استفتاء للزوجات

[inas]

ناش حبيبتي انت فهمتيني غلط انا اقصد ولو مره حتى يشاركها ودا مش معناه انو على طول يساعد ويزاكر مفيش راجل كده طوال الوقت

احترامي البالغ لك وللوالده نعم الام لكن لي سؤال ياترى لو راجل هل في امكانه ان ينذر نفسه لاولاده وسعادتهم مجرد سؤال خطر في بالي وانا اقرا سطورك عن كيف اغلقت امك العظيمه الابواب واحتضنتكم لتعبر بكم لشط الامان ولم تغرها او يخطر في بالها ان حقها وسعادتها والكلام ده كله

نونش يعني الست العامله ترمي العيال باه بحجت التعب بره في الشغل الموضوع دا انا قلت رايي فيه سابقا عمل الراجل مش مبرر انه يهمل بيته واولاده حتى لو كان الهدف انه يعيش ملك فقليل من المشاركه هيشغله اكيد عن اي نزوه

نونش حلوه فكرة ان الزوجين يعملو نيو لوك لنفسهم سواء خارجي او نفسي

بنت مصر ربنا يخليلك زوجك ويسعدكم يارب فعلا اقصد قليل من المشاركه هيشغل الفراغ وبالعكس مش هيمل اهو نوع من التغير والمشاركه في حياة وتربية اولاده

[nash]

أهلا يا أيناس ....

هارد علي سؤالك اللي بيقول... ياترى لو راجل هل في امكانه ان ينذر نفسه لاولاده وسعادتهم مجرد سؤال خطر في بالي وانا اقرا سطورك عن كيف اغلقت امك العظيمه الابواب واحتضنتكم لتعبر بكم لشط الامان ولم تغرها او يخطر في بالها ان حقها وسعادتها والكلام ده كله

لا أظن أنه كان سيفعلها.....لإن المرأة غير الرجل.....أكيد تفهمين قصدي....

كما أننا كنا أطفالا...كيف كان سيقوم بواجبه تجاهنا....أظن أن أحتياجاتنا في هذا العمر لن يستطيع سدها إلا الأم.... :blush:

ياقلبي أنا لم أذكر المرأة العامله...حتي موضوع زوهيري....اللي عماله يولع في الموضوع ...وكله سلف ودين يعني ...وهاردهاله في الأفراح قريبا....كان عن ربه المنزل الغير عامله.... المرأة العمله قصه أخري تماما ...

حبيبتي الرجل الطبيعي ...ها... الطبيعي أبن الناس المحترم...لو عاش ملك هايخلي زوجته ملكه....إذا أنت أكرمت الكريم ملكته....أنا قلت عندما تكوني أمه له .....سيكون عبدا لك...إلا إذا شاف نفسه ...برضه هنا هايكون كلام تاني خالص....مش ده موضوعه.....

أينو حبيبتي أرجعي كده شويه ...بس وأقرأي تاني ...بدل ماتلاقي بوكس مستنيكي في الناحيه التانيه... :angry2:

[inas]

اه وصلنا للبوكسات

بعد اذنكم باه

على كده ابوس ايدي وش وظهر على جوزي لان لما بخبي عنو تعب او مشاكل العيال بيتخانق معايا يعني انا باعيشه ملك ملوش دعوه بحاجه بس هو فضل يكون اب بس والله جوزي متعاون جدا ودا شيء بيسعدني كتير احساسه بمدى المعانه الي بعانيها في البيت بيديني دفعه للاستمرار وبيكبره في نظري جدا وبيحسدني عليه الكثير والله :blush:

نونش والله لو كده يبقى صح لكن تعيشه ملك وهو يسوق فيها ويعاملها على انها عبده يبقى الست هي الي تستاهل

حيرتونا باه :angry2:

دهب انا متاكده انو مش هيجوز تاني ابدا

اصلي كرهته في الصنف كله ( وش وحده شريره )

لا بجد لان زوجي على الاقل من النوع الي بيعشق اولاده و ماظنش انه يفكر في يوم ياذيهم بزوجة اب

انت هتقوليلي دا انا بحبك اد مبتحبيني بالظبط

تم تعديل 3 فبراير 2007 بواسطة inas

[MZohairy]

حبيبتي الرجل الطبيعي ...ها... الطبيعي أبن الناس المحترم...لو عاش ملك هايخلي زوجته ملكه....

