ايه الفرق بين......... الإعجاب و الحب ؟

[memo2007]

سؤال محير بنات كتييير "ومحيرنى انا كمان " وهو ايه الفرق بين الحب والاعجاب للأسف الاتنين قريبين من بعض ....تلاقى البنت شافت فى الاستاذ كل اللى هيه بتتمناه وحبته وعاشت فى وهم وده اصلا كان من البدايه اعجاب ... ما انا عاوزة اعرف ازاى الواحد تعرف اذا كان ده حب ولا اعجاب...هو طبعا فيه فرق بس اللى فى سن المراهقه بيختلط عليهم الامر ...........تانى سؤال ......... طبعا فى سن المراهقه بتكون مشاعر البنت والولد متقلبه ....وبتعيش البنت او الولد فى قصه حب بتسميها او بيسميه حب حقيقي وبعض فتره بيكتشفوا ان ده كان مراهقه ... بس بردوا ساعات بيحصل حب حقيقي ......ما أنا بردوا عاوزة اعرف ازاى البنت او الولد يعرف ان ده مش مراهقه وانه حب حقيقي .....يعنى بمعنى اوضح اذا نفرق بين مشاعرنا...................................................................................بما انكم اكبر من فى السن فعندكم خبرة ومعرفه فياريت تفيدونى وتتكلمو فى الموضوع ده وتفرقوا........

تم تغيير العنوان جزئيا ليعبر عن محتوى الموضوع صراحة

تم تعديل 5 فبراير 2007 بواسطة عادل أبوزيد

[nash]

أهلا يا ميمو

أتمني يا عمري ما أكنش أتأخرت عليكي في الرد

شوفي ياستي بما أني ماما لشابين في سن الراهقه,,,,وبما أني أيضا مررت بهذه المرحله...الجميله....سأقول لك التالي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

أولا أحلي مرحله بتمر بيها البنت والولد هي مرحله المراهقه...كلها مشاعر جميله وأحاسيس...جديده...

البنت بالذات...أول إنسان هاتطلع إليه هو أستاذها أكيد...لإنه هايكون أول راجل تتعامل معاه عن قرب خارج نطاق العائله....

هناك أساتذه معدومي الضمير يتخذونها فرصه للإيقاع بالصبايا الصغيرين في العمر والتجربه للأسف...

ثم تتجه العاطفه شمل ويمين لتبحث عن الإستقرار.....لن يتم النضوج للبنت عاده إلا في المرحله الجامعيه...لإنها مرحله جديده تماما...تختلف عن مرحله الثانوي بزهوتها وبراءتها....هنا يصبح حكمها علي الأمور أشمل وأعم....نتيجه للإندماج في تجربه جديده وعالم أوسع.....وتبدأ تنظر للأمور السابقه بنوع من الإستخفاف...وكأنها لم تمر بها من قبل....

بس أهم حاجه لازم تنحط في قلب وعقل البنت...العقل...تحكيم العقل والمنطق....والهدوء...وعدم الإسترسال في أحلام يقظه لا فائده منها..في الغالب....ولازم البنت تفهم أن سمعتها ...غاليه إن تلوثت..لن يداويها أحد أبدا ولن تستطيع النظر في عين إنسان أخر....

أيضا البنت تنضج أسرع من الولد..سواء من الناحيه العقليه أو الجسديه...مما يبرر ممكن زواج الفتاه في سن مبكرة نسبيا عن الولد...فإذا نظرنا لشاب عمرة 18 سنه ومتزوج ممكن تذهلي...لكن لو بنت ممكن تقولي عادي...مافيش معضله

..............................................................................................................................................

بالنسبه لإبني ....أنا أرفض تماما أن يقيم علاقه مع أي بنت خارج نطاق الأسرة لإنني كما أخشي علي أبني أخشي علي بنات الناس....

وكان منطقي ...إذا أحببت هذه الفتاه أو تلك ما هي الخطوة التاليه؟؟ هل ستتقابل معها خارج نطاقنا...أو ستركب سيارتك مثلا...أو تقابلها في النادي وفي الليل تجري الأحاديث علي التليفون من وراء ظهرنا وظهر أسرة الفتاة؟

ما لاأقبله علي أبني لن أقبله علي بنات الناس

..........................................................................................................................................

