مين أفضل للأسره و المجتمع

[MZohairy]

السؤال ده يصحبه منتهى حسن النيه لجميع الأخوه قصار القامه

يعني مفيش شماته او رزاله ...ده مجرد استبيان ;)

فلا داعي لسؤ الفهم :angry2:

فقصير القامه قد يكون طويل النظر

او طويل اللسان

او ايده طويله

و دي كلها حاجات في رأيي المتواضع بتعوض كتير اي احساس بالنقص -_-

و بعدين مجرد رضاؤه بما قسمه له المولى ..ده في حد ذاته ثواب كبير لا يحظى به طوال القامه

و عادة في المدارس كان دايما القصير يقف قدام و الطويل ورا و يبقى حاسس انه في المقدمه و زمايله اللي اطول منه واقفين وراه و عمالين يدعموه بطرق مختلفه :P

اعلاء صفة التواضع في الإنسان فكلما اقترب الإنسان من الأرض زادت تقواه

وجود احاسيس لدى القصير لا يمكن تواجدها عند الطويل زي الفرح مثلا لما يقعد على السجاده و يدلدل رجليه على الأرض -_-

دعونا ننطلق في الاستبيان مين الأفضل للأسره و المجتمع؟؟؟؟ :D

[رمضان]

كل ده وحسن نية

المهم بتبان مميزات القصير مثلا لما يركب طائرة تابعة لمصر للطيران بيحس انها متفصلة على مقاسه لكن تعالى شوف الطويل بيكون عامل ازاي كأنه في علبة سردين .

لما القصير يشتري سيارة مثلا اي سيارة تناسبة حجم صغير حجم كبير كله بيمشي معاه لكن تعالى شوف الطويل لازم سيارة كبيرة ويدفع مصاريف اكتر .

لما مثلا يشتري ملابس بيلاقي مقاسه بسرعة لكن شوف اخوانا الطوال ايه اللي بيحصل لهم ان مكنش موديل الماني او فرنسي او ايطالي ابقى قابلني لو لقوا مقاسهم .

وخد عندك من الامثلة دي كتير

ممكن سؤال طبعا ليك يا أخ مزهيري انت طويل ولا قصير

ملحوظـــــــــــــــــــــــــــــــــــــــــــة :

قصار القامة بيتضايقوا جدا لما حد يفكرهم بالحكاية دي

[النسر المصري]

بونجور مسيو زوهيغي :D

طبعا تعلمون ان حديث رسول الله صلى الله عليه وسلم حيث قال (خير الأمور الوسط)

ولذلك فنحن متوسطين القامه ...دائما نشعر انه لاتوجد معنا مشاكل مع الطويل أو القصير

...ودائما البدلات والملابس وماإلى ذلك تكون مفصلة خصيصا لنا

...والسيارات سواء كبيره او صغيره فهي مناسبه لنا. ;)

...والا حذيه دائما نجد مقاساتها وبكثره..... :angry2:

ودهب وياقوت ومرجااان ..أحمدك ييارب :P

نحن اذا االأوفر حظاً من طوال القامه...وقصار القامه....

اللهم لا شماته -_-

[MZohairy]

اذا رمضان يؤيد القصار

والنسر يؤيد الوسط

ها :angry2:

[رمضان]

اخ مزهيري حرام عليك انا اؤيد القصار طب ازاي وانا طولي ما شاء الله وامسكوا الخشب 195 سم

انا بحقد عليهم

[لخبطه]

مميزات الزوج الطويل

مش هيكون مطلوب سلم في البيت كل حاجه في السقف هتتم بدون الحاجه لسلم يعني

تركيب النجف

تغيير لمبه بايظة

ضرب بريصه ( وزغة ) على الحيطه بشبشب

في طابور العيش الطويل مفيد جدا بيكون أخر واحد في الصف ويمد أيده على الشباك بكل يسر وسهوله

عيوب الزوج الطويل

جزمته ( اعزكم الله ) محتاجه باركنج لحدها يعنى قدام باب الشقه المفروض يتعمل شمسيه لها وخناقات بقا هيركن ازاي وفين

كمان لو راح يشترى جزمه الجزماتي هيقوله روح اشترى متر جلد وهاته افصل لك واحده

طربيزه المكواه مش بتكفي بنطلونه محتاج طربيزة عموله وكذلك سرير عموله لانه رجله في فصل الشتاء هتصاب بكل امراض البرد كمان محتاج بطانية عموله

