هل تغير فيك شئ بسبب اشتراكك فى محاورات المصريين؟

[محمد عبدالعزيز]

هل تغير فيك شئ بسبب اشتراكك فى محاورات المصريين؟

أكيد الاشتراك فى منتدى مثل محاورات المصريين سيغير فيك شئ ما, فى الغالب يعنى, فما هو هذا التغيير الذى حدث؟ وهل هو إلى الأحسن أم إلى الأسوأ بالنسبة لك؟ وهل لاحظ أحد من المحيطين بك هذا التغيير؟

سأذكر بعض التغيرات, على سبيل المثال وليس الحصر:

يعنى مثلاً هل كنت عصبى وبعدين بقيت هادى أو العكس؟

هل كنت انطوائى وبعدين بقيت اجتماعى أو العكس؟

هل كنت تحب الكلام أكثر من الاستماع وبعدين بقيت تحب الاستماع أكثر من الكلام أو العكس؟

هل كنت تكره القراءة وبعدين بقيت تحبها أو العكس؟

هل كنت لا تهتم بحال بلدنا مصر وبعدين بقيت تهتم أو العكس؟

أسئلة ولا أسئلة الثانوية العامة... صح؟ :wub:

أبدأ بنفسى قبل ماحد يسألنى عشان عارف إن ده أول سؤال فى المقرر

أنا أصبحت أميل أكثر للهدوء فى الحوار, فى الغالب يعنى :sad: , قبل كده كنت دايماً أدخل شمال فى اللى بيكلمنى. هو بصراحة التغيير ده ممن يكون ﻷسباب أخرى بجانب اشتراكى فى محاورات المصريين, يعنى الحياة العملية أيضاً تغير فينا أشياء, وكذلك الأصدقاء, أذكر أن أحد الأصدقاء كان كثيراً ما يقول لى أثناء الحوار: إنت aggressive ليه كده يا محمد فى الكلام؟ الحمدلله دلوقتى مابقاش يقولها :D .

نكتفى بهذا القدر وفى انتظار باقى الأعضاء المحاوراتيين.

[كمبورا 6]

الزملاء الافاضل

عن نفسى اكيد حصل تغيير

فى البداية زاد حجم المرارة فى حلقى على مصر وعلى نفسى وعلى المصريين بره مصر وجوه مصر

بعد شوية من المتابعة شفت حاجات ما كنتش متاكد انى فى يوم اشوفها من المصريين

انما شفتها

وبدأت المرارة تروح لانى اتأكدت انه طالما لسه فى المصريين شويه عندهم الروح دى يبقى بكره جاى احسن

اللى مش مصدق يدخل موضوع هل سينتهى العنف فى العراق اذا انسحبت امريكا او لا؟

مع الاحترام

[bassem_2009]

أنا كل اللي عايز أقوله إني حسيت إني لي لازمة ولقيت ناس أقدر أتفاهم معاهم واتواصل معاهم ناس حسسوني بالأمل في البلد بعد ما كنت يائس من حال الشباب

شكرا جدا

[مصرية يعني مصرية]

بسم الله الرحمن الرحيم

(شكل واحدة هتقول موعظة :wub: )

أولا الموضوع رائع با محمد تشكرعليه فعلا

تانيا أنا هرد على أسئلتك واحد واحد

هل كنت عصبى وبعدين بقيت هادى أو العكس؟

صح بقيت هادياااااااا و بطلت الرغي الكثير مع الستات أثلي مش فاضية خالص لازم أدخل المنتدى أشوف الجديد

هل كنت انطوائى وبعدين بقيت اجتماعى أو العكس؟

أه كنت إجتماعية جدا و بقيت أحب أقعد لوحدي مع الجهاز بس موصلتش للإنطوائية....

هل كنت تحب الكلام أكثر من الاستماع وبعدين بقيت تحب الاستماع أكثر من الكلام أو العكس؟

أنا بقيت أفضل الإستماع....لحد ما أفهم إلي قدامي كويس و أفهم وجهة نظره و أحللها بعد كده أتكلم ...طبعا ماكنتش كده

هل كنت تكره القراءة وبعدين بقيت تحبها أو العكس؟

لا طول عمري بحب القراءة بس مكنتش أحب أقرأعلى الشاشة ....إنما دلوقتي نطري ضعف من كثر القراية عليها

هل كنت لا تهتم بحال بلدنا مصر وبعدين بقيت تهتم أو العكس؟

صراحة أنا و السياية مابنرتحش لبعض خالص :sad:

كنت بطيئة جدا في الكنابة بالعربي غلى الكيبورد والغريبة كمان إن حروفه أجنبية و بقيت أكتب عليه عربي بسرعة..

