غسالات الأطباق .... ضرورة فى كل مطبخ

[crossfield]

فى رأيى الموضوع يعتمد على نوعية الأكل

يعنى لو الأكل صحى و مفيد و مفيش لغوصة كتير يعنى خفيف خفيف و عدد أفراد الأسرة قليل هتبقى الغسالة عبقرية لكن لو العكس يبقى قلتها أحسن

والدى الله يرحمه اشترى غسالة محترمة لوالدتى علشان ترحم نفسها من الوقفة لكن مرة و التانية و قالت له بالحرف (بلاش وجع دماغ) طيب ليه؟ علشان احنا كنا ما شاء الله 3 ولاد و3 بنات و كان كل واحد تقريباً بياكل مع نفسه فتبقى النتيجة ايه؟ طن مواعين الغسالة بقى هتشتغل كام مرة و هتستهلك قدايه مسحوق و كهربة؟؟؟؟ ده غير ان الاكل كان أكل بجد يعنى صلصة و سمن و اديله

علشان كده اتركنت لحد ما أخويا اتجوز وخدها

على فكرة مراته برضو ما بتستعملهاش :lol:

[اغابي]

انا راى مش مهمة بالمرة غسالة الاطباق - انا مش بحبها - مش عارفة ليه

بس جايز يجي وقت وتبقي ضرورة بحتة - الله واعلم

:blush2:

[لولا]

بصراحة غسالة الاطباق لابد ان يتناسب حجمها مع حجم افراد الاسرة عشان يحسوا انها مريحاهم

ومش عبء عليهم و مش عملية

ومش يستنوا لما يغسلوا كمية بالمرة عشان تستاهل انها تشتغل

ودلوقتي فيه 3 أحجام منها

وده بيتهيقلي حل جيد للمعضلة بتاعة زمان ان احنا مواعيننا مش كتير للدرجة والكلام ده

العزيزه بركة ..

بصى يا ستى انا عندى الغسالة LG اللى فى الصورة التانيه اللى انتى نزلتيها اشترتها من وقت قريب وهى فعلا ممتاااااااااازة جدا

انا تعمدت اختارها كبيره عشان تنفعنى كمان فى العزومات وعشان التنظيفات الكبيرة فى اى وقت .

الحقيقه كل المطلوب انك بس تزيلى اى شيء صلب من الطبق او الكوبايه وممكن تختارى برنامج الشطفال سريع لأطباق الغدا وبعد ما تضيفى اطباق تانيه

على العشا مثلا تختارى النظام الأتوماتيك وتسيبها هى تقوم بالواجب . بتقعد ساعه ونص مثلا عشان تعمل كل الخطوات من شطف وتنظيف وتعقيم

انا بس مش فاهمة البوينت فى رفض استخدام غسالة الأطباق عشان بتصرف مسحوق و ميه وكهربا !!

يعنى الغسل اليدوى نص ساعه او ساعه لنفس الكمية اللى بتغسلها الماكنه لا يمكن يكون بيصرف ميه اقل .. ومش فاهمة موضوع الكهرباكمان بصراحه

ما احنا مشغلين التكيفات طول النهار اهو والأجهزة .. يعنى مش معقول تكون بوينت قلة الإستعمال بناء على انها بتستهلك ميه او كهربا او مسحوق

انا شايفه انها جهاز هايل فعلا ونفعنى جدا مع جوزى اللى كل شويه بلاقيه بيشرب فى كوبايه وممكن يملا الحوض

كوبات فى نص يوم بس طبعا كانت الشغالة بتشيل الليلة دى ومكنتش تفرق معايا زمان لكن بعد صاحبة السمو ما مشيت عرفت قد ايه الست دى كانت

مستحمله :lol:

الغسالة هتشيل عبء التنظيف اليومى لحاجات كتير حتفضل بس الحلل وغالبا محدش هيستعمل اكتر من تلات حلل مثلا فى اليوم لازم تتنظف الأول يدويا لأن الغسالة مش هتشيل نوعيه الدهون اللى فى الحلل .

يلا فكرى كده وقولينا هترسي على ايه ..

