هل فعلا تتمنى كأهلاوي ان يسقط نادي الزمالك؟؟!!(النسر امصري)

[النسر المصري]

سؤال ياجماعة محيرني بجد؟!.... هل فعلا تتمنى كأهلاوي ان يسقط نادي الزمالك؟؟!! .... وهل تتمنى ان يسقط الاسماعيلي؟!!

واعني بكلمة السقوط ان يتدمر النادي نهائيا....وان يتسرحوا اللاعيبه...او ان يظل عالق في مشاكل للأبد؟!

أقول هذا الكلام بعد ان صعقت وانا متخوف من عودة مرتضى منصور لنادي الزمالك؟!... حيث سأسمع العويل والصويت والشتائم والبلطجة والقرف والخربطة تحل محل الهدوء والاستقرار الذي ينعم به الزمالك حاليا؟! ... حيث سأرى قريبا افلام السقوط والهبوط للاعيبة الزمالك وجماهيرهم المغلوب على امرها؟!

واخاف ان الاسماعيلي يحدث له ماسيحدث بعد ان يهدمو ادارته وان يلحق بقطار الزمالك ؟!

وهكذا تدور الدائرة على أغلب النوادي (ان لم يكن كلها)... ويستثنى من القاعدة نادينا الأهلي العظيم بكل ما يحققه من استقرار وبطولات؟!

واحد حبيبي اهلاوي هيقلي (وانت مالك يا أخي المهم الأهلي)؟!........

هل فعلا مش مهم الزمالك....مش مهم اسماعيلي... هل فعلا مش هتمد ايدك كأهلاوي عشان تساعدهم عشان يقوموا؟!

هل فعلا مش هتعوز ان الزمالك يبقى فريق كويس ويحقق انتصارات....هل فعلا مش عاوز الاسماعيلي يبقى فريق قوي؟!

مش عارف اقول ايه....بصراحة انا اتمنى اني اساعد....واقف وابين معدني الاهلاوي الاصيل.......رغم اني اتبهدلت كتير بالشتائم والسب من زمالكاوية واسمعلاوية؟!....لكن دة لم يثننيني مرة عن اني اتعامل مع الاغلبية باحترام؟!.... واغيظ الغير محترمين باني ابين معدن الاهلاوي كصاحب مباديء وأخلاق؟!.... ولما تعمقت...وجدت الحقيقة ان القلة من هؤلاء هم الغير محترمين....وهؤلاء متآمرين على انفسهم وليس على الاهلي فقط؟!...انهم قلة قليلة.....لايعبرون عن القاعدة من جماهير النادي الاسماعيلي او الزمالك؟!

هذه هي الحقيقة؟؟؟؟ اني اهلاوي وفخري اني اهلاوي.......وسأنصر صديقي اللدود(كما احب ان انادي واحد صاحبي زمالكاوي :) )....وسأساعده.......وهقف جنبه .... وزي ماقالوا جماهير النادي الأهلي....وبتوجيه من الأهلاوي المحترم جدا صلاح السعدني.....حينما علقوا يافطة بعرض الملعب نقول فيها ردا على الافتات التي لاتحب الاهلي من القلة المندسة....

انا بحب القناة ....زي مابحب الدلتا....زي مابحب الصعيد...زي مابحب الاسكندرية........زي مابحب سينا.....وبحب مصر.....عشان أنا أهلاوي

ياسلاااام..مااتتخيلوش انا فرحان باليافطة دي قد ايه.......وعندي أغلى من كل بطولات الدنيا حتى كاس العالم.....لانها بطولة المباديء والاخلاق التي دائما نفوز بكأسها...وهذا سر حبي للأهلي منذ الصغر

لذلك دعوة لكل أهلاوي ....ألا نرد على الشتيمة سوى بالحسنة...سواء في الملعب ..او في الشارع....او حتى بينك وبين نفسك

ووجه رسائل حب لكل نوادي مصر...وهنئهم اذا مافازوا.....وشجعهم اذا ماخسروا....ولن أنسى ماتش 4/4 بتاع الاهلي والاسماعيلي عندما صقفوا الجماهيريين لبعضهما