[نيرون]

يا جماعة اللي طوله 173 سم يبقي فين ...... :o

مع معين بالضبط.... :lol:

دا كده يبقى مطب صناعى على رأى خالد الذكر طيب الله ثراه الاشكيف.... :)

ولكن حكاية الطويل ولا القصير فكرتني بايام الثانوية (السعيدية الثانوية) تالته تالت

كان معانا زميل طوله حفظكم الله 205 سم :o

واستاذ اللغة العربية كان طوله يا دوب 160 سم وبالعافة كمان :P يعنى كان بيشب علشان يشوف من ورا الاستيكه!!!

اخطأ الطالب فالمدرس

قال له افتح ايدك عشان يديله عصيتين :ph34r:

والواد رفع ايدة لفوق وصلت لغايت سقف الفصل

سعتها المدرس ياعيني عليه بقي عامل زي الكتكوت المبلول ويشب ويضربه... متجيش فى ايده... تقريبا ترد فى الحزام...ويشب ويضربه.... متجيش برضه وترد فى الحزام وفى الاخر قاله.. انزلى تحت...

وكل الفصل انفجر من الضحك

ومن سعتها حسيت بميزة الطول وانه.... عزوه

تم تعديل 31 يناير 2007 بواسطة نيرون

[Scorpion]

شوف يا زهر يا حبيبي ...

القصير في نظرك طوله كام بالظبط ....

يعني انا مثلآ بالنسبة لمراتي طويل ... و هي مش أوزعة ....

و بالنسبة لأخويا الصغير ... قصير ...

و بالنسبة للأومو سابيانس ( مرحلة من مراحل تطور الني آدم ) متوسط ...

فيا ريت سعادتك تشرح مفهومك للقصيرين بالظبط عشان نقدر نتناكش مناكشة واعية مسكفة علي اساس سابت من الحدود الديموجرافية المشتركة بنين ...

ما شربش الشاي اشرب ازوزة انا

[بنت النيل]

شوف ياحاج زوهيرى انا عن نفسى بحب القصيرين بس مش القصير اوى يعنى

وخصوصا فى الستات اصل المثل بيقولك ايه ( من شفونى قصيرة قالوا عليا صغيره ) :P

وبالنسبة للرجل على رأى محمدهنيدى فى المسرحيه الزوج الطويل قلق فى البيت ويخبط فى الحاجات والنجف :o

لكن الزوج القصير نسمه ولا تحس بيه لكن مع ذلك برده متعرفش ليه بيقولا على القصيرين انهم مكرين شويه يعنى نحترس منهم :wub:

بس طبعا هيبة الانسان واحترامه مش من قصره او طوله يعنى ياما ناس قصيرين لكن لهم مكانتهم وهيبتهم

وياما ناس طوااال وتشوفهم ولا حاجه يعنى طول بهيافه :wub:

يعنى بأختصار اؤيد الوسط لا قصير اوى ولا طويل اوى

وياريت واحده ازوزه مع اسكربيون :D

[inas]

ياه على الطوال ومشاكلهم

و انا مع لخبطه

فالطوال بيعانو في الهدوم والسراير والغطا و الجزم والاماكن لو البيت ضيق والسيارات اسالوني انا

ولما يجي يجوز لازم مراتو لازم تلبس دائما كعب عالي ولو كانت قصيره تبقى فضيحه يمشو عشره في الشارع

ولو مكعبره يبقو خماشر :wub:

بس الطول هيبه برضو والقصر خيبه وله فوائده في المطبخ والنجف :P

وبنت النيل عندها حق القصر في الستات كويس لكن الطول بيمنعها من لبس الكعب و مقاسات الجزم بتبقى فضيحه

وعلى راي المثل القائل:

انا حلوه وصغيره لا طويله ولا قصيره :wub:

[Folana]

السلام عليكم ورحمة الله .......

ياسلام على ابتسامة اخر الليل دى...تجلب الاحلام السعيدة ...

انا افضل الزوج الطويل طبعا...ولنفس الاسباب اللى ذكرها الفاضل لخبطة....خصوصا انى من جنس مدرس الفصل بتاع نيرون...يعنى 160 بالعافية وبأحاول افك التنّية يمكن اطول شوية...:wub:

وانا باطلق على زوجى " طويل التيلة"....اقوله..ياطويل التيلة تعال هات ده من فوق...ياطويل التيلة تعال شيل ده فوق..

دول نعمة.....ربنا يطول فيهم كمان وكمان....

:wub:

[عازفه على أوتار الذهب]

الطول هيبه.....والقصر خيبه...

ده المثل اللي طول عمري باأسمعه وبيجرح مشاعريني... :wub:

بس انا شايفه ان الراجل من الافضل انه يكون طويل لأنه من البداية وقت لما هيجي يتجوز مش هتفرق معاه طول العروسه قد كده .....

لكن القصير طبعآ هيكون صعب جدآ يتجوز واحده اطول منه والعكس صحيح الست الطويله لن تقبل بزوج اقصر منها......

وتوافق الاطوال ده متهيألي شئ مهم عشان الزوجه يا ايناس هه...متفضلش طول عمرها لابسه كعب عالي عشان تطول دي فحد ذاتها معاناه...

وانا شايفه ان الطويل افضل في كل حاجه حتى في السياره الطويل هيكون شايف قدامه لكن القصير بيحتاج مخدات عشان يطول ويشوف وهي دي المشكله

اللي بعاني منها دايمآ....

والسؤال اللي دايمآ بسأله لنفسي ياترى اللي فوق دول شايفين الدنيا زينا برضه؟؟؟ :wub:

[MZohairy]

ردا على استفسارات الساده المشاهدين

المقصود بالطويل هنا هو من تجاوز ال 190 سم :wub:

يا جماعة اللي طوله 173 سم يبقي فين . :wub:

في النازعات غرقا :P

[ايهاب سالم]

فقصير القامه قد يكون طويل النظر

او طويل اللسان

او ايده طويله

و دي كلها حاجات في رأيي المتواضع بتعوض كتير اي احساس بالنقص :wub:

و بعدين مجرد رضاؤه بما قسمه له المولى ..ده في حد ذاته ثواب كبير لا يحظى به طوال القامه

و عادة في المدارس كان دايما القصير يقف قدام و الطويل ورا و يبقى حاسس انه في المقدمه و زمايله اللي اطول منه واقفين وراه و عمالين يدعموه بطرق مختلفه :wub:

اعلاء صفة التواضع في الإنسان فكلما اقترب الإنسان من الأرض زادت تقواه

وجود احاسيس لدى القصير لا يمكن تواجدها عند الطويل زي الفرح مثلا لما يقعد على السجاده و يدلدل رجليه على الأرض :P

طبعا العبارات الظريفه اللي بالأحمر دي كلها من قبيل الهزار و مفيهاش إستهزاء و لا سخريه من حد

و طبعا مفيش أي حد قصير هيزعل منها

الله .. إحنا بنهزر يا جماعه .. تيك ايت إيزي

مادام الموضوع طلع هزار و إحنا مكناش فاهمين

ليه بالمره منعملش موضوعات ظريفه كده .. بريئه برضه ..

زي

مين أفضل للأسره و المجتمع

الرجل الأصلع أم الرجل اللي لسه بشعره

الرجل الحليوه الوسيم أم الرجل اللي شكله وحش

الرجل اللي عنده مرض أم اللي لسه بصحته

الرجل التخين المفشول أم الرجل مفتول العضلات عريض المنكعين

و نفس الأسئله بس على الستات

مين أفضل للأسره و المجتمع

الست أم شعر خشن و الا الست اللي شعرها ناعم

الست اللي نظرها ضعيف و لابسه نظاره و الا الست اللي نظرها قوي

يالا مين يزود ؟

وكله هزار

بس النفس اللي تهزر

و لا حول و لا قوة الا بالله

ردا على استفسارات الساده المشاهدين

المقصود بالطويل هنا هو من تجاوز ال 190 سم :o

مبروك يا زوهيري

إنت أخذت جايزة أطول إنسان في المحاورات

:D

تم تعديل 1 فبراير 2007 بواسطة ايهاب سالم

[Folana]

ردا على استفسارات الساده المشاهدين

المقصود بالطويل هنا هو من تجاوز ال 190 سم :wub:

يا جماعة اللي طوله 173 سم يبقي فين . :wub:

في النازعات غرقا :P

السلام عليكم ورحمة الله ........

أخى العزيز امرؤ المزهوراتى.........معلش اسمح لى اوضح نقطة صغيرة...

حضرتك رديت على نيرون قائلا..." فى النازعات غرقا"...مشيرا الى المكان اللى حيبقى فيه...ولكن

الاية اللى حضرتك ذكرتها فى سورة النازعات ..." والنازعات غرقا...والناشطات نشطا....والسابحات سبحا...." الى اخر السورة الكريمة...

ودى زى ما حضرتك عارف ...قسم...او اقسامات بالملائكة الكرام وافعالهم الدالة على كمال انقيادهم لامر الله واسراعهم فى تنفيذه....

ومش حادخل فى تفسير السورة ...

ولكن

النازعات غرقا.....هم الملائكة التى تنزع الارواح بقوة وتغرق فى نزعها حتى تخرج الروح فتجازى بعملها....

فهل هذا ماتقصده....!!...ارجو توخى الحذر ..خصوصا ان ده موضوع فى باب الابتسام...

[MZohairy]

ردا على استفسارات الساده المشاهدين

المقصود بالطويل هنا هو من تجاوز ال 190 سم :P

يا جماعة اللي طوله 173 سم يبقي فين . :wub:

في النازعات غرقا :P

السلام عليكم ورحمة الله ........

أخى العزيز امرؤ المزهوراتى.........معلش اسمح لى اوضح نقطة صغيرة...

حضرتك رديت على نيرون قائلا..." فى النازعات غرقا"...مشيرا الى المكان اللى حيبقى فيه...ولكن

الاية اللى حضرتك ذكرتها فى سورة النازعات ..." والنازعات غرقا...والناشطات نشطا....والسابحات سبحا...." الى اخر السورة الكريمة...

ودى زى ما حضرتك عارف ...قسم...او اقسامات بالملائكة الكرام وافعالهم الدالة على كمال انقيادهم لامر الله واسراعهم فى تنفيذه....

ومش حادخل فى تفسير السورة ...

ولكن

النازعات غرقا.....هم الملائكة التى تنزع الارواح بقوة وتغرق فى نزعها حتى تخرج الروح فتجازى بعملها....

فهل هذا ماتقصده....!!...ارجو توخى الحذر ..خصوصا ان ده موضوع فى باب الابتسام...

فولانه هانم باشا

الجمله دي بتتقال في كثير من الدول العربيه و خصوصا المغاربيه كمثل عندما يكون الانسان في ورطه و حيغرق فيها بشكل مؤكد فيتقال ده في النازعات غرقا

و بيتقال كمان في النافخات زمرا كمثل عندما يكون الانسان بيضيع وقته على الفاضي او بيدن في مالطا او بينفخ في قربه مقطوعه

و الجملتين مأخوذتين من القرآن كما اشرتي اعلاه

و عفوا على سوء الفهم ;)

فقصير القامه قد يكون طويل النظر

او طويل اللسان

او ايده طويله

و دي كلها حاجات في رأيي المتواضع بتعوض كتير اي احساس بالنقص :o

و بعدين مجرد رضاؤه بما قسمه له المولى ..ده في حد ذاته ثواب كبير لا يحظى به طوال القامه

و عادة في المدارس كان دايما القصير يقف قدام و الطويل ورا و يبقى حاسس انه في المقدمه و زمايله اللي اطول منه واقفين وراه و عمالين يدعموه بطرق مختلفه :wub:

اعلاء صفة التواضع في الإنسان فكلما اقترب الإنسان من الأرض زادت تقواه

وجود احاسيس لدى القصير لا يمكن تواجدها عند الطويل زي الفرح مثلا لما يقعد على السجاده و يدلدل رجليه على الأرض :D

طبعا العبارات الظريفه اللي بالأحمر دي كلها من قبيل الهزار و مفيهاش إستهزاء و لا سخريه من حد

و طبعا مفيش أي حد قصير هيزعل منها

الله .. إحنا بنهزر يا جماعه .. تيك ايت إيزي

مادام الموضوع طلع هزار و إحنا مكناش فاهمين

ليه بالمره منعملش موضوعات ظريفه كده .. بريئه برضه ..