كلام سليم 100%

[Folana]

.......................................................................................................................................

لكن لي تساؤل....عن جد...أريد جواب عليه......

كيف تقوم إمرأة ما بإفساد حياة زوجيه لإسرة مستقرة...كيف تفعلها وهي بارده الأعصاب.....

ألا تشعر بتأنيب ضمير وأن الله بالمرصاد.....

وكيف تعرف أن الزوج تعبان في حياته.....ويشكوا من زوجته...وتفاصيل صغيرة...لا يجب أن يعرفها حتي المقربون منهم....

كيف سمحت لنفسها...أن تعرف ماذا يحب وماذا يكرة...رغم أنها تفاصيل لا يجب أن تخرج برة الغرف المغلقه...هذا مايثير تعجبي.....

السلام عليكم ورحمة الله ....

ناش ...شدنى ردك ...وتوقفت امامه اكثر من مرة.......لانه بيتناول العديد من النقاط او لنقل القضايا الهامة....

اخلاص المرأة لذكرى زوجها وتفرغها لابنائها....وده موضوع كامل محتاج ملف لوحده....

اهم نقطة...تساؤلك..عن دور المرأة الاخرى فى حياةالرجل...او فى هدم حياة اللرجل الاسرية علشان نكون اكثر وضوحا...

انا فى رائى غالبا المرأة دى بتعانى من الفراغ العاطفى والاجتماعى....فاقدة للزوج ..او فاتها قطار الزواج مثلا...

وغالبا تتصف بالازدواجية اللى نانو كانت فاتحة موضوع عنها...بس الازدواجية بمعناها المتعارف عليه...بمعنى انها ترفع شعارات..وترتدى اقنعة تخدع بها الاخرين...وعندما تختلى بنفسها...تعيش دور اخر...

تبحث حولها..ببرود اعصاب عن فارس احلامها...وهى فى الحالة دى مش شايفة اسرته اصلا...وان كانت تظهر عكس ذلك...هى مركزة فيه هو بس...

وقد تصل بها رغبتها فى الحصول عليه الى حد الاعلان عن ذلك..فى كل مناسبة ومكان...وبطريقة او اخرى.....وتنسى وقارها وتنسى صورتهاالتى تجاهد على تثبيتها فى الاذهان...

بتبقى مش شايفة فعلا..ومش مدركة لما يدور حولها....اهم حاجة انها عايزة تحصل على هذا الشخص...ومش مهم متجوز ولا لأ..واحيانا يكون من الافضل ان يكون زوج...

ضمير ايه يا ناش اللى انت جاية تقولى عليه....

بس انت كده برضه بتلقى بكل التهم على السيدة الاخرى وكأن الرجل ملاك مثلا..وهى غررت به..:blush:

برضه مش للدرجة دى...لان الرجل هو اللى ممكن يفتح الباب ده...وهى بقى بتكون منتظرة الفرصة...تبدأها بسلامات وطيبون وكيف الحال والاحوال...ثم بعض الحكايا هنا وهناك عن احوال الاسرتين..ثم ..تبدأ الشكوى...ثم تلبس عباءة الملائكة ....لتدارى عورتها النفسية..... وتستعد للقنص..

وفى المقابل قد يقوم الرجل بكل هذا الدور...يعنى التهمة متوزعة يا هانم..والدم بيضيع بين القبائل...:wub:

ولو عايزة التحليل النفسى لهذه النوعية من السيدات انا جاهزة...بس مش عايزة اغير الموضوع.....

سؤال جانبى كده يا ناش..انت كل شوية تقولى "ماعرفتش الا لما نزلت الشارع"...يعنى ايه ...؟ :angry2:

ايناس...موضوع مساعدة الزوج فى الاعباء المكنزليةده برضهموضوع تانى عايز قاعده...

ولى عودة.....

[nash]

فولانه :wub:

حبيبتي كلامك عين العقل والله....

,,,,,,,,,,,,,,,,,,,,,,,,,,,,,,,,,,,,

هوة الصراحه كان قصدي لما قلت نزلت الشارع......لما أخيرا نزلت الشغل يعني بعد الزن المتواصل علي أبو ياسر...