حبيبتي العمر الصغير...عمر جميل...نادرا ماأسمع عن قصه حب بدأت من المراهقه وأستمرت....بعد ذلك

.............................................................................................................................................

نصيحتي لك حبيبتي......أستمتعي بهذه الفترة الذهبيه..وعيشي أحلامك وامنياتك...وأستمتعي بكل لحظه فيها.....

لكن حياتي أنتبهي علي الحلال والحرام والجنه والنار...ولا تصدقي معسول الكلام من اي شاب...وأنتظري دخول الجامعه....وستفاجأي بأشياء أروع من مرحله الثانوي

[memo2007]

متشكره جدا على ردك الجميل ده ورد حضرتك ما اتأخرش ولا حاجه .................. انا دلوقتى فى المرحله الجامعيه وبشوف ان اى علاقه بتحصل فى الجامعه علاقه مراهقين لانهم من سن بعض "تقريبا" وزى ما حضرتك قولتى البنت بتضج اسرع من الولد ...او لان لسه المشار طويل لأنه لسه هايكون نفسه "يتخرج ويدور على شغل وهكذا "....... عشان كده قافله على الموضوع ده بالنسبه ليه لأنى خايفه احب او امشى ورا اللى حاساه وفى الاخر يطلع وهم "مشاعر مراهقه "عشان كده نفسي اعرف افرق بين مشاعرى لان اكيد فى فرق بين حب المراهقه والحب الحقيقي ........... مع علم انى مش مختلطه بشباب نهائى فى الجامعه

[nash]

صباح الخير يا ميمو

.......................

ردك عجبني جدا....فعلا أغلب العلاقات التي تنشأ في الجامعه الأن هي علاقه مراهقين....

جايز مش من طرف البنت ولكن من طرف الولد......البنت كما قلت لك من الممكن أن تتزوج في سن مبكرة نسبيا عن الولد...

وذلك لنضجها العقلي والجسماني..بالمقارنه بالولد....ولكن يمكن فارق العمر بين الجنسين....تذيب هذه الفروقات....بمعني أن عند الزواج يكون فارق العمر عامل مهم للولد لإكتساب مهارات تزيد نضجه.....أنا شخصيا ومن واقع خبراتي لم أكن أحبذ الزواج من أي شاب في الجامعه.....زميل يعني...لإني كنت أراهم أطفال بالنسبه لتفكيري..ولإهتماماتي.....بالرغم من أنني تزوجت في هذه المرحله أي قبل إنتهاء المرحله الجامعيه....ولكنه لم يكن زميلي ولم تنشأ قصه حب...أو أي شيء من هذا القبيل....

............................................................................................................................................

حبيبتي برافوا عليكي فعلا أغلقي هذا الباب...لا تفكري في أي علاقه.....لإنها غير مضمونه وفي نفس الوقت قد يكون لها تأثير سلبي علي مستقبلك وعلي سمعتك كفتاه جميله في أولي مراحل حياتها ..... قد يعارضني أخرون....ولكن أنا أري كما قلت لك أن أغلب علاقات الجامعه علاقات لن تنتهي بالزواج كما كان سابقا....وطبعا معروف لماذا...علي الأقل بسبب المستوي المادي المتدني للشاب ليستطيع أن يفتح بيت ويكون مسؤول عن أسره.

..........................................................................................................................................

حبيبتي لا تحملي هم مشاعرك.....جينما يأتي الوقت المناسب والنصيب.....ستعرفين وحدك وستقررين....هل هذا الحب حقيقي أم مشاعر مؤقته غير حقيقيه أو حتي مشاعر مراهقين .....أتركيها لرب العالمين.....وأخلصي الدعاء لله ...وإن شاءالله سيرزقك بالزوج الرائع...وتكملين معه مسيرتك في الحياة

...........................................................................................................................................

حبيتي أي أستفسار أو سؤال تحت أمرك......خذي راحتك علي الأخر

[أبو زياد]

أختى العزيزة ..

لقد تابعت الموضوع منذ أمس و لم أجد ما أضيفه على ما قالته الأخت ناش ..

ولكننى شاركت فقط لتعلمى أنها ليست فقط هى التى تتابعك ..

أسأل الله تعالى ان يوفقك لكل ما يحبه و يرضاه

وشكرا لك على أننا جميعا محل ثقتك و احترامك ..