تحياتى حضرتك wst::

لولا

[بركة]

ميرسي جدا يا لولا دا انا كنت هاعيط خلاص تعرفي أنا بسمي المواعين ايه

ملاعين... :)

واحنا كمان بنعمل حوض كله كبايات في ربع يوم

خلاص إن شاء الله ناوية على نمرة 2 بس كان نفسي حد يكون جربها

أصلي لقيت اراء كتيييير على المنتديات بيشكروا في ماركة ويرل بول

بس هي كبيرة جدا علينا دلوقتي ..وشكرا مرة تانية ربنا ما يحرمنا منك

تم تعديل 26 مارس 2010 بواسطة بركة

[عز الدين]

الأفضل (بالذات للمغتربين العزاب ) هو استخدام الأكواب والأطباق و والملاعق بل والصوانى الورقية والبلاستيكية التى تستعمل مرة واحدة وترمى . وتكلفتها لن تزيد عن ثلاثين ريال فى الشهر . يعنى أرخص من ثمن الماء والكهرباء والمساحيق المستخدمة فى غسل الصحون ، وأسهل ألف مرة ..

[reemragab]

الغسالة دى عايزة اللى يغسل قبلها

طب وليه؟ وبعدين الكهربا والمسحوق وتكلفتهم وخاصة للاسر الكبيرة 5 افراد فيما فوق ممكن تكون حاجة غير مرغوب فيها

اعتقد هى مناسبة للعزاب الرجالة اللى مالهمش اصلا فى غسيل الصحون وممكن كمان يستعملوا اطباق واكواب فوم للمرة الواحدة وانت كنت متحفظة شوية عليها

لدواعى صحية

[مهندس تحكم]

انا شايف ان ايلي هاينزل المواد الصلبة من الطبق....ممكن يغسلة بالمرة...ما جاتش علي الاسفنجة والبريل..او اي منظف اخر....

هي صحيح الفايدة الوحيدة في الغسالات دي هاي التعقيم ...ودة غالبا ايلي بيرفع الفاتورة...علشان تسخين المية لدرجة الغليان لانتاج البخار...والتعقيم دة لا قدر الله لو في حد من ايلي بياكلوا مصاب بمرض ....ممكن يتنقل عن طريق ادوات المائدة...حفظنا الله واياكم...

كمان في غسالات..ليها مواد منظفة علي هيئة اقراص...ودي غالية جدااا (في رأيي الشخصي المتواضع) مرة شفتها في كرفور كانت بحاجة و 30 جنية قرصين.....وفي اغلي من كدة كمان....

بصراحة ....غسالة الاطباق لو حسبناها بمعامل التكلقة والمكسب....تعتبر خسارة فيها الفلوس...Cost/Benefit Ratio

[قلب ابيض]

صباح الفل عالكل

انا ماشفتش الموضوع ده الا الان فقط

انا شاركت برأى قبل كده فى نون النسوه وعن تجربه

انا رائى انها مهمه لعده اسباب " وده رأى مجربه مش بالسمع "

اولا : توفير للوقت والجهد....مش مساله اللى قال" الفاضل مهندس التحكم "( انا شايف ان ايلي هاينزل المواد الصلبة من الطبق....ممكن يغسلة بالمرة...ما جاتش

علي الاسفنجة والبريل..او اي منظف اخر....) مع احترامى لاء :lol:

لانى انا فى الوقت اللى هى بتغسل فيه الاطباق ممكن انا اغسل الحلل مثلا او اشيل بقيت الاكل او اعمل الشاى واريح clp::

ثانيا : الغساله لها برامج للمواد الدهنيه او الشطف فقط زى فى حاله العوده من السفر مثلا الاكواب متربه او ما الى ذلك علاوه على التعقيم زيها زى الفول

اوتوماتيك ادخل الغسيل مش نضيف يطلع نضيف وجاف 000اذن التعقيم

ثالثا : الستات اللى زى حالاتى واعتقد مش قلييلين اللى ممكن يعانوا من اكزيما المواد الكيمائيه خد عندك بقى مراهم ومضاد حيوى وايدين خشنه مشكله

يعنى وقايه

رابعا بقى نصيحه اكررها لله وللزمن وللستات

.... يا ناس اللى هايريحك بكره لما تحتاج صحه وماتلاقيهاش دبره من دلوقتى ..اى جهاز آآمن ممكن يعنى على متطلبات الحياه بعدين واقدر اجيبه دلوقتى هاتوه ولا تترددوا

اللى يوفر لى وقتى ومجهود اولى بيه اولادى او زوجى او حتى نفسى لا اتردد فى اقتناءه متى امكننى ذلك