بجد أتربيت...وقلت حقي برقبتي...وكل يوم وأنا نازله أفتكر الستات المتهنيين في بيوتها ...بكون عايزة أعيط....وأرجع في كلامي

بس برستيجي كان هايتحطم وابو ياسر هايشمت فيه ... :angry2: :blush:

[عازفه على أوتار الذهب]

السلام عليكم ورحمة الله وبركاته...

من زمان وانا عايزه ادخل لموضوع...لأنه فعلآ موضوع يستاهل النقاش....

مع العلم أولآ انني غير متزوجه لكن رأيي في هذا الموضوع ومن قبل الزواج مرفوض رفضآ باتآ أن يأتي الرجل المحترم ليتزوجني ثم بعد سنوات

يتزوج بأخرى....أين الأسباب التي تسمح له بإختيار امرأه اخرى وهي إمرأه مثلي بل بالعكس يمكن أن ازيد عنها في احترامي لبيتي وزوجي

ولهذا الكيان ومن هذا احترم كيان اي اسره اخرى وهي تكون إمرأه لاتبالي بتحطيم هذا الكيان لمجرد الأنانيه.....وهل لو عرض علي الامر من البدايه كنت

سااوافقه الرأي؟؟ الإجابه معروفه طبعآ ...بالتالي هذه خيانه للعهد الذي اتخذه معي ومع اهلي.....وإذا قال (الطباع)....هل الرجل ليس به عيوب؟؟أم المرأه

هي التي مطلوب منها دائمآ أن تتحمل؟؟؟.....(لاتنجب)؟؟؟وهل يعطي الرجل هذا الحق للمرأه؟؟؟( شكلها وحش)؟؟؟مشفتهاش وانت بتخطبها؟؟؟.....وغيره

وغيره من الأشياء التي يستند عليها الرجل لتبرير هذا الفعل......

ياسيدي الفاضل عندما ترى المرأه الأخرى لاتراها الا من وجهه واحده فقط فأنت تراها كما رأيت زوجتك الأولى في البدايه في ابهى صورها.... ولكن عندما

تتحول هذه الأخرى لزوجه لن تشعر بالفرق بينها وبين زوجتك الأولى بل على العكس من الممكن أن تكون هذه الأخرى اسوء لأنك وبالفطره التي خلقت

عليها كبشر وكرجل.....لابد وان تشعر بانك ظلمت انسانه آمنتك على حياتها على بقية عمرها......

يا سيدي الفاضل لاتسعد بموافقة زوجتك......الزوجه التي توافق على وضع كهذا لابد وأن تكون (مقهوره) إما للأسباب الماديه.....أو انها كانت بتحبك

وانكسرت وهذا الإنكسار لايأتي بمجرد الزواج عليها بل كان إستكمالآ لإنكسارات سابقه.....أو انها قالت تعيش وتربي العيال.. والحياه العقيمه بين الأبوين

بالطبع لاتسعد الأبناء بأي شكل من الأشكال.....أو إن (ملهاش حد)...ومبتشتغلش...وفي كل الأحوال سيكون الرجل مجرد آله في حياة المرأه كما أصبحت

هي آله في حياته....

وأخيرآ.....أنا لم اعترض على اي شئ أباحه الإسلام.....لكن أي راجل بيقول إن رسول الله صلى الله عليه وهلى آله وسلم كان متزوج بأكثر من واحده.....

ها أقوله....أي رجل ممكن يوصل لعظمة رسول الله عليه أفضل الصلاة والسلام أو يقدر يكمل صفاته أو معاملته مع زوجاته.....يقول انه يقدر يتجوز أكتر

من واحده ...أرجوا الإجابه من الرجال الأفاضل المدافعين عن الزواج بأخرى.......(ولن تعدلوا)(ولن تعدلوا)(ولن تعدلوا)

تحياتي....وللحديث بقيه.....

هما الأخوه الأفاضل راحوا فين؟؟؟ :mellow:

هو داروين راح فين...أين انتم يا قوم...

الموضوع تشعب يا ايناس...

تم تعديل 13 فبراير 2007 بواسطة عازفه على أوتار الذهب