غسالات الأطباق .... ضرورة فى كل مطبخ

[عادل أبوزيد]

فى بيتى أتعامل مع غسالة الأطباق منذ سبعة و عشرون عاما ، و أعتبرها واحدة من معجزات القرن العشرين.

ما سبق كان إستهلالا لابد منه

منذ أسبوع غلتقيت مع أحد اقاربى و هو طبيب جراح ناجح و دار الحديث عن المشاكل التى يعانى منها مع الشغالين ، و فوجئت أنه ليس عنده غسالة أطباق و الأغرب أنه يعتقد أنها غير مهمة فى البيت لأنه - فى إعتقاده - عليه "شطف" الأطباق قبل وضعها فى غسالة الأطباق و بالتالى يرى أنها لا تمثل غضافة كبيرة فى البيت.

قريبى هذا يرفض بشدة فكرة شراء غسالى أطباق ، و على النقيض عن نفسى و زوجتى أعتبرها مكون إستراتيجى يجب أن يكون موجودا فى كل مطبخ لأن - فى نظرى و نظر زوجتى - أن نقطة الإختناق الوحيدة فى المطبخ هى "غسيل المواعين" و التى لا يمكن أن تعيش دون "غسيل مواعين" و هذه المهمة "غسيل المواعين" لا يمكن تأجيلها أكثر من سويعات .... قل على الأكثر يوم.

ترى هل قريبى الطبيب الجراح هذا يمثل إستثناء بين الأزواج العصريين أم أن هناك ما زال الكثيرين لا يعرفون أهمية غسالة الأطباق ؟

[أبو حميد]

و فوجئت أنه ليس عنده غسالة أطباق و الأغرب أنه يعتقد أنها غير مهمة فى البيت لأنه - فى إعتقاده - عليه "شطف" الأطباق قبل وضعها فى غسالة الأطباق و بالتالى يرى أنها لا تمثل إضافة كبيرة فى البيت.

ترى هل قريبى الطبيب الجراح هذا يمثل إستثناء بين الأزواج العصريين أم أن هناك ما زال الكثيرين لا يعرفون أهمية غسالة الأطباق ؟

لا في ناس غير قريب حضرتك كتير منهم مثلا مراتي رغم تعبها في غسيل الأطباق ورغم عرضي عليها شراء غسالة فهي لا تزال غير مقتنعة بأهميتها. ياريت الموضوع ده يكون فتحة خير ونقدر نقنعها ونخلص بقى من وقفتها في المطبخ تغسل الأطباق لأني عمري ما هأعرف أساعدها للأسف.

تم تعديل 1 فبراير 2007 بواسطة أبو حميد

[inas]

والله انا لا اقتنع بيها

معرفش والله بحس انها مش عمليه

مهو كده كده لازم اشطف الحجات قبل ما اضعها في غسالة الصحون فبحس ان الامر سيان كده كده هاخد وقت في شطفهم ثم رصهم غير انها مش هتنضف 100% وهضطر لتنضيفه بالطريقه التقليديه مره اخرى

والحجات الي عايزه تدعك وتتنقع ولا تتغسل بكلور :excl:

والله لو مغسلتش بصابون مواعين ولوفه و كلور و ماء دافيء محسش ان الصحون حصلت على التعقيم المضمون

ودا رايي الشخصي

ممكن تكون مفيده للسيده العامله بس لازلت لااثق فيها حتى لو وقفت طول النهار في المطبخ فانا لااامن على اولادي غير بالتعقيم اليدوي

للعلم كان عندنا غسالة صحون قبل ما اتزوج في بيت العائله وكانت مركونه لاتستعمل لنفس الاسباب التي قلتها

وانا عشان ماشعرش بعناء المواعين دائما اغسل كل شيء اول باول حتى وانا بطبخ لو استخدمت ملعقه اغسلها في نفس الوقت ولا اترك الحوض تتراكم فيه الاطباق والملاعق فاشعر بالاحباط امامها ودا سر ست المطبخ الشاطره :lol:

الحفاظ الدائم على نظافة وترتيب مطبخها حتى اثناء الطهي فدائما مطبخي نظيف هاديء ومنظم يفتح النفس ان ابدع وابتكر في الاكلات والحلويات حتى في العزائم والا لك ان تتخيل ان ضيف دخل المطبخ فجاه لاي غرض ما وكان المنظر مذري فستكون ربة المنزل في موقف لاتحسد عليه فيا ترى غسالة الصحون هتفي بذلك الغرض وهو ان احط ملعقه ولا طبق تغسلهم ولا لازم اترك الصحون تتراكم بعد ان تتنتهي من الطبخ ثم ابدا في وضع البرنامج لها

اسفه للخروج عن الموضوع والاطاله واتمنى اكون وضحت رايي

[nora]

انا برضو مع ايناس مش علشان هي اختي بس برضو ان لا اؤمن بغسالة الاطباق لاني هشطف الحاجه ولو في حاجه لزقه بضطر ادعكها بسلك او السفنجه لان الغساله ملهاش ادين لده هي ممكن تكون مفيده في العزايم الكبيرة لكن الغسيل اليومي لاه

ومش هعد طول اليوم احوش الموعين علشان اشغلها وانا اصلا مبسبش موعين ولا حتى تنتوفه في الحوض كلو اول باول علشان موتي وسمي اني الاقي الحوض فيه حاجه وتعرف الست من مطبخها وجوزي دايما يقولي الموعين دي اهم حاجه عندك ارحميني بس اقولو كده مبحسش بيها لما اغسل اول باول لدرجة اني بغسل ايدي وانا بغسل الموعين بعد الاكل ويقولي ايدك بتاكلك بعد الاكل على الموعين بس ده راي لكن انا مش ضد اني اجبها بس هي مش عمليه اطلاقا وزي ما ايناس قالت ان كان عندنا وحده في بتنا وعمرنا مستعملناها و لما عزلنا سبناها في البيت لصاحب نصبها والله العظيم :excl: ولا انسى عمي سعتها يقول لبابا باه تسيب غساله اطباق ومتخدهاش فبابا قالو مركونه وعمله زحمه على الفاضي ومش بنستعملها مع العلم كان عندنا فلبينيه وهي الي مكنتش بترضى تستعملها :lol:

والله اعلم حسه كاني من كوكب اخر بالنسبه لحضرتك:o

[أبو محمد]

على فكرة ليس من الضرورى شطف الأطباق قبل وضعها فى الغسالة .. المهم ألا يكون بها أى أشياء صلبة .. مثل الأرز والمكرونه والعظم وشوك السمك وما شابه .. وهناك دور للشطف فقط فى الغسالة لمن يريد الشطف قبل الغسيل .. ونستعمله إذا كانت الأطباق لا تملأ الغسالة (بعد الغداء مثلا) ونريد أن ننتظر أطباق العشاء لتشغيل الغسالة مرة واحدة

ويجد الكثيرون أن شطف المواعين فى الحوض أسهل من تنظيفها من المواد الصلبة ..

على أى حال هى عملية جدا .. وتوفر وقتا وجهدا كبيرين ..

[أسد]

هناك ميزة عبقرية في غسالة الأطباق ..

أنها تسخن الماء .. ويتم الغسيل بماء ساخن ..

ثم تجفف الأطباق بالتسخين ..

وهذا معناه زيادة في اتعقيم والنظافة ..

تصلح للأشخاص المصابين بوساوس النظافة .. أمثالي ..

[MZohairy]

والله انا لا اقتنع بيها

معرفش والله بحس انها مش عمليه

مهو كده كده لازم اشطف الحجات قبل ما اضعها في غسالة الصحون فبحس ان الامر سيان كده كده هاخد وقت في شطفهم ثم رصهم غير انها مش هتنضف 100% وهضطر لتنضيفه بالطريقه التقليديه مره اخرى

والحجات الي عايزه تدعك وتتنقع ولا تتغسل بكلور :angry2:

انا مقتنع تماما بالرأي ده اللي هو عكس رأي مراتي تماما ايضا!!!!

أمي الله يرحمها جابت واحده سنة 79

ولقينا ان ممكن تزود 15 ثانيه على كل قطعه بتتغسل و بدل ما تحطها في الغساله تحطها نضيفه في مكانها في المطبخ

ياريت اللي اكتشف المميزات يقولنا عليها

[علي البدري]

ترى هل قريبى الطبيب الجراح هذا يمثل إستثناء بين الأزواج العصريين أم أن هناك ما زال الكثيرين لا يعرفون أهمية غسالة الأطباق ؟

الأستاذ عادل

ليس الأعتقاد فقط سبب في وجود هذا الآله من عدمه ... السبب الرئيسي هل تضيف اعباء علينا من عدمه .....سواء كهرباء او اصلاح او غيره .....والراتب محدود والكهرباء في العلالي كل عام ....

[مـي]

بسم الله الرحمن الرحيم

أنا عن نفسي غير مقتنعة بشيء اسمه غسالة صحون ... و لو لاحظتوا معي ان معظم السيدات اللي علقوا على الموضوع كان رأيهم كده أما الرجالة فالعكس ...

ليييه ؟؟

لان السيدات بيحبوا يعملوا كل حاجة بايديهم .. و غاويين شقى..!

أما السادة الرجال بيحبوا يريحوا نفسهم و بيستسهلوا ..

مـــي (^_^)

[بركة]

مرفوع لرغبتي في معرفة

تجارب أصحاب غسالات الاطباق في المنتدى عن أفضل نوع لها

حتى تعم الفائدة على الجميع

ملحوظة كنت على جوجل بدور على معلومات و لقيت هذا الموضوع بالمحاورات " ماشاء الله " . :wub:

[myusername]

بصراحة انا بحس انها نوع من الرفاهية..

مش غسالة الاطباق بس... لأ ده كمان المكنسة الكهربائية :blink:

تم تعديل 12 مارس 2010 بواسطة myusername

[ذهبية]

غسالةالاطباق رفاهية ممكن لكن المكنسة لا اختلف مع حضرتك تمام

دى مهمة و مهمة جدا جدا و صحية كمان لان مثلاابنى مصاب بحساسية على صدرة يعنى مش المفروض يتعرض لاى تراب

اللى ريحنى المكنسة لانها بتمتص التراب مش بتشيلة من حتة وتحطة فى حتة

ما يندوبنا على شم التراب

[msayed]

بصراحة انا بحس انها نوع من الرفاهية..

مش غسالة الاطباق بس... لأ ده كمان المكنسة الكهربائية :blink:

لا يا يوزر أنا أختلف مع الرأى ده

الوقت أغلى حاجة فى الوجود

وطالما الواحد يقدر يوفر وقت زوجته والزوجة سوف تستغل الوقت ده فى حاجات مفيدة زى القراءة والإطلاع أو ممارسة هوايات مفيدة وتعليم الأولاد فلن تكون هذه الأجهزة رفاهية،

لكن بخصوص غسالة الأطباق فأنا ماعنديش خبرة فيها وأنا أنتظر رأيكم علشان لو إقتنعت بيها ها أشتريها إن شاء الله

[ترنيم]

جبتها من زمان وما استعملتها زى ما كل الناس قالت بغسل انا الاطباق اسهل لى وهى عند اخويا وبيستعملوها كتير ممكن لانهم ما شاء الله اسرة عددها اكبر مننا ....لكن معايا ما استخدمتها تقريبا

[fatfouta]

انا جبتها لما اتجوزت وما فتكرش انى استخدمتها ثلاثر مرات على بعض

ممله جدااا بصراحة..........لازم الاطباق والحلل تدخلها وهى نظيفة طب وعلى ايه ما انظفهم برا مرة واحدة وخلاص

هو فيه احلا من سلك الالومنيوم؟

لكن بصراحة المكنسة مانقدرش نستغنى عنها وانا مش بعتبرها رفاهية خالص خصوصا للموكيت والسجاد

[بركة]

بصراحة اراء المعارضين غير اللي انا شوفتو في بيوت قرايبي

دي الغسالة دي بالذات مهمة جدا عندهم

وعندهم كلهم نفس الماركة فعشان كده حبيت اعرف اراء حضراتكم في

ماركات جربتوها انتم كمان

و على فكرة الناس كانو بيعترضو برضو على غسالة الملابس الاوتوماتيك وكانو بيقولو مش بتنضف كويس ودلوقتي كل الفكر ده بقى العكس

انا عندي اي حاجة توفر لي وقتي وترحمني من عمل التفاصيل اللي ممكن آله تعملها بدالي يبقى تساوي وتساوي كتير

الدنيا بتجري والوقت بقى طبيعي مافيهوش بركة من غير حاجة .. :rolleyes:

[الباشمهندس ياسر]

انا جبتها لما اتجوزت وما فتكرش انى استخدمتها ثلاثر مرات على بعض

ممله جدااا بصراحة..........لازم الاطباق والحلل تدخلها وهى نظيفة طب وعلى ايه ما انظفهم برا مرة واحدة وخلاص

هو فيه احلا من سلك الالومنيوم؟

لكن بصراحة المكنسة مانقدرش نستغنى عنها وانا مش بعتبرها رفاهية خالص خصوصا للموكيت والسجاد

مش عارف المعلومة دي هتفرق ولا مش هتفرق ف معدلات التلوث الرهيبة اللي احنا عايشين فيها

تتسبب عملية غسيل الصحون بمادة معدنية تعتمد ف المقام الاول علي عملية ازالة طبقة كاملة من سطح الاطباق و الصحون و الاواني

و ف حالة الماعون المعدني ... بيحصل ظهور لبرادة المعدن

و ده بيعمل مصايب كتير

افتكر ان احد الدكاتره ف الكلية قال بالحرف ... ان الرصاص هو قاهر الرومان القدامي

[fatfouta]

انا جبتها لما اتجوزت وما فتكرش انى استخدمتها ثلاثر مرات على بعض

ممله جدااا بصراحة..........لازم الاطباق والحلل تدخلها وهى نظيفة طب وعلى ايه ما انظفهم برا مرة واحدة وخلاص

هو فيه احلا من سلك الالومنيوم؟

لكن بصراحة المكنسة مانقدرش نستغنى عنها وانا مش بعتبرها رفاهية خالص خصوصا للموكيت والسجاد

مش عارف المعلومة دي هتفرق ولا مش هتفرق ف معدلات التلوث الرهيبة اللي احنا عايشين فيها

تتسبب عملية غسيل الصحون بمادة معدنية تعتمد ف المقام الاول علي عملية ازالة طبقة كاملة من سطح الاطباق و الصحون و الاواني

و ف حالة الماعون المعدني ... بيحصل ظهور لبرادة المعدن

و ده بيعمل مصايب كتير

افتكر ان احد الدكاتره ف الكلية قال بالحرف ... ان الرصاص هو قاهر الرومان القدامي

فى الاخر لموضوع بيعتمد على نظافة الست نفسها سواء نظفت بالسلك او بالغسالة

اشكرك يا ياسر على المعلومة :rolleyes:

[لونا]

أنا كمان منتظرة أراء أصحاب غسالات الأطباق

كل اللي جابوها من معارفي ركنوها

و اللي أعرفه إنها بتكون مفيدة في العزومات

و المشكلة إن لازم نجمع لها المواعين لأن مش معقول تشتغل عشان كام طبق و معلقة

و بالتالي المواعين حتتراكم

و لو حطيناها في الغسالة حتعمل ريحة مش كويسة

و لو سبناها في الحوض يبقى عملنا إيه ؟

مش عارفة إذا كان تخيلي ده صحيح و لا لأ

[بركة]

بصراحة غسالة الاطباق لابد ان يتناسب حجمها مع حجم افراد الاسرة عشان يحسوا انها مريحاهم

ومش عبء عليهم و مش عملية

ومش يستنوا لما يغسلوا كمية بالمرة عشان تستاهل انها تشتغل

ودلوقتي فيه 3 أحجام منها

وده بيتهيقلي حل جيد للمعضلة بتاعة زمان ان احنا مواعيننا مش كتير للدرجة والكلام ده