فساتين سهره للمحجبات

[نانو]

ديه مجموعه فساتين سورايه للمحجبات ....فيها مجموعه افكار ظريفه

ان شاء الله هاتعجبكم

بس ياريت ما حدش يسألني فين وش الموديل ....لاني مااعرفش <_<

[nash]

ماشاءالله...

بجد تحفه.......

أظن بس محتاج شويه ريجيم علشان يكون مظبوط علي الأخر......

الصراحه .......وبصراحه الفستان الثاني عجبني جدا......

وهما أصلا كلهم حلوين.....

تسلمي يا عمري

[Folana]

السلام عليكم ورحمة الله ........

تصدقى بالله يا نانوو.....انا لما قرات عنوان الموضوع حطيت ايدى على قلبى ..ونطقت الشهادتين وقلت اعدلونى على القبلة...ليه بقى......لان كان لى موضوع عن فساتين السهرة ودخل زميل فاضل تيب كده ...وادانى كلمتين جابولى حول....وقلت بس ده عاد لينتقم...:lol:

بس الحمدلله...الحمدلله...قدر ولطف....:wub:

فساتين جميلة تسلم ايدك....شوف لنا سهرة بقى نلبس فيها الفساتين دى ...بدل ما نلبسها فى المطبخ برضه... :lol:

صباحك جميل......... :lol:

[inas]

رووووووووووووووووووووووووعه

كلهم تحفه

انا عيزه افصل اصلا فستان

وكنت مش لقيا موديل

وكل مشوف واحد اقول هو دا :lol:

[بنت النيل]

ايه الجمال ده فعلا رووووعة يا نانو

ممكن احجز فستانين لو سمحتى

عوزة ده

وعوزة ده

وبعدها نبقى نقعد مع بعض ندبر لهم سهرة :lol:

[نانو]

نانوش

ذوقنا واحد ياروحي انا كمان اكتر واحد عاجبني هو التاني والريجيم عندي طبيعي الحمد لله :rolleyes:

فولانه

ضحكتيني والله فكرتيني بالاخ العزيز الغالي ده واللي عمله فيا اول ما دخلت المحاورات ....اييييييييييييييييه ...عمر و بيعدي يا بنتي -_-

ما علينا ....حفله ...سهره ...مين جاب السيره ديه....الفساتين ديه بتتلبس في البلكونه.....ايه ما عندكيش بلكونه كمان :blink:

اينوا

انا مبسوطه اوي ان فيه حاجه عاجبتك و ممكن تستفيدي منهم :)

بنت النيل

من عونيا يا جميله اتفضليهم و ان كان علي السهره ...بسيطه ....عندي في البيت :)

[النسر المصري]

تصدقى بالله يا نانوو.....انا لما قرات عنوان الموضوع حطيت ايدى على قلبى ..ونطقت الشهادتين وقلت اعدلونى على القبلة...ليه بقى......لان كان لى موضوع عن فساتين السهرة ودخل زميل فاضل تيب كده ...وادانى كلمتين جابولى حول....وقلت بس ده عاد لينتقم...:)

بس الحمدلله...الحمدلله...قدر ولطف....:)

يااااه والله زمان يا فلالينو !!!

انت لسة فاكره الكلمتين اللي قولتهملك دول -_-

يااااه .ووالله يعني انا مبسوط جدا ومنكشح انك لس فاكــــ................ ايه؟! بتقولي ايه؟!

ايه في ايه :P

لا والله مش انا...!!! :)

يا شيخة قولي كلام غير ده :D

قال مش انا قال!! :rolleyes:

طب بصي علي وانا بكلم نانو كده وبقولها كلام حلو هعمل ايه :)

اما حتة موضوع يانانو ..ياااه ايه الحلاوه دي ..اي الطعــ.................. :P

هو ده جوز حضرتك اللي واقف ورايا يا اوستاذه نانو :blink:

اللله يرحمني...آآآآآى !!!

[عازفه على أوتار الذهب]

روعه يا نون هعملهم في الأتيليه بتاعي ان شاء الله.......

بس واالله برافوا عليكي انبسطت قوي لما لقيت موضوعك.....

انا من اول ما دخلت المنتدى وانا عايزه اطالب بفتح قسم للأزياء....

بس كويس انك عرفتيني ممكن احط الحاجات دي فين.....

بس عايزه اعرف الاول من فولانه الأخ الفاضل التيب اللي اداها كلمتين جابولها حول....

لسه موجود هنا ولا مشي........ :rolleyes:

[abaomar]

السلام عليكم

يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا (59) الاحزاب

[النسر المصري]

بس عايزه اعرف الاول من فولانه الأخ الفاضل التيب اللي اداها كلمتين جابولها حول....

لسه موجود هنا ولا مشي........ :blink:

موجود ياختشي موجود -_-

انت مش شايفاني ولا ايه؟! :rolleyes:

[nora]

تسلم الايادي كلهم تحفه حلني باه لما استخدمهم من خساسان ولما الاقي اصلا سهره :rolleyes:

[نانو]

طب بصي علي وانا بكلم نانو كده وبقولها كلام حلو هعمل ايه :blink:

اما حتة موضوع يانانو ..ياااه ايه الحلاوه دي ..اي الطعــ.................. -_-

هو ده جوز حضرتك اللي واقف ورايا يا اوستاذه نانو :rolleyes:

اللله يرحمني...آآآآآى !!!

مالك يا عمرو يابني بس ......ما انت كنت كويس ..... ده انت بتمدح في فساتين السهره ... ....ما تخافشي خلاص...خلاص انا افهم سي الافندي :)

[نانو]

روعه يا نون هعملهم في الأتيليه بتاعي ان شاء الله.......

بس واالله برافوا عليكي انبسطت قوي لما لقيت موضوعك.....

انا من اول ما دخلت المنتدى وانا عايزه اطالب بفتح قسم للأزياء....

بس كويس انك عرفتيني ممكن احط الحاجات دي فين.....

بس عايزه اعرف الاول من فولانه الأخ الفاضل التيب اللي اداها كلمتين جابولها حول....

لسه موجود هنا ولا مشي........ :rolleyes:

دهب الجميله

ربنا يخليكي علي ذوقك ...و يالا شدي حيلك ننشط شويه قسم الازياء

اما الاخ الفاضل اللي بتسالي عنه يا دهب..... هو مشي وتقريبا كده..... سايب العفريته بتاعته في المنتدي :blink:

[Siwa]

تسلم ايديك يانانو ياجميله على الفساتين التحفه.... :)

انا بقه هاخد البيعه كلها لما اخس......يعني في الاحلام.... -_-

اصل شكلي كده ممكن يتغير بعدها.....ويبطلوا يقولولي كابتن سيوة.... :rolleyes:

وبالمره بقى ما عندكيش شنط خروج وسهره حلوه.....بدل شنطه الضهر اللي ملاينه كتب اللي بشيلها :blink: ...

حقيقي تسلم إيديك :)

[nash]

اهلا يا عازفه

لا ياحبيبتي موجود وواقف للسيدات أغلب الوقت

مش فاهمه ليه بيدخل مواضيع مش بتاعته الصراحه

سبحان الله لسه فيه ناس كثير بتفكر نفسها أوصياء علي خلق الله

تم تعديل 28 يناير 2007 بواسطة nash