وللرجاله بقى .... صدقنى طول ما زوجتك مرتاحه نفسيا واعباءها اقل انت اللى هاتستريح من قلبه الدماغ وانك تشوفها هاديه ومبتسمه دى

لوحدها لاتقدر بتمن ولا ايه النظاااام :)

اخيرا بقى الغساله الصغيره رقم واحد فى صور اللى جابتها بركه افضلهم فى رأى لانها لاتحتاج مكان فى المطبخ ... استخدام معلقه واحده من المسحوق فى كل

غسله ..علبه المسحوق اخر مره فى الصيف جبته من مصر حوالى 13 ج وبيقعد فتره طويله ..سائل التلميع او الزيت الخاص بها حوالى 10 جنيه

فريش المصريه عندى من 18 سنه كانت 990 ج حاليا حوالى 1300 تقريبا ...سهله التنقل يعنى لو حتى رايحه المصيف فتره طويله وعندك استهلاك وخدامتك هربت :lol: زيى تاخديها وتوصلى الميه والصرف على الحوض

بس خلاص :lol:

[Simba]

توصلت دراسة طبية حديثة الى ان غسيل الأطباق وأدوات المطبخ يقضي على

القلق عند الزوجة ويعمل على تحسين حالتها النفسية بشكل كبير.

طبقت هذه الدراسة على 700 امرأة وجد أن 90% منهن شعرن بمزاج عال

وحالة معنوية مرتفعة بعد أداء هذا الواجب المنزلي,كما اوضحت أجهزة القياس

المستخدمة في الدراسة ان غسيل الأطباق والأكواب وبقية الأواني

المنزلية يؤدي الى حالة استرخاء وارتياح نفسي بين النساء بشكل كبير.

أكد استاذ الصحة العامة والطب السلوكي ان العلاقة بين العمل المنزلي والاسترخاء

النفسي والمزاجي للنساء بأنه محاولة للخروج من الدائرة المغلقة التي يدخلن فيها

نتيجة تولد شعور القلق لديهن وبالتالي يتم كسر هذه الدائرة بعمل إيجابي بالرغم من أن

عملية غسيل الأطباق عملية ميكانيكية ولكنها تبدو مفيدة ومنها نتائج إيجابية جيدة,وقد

أكدت الدراسة ان 30% من السيدات اللاتي غسلن الأطباق قبل النوم بساعتين تمتعن

بنوم أفضل وأحلام أجمل بعكس من أجلن ذلك او قمن به قبل دخول غرفة النوم بوقت طويل.

وتوضح الدراسه هذه النتيجة بانها تعود الى حدوث عملية احلال للتوتر حيث يتحول التوتر

السلبي الى إيجابي وحينما يشعر الإنسان أن عليه واجبا لم ينجزه لا يستريح حتى ينتهي

منه وبالتالي يتم تفريغ للطاقة النفسية وكسر حدة التوتر

[سوما]

فعلن انا عن لفسى بحس بهذا الاحساس

جزاك الله خيرا

[بركة]

توصلت دراسة طبية حديثة الى ان غسيل الأطباق وأدوات المطبخ يقضي على

القلق عند الزوجة ويعمل على تحسين حالتها النفسية بشكل كبير.

طبقت هذه الدراسة على 700 امرأة وجد أن 90% منهن شعرن بمزاج عال

وحالة معنوية مرتفعة بعد أداء هذا الواجب المنزلي,كما اوضحت أجهزة القياس

المستخدمة في الدراسة ان غسيل الأطباق والأكواب وبقية الأواني

المنزلية يؤدي الى حالة استرخاء وارتياح نفسي بين النساء بشكل كبير.