حتى ماتش 6/1 بتاع الزمالك...كانت جماهير الزمالك تصقف للاعيبه الاهلي..وان كانت قليلة

لا ...لن اقبل ان يعود مرتضى منصور ليهدم الزمالك....بل سأساعد الزمالك على ان يفوز وينتصر وسأساعده بكل قوة

وسأساعد الاسماعيلي ايضاً

وسأفعل هذا الى ان يفهمو القله المندسه بان مصر هي الاهم من كل شيء......مصر فقط...مصر وبس

مصر أولا ......وقبل كل شيء

تم تعديل 30 يناير 2007 بواسطة النسر المصري

[MZohairy]

يا أبا النسور الشامخه العاليه المحلقه

ربك دايما بيسلط أبدان على أبدان :rolleyes:

واللي بيشيل قربه مخرومه بتخر فوق دماغه

و كل واحد متعلق من عرقوبه :)

إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ

صدق الله العظيم

[النسر المصري]

لابجد يامسيو زوهيري :rolleyes:

.....هل فعلا احنا بنتمنى لبعض كده...او انت بينك وبين نفسك بتتمنى ان مرتضى يرجع عشان يخربها؟!!!

انت قولي بالله عليك ياشيخ!!!

وبعدين كوكو واوا حبيبي وصديقي دخل عالموضوع وماعلقش...ياترى ليه :)

[MZohairy]

لابجد يامسيو زوهيري :)

.....هل فعلا احنا بنتمنى لبعض كده...او انت بينك وبين نفسك بتتمنى ان مرتضى يرجع عشان يخربها؟!!!

انت قولي بالله عليك ياشيخ!!!

طبعا لأ

مفيش حد محترم يتمنى الشر لولاد بلده ابداااااااااااااا

تم تعديل 30 يناير 2007 بواسطة mzohairy

[بنت النيل]

حب لاخيك ما تحبه لنفسك

والله في عون العبد ما كان العبد في عون أخيه،

ولا يبع بعضكم على بيع بعض، وكونوا عباد الله إخواناً، المسلم أخو المسلم لا يظلمه ولا يخذله ولا يكذبه ولا يحقره،

هذه سطور من بعض الاحاديث كافيه للرد من زمالكويه وليا الشرف :rolleyes:

مع تمنياتنا للاهلى بالتوفيق

واخيرا يانسر فى مثل بيقول ايه :

من حفرحفرة لاخيه وقع فيه :) :rolleyes:

[النسر المصري]

واخيرا يانسر فى مثل بيقول ايه :

من حفرحفرة لاخيه وقع فيه :lol: :lol:

عرفته :blink:

مرتضى منصور :blink:

مش كدة :D

[بنت النيل]

واخيرا يانسر فى مثل بيقول ايه :

من حفرحفرة لاخيه وقع فيه :lol: :D

عرفته :blink:

مرتضى منصور :lol:

مش كدة :D

لاء ده هو كدا واضح انه مرتضى نسـور :D

خلينا بقى نشوف مين هياخد الكاس عمان ولا الامارات :blink:

[MZohairy]

واخيرا يانسر فى مثل بيقول ايه :

من حفرحفرة لاخيه وقع فيه :lol: :D

عرفته :blink:

مرتضى منصور :lol:

مش كدة :D

لاء ده هو كدا واضح انه مرتضى نسـور :D

خلينا بقى نشوف مين هياخد الكاس عمان ولا الامارات :blink:

شفت بقى يا نسر الزمالكاويه وآخرة اللعب معاهم؟ :D

اهي الحاجه بنت النيل اطلقت عليك وابل من التريقه الي يقولوا عليها بالانجليزي أن أنسرابل (لا يمكن الرد عليها)

رد بقى و ابقى اتعلم ان عدوك ابن كارك (كارك يعني صنعتك مش عربيتك) :D

[kokowawa1979]

النسر المصري كتب :