وقتي إتملى خالص ...و إكنسبت البعض من خفة الدم بتاع حبايبي المصريين...

ثقافتي العامة زادت ....أسلوبي في الحوار تحسن..

و حسيت إني مهمة وفي ناس بتقرأ إلي بكتبه ....خرجت كتاباتي للنور

و إلي جوايا في ناس بتعرفه و تقاسمنيه و تحس بيا..

و الأهم إني اكتسبت مجموعة أصدقاء طيبين بحبهم و بيحبوني.. :D

.و الأحلى....إن الحب ده خالي من كل مطامع....الله ...طول عمري مفتقده الحب من غير مصالح

لذا أحمد الله لعثوري على هذا المنتدى الراقي الذي أتمنى له طول العمر و للمقيمين عليه الصحة و العافية

[memo2007]

بصوا بقى انا زى ما انا بحب اقول رأيي وبصراحه وبسرعه " وبعدين اسمع رأي الاخرين بتركيز "....يعنى متسرعه.............. بس اتغيرت بردوا....كنت فى الاجازة ماطيقش قاعده البيت ولو ليوم واحد " كان يجيلي اكتئاب واتعصب على اى حد " ...انما دلوقتى بقى ممكن اقعد فى البيت "فى الاجازة طبعا "لمده اسبوع مثلا ......... كان لازم ما يفوتش اسبوع غير لما اشوف اصحابى كلهم "كلا منا بيدرس شئ مختلف " افوت عليهم وانا راجعه من الكليه مثلا ......... انما من ساعه ما عرفت المنتدى ده بقيت اكتفى بالتليفونات."وطبعا هما متغاظين منى ومضايقين لانهم حسوا انى اصبحت بعيده عنهم " وبقو يشيفونى فى المناسبات فقط ......... انما من ناحيه القراءه مش بحبها ولو قريت حاجه احب اقرأ قصص بوليسيه "بنت مسترجله بأه ":sad: ......... انما لاخبار مصر مش بحب اسمع الاخبار نهائى انما ممكن اسمع اى حد بيتكلم عن السياسه او ادخل على اى موقع واقرأ "بس طبعا مش كتير"

[بنت النيل]

اكيد طبعا اتغير فينا شىء ده عن نفسى

بعدت شوية عن العصبيه وتعودت على المحاوره فى المواضيع وتعرفت ايضا على اراء كثيرة فى بعض الامور

واهم حاجة واحلى هديه من محاورات المصرين هما اعضاء محاورات المصرين بالكويت

اجمل هديه من المحاورات بالنسبة ليا اصبح لدى اصدقاء فى منتهى الروعة فعلا

حبيته قلبى نانو و رمضان والنسر وابوحميد وكمبس ومانو وداركر بصراحة اكثر من اخوان ليا

وطبعا باقى الاعضاء الموجودين كلهم

وبدءت استمتع بالقراءة للموضوعات الشيقه للاعضاء

ده باختصار التغير اللى حصل معايا من المحاورات

مع تحياتى

[الحازم حسن]

كنت فاقد الامل في مصر

كنت يائس من تغيير الوضع

كنت اعتقد ان مصر بلا انجازات بلا شعب بلا ارادة بلا علماء

كنت اعتقد ان مصر بلا مصريين

لكن مجرد ان رايت شعار المنتدى حسيت ان بلدنا جميلة اوي وحرام الياس ده كله من تغيير وضعها

[محمد عبدالعزيز]

وبدأت المرارة تروح لانى اتأكدت انه طالما لسه فى المصريين شويه عندهم الروح دى يبقى بكره جاى احسن

اللى مش مصدق يدخل موضوع هل سينتهى العنف فى العراق اذا انسحبت امريكا او لا؟

دخلت يا أستاذ كمبورا 6 وشفت العجب... بس اللى بالى بالك مش عاوز يجيبها لبر.

أشكرك جداً على مشاركتك وياريت ماتنساش تقول لنا على تغييرات تانية... مش معقولة هو ده التغيير الوحيد

أنا كل اللي عايز أقوله إني حسيت إني لي لازمة ولقيت ناس أقدر أتفاهم معاهم واتواصل معاهم ناس حسسوني بالأمل في البلد بعد ما كنت يائس من حال الشباب

شكرا جدا

والله يا bassem_2009 يا خويا أنا باتفائل أكتر لما ألاقى حد بيقول زيك كده... يارب يزيد ويبارك فيهم.

الأخت اللى مصممة تبقى مصرية :P "مصرية يعني مصرية"

الرائع فعلاً كلامك وأحلى حاجة فى كلامك:

.و الأحلى....إن الحب ده خالي من كل مطامع....الله ...طول عمري مفتقده الحب من غير مصالح

فعلاً اللى يلاقى حد يحبه من غير مطالب أو مطامع ... لازم يحمد ربنا على الحب ده

بصينا :sad:

عايزة تقولى إيه بقى يا memo2007 عشان احنا مستعجلين ومش فاضيين لك... يلا بسرعة ماتعطليناش ... ييييييييييييه

تصدقى بالله :)

أنا حاسس إن أنا باجرى ورا كلامك من سرعته, بس نصيحة من واحد مجرب... لازم تخصصى وقت ﻷصحابك برضه ﻷن مهما كان الإنسان لازم يمر عليه وقت يبقى محتاج لحد ضرورى يتكلم معاه, عشان ماينساش الكلام.

شكراً على مشاركتك.

بنت النيل:

واهم حاجة واحلى هديه من محاورات المصرين هما اعضاء محاورات المصرين بالكويت

ربنا يزيد المحبة والصداقة بينكم أكتر وأكتر.

شكراً على المشاركة.

الحازم حسن

كنت فاقد الامل في مصر

كنت يائس من تغيير الوضع

كنت اعتقد ان مصر بلا انجازات بلا شعب بلا ارادة بلا علماء

كنت اعتقد ان مصر بلا مصريين

لكن مجرد ان رايت شعار المنتدى حسيت ان بلدنا جميلة اوي وحرام الياس ده كله من تغيير وضعها

الحمد لله إن الأمل رجع لك تانى... وده أكبر فائدة من وجهة نظرى من التواجد فى محاورات المصريين

شكراً على مشاركتك.

فى انتظار مشاركات أخرى :)

[ابو ايمان]

انا عن نفسى استفد كثر لما دخلت وشاركت الاخوه الاعضاء

الاستفاده اننى عرفت مواضع واشياء لم تخطر على بالى

والشكر لاخ عزيز هو الذى دلنى على هذا المنتدى

ويسعدنى اكون معكم دائما لكى استفاد اكثر واكثر

[التونسى]

غيرتنى تغيير مهم وايجابى ... انها دفعتنى دفعا أن اغادر مقاعد المتفرجين والقارئين .. لأصبح من المشاركين والمتفاعلين .. وشريك فى المحاورات ... بعد فترة معينه من المتابعة بدون مشاركه او حتى اشتراك جدى .. ودا دليل انى حسيت هنا انى ممكن الاقى نفسى .. ومؤشر قوى لأرتفاع مستوى المنتدى مقارنة بمنتديات أخرى أرتادها الكترونيا

على بركة الله سيروا جميعا .. رافعين لواء الموضوعية .. والحوار الهادئ البناء المثمر .. حتى يتظل المحاورات ناجحة .. وتدر الحب والامل لنا ولمصرنا بإذن الله

وشكرا

[عازفه على أوتار الذهب]

المحاورات.....لغة الحوار وتنبادل الأفكار....اكيد المحاوراتغيرت حاجات في حياتي.....تبادل الأفكار وآراء اتوضعت في مكانها.....وآراء كانت مدفونه

بسبب اليأس من تواجد حد ممكن يفهم هذه الآراء وممكن يوصلني لنقطه النهايه....بس أكيد في المحاورات لقيت ثقافات مختلفه.....

القراءه...فعلآ حبيت القراءه اكتر من الأول.....وخصوصآ ان في مواضيع بتشد الأنتباه ومن المهم قراء تها....

الوحده...إحساس ان في ناس كتير حواليك وفي تبادل افكار في حدود الإحترام المتبادل وأكيد كان عندي وجهات نظر وأفكار كتير أتنظمت......

الإعتراضات...طبعآ اني والحمد لله لقيت اعتراضات كتير على اوضاع كتير غلط وده كنت فاكره انه اختفى وانتهت الروح دي جوه المصريين من كتر

الحمول اللي على اكتافهم واتغيرت فكرة السلبيه اللي كنت شايفاها في المصريين....مع العلم انه للأسف برضه ان في بعض الناس مصره على توصيل

الفكره الغلط واننا في اي مكان لازم نتخانق حتى لو عملنا منتدى للتحاور الهادئ وتبادل الافكار والثقافات....

وأكيد طبعآ المحاورات أثقلت ثقافتي السياسيه وعرفتني حاجات كتير عن مصر المحروسه مكنتش اعرفها....