أكد استاذ الصحة العامة والطب السلوكي ان العلاقة بين العمل المنزلي والاسترخاء

النفسي والمزاجي للنساء بأنه محاولة للخروج من الدائرة المغلقة التي يدخلن فيها

ياترى الرجال لو كانوا بيعانوا من الام الظهر وضيق الوقت نظرا للواجبات المنزلية ورعاية الاطفال والمزاكرة لهم

وتحضير الاكل 3 مرات يوميا و الحلو والحادق والشاي وترتيب حياة الزوج .........كان هيبقى ده رأيهم ؟؟؟؟؟؟؟

يعني هل ينفع أطبق ما كان يصلح للزمن الرايق اللي اتربينا عليه دلوقتي ؟

نتيجة تولد شعور القلق لديهن وبالتالي يتم كسر هذه الدائرة بعمل إيجابي بالرغم من أن

وهل الزوجة لسه ماكانتش عملت عمل إيجابي بعد كل ده ؟

عملية غسيل الأطباق عملية ميكانيكية ولكنها تبدو مفيدة ومنها نتائج إيجابية جيدة,وقد

أكدت الدراسة ان 30% من السيدات اللاتي غسلن الأطباق قبل النوم بساعتين تمتعن

بنوم أفضل وأحلام أجمل بعكس من أجلن ذلك او قمن به قبل دخول غرفة النوم بوقت طويل

يعني لما الغسالة تقوم بالواجب كوابيس المواعين هتيجي منين؟؟؟؟؟ ماهو أصل الكوابيس بتيجي من شيل الهم

وتوضح الدراسه هذه النتيجة بانها تعود الى حدوث عملية احلال للتوتر حيث يتحول التوتر

السلبي الى إيجابي وحينما يشعر الإنسان أن عليه واجبا لم ينجزه لا يستريح حتى ينتهي

طب ماهو هينتهي ان شاء الله من غير ما الصحة والوقت وراحة البال ما ينتهو هما كمان

منه وبالتالي يتم تفريغ للطاقة النفسية وكسر حدة التوتر

أفهم من كده أن المواعين أحسن من مزاولة الرياضة

( ماهو محدش يقول ان الستات بعد كل ده المفروض يفضل عندهم صحة يعملوا رياضة) وشكرا ً لإثراء الحوار

تم تعديل 27 مارس 2010 بواسطة بركة

[صافى]

,hggm hkh ةالل انا من راى انها ليها عيوب ومميزات زى الغسالة الاوتوماتيك بلظبط بتريح وفى نفس الوقت بتخلى الست مرحرحة على طول وخلاف زالك الست ما بتلاقيش حاجة تعملها فتقعد تطلع همها فى الاكل وما ادراك ما الاكل :lol: الاصابة بلسمنة المفرطة امراص اخرى كتير لان اثبت علميا ان شغل البيت بيقى من العيازو بللة الامراض السرااطانية ودة معرض لية الستات اكتر يارب اكون قدرت افيد كم والسلام ختام

[عبير يونس]

,hggm hkh ةالل انا من راى انها ليها عيوب ومميزات زى الغسالة الاوتوماتيك بلظبط بتريح وفى نفس الوقت بتخلى الست مرحرحة على طول وخلاف زالك الست ما بتلاقيش حاجة تعملها فتقعد تطلع همها فى الاكل وما ادراك ما الاكل :lol: الاصابة بلسمنة المفرطة امراص اخرى كتير لان اثبت علميا ان شغل البيت بيقى من العيازو بللة الامراض السرااطانية ودة معرض لية الستات اكتر يارب اكون قدرت افيد كم والسلام ختام

الكلام صح لست البيت اللي مبتشتغلش و اللي معندهاش ولاد لسه

او يدوب واحد او اتنين بالكتير

أما الأسر الكبيرة مع أم عاملة لابد من وجود كل الالات الممكنة للمساعدة في اعمال المنزل

توفير الوقت أهم شيء في رأيي الخاص

و المسألة على كل حال ليست نعم أو لا

أرى أن كل أسرة أدرى بظروفها

و التي مؤكد تختلف من أسرة لأخرى

تحياتي للجميع

[AbuZeyad]

بصراحة مش عارف اذا كانت فعلا مفيدة ولا لأ

بس حسيت براحة وانا باقرا الموضوع دا بعيد عن نظريات المؤامرة والتخوين اللى في مواضيع تانية كتير

الظاهر اني اشتركت في المحاورات متاخر لاني مش بشوف مواضيع لذيذة زي دا في المحاورات من زمان

[Grandma]

الموضوع دا لذيذ و أثار فضولي اني اقراه ..خصوصا ان غسالتي بايظة  وزعلانة أوي .. الغسالة واقفة على حاجة تافهة .. درج الصابون مش بيفتح  وحده ومش لاقية له قطع غيار للأسف

 كانت بتنفع في العزومات وانا دايما بحب اعقم  أطقم الصيني و الