الى السادة المحاسبين المغتربين

[مع الله]

السلام عليكم

اريد ان استفيد من خبراتكم حيث انى محاسب حديث التخرج وعلى وشك السفر ان شاء الله الى السعودية

اريد ان اعرف ماهى المهارات التى يجب ان تكون معى مثلا برامج الكمبيوتر ومستوى الواحد فى الانجليزى

مع العلم بانى تجارة انجليزى وكويس فى الكمبيوتر

واي الشركات يجب ان اذهب اليها ولا اى شركة والسلام والمرتبات اخبارها ايه

بصراحة عايز اعرف كل شىء خاص بالمحاسبين اللى عنده اى حاجة فيها افادة ياريت ما يتاخرش

وجزاكم الله خيرا.

[رمضان]

السلام عليكم ورحمة الله وبركاته

اخ مع الله انا من خلال متابعتي لموضوعك السابق والحالي أريد ان أوجه نصيحة صغيرة من أخ لك أرجو ان تتقبلها بصدر رحب .

من خلال ما سبق يتضح انك في بداية حياتك العملية وهذه فرصة جيدة لذا يجب عليك في هذه الفترة من حياتك ان تركز وتركز جيدا قبل أن تبدأ في اي شيء لابد ان تحدد لك هدف ما وتضعه نصب اعينك ولا تركز في اي شيء سواه وكرس كل حياتك من أجل هذا الهدف وصدقني باذن الله سوف تنجح لا تشتت نفسك ابدا .

تطلع دائما الى الافضل لا تسير ابدا وراء عواطفك وفكر دائما بعقلك قبل قلبك واتبع دائما حدسك واختار ما يناسبك انت وليس الاخرين .

وقبل كل شيء خليك مع الله

[مع الله]

الاخ رمضان

شكرا على النصيحة ولكن انت تقول لى ذلك لانى سالت عن الكويت وبعدين قولتلكم رايح السعودية

لقد استشرتكم وسألتم كيف اسافر الكويت انت قولتلى معاك 35 الف جنيه وانا مش معايا

وباقى الاعضاء ردوا وكان فى مامعناه متجيش الكويت الا بعقد ومفيش عقود لحديث التخرج

فاخذت بكلامكم وبدل القعده واحد قريبى فى السعودية هبيعتلى دعوة زيارة

قولت اطلع ادور يمكن ربنا يكرمنا واهى ارخص من الكويت

ايه بقى اللى عملته خليك تقولى كدة :wub: ..........ارجو ان تقول لى لو فى حاجة تانية

[بنت النيل]

الاخ رمضان

شكرا على النصيحة ولكن انت تقول لى ذلك لانى سالت عن الكويت وبعدين قولتلكم رايح السعودية

لقد استشرتكم وسألتم كيف اسافر الكويت انت قولتلى معاك 35 الف جنيه وانا مش معايا

وباقى الاعضاء ردوا وكان فى مامعناه متجيش الكويت الا بعقد ومفيش عقود لحديث التخرج

فاخذت بكلامكم وبدل القعده واحد قريبى فى السعودية هبيعتلى دعوة زيارة

قولت اطلع ادور يمكن ربنا يكرمنا واهى ارخص من الكويت

ايه بقى اللى عملته خليك تقولى كدة :lol: ..........ارجو ان تقول لى لو فى حاجة تانية

الاخ مع الله سوف ارد عليك بالنيابه عن الاخ الفاضل رمضان وذلك لمعرفتى له اكثر من معلش فنحن اصدقاء ايضا خارج المحاورات

الاخ رمضانلايقصد اى شىء من كلامه لك ولكن هو حب انه يكون فى رد على سؤالك اوممكن لرفع الموضوع لك عشان يكون ظاهر للاعضاء او الممكن والاكيد هو نصيحه اخويه منه لك

بالنسبة لموضوع الحضور للكويت هو فعلا الفيزا بالمبلغ ده وهيكون برده صعب العمل بها بدون خبره

ولكن ممكن لما تقدم فى مكاتب السفر بمصر ربنا يكرمك بعقد هو عمل المحاسبين مطلوب دايما كتير ولكن دائما الشروط هنا بتكون وجود الخبره على الاقل 3سنوات او 5سنوات عشان كدا حبينا نعرفك الوضع بالظبط عشان حرام تدفع فلوسك وتضيع عليك انا اعرف مدرسة دفعت الـ 35 الف جنيه وبقالها اكثر من 6شهور مش قادره تشتغل وقاعدة عند ناس كمان يعنى الوضع صعب اذا مكنتش جاى على شغل على طول

اما عن فرصه السعودية كويسة حتى اعتبرها خبرها 3سنين وعلى فكره اعتقد بيكون اسهل لك الحصول على فرص عمل تانيه فى اى دوله من الخليج

ونحن جميعا نتمنى لك التوفيق وربنا يرزقك بالخير دايما

مع تحياتنا جميعا

[مع الله]

شكرا يا جماعة على الردود

ولكن مفيش محاسبين فى المنتدى ده كله يقول خبراته ايه :lol:

شغال ازاى شغال فى ايه كل شىء منتظر ان شاء الله

[MZohairy]

شوف يا حاج مع الله

و ركز معايا

عصارة 15 سنه في السعوديه والمحاسبه

حكاية الزياره متطمنش!!

لأنك ممكن لا قدر الله متلقيش شغل لمدة 9 شهور مثلا أو تلاقي فرص متواضعه ...لازم تحط الاحتمال ده في دماغك

المهم بالنسبه لمواصفاتك تعتبر معقوله بالنسبه لسوق المحاسبين الفريش في السعوديه طالما الانجليزي بتاعك حلو و امكانياتك في الاكسيل والبرامج الاخرى كويسه

بالنسبه لمستوى رواتب واحد زيك حيكون كالتالي

شركات نص كم حيكون من 1200 الى 1700 ريال اساسي بالاضافه الى حوالي 35% بدلات سكن و مواصلات

بالنسبه للشركات الكبيره حيكون من 3000 الى 4500 ريال اساسي بالاضافه الى ال 35% ايضا غير توفير التأمين الصحي و الاجازه السنويه و تذاكر السفر

وانت و حظك بقى و توفيق ربنا

ربنا يقسملك الخير حيث كان

[yasovinas]

الاخ مع الله

بالنسبة لموضوع الخبرة فطبعا الخبرة او المهارات المطلوبه لعمل المحاسب في منطقة الخليج عموما اصبح اللغه الانجليزية اساسي بالاضافه الى القدرة على التعامل مع الكمبيوتر وبرامج الكمبيوتر سواء البسيطه منه مثا الكويك بوكي او الداك ايزي او البيتش تري وهي اغلبها برامج حسابات بسيطه ولكنها تعمل فقط مع الشركات او الانشطه التجاريه او الخدميه

وطبعا لو في خبرة او خلفية عن برامج ال ِA R B والتي تكون شامله كافة النظم الماليه والاداريه امثال الجريت بلان او الاوراكل او المكسيمو فيبقى كده انت هنا في الخليج ككل فؤخه بكشك

اهم حاجه في عمل المحاسب انه يكون عنده ملكة الارقام اي انه بيحب التعامل في الارقام فاذا كان الخريج متفوق وبتقدير ممتاز كمان وليست لدية هذه الملكه فلن ينجح في الحياة العملية

صديقي الغالي نصيحه لوجه الله ومن واقع ما نراه هنا ومن نقابلهم يستحسن ان تسافر بعقد او على وظيفه محدده والافضل هو ان تحصل على القليل من الخبرة في مصر المحروسة وربنا معاك

[smart_7]

السلام عليكم ورحمةالله وبركاته

انا هقلك على حاجه بما اني عايش في الامارات بقالي زمان و عارف الحياه هناك مشيه ازي

و الكلام ده ممكن تمشيه على بقية دول الخليج

الناس الي بتكون شغاله و بعدين تسافر بيكون فرصاها اعلى كتير

و كمان المرتب اعلى يعني انا قصدي انك تستنه في مصر هنا شويه و اشتغل سنه او سنه ونص كده

و كل مزودت في السنين يبقى احسن

و ده هيديك فرصه اكبر انك تشتغل في الحكومه

طبعا الحكومه عاوزه يكون عندك خبره عشان تقدر تحصل على المرتب المطلوب وممكن اكتر كمانحتى في الخاص هيكون ليك فرص اكتر

و ربنا يوفقك و يرزقك.