المسامح كريم واحنا فى ايام مفترجة وكدهوت يعنى... :rolleyes:

امرؤ الزهيرى...فين الاشعار والاغانى التراثية هه؟

الاخ الكريم نيرون بيقول انه عايز يتزوج تسعة...!..تسعة أنفس!!!!!...

ومش لاقية حاجة اقولها غير..." بتقول ايه يانيرون سمعنا...متعنا بخطبك متعناااااااااااااا..."

مازلت مصرة انى ارفض ان يتجوز جوزى علىّ وانا لسه الحنة فى ايديا..دى نار ياناس....آآآ

ربنا معاكم

مع السلامو عليكوا...

[نيرون]

عايزة أقول نقطه الحقيقه .....المرأة المصريه.....وربي وأقسم بالله غير حانثه....أعظم أم في الدنيا تهمل نفسها وذاتها وكيانها من أجل زوجها وأولادها....وهي نفسها هذه الست الوديعه ...تتحول إلي وحش كاسر...إذا أحست بخطر يقترب من بيتها ...وقد تحرق الأخرين

شىء بالشىء نذكر...

يعنى يرضيكوا الواحد يحب بوتجاز؟؟؟؟؟؟؟ :)

يحب وحش كاسسسسسسسسسسسسر :rolleyes:

ما كل الدنيا بتغلط.....؟؟؟؟

اشمعنى يعنى احنا الى عندنا الغلطه بفورررررره؟؟؟؟ :rolleyes:

شكرا على حسن استناعكم واطلب اغنيه

براحه.. حبنى بالراحه

[نيرون]

ومش لاقية حاجة اقولها غير..." بتقول ايه يانيرون سمعنا...متعنا بخطبك متعناااااااااااااا..."

:rolleyes:

:rolleyes:

:rolleyes:

:blink:

:)

اذا فهى الحرب!!!!

ندخلها دفاعل عن.... عن....عن...مش فاكر..

أكيد فى حاجه!!!!

ايه يا مدام؟؟ انا عملت حاجه؟؟

هو الحلم حرام؟؟

ايوه بحلم اتجوز تسعه ..

والوان.. كمان..

ومقاسات مختلفه؟؟؟ :o

ولغات اجنبيه!!!!

ايه من حقى يا بشر!!!

الله .. لو مش هانحلم مش هانعيش يا اخوانا!!

وبعدين شايفنهم خلاص واقفين طوابييييييييير مستنين؟؟؟

امال لما احلان اليكظه تخش فى ما ملكت ايمانكم؟؟

لا شويه جد..

الرجل يبقى كداب لو ما قلش انه فى لحظه بيفكر انه يبى معاه كتير. والرك هنا على الى معاه تملاله كل فراغت نفسه واحتاجاته..

تخليه زى ما أشكيفى قالى فى يوم... تخليه يدور علها فى وشوش باقى الستات!!! أه والله قالى كده..

يبيقى بدل ما يبقى السؤال تقبلى جوزك يتجوز عليكى........

يبقى السؤال ايها المجاهدات.. العنيفات... الكواسر.. المفتريات..

هو:

كيف لا تجعلين زوجك يفكر فى الجواز عليك..

واحده منكم تقول..

اقتلللللللللللله

هاحترم رأيها .بس ايه تانى ممكن غير اننا نقتله او نخبطه بترماى او نعامله على انه ذبابه فاكهه دخلت مطبخ مقفل ومرشوش فيه لسه بيرسول وحد ولع كبريت؟؟؟ :D

وشكران..

[نانو]

لا شويه جد..

الرجل يبقى كداب لو ما قلش انه فى لحظه بيفكر انه يبى معاه كتير. والرك هنا على الى معاه تملاله كل فراغت نفسه واحتاجاته..

تخليه زى ما أشكيفى قالى فى يوم... تخليه يدور علها فى وشوش باقى الستات!!! أه والله قالى كده..

يبيقى بدل ما يبقى السؤال تقبلى جوزك يتجوز عليكى........

يبقى السؤال ايها المجاهدات.. العنيفات... الكواسر.. المفتريات..

هو:

كيف لا تجعلين زوجك يفكر فى الجواز عليك..

واحده منكم تقول..

اقتلللللللللللله

هاحترم رأيها .بس ايه تانى ممكن غير اننا نقتله او نخبطه بترماى او نعامله على انه ذبابه فاكهه دخلت مطبخ مقفل ومرشوش فيه لسه بيرسول وحد ولع كبريت؟؟؟ :)

وشكران..

لا يا نيرون مش هاقتله علشان ما يتجوزش عليا

ان اهاقتله او هاسلمه للترماي بيديا اذا اخد القرار بالفعل ومعني انهاخد القرار يبقي انا كده جيت متأخر اوي والكلام والنقاش ساعتها مالوش اي معني

ساعتها هيبقي حاجه من اتنين يا اما انا قادره اتحمل حاجه زي ديه .... وهاقبل الوضع

او هارفض وهاطلب الطلاق وساعتها هو هايوازن ايه الاغلي وايه اللي يستاهل التضحيه بيه

اما اعمل ايه من الاول ....فاعتقد ان ده علي الاقل بالنسبه لي همي الشاغل دايما في حياتي يعني الست دايما لازم تبقي مفتحه .....و بتقيس بالترمومتر اول باول حراره العلاقه بينها وبين زوجها .....ما فيش حاجه في الدنيا بتتغير فجاه ...مش ممكن يبعد عنها فجاه ....و يقرب من غيرها فجأه

الست الذكيه اللي تلاحظ كل هفوه وكل لمحه من عين جوزها في بصته وضحكته ودخلته حتي من باب الشقه ....لهفته هيا هيا ولا اتغيرت

عينيه ....عينيه ...مش ممكن تكدب ....ممكن يمثل بكلام بتصرفات ...بهديه... لكن بعينيه مش ممكن....لانها اقرب انسان ليه..يعني بالبلدي كده عاجناه وخبزاه

الزوجه عندها مليون طريقه تحس بيها....بس ده لو هيا فاهمه ده.... او بمعني اخر بتحس بده و بتدور عليه

لو فاقت لنفسها و جوزها و مملكتها ...مش هاتوصل لانه يتجوز عليها و تبقي مش عارفه تعمل ايه

والعفوان يا افندم

[MZohairy]

وصلتني العديد من رسائل التهديد :rolleyes:

وكان التهديد بإبلاغ أم إياد و لجين و لؤي (ولادي يعني) بخصوص موقفي المؤيد للزواج المتعدد

اولا للتوضيح انا كنت انقل وجهة نظر جانب لا يستهان به من مشرعين العالم الاسلامي و ليس وجهة نظري الشخصيه :)

لذلك قررنا ما يلي:

الزواج من اكتر من واحده حرام حرام حرام :rolleyes:

والزواج من واحده فقط ايضا :rolleyes:

و في حالة كون الزوجه الأولى مشلوله و عاميه و طرشه و خرصه و مبتخلفش و دمها يلطش و شكلها وحش...... يستطيع الزوج ان يصبر و عوضه على الله

اما اذا كانت قليلة الادب و بتضربه يوميا....ففي هذه الحاله يحق له ان يدعي عليها و يكنس عليها السيده زينب و يقيدلها عشر صوابع شمع ويقول مدد ياأم العواجز مدد ..يقعدلها في عينها و عافيتها بحق جاه النبي :blink:

[الحاج فوزى]

لان اللغة العامية هى الدارجة فى الحوار

خلونى بقه اتكلم براحتى

يا نهار موضوووع ... ساخن جداً :rolleyes:

افتكرت الحين وانا بكتب موقف حدث ايام الرسول عليه الصلاة والسلام ، ما تسمعونا الصلاه على النبى ..

الرسول عليه الصلاة والسلام ، مرة كمان ، رفض زواج سيدنا علي رضى الله عنه زوج ابنته فاطمة ، رفض زواجه من اخرى

طيب .. يعنى الموضوع مرفوض شرعاً ،،

لاء طبعا ده حلال بدليل الاية الكريمة ..

طيب جائز تكون خاصة للنبى ، يعنى شىء خاص يتفرد به اكراماً له واعلاء من قدره ..

جائز ، بس اعتقد لاء برضو ، لان الرسول لم يترك حديثاً بذلك ولم ينهى عنه بصورة مطلقة .. انما عندما سمع بالامر .. رفض ان تكون لفاطمة "ضرة "

يعنى الموضوع فيه اهانة .. او تقليل من شأن وانتقاص من قدر صاحبه . اه فيه بكل تأكيد

اذا فهو محظور ... وفقط الضرورات هى التى تبيح المحظورات .. والنفى للنفى واجب ( رأيى الشخصى حول الموضوع )

يعنى اذا انتفت الضرورة ، انتفى اباحة المحظور

والضرورة تتحقق فى حياتنا فى امثلة متعددة .. والكل فى وجود تقوى الله ، يعرف بينه وبين نفسه فى قرارة نفسه الضرورة من عدمها

لن اذكر اى امثلة على الضرورات

لان مراتى بتدخل تشوف المواضيع اللى بشارك فيها وممكن تنكد عليا وتسألنى

" يعنى لو حصل كده تتجوز عليا .... ديببببب <---- ده صوت الفازه بتتكسر فوق نافوخى "

وبعدين .. هسأل سؤال هيزعل بعض الناس منى ..

لو كان التعدد حلال كمان للستات مش بس للرجالة .. يا ترى هيكون شعور سيادتك ايه وانت راجع البيت متغندر كده

ولقيت مراتك بتقولك انا هتجوز عليك ..

وممكن تقولك كام سبب حلوين كده .. زى :

اصلك مش مكفينى عاطفياً

اصل انا عايزة حد يفهمنى واتكلم معاه

اصل انا بلاقى راحتى مع الشخص التانى

اصل انا كبرت وعايزه اتدلع ( كبرت وخرفت يعنى )

اصل .. اصل ... ( كفاية كده لحسن شايف الدم جرى فى دماغ الناس )

ايه رأيك بقا يا معلم ؟؟

( الموضوع فرضيه بحته ، محدش يكيل لى الرصاص فى رد صاروخى )

على العموم ده هيكون شعور السيدة الفاضلة عند تلقى الخبر

لست مع الزوجة الثانية

( ربما ولا الاولى :) ) <--- والله يا زوجتى يا حبيبتى هزاااااااااار

حسين

تم تعديل 30 يناير 2007 بواسطة Huss.

[نيرون]

لا يا نيرون مش هاقتله علشان ما يتجوزش عليا

ان اهاقتله او هاسلمه للترماي بيديا اذا اخد القرار بالفعل ومعني انهاخد القرار يبقي انا كده جيت متأخر اوي والكلام والنقاش ساعتها مالوش اي معني

ساعتها هيبقي حاجه من اتنين يا اما انا قادره اتحمل حاجه زي ديه .... وهاقبل الوضع

او هارفض وهاطلب الطلاق وساعتها هو هايوازن ايه الاغلي وايه اللي يستاهل التضحيه بيه

اما اعمل ايه من الاول ....فاعتقد ان ده علي الاقل بالنسبه لي همي الشاغل دايما في حياتي يعني الست دايما لازم تبقي مفتحه .....و بتقيس بالترمومتر اول باول حراره العلاقه بينها وبين زوجها .....ما فيش حاجه في الدنيا بتتغير فجاه ...مش ممكن يبعد عنها فجاه ....و يقرب من غيرها فجأه

الست الذكيه اللي تلاحظ كل هفوه وكل لمحه من عين جوزها في بصته وضحكته ودخلته حتي من باب الشقه ....لهفته هيا هيا ولا اتغيرت

عينيه ....عينيه ...مش ممكن تكدب ....ممكن يمثل بكلام بتصرفات ...بهديه... لكن بعينيه مش ممكن....لانها اقرب انسان ليه..يعني بالبلدي كده عاجناه وخبزاهالزوجه عندها مليون طريقه تحس بيها....بس ده لو هيا فاهمه ده.... او بمعني اخر بتحس بده و بتدور عليه

لو فاقت لنفسها و جوزها و مملكتها ...مش هاتوصل لانه يتجوز عليها و تبقي مش عارفه تعمل ايه

والعفوان يا افندم

أهو كده الكلااام الزين!!!!

مش تقولولى .. بوتجاز .. وأستغفر الله العظيم..

ايوه كده كلام الناس الى عايزه تعيش وتحارب !!

ما هو احنا برضه والله كرجاله غلابه وبيضحك علينا وكتاب الله بعسليه!!

بضحكه!!

بتسريحه شعر!!!

بكلونيا 3 خامسات!!!

أى حاجه.. تحسس ان احنا عارفين ان انتم موجودين!!

وساعتها لا تانيه ولا تالته ... بلا فراغه عيييييييييييييين...

اييه هايملوا البلد