الأمل....وأهم حاجه اني عرفت إن مصر لسه بخير وفيها رجاله بجد حتى لو واحد فى الألف بس اكيد ده اداني الأمل اني ممكن تكون مصر لسه بخير....

تحياتي....

[محمد عبدالعزيز]

شكراً لك أيضاً يا أبو إيمان على المشاركة وشكراً لصديقك على دعوتك.

واحنا كمان يسعدنا وجودك معنا دائماً. :lol:

غيرتنى تغيير مهم وايجابى ... انها دفعتنى دفعا أن اغادر مقاعد المتفرجين والقارئين .. لأصبح من المشاركين والمتفاعلين .. وشريك فى المحاورات ... بعد فترة معينه من المتابعة بدون مشاركه او حتى اشتراك جدى .. ودا دليل انى حسيت هنا انى ممكن الاقى نفسى .. ومؤشر قوى لأرتفاع مستوى المنتدى مقارنة بمنتديات أخرى أرتادها الكترونيا

مش لوحدك يا أخ التونسى, أعتقد فى أعضاء كثير حصل لهم نفس التغيير ده ولو بدرجات مختلفة, بيساعد على كده طبعاً وجود أعضاء مؤمنين بأفكارهم وإيجابيين وده أكيد بيشجع غيرهم يبقوا مثلهم.

شكراً على المشاركة. :lol:

الأخت عازفة على أوتار الذهب, عزفت على أوتار الألم عندى فى قولها :

الإعتراضات...طبعآ اني والحمد لله لقيت اعتراضات كتير على اوضاع كتير غلط وده كنت فاكره انه اختفى وانتهت الروح دي جوه المصريين من كتر

الحمول اللي على اكتافهم واتغيرت فكرة السلبيه اللي كنت شايفاها في المصريين....مع العلم انه للأسف برضه ان في بعض الناس مصره على توصيل

الفكره الغلط واننا في اي مكان لازم نتخانق حتى لو عملنا منتدى للتحاور الهادئ وتبادل الافكار والثقافات....

جميل الاعتراض, وهو خطوة وليس كل المشوار, مطلوب ترجمة هذا الإعتراض ﻷفعال, وسعى لإيجاد البديل الأفضل مدى الحياة. اعتراضنا غالباً يقتصر على الكلام, حتى ليس الكلام الذى يوجه للأفضل, ولكنه اعتراض الضجر والضيق والشكوى فقط.

هل اعترضنا بأن نقول للمخطئ مباشرة فعلك هذا خطأ ولتكف عنه؟

مطلوب الاعتراض الإيجابى, وهو فقط الذى يؤدى للتغيير.

شكراً على المشاركة

[لولا]

لم اتغير فى شيء!

ازددت خبره

،و اعدت اكتشاف ذاتى..

رايت فى نفسي اشياء لم اكن اعرف انى املكها!

دائما كنت اميل للأنشطه الفرديه (كتابه،رسم،تصوير.تصميم..الخ)

هنا لأول مره اعرف انى يمكن ان امارس هوايه فرديه وسط كم هائل من البشر

بحيث يتحول النشاط الفردى الى جماعى، والقلم الى حوار، والفكره الى

افكار... هنا وجدت عالم احببته بشكل لا يمكن معه ان يكون مرورى من هنا مجرد مرحله!

هنا وجدت عقول واقلام لم اكن لأجدها فى محيط حياتى الضيق.

هنا اخرجت البعض من طاقاتى، واجدنى كل يوم املك المزيد.

حقا سؤال معبر..وفكره موضوع جميله ومتميزه.

شكرا لصاحب الموضوع.

تم تعديل 5 أغسطس 2008 بواسطة لولا

[مصرى لم يندثر أثره]

وجدت فى هذه المنتدى فكرا ناضجا ومصداقيه فى المناقشه والحوار واحترام لم اجده فى منتديات إذ لم اكن محاورا فى إحداها .............. ولكن فى المحاورات وجدت الكثير من الاقلام الواعيه والافكار الجديده ........... والروح المرحه .. الاسره الواحده ........ وامتزجت ثقافتى بثقافة غيرى ..... وارائى بأراء غير ى .. وجدت ضالتى فى هذا المنتدى

واستفدت منه كثيرا جدا ......................