زي

مين أفضل للأسره و المجتمع

الرجل الأصلع أم الرجل اللي لسه بشعره

الرجل الحليوه الوسيم أم الرجل اللي شكله وحش

الرجل اللي عنده مرض أم اللي لسه بصحته

الرجل التخين المفشول أم الرجل مفتول العضلات عريض المنكعين

و نفس الأسئله بس على الستات

مين أفضل للأسره و المجتمع

الست أم شعر خشن و الا الست اللي شعرها ناعم

الست اللي نظرها ضعيف و لابسه نظاره و الا الست اللي نظرها قوي

يالا مين يزود ؟

وكله هزار

بس النفس اللي تهزر

و لا حول و لا قوة الا بالله

ردا على استفسارات الساده المشاهدين

المقصود بالطويل هنا هو من تجاوز ال 190 سم :)

مبروك يا زوهيري

إنت أخذت جايزة أطول إنسان في المحاورات

:)

ياللا ياللي بتتريق على بتوع الكيت كات انت :)

الكلام اللي ينفع هناك ملوش سوق هنا

و الكلام اللي ينفع هنا ملوش سوق هناك ;)

صباح الفل

[ايهاب سالم]

الجمله دي بتتقال في كثير من الدول العربيه و خصوصا المغاربيه كمثل عندما يكون الانسان في ورطه و حيغرق فيها بشكل مؤكد فيتقال ده في النازعات غرقا

و بيتقال كمان في النافخات زمرا كمثل عندما يكون الانسان بيضيع وقته على الفاضي او بيدن في مالطا او بينفخ في قربه مقطوعه

و الجملتين مأخوذتين من القرآن كما اشرتي اعلاه

يا زوهيري باشا

مفيش نافخات زمرا في القرأن

[MZohairy]

الجمله دي بتتقال في كثير من الدول العربيه و خصوصا المغاربيه كمثل عندما يكون الانسان في ورطه و حيغرق فيها بشكل مؤكد فيتقال ده في النازعات غرقا

و بيتقال كمان في النافخات زمرا كمثل عندما يكون الانسان بيضيع وقته على الفاضي او بيدن في مالطا او بينفخ في قربه مقطوعه

و الجملتين مأخوذتين من القرآن كما اشرتي اعلاه

يا زوهيري باشا

مفيش نافخات زمرا في القرأن

لامؤاخذه

[Diab]

أنت يا عم زوهيري انا مش لسة سايبك في الواحة

نفس الموضوع برضه هو هو :lol:

انت باين عليك مش هتجيبها البحر

[Scorpion]

و النبي يا جماعة الموضوع مش محتاج انه يتاخد بمعني تاني .. الفكرة باسمة و خلاص ... و الجدع ماشاءالله طويل و شايف نفسه .. زي ما فيه عالم اهلوية و شايفة نفسها برضه :wub:

تخيلوا بقي لما يكون طويل و أهلاوي ..... :lol:

يعني انا مثلآ مش طويل ... يا دوب لحقت متوسط الطول ... و العملية مافيهاش احراج بالنسبة ليا و لا حاجة ... الراجل ما يعيبوش الا شرابه .. و الا ايه ؟

بالحق .. الواحد نسي ... انت يا عم زهر... انت يا اللي فوق ... صوتي واصللك ..

انا سألتك :

يا ريت سعادتك تشرح مفهومك للقصيرين بالظبط عشان نقدر نتناكش مناكشة واعية مسكفة علي اساس سابت من الحدود الديموجرافية المشتركة بنين ...

يعني القصير بالنسبة ليك كام يعني ... ترد و تقوللي اللي هو اقل من كذا ..

مش انا اسأل القصير اللي هو اقل من كام تقوم ترد تقوللي الطويل اللي هو اكتر من 190 !!!!!!!!!!...

مش كفاية طويل ... كمان سمعك تقيل ...

و آدي عيب من عيوب الطوال ... لازم تزعق علشان يسمعوك .. يعني صداع في البيت و في الشغل ...

و كمان ما تلاقيلهومش باركينج لو نزلت بيهم البلد ... لازم تركنهم بال "طول"

و رجلهم في الشتا دايمآ باردة علشان بتطلع بره السرير ...

و اول واحد يتسأل في الأمتحانات .....

و دايمآ موطيين لما يتكلموا مع الناس العادية ...

كفاية كده و الا نقول تاني ....