[memo2007]

شكرا جدا على ردك الجميل يا ناش وفعلا هايجي اليوم وانا احدد لوحدي ومتشكره جدا على مشاركتك يا أبو ازياد وبجد لو تعرف انا بحب واحترم قد ايه كل اللى موجودين فى المنتدى ده وعندى فيهم ثقه كبيره جدا

[bassem_2009]

عفوا أنا لي رأي أنا في مرحلة مراهقة شوية

أنا حبيت بنت في الكلية بس عمري ما فكرت أكلمها ولا عمري كلمتها ولا ناوي أكلمها أو أسلم عليها

لأني أرى ما يحدث في الجامعات لعب عيال و تشويه

أنا طالما بحبها يبقى أخاف عليها

أخاف أقعد أنا وهي لوحدنا علشان ما حدش يتكلم عليها

الفرق بين الحب والإعجاب إن اللي أعجب بشخص ممكن يعجب بغيره أما اللي يحب حد لا يمكن يقبل غيره

[memo2007]

متشكرة جدا ياباسم على ردك الجميل ده

واضح ان حضرتك انسان كويس بس فى الجامعات مش هو ده اللى بيحصل

بس ممكن اسألك سؤال وليك حريه على انك تجاوب ولا لأ

انتو الاتنين فى سن بعض تقريبا وانت لسه هاتتخرج من الكليه وتدخل الجيش او تاخد اعفى وبعد كده تدور على شغل وتكون نفسك تعتقد ان هيه واهلها هاينتظروك لحد ما تخلص كل ده .................... انا اسفه لو تعديد حدودى بس هيه دى الحقيقه وياريت ما تقولش انى بفكر بعقلى

وممكن سؤال تانى ..........انت ازاى تعرف انك حبيت؟؟؟؟؟؟؟؟؟؟؟؟؟؟؟؟؟؟؟

[bassem_2009]

لا يا أختنا انتي لم تتعدي حدودك لأن أنا اللي اتكلمت

أنا لم أفكر في أنها ستنتظرني ولذلك فأنا لم أكلمها ولا أنوي فعل ذلك واكتفيت فقط أن أحلم بلقائها في الأحلام وقد قلت

قد يأتي يوم يجمعنا فيه اللقاء

تتعانق فيه أمانينا

نتقاسم فيه الأشواق

تتوحد فيه ليالينا

لنعيش نعيم العشاق

تتسابق فيه ايادينا

تروي زهور الأحلام

تتسابق في الطهر معانينا

تسمو فوق الأوهام

وهنا باقي القصيدة إن وددتم الإطلاع عليها

http://www.egyptiantalks.org/invb/index.php?showtopic=26267

اخترت أن أحبها فقط في الأحلام فأنا لا أفكر في مشاريع الزواج الآن بطبيعة الحال فمازال أمامي عامان ونصف حتى أتخرج وأنا ماليش جيش هيييييييييييييييه

ولكني لن أفكر في الزواج قبل 7 أعوام على الأقل وحينها سأفكر بشكل واقعي وعقلي بعيدا عن شطحات القلب الخيالية

أما كيف عرفت اني أحبها فلقد عرفت ذلك حين ابتعدت عنها أو حين حاولت نسيانها فوجدت أنها تأتيني ليس في الأحلام ولكن قبل أن أخلد إلى النوم

تأتيني لتضع يدها على جبيني تمسحه ثم تبكي لأني أحاول أن أنساها فأبكي فتختلط دموعي بدموعها على وجنتينا ثم ترحل عني في عينها نظرة المفارق بلا رجعة .................

هكذا عرفت اني أحبها

باسم زكريا

ابن مصر الصغير

تم تعديل 5 فبراير 2007 بواسطة bassem_2009

[memo2007]

ايه الكلام الجميل ده

انت كده شاعر مش طالب

وأنا ماليش جيش هيييييييييييييييه

ماشيه معاك ياعم :wub: :blink:

[bassem_2009]

ايه الكلام الجميل ده

انت كده شاعر مش طالب

وأنا ماليش جيش هيييييييييييييييه

ماشيه معاك ياعم :lol: :lol:

إيه الحق ده؟؟؟؟!!!!!!!!!

هو انتي ليكي جيش ولا ايه؟؟؟؟؟؟؟؟؟

[memo2007]

ايه ده هو انا ما قولتلكش

لا بجد ما قولتش

اصل انا بنت مسترجله ................ده سر :lol: :lol: :lol:

ما شى يا باسم :lol:

[bassem_2009]

بجد أنا آسف إن بدر مني ما يساء فهمه فأنا قصدت الهذار بس

[memo2007]

بجد أنا آسف إن بدر مني ما يساء فهمه فأنا قصدت الهذار بس

منك لله

انت فاكرنى زعلانه ده انا بردوا بهزر

وللعلم انا فعلا بنت مسترجله

:lol: تتوقع ايه من مدرسه رياضيات فى المستقبل غير كده

واللى مخلينى افكر فى موضوع الجيش لان اخويا كان هايدخلو بس خد تأجيل الحمد لله

تم تعديل 6 فبراير 2007 بواسطة memo2007

[Ahmad Farahat]

شوفي يا ستي...........

الإعجاب يعطي مبررا للحب.........

بينما الحب لا يعطي مبررا كافيا للإعجاب............

ربما لأن الحب قد يكون فعلا لا شعوريا ولا يتعلق بالشكل أو بالجوهر............

وفي كل الأحوال............

يظل الحب أكثر تأثيرا من الإعجاب لاسيما وأنه لا يحتاج إلى مبرر واضح...........

بينما الإعجاب قد لا يغير في القلب هوية الحبيب إذ أنه يظل قابعا في الخلفية ينتظر دورا على درج الفؤاد............

ولكنني أنصح بالإعجاب قبل الحب.........

كي يكون الحب مبررا............

في وقت قد يحتاج فيه الحب إلى التبرير..........

وقتها........

لديك ما تقولينه..........

أنا معجبة بفولان لأنه مثقف أو رياضي أو طيب...............

ولكن في حالة عدم وجود الإعجاب..........

ستقولين أنا أحب فولان............ولكن لا أدري لماذا؟؟؟؟؟؟؟؟؟؟؟

كده أحلى صحيح..........

بس.............يمكن برضه مش صحيح

[رمضان]

مساكم الله بالخير

بالنسبة لتجربتي الشخصية في هذا الموضوع انا كل ما اشوف واحدة تعجبني وبعد فترة انساها او ازهق وعمري ما حبيت الحب الدائم ومش عارف اذا كنت هحب ولا لأ يعني ممكن اكون اعجبت بـ 100 واحدة من جنسيات كتيرة ومفيش واحدة حبيتها فيهم .

[memo2007]

متشكره جدا لأرسين و لرمضان على ردهم الجميل ده

بالنسبه لأرسين لوبين

انا حاسه فعلا ان كلامك مظبوط

انما للاخ رمضان

هو فعلا بنعجب بأشخاص كتير

بس انا مش بزهق لان بتبقى حاجه فى شخصيه اللى قدامى اللى لافته نظرى واعتقد انها مش بتتغير فيه وممكن لانى مش بحاول اخليها تتطور بالنسبه لى

" لان من الاساس الطرف التانى مش بيبقى عنده علم بأي شئ "

الخوف بقى انى افضل طول عمرى كده اعجب من بعيد لبعيد

[bassem_2009]

مساكم الله بالخير

بالنسبة لتجربتي الشخصية في هذا الموضوع انا كل ما اشوف واحدة تعجبني وبعد فترة انساها او ازهق وعمري ما حبيت الحب الدائم ومش عارف اذا كنت هحب ولا لأ يعني ممكن اكون اعجبت بـ 100 واحدة من جنسيات كتيرة ومفيش واحدة حبيتها فيهم .

الحل يا أستاذي إنك تغض بصرك

[darker19]

ازاي نفرق بين الإعجاب و الحب؟؟؟

الحب مش مجرد إحساس, الحب حياة, على الحلوه والمره, بإختصار شديد مفيش شاب أو شابه (على رأي ريا وسكينة) يقدروا يحددوا إذا كان إحساسهم ده حقيقي ولا مجرد إعجاب....

ماينفعش نحكم على إحساسنا في بداية التجربة لأن في إعجاب بيتحول لحب, الحب الحقيقي مش بيبان إلا لما تبدأ المشاكل ومفيش حب من غير مشاكل, بس في حب بيستمر مهما كانت المشاكل الي بتواجهة و ده الحب الحقيقي, وفي حب بيضيع في أول مشكلة مهما كانت بسيطة وتافهة وده ممكن يكون أي حاجه تانية غير الحب....

أما بأه الي بيحصل في الجامعات ده لعب عيال وعك, لأن الي بيكون حاصل ان الطلبة سواء كانوا شباب أو بنات بيستخدموها كمبرر للزواج العرفي أو لإقامة علاقات كامله بدون زواج أصلا, بغض النظر بأه عن إذا كانت البنت مضحوك عليها أو لا....

من الأخر كده وبعد تجارب مريت بيها بقيت شايف ان الحب الحقيقي ما بيجيش غير بعد الجواز و العشرة والي قبل الجواز ده كله إذا ماكانش مراهقة أوإعجاب فهو لعب عيال, لأن لو حسبناها بحسبة بسيطة جدا, كمسلمين ممكن نتخيل للحظة واحده مثلا ان سيدنا محمد صلى الله عليه وسلم دخل عليا أوضتي وأنا أعد بكلم حبيبتي على التليفون وبتغزل فيها أو بغنيلها أغنية عن الحب و الغرام وبوصفلها إحساسي وأد ايه مشتاقلها وما إلى ذلك من كلام, هايبقى ايه موقفي هل سيدنا محمد هايكون راضي عني أو عن أي شاب وبنت بيعملوا كده, أكيد لأ طيب لما سيدنا محمد صلى الله عليه وسلم مستحيل يكون راضي عن شئ زي ده فما بالكم بغضب الله عز وجل....

إزاي بأه الإنسان يبدأ حياته بالشكل ده, يبدأها بمعصية, لو ركزنا كويس هنلاقي ان موضوع الحب هو بداية سقوط المجتمع, حاليا في الجامعات الحب غالبا بيتطور لجواز عرفي أو جواز عن طريق الدم أو تسجيل شرايط الكاسيت وعلاقات كامله بدون أي محاولة حتى لإيجاد شرعية أو حل من الحلول الفاشلة الي فاتت دي....

مش لاقي حاجه أختم بيها كلامي غير, ان لو قرينا عن الصحابة وعلاقاتهم الزوجية, هنلاقي اننا بعيدين كل البعد عن الصح, هنلاقي ان الحب مش في انها جميلة ورقيقه ومابنامش الليل من شوقي ليها, أو في انه وسيم و ظريف وبيضحكني وبيخاف عليا, الحب هايكون حاجه تانية خالص صعب جدا اني أقدر أوصفها بس ماقدرش أقول غير انهم بيكونوا مجتمعين على حب الله و أكيد ده الي بيؤدي لنجاح و إستمرارية العلاقة.

يمكن يكون رأيي صعب أو بعيد عن أرض الواقع لأن النماذج دي شبه اختفت من مجتمعنا أو بالأصح من الجيل الجديد - شباب المستقبل دلوقتي كل همه يعمل نيو لوك ويعاكس دي ويصاحب دي....

عليه العوض

[memo2007]

ياااااااااه على ردك الجميل يا أخ داركر

كتير بقول كده بس بيقولو عليا هبله ومش بفهم حاجه لانى بقول ان كمان فى فتره الخطوبه مفروض الاتنين ميتبادلوش كلمات الحب لانه حرام

لان من وجهه نظري............. ان لو مهندس بنى عماره والاساس لخبط فيه "يعنى اساس العماره مش سليم " العماره ممكن تقعد يوم شهر سنه او سنيييييييين بس مسيرها هاتقع

وهيه نفس الفكرة لو اتنين بنوا بيتهم على غلط عمرهم ما هيستمروا وهيحدث الانفصال بعد مرور الوقت " لأن ما بني على باطل فهو باطل "

أما للأخ باسم

الحل يا أستاذي إنك تغض بصرك

طبعا غض البصر ده امر من عند الله ولازم نعمل بيه

بس هو لازم يكون الاعجاب بالشكل يعنى اللى قدامى شكله حلو يبقى اعجب بيه

انا من رأيي انى لما بعجب بشخص بيبقى عشان شخصيته مش شكله

تم تعديل 8 فبراير 2007 بواسطة memo2007