مصرى لم يندثراثره

[حسام يوسف]

السلام عليكم

الموضوع بقالة سنة

بس والله ما شفتة الا النهاردة

وبجد الموضوع رائع

غير المنتدى فية حاجات كتير

كنت شايف اننا كمصريين مش كويسين

مبنحبش بعض

والمنتدى غيرلى الفكرة تماما

فية ناس محترمة كتير بتساعد اخواتها

كنت شايف ان مفيش فايدة

وان الامل مستحيل

دلوقتى بقى صعب

لكن مش مستحيل

لكن فية تغيير تانى

عرفت ناس محترمة جدا ع المنتدى

واتحولت علاقتنا من عالم افتراضى

لعالم حقيقى

ايميلات

وموبايلات

ورؤية فيس تو فيس

حبيتهم وقدرتهم

لكنهم خدونى من اصحابى الحقيقيين فى الحياة

مبقيتش اشوفهم أو أخرج معاهم

وبصراحة لأنى بقيت بعمل احلال فى لستة المعارف بناس ارقى

واحسن تفكيرا

الف شكر يا عم محمد ع الموضوع

[galaxy]

اولا تحياتي للموضوع الرائع...............

تغير بالفعل فيا الكثير جدا لا انكر..............وجدت مكانا مميزا باقلامه ورواده اكسبني روىه موضوعيه للعديد من الموضوعات بل والاشياء ......اصبحت اعبر عن نفسي اكثر واكثر ورؤيتي اصبحت اكثر موضوعيه للاشياء والمواقف......اعرف ان لدي الكثيروالكثير شأن اي شخص فينا لديه الكثير ليقدمه لا ينقصه الا ان ينفض عن هذا الكثير ما لحقه من غبار ويصقله ويبرزه............لذا عرفت نفسي اكثر وجوانبها التي من قبل تجاهلتها عمدا بعض الاحيان.....وصلت الي كثير من اغوراها التي لم اعرها اهتمام من قبل...اصبحت اقدر علي التعبير عن نفسي ..............تواصلت برقي مع اناس مهتمه بأمر بلادهاوحياتها دون زيف او مجامله لاننا هنا في عالم افتراضي لا داعي للمجامله فيه.....تعرفت بناس في منتهي الرقي وتطورت علاقتنا علي مستوي شخصي بل واسري ايضا ...استعضت بهم للاسف عن كثير من اصحابي في عالم الواقع ..........ولكن الدنيا لاهيه تلهينا ولا اجد اقرب لي منهم الان بالفعل....بالفعل فتح لي التواصل مع المنتدي بمن فيه افق جديد للحياه .......تحياتي :wub:

تم تعديل 11 أغسطس 2008 بواسطة galaxy

[حسام يوسف]

لم اتغير فى شيء!

ازددت خبره

،و اعدت اكتشاف ذاتى..

رايت فى نفسي اشياء لم اكن اعرف انى املكها!

دائما كنت اميل للأنشطه الفرديه (كتابه،رسم،تصوير.تصميم..الخ)

هنا لأول مره اعرف انى يمكن ان امارس هوايه فرديه وسط كم هائل من البشر

بحيث يتحول النشاط الفردى الى جماعى، والقلم الى حوار، والفكره الى

افكار... هنا وجدت عالم احببته بشكل لا يمكن معه ان يكون مرورى من هنا مجرد مرحله!

هنا وجدت عقول واقلام لم اكن لأجدها فى محيط حياتى الضيق.

هنا اخرجت البعض من طاقاتى، واجدنى كل يوم املك المزيد.

حقا سؤال معبر..وفكره موضوع جميله ومتميزه.

شكرا لصاحب الموضوع.

ياااااااااااااااااااااااااااااااااااااااااااااااااااااااااااااااااااااااة

كل دة ولم يتغير فيكى شيئ يا لولا؟ :blink:

[عبير يونس]

يا خبر:blink:

هو ده سؤال؟؟!!

الفضل بعد الله عز وجل

للمحاورات في تغيير حياتي

أو بمعنى أصح

لها الفضل إني بطلت أعيش في الماضي

إني أعيش في الحاضر

و إني انظر للمستقبل بأمل

شكرا لحضراتكم جميعا

يا عائلتي الكبيرة

يا من تعطونني الأمل في الحياة

كل سنة و انتم طيبين يا أهلي و ناسي

يا اخواتي و اخواني

يا للي فيكم لقيت دفء الأسرة بجد

كل سنة وانتم محاوراتية

كل سنة وانتم مصريين

كل سنة و انتم أهلي

:roseop:

تم تعديل 9 سبتمبر 2010 بواسطة مصرية متغربة

[shiko]

....اعتزلت الناس....صحابى ...

وكبرت دماغى من الناس.....

اعراض ادمان ...

[جسار]

نعم لقد زاد وزنى