وبعدين كوكو واوا حبيبي وصديقي دخل عالموضوع وماعلقش...ياترى ليه

يانسر ياحبيبي إنت وجهت الكلام للأهلوية فقط وعلشان كدة أنا قريت الموضوع اللي انت كتبته وماردتش علشان الكلام للأهلوية وأظن ياخويا النسر سكوت الأهلوية علامة الرضا :blink: اسألني أنا عن قلوبهم من غير لف ولادوران !!! سيبك انت راجل عسل يانسر بصحيح :blink:

ياعم خش شوف أخونا محمد عبدالعزيز عاوز تصميم للموقع الالكتروني الخاص به وأنا رشحتك لهذه المهمة لكن خللي بالك بالنص :lol:

بنت النيل كتبت :

خلينا بقى نشوف مين هياخد الكاس عمان ولا الامارات

مبروك لنا - الإمارات كسبت - أنا باقول لنا لإن الإمارات اسمها المنتخب الأبيض- وكانت عمان لابسة الاحمر علشان كدة ربنا خسف بهم الأرض :lol: والواد اسماعيل مطر لاعب الوحدة زملكاوي أصيل - أي والله هذه حقيقة .

على فكرة يابنت النيل انت مكسب كبير للزملكاوية بقفشاتك المحترمة - تذكرت التوبيك الذي فتحتيه بمناسبة حصول الأهلي على المركز الثالث وقمت بتوقعك لأخبار الرياضة الحمرا :D وهاهو اليوم برشلونة رفض مقابلة الأهلي بأقل من 3ملايين ونصف المليون يورو- ويبدو أن مسئولي الأهلي قرأوا التوبيك الخاص بك وظنوا أن برشلونة سيدفع لهم من أجل لعب مباراة مع الأهلي العالمي :D وبكرة إخوانا الصحفيين هايخسفوا ببرشلونة الأرض ويقولوا إيه برشلونة بجوار نادي القرن :D

معلهش ياخويا النسر إذا انا غيرت الموضوع شوية لكن أنا عارف إنك حبيبي وهاتستحملني :D

تم تعديل 30 يناير 2007 بواسطة kokowawa1979

[بنت النيل]

واخيرا يانسر فى مثل بيقول ايه :

من حفرحفرة لاخيه وقع فيه :lol: :D

عرفته :blink:

مرتضى منصور :lol:

مش كدة :D

لاء ده هو كدا واضح انه مرتضى نسـور :D

خلينا بقى نشوف مين هياخد الكاس عمان ولا الامارات :blink:

شفت بقى يا نسر الزمالكاويه وآخرة اللعب معاهم؟ :D

اهي الحاجه بنت النيل اطلقت عليك وابل من التريقه الي يقولوا عليها بالانجليزي أن أنسرابل (لا يمكن الرد عليها)

رد بقى و ابقى اتعلم ان عدوك ابن كارك (كارك يعني صنعتك مش عربيتك) :D

يا حاج زوهيرى احنا قولنا من مداخلاتك انك حكم خير بدل ما كل مره نجيب حكام اجانب

وبعدين ماحنا ساكتين مين اللى جلبنا وكمان انت لسه قايل ايه يا زوهيرى :

لي بيشيل قربه مخوالرومه بتخر فوق دماغه صح

يبقى يستحمل بقى :D

شكرا ياكوكو وحياتك هما كل الزمالكويه كدا ذى العسل

حتى فى افشاتهم المحترمه :D

انت بتقول : ( وبكرة إخوانا الصحفيين هايخسفوا ببرشلونة الأرض ويقولوا إيه برشلونة بجوار نادي القرن )

ادينا مستنين عشان نقول اخر الاخبار ونقولها على طريقة صحفتنا ;)

[النسر المصري]

بردون مسيو زوهيري :lol:

زمالكويه دول احيانا بحس انهم سوفاج تريبيون :lol:

بس اعمل ايه يامسيو!!!

جو تيم لامور زمالكيو :blink:

ماتخليكو حلوين بقى يازملكويه وتقولولي يعني ايه رايكم بجد في الكلمتين اللي قولتهم :blink:

[التونسى]

بص يا نسر .. فيه حقيقه محدش يقدر ينكرها .. وهى ان معظم المصريين من كافة المدن والمحافظات بيشجعوا الاهلى .. وهى دى مشكلة الانديه الاخرى .. بل ومشكلة الكره المصريه كلها .. لاننا شعب بنحب الكوره جدا .. وللأسف تم ((تسييس)) الكوره واستخدامها من قبل السلطة الحاكمه .. بحيث تكون الانتصارات الكرويه مثل المهدئات التى تلهى المصريين عن قضاياهم الخطيره والمزمنه اليوميه .. وليس ادل على ذلك من فوزنا ببطولة افريقيا العام الماضى والذى تزامن مع حادث العباره المصريه وكذلك ظهور حالات اصابه بانفلونزا الطيور وكذا الاعتداء على اللاجئيين السودانيين ..

من المصلحه السياسيه ان الاهلى يفضل هو الاول .. ومفيش مانع يتعثر سنه والا سنتين .. بس بيرجع تانى الاهلى ملك الكوره فى مصر وافريقيا .. ودا عن استحقاق مفيش كلام .. لأنه عنده اداره قويه .. وغالبية الجماهير .. الى جانب الاستفاده من ((تسييس)) الكوره فى مصر كما أسلفت

ومن الأخر وزى وام فال العضو زوهيرى عدوك ابن كارك .. واستحاله انك كاهلاوى تتمنى أى فريق يتفوق عليك .. زى ما استحاله فى باقى الانديه .. لكن طبعا مش معقول تتمنى لمنافسك انه ينهار تماما .. أمال أنت بقى حتنتصر على مين وتهريه غلب واهداف .. انت مش حتتمناله الفناء لكن حتتمناله يفضل قزم قدام فرقتك عشان تفضل انت المتفوق

[بنت النيل]

شوف يا نسر وحسابنا بعدييييييين :angry2:

طبعا كل واحد بيتمنى لنفسه التوفق دائما على منافسه لكن انه يتمنى له الهلاك والانهيار تماما

او ذى مابتقول لاء طبعا اومال فين بقى الروح الرياضيه واخلاق الرياضين والرسامين ;) :P

لكن رغم كلامنا ده اعتقد ان فى ناس بتتمنى اللى انت بتقول عليه ده بدليل اللى حصل من بعض الجماهير

هنا بالكويت فى الملعب يوم ماتش الزمالك ،، حتى ما اعتبروش ان اللى بيلعب ده فريق مصرى لاء اعتبروه فريق عدو لهم ،، واعتقد ان ده شيىء بعيد تماما عن الاخلاق الرياضيه لكنه قريب من الحقد والكراهيه

بقولك ايه ممكن سؤال كدا على الماشى

هو ليه اللى بيحكموا عليه بالاعدام بيلبسوه احمــــــــر ؟؟؟

كفايه عليك كدا انهارده :D

[Ahmad Farahat]

صديقي وحبيبي في الله..................

النسر المصري.............

إن أزمة الزمالك في جماهيره...........

من غير زعل...................

إن أسهل شيء يمتلكه الفاشل أو العاجز هو أن يلصق بالآخرين أسباب عجزه وهذا ما يفعله الجمهور الزملكاوي....................

للأسف............

ليس دورنا كأهلاوية أن نعطيهم مما أعطانا الله.............

فقط عليهم أن يتعلموا..............

لقد ناديت ها هنا..............

يا إخوتي............

من فضلكم............

ليس عيبا في أن تتعلموا من غيركم............

ما ينفعشي..........

يعني ليه تتكلم عن محمد عبد الله وأكوتي وعمرو سماكة وانت واقع في نفس المشكلة

ما فيه عادل فتحي وأحمد حسام ومجدي عطوة وقبلهم وليد صلاح عبد اللطيف

وفيه في أوروبا لاعيبة كتيييييييييييييييييييييييييييييييي ما بتلعبشي

بس تلاقي الناس هنا ماشية بمثل

عيني فيه.........إخيه عليه

صدقني أنا مايشرفنيش كمصري أبدا اللي فيه الزمالك ولا اللي فيه البلد كلها

بس الناجح لا ينبغي أن ينال الراسبون من نجاحه

على الراسبين أن يتعلموا من نجاحه

أذكر صديقا زملكاوي قال لي

مفيش غير مرتضى منصور اللي بيشتمكوا

هوا ده إنجازه

بيشمنا

ومن هنا دخل مرتضى منصور

واحد تاني والمفروض إنه كبير

أسوأ صحفي في مصر محمود معروف

يقول الجمعية العمومية في الزمالك أهلوية وبتختار اللي ما يصلحشي عشان النادي يخرب

ده بالذمة كلام

أنا آسف مقدما لو كلامي قاسي حبيتن

بس (إن الله لا يغير ما بقوم حتى يغيروا ما بأنفسهم)

ووالله العظيم ما هيتعدل حال الزمالك طول ما العقلية واحدة

لازم المجالس ما ترضيش جماهيرها وبس

مش علشان أفضل عضو في مجلس الشعب لازم أراضي الجماهير بطلب إحاطة غبي علشان سؤال في التعبير..........

فرقت إيه عن اللي بيحصل في لبنان ولا العراق................

جماهير الأهلي لا تدير ناديها............

ولو أدارت ناديها مش ممكن تقوده للنجاح...............

بس هيه بتلعب دور في المنظومة وباحترافيه شديدة

هوا ده الفارق...........

وأعتذر مرة تانية

[النسر المصري]

صديقي وحبيبي في الله..................

النسر المصري.............

إن أزمة الزمالك في جماهيره...........

من غير زعل...................

إن أسهل شيء يمتلكه الفاشل أو العاجز هو أن يلصق بالآخرين أسباب عجزه وهذا ما يفعله الجمهور الزملكاوي....................

للأسف............

ليس دورنا كأهلاوية أن نعطيهم مما أعطانا الله.............

فقط عليهم أن يتعلموا..............

لقد ناديت ها هنا..............

يا إخوتي............

من فضلكم............

ليس عيبا في أن تتعلموا من غيركم............

ما ينفعشي..........

يعني ليه تتكلم عن محمد عبد الله وأكوتي وعمرو سماكة وانت واقع في نفس المشكلة

ما فيه عادل فتحي وأحمد حسام ومجدي عطوة وقبلهم وليد صلاح عبد اللطيف

وفيه في أوروبا لاعيبة كتيييييييييييييييييييييييييييييييي ما بتلعبشي

بس تلاقي الناس هنا ماشية بمثل

عيني فيه.........إخيه عليه

صدقني أنا مايشرفنيش كمصري أبدا اللي فيه الزمالك ولا اللي فيه البلد كلها

بس الناجح لا ينبغي أن ينال الراسبون من نجاحه

على الراسبين أن يتعلموا من نجاحه

أذكر صديقا زملكاوي قال لي

مفيش غير مرتضى منصور اللي بيشتمكوا

هوا ده إنجازه

بيشمنا

ومن هنا دخل مرتضى منصور

واحد تاني والمفروض إنه كبير

أسوأ صحفي في مصر محمود معروف

يقول الجمعية العمومية في الزمالك أهلوية وبتختار اللي ما يصلحشي عشان النادي يخرب

ده بالذمة كلام

أنا آسف مقدما لو كلامي قاسي حبيتن

بس (إن الله لا يغير ما بقوم حتى يغيروا ما بأنفسهم)

ووالله العظيم ما هيتعدل حال الزمالك طول ما العقلية واحدة

لازم المجالس ما ترضيش جماهيرها وبس

مش علشان أفضل عضو في مجلس الشعب لازم أراضي الجماهير بطلب إحاطة غبي علشان سؤال في التعبير..........

فرقت إيه عن اللي بيحصل في لبنان ولا العراق................

جماهير الأهلي لا تدير ناديها............

ولو أدارت ناديها مش ممكن تقوده للنجاح...............

بس هيه بتلعب دور في المنظومة وباحترافيه شديدة

هوا ده الفارق...........

وأعتذر مرة تانية

اوبس :P

بنت النيل......وكوكو واوا......وكل اخوتي الزمالكاويه الاحباء :D

ماتتحرجوش.....

معلش انا عارف ان آرسن لوبن حبيبي حرجكم بالكلمتين الجامدين بتوعه :angry2:

بس معلش ماتتحرجوش والنبي خلاص .....ومش عايزكو تعيطو خلاص...انا قررت اني ماكملش عليكو....عشان انا بحبكم اوي ;)

[رمضان]

هلا يا نسر

بص يا ابو النسور يعني لو افترضنا لا قدر الله ان الزمالك والاسماعيلي وقعوا طيب في الحالة دي الاهلي هيكسب مين ؟ انا عندي حل اخر انهم يعملوا منتخب الزمالك والاسماعيلي ويلاعبوا الاهلي .

[otaka]

احلى اجابه

الاهلى فوق الجميع :lol:

بالمناسبه احمد فتحى قعد احتياطى امبارح و ان شاء الله يلعب الماتش الجاى

اخيرا اصبح هناك دراويشى اخر فى هذه الجزيره ْْْXXXXXX

الأخ اوتاكا ... يرجى مراعاة أنتقاء ألألفاظ

الإدارة

داروين

[kokowawa1979]

النسر المصري كتب :

بنت النيل......وكوكو واوا......وكل اخوتي الزمالكاويه الاحباء

ماتتحرجوش.....

نتحرج من إيه ياعم النسر أنا عايزكم تفضفضوا باللي في قلبكم :lol:

إحنا يكفينا كلام الفيفا على جماهير العشوائيات - :ph34r: لإن أخونا أرسين متناقض في كلامه شوية يقول إن جماهير الأهلي لو قادت النادي عمره ماهيشوف النجاح وبعدها مباشرة يقول لك لهم دور في المنظومة بتاع النجاح !!

ماتزعلش مني ياعم أرسين إحنا زملكاوية فشله صحيح زي ماقلت لكن بنفهم في الكورة :)

يانسر خلليني بعيد أحسن انا كلامي مابيعجبش أبو شادي اللي سانن مقصه عندي أنا بالذات :P

[kokowawa1979]

داروين كتب :

الأخ اوتاكا ... يرجى مراعاة أنتقاء ألألفاظ

الإدارة

داروين

الأخ داروين على الرغم من إختلافي معك في السابق في بعض ألفاظك في الحوار سابقا - لكن صدقني أحترم فيك طريقة توجيهك كمشرف - وهذا ليس نفاق مني لأنك مقارنة بآخرين هناك فارق شاسع في طريقة التوجيه التي تختلف كثيرا عما قد لايعجب مشرف آخر من الحوار الذي يرغب في انهائه بطريقة مستفزة

لك تحياتي

تم تعديل 31 يناير 2007 بواسطة kokowawa1979

[otaka]

احلى اجابه

الاهلى فوق الجميع :lol:

بالمناسبه احمد فتحى قعد احتياطى امبارح و ان شاء الله يلعب الماتش الجاى

اخيرا اصبح هناك دراويشى اخر فى هذه الجزيره ْْْXXXXXX

الأخ اوتاكا ... يرجى مراعاة أنتقاء ألألفاظ

الإدارة

داروين

بصراحه انا مش عارف الكلمه يعنى مستخدمه كثيرا يعنى و انا مكنتش اقصد اهانه يعنى يا استاذ داروين

انا خايف لحضرتك تكون فهمت انى بتكلم على الجزيره اى النادى الاهلى لا و الله انا بتكلم على بريطانيا فمش عارف الكلمه خارجه ليه

و شكرا

يا عم نسر

انت متاكد انه ده نسر ده واضح انه نسر ابن ناس و مؤدب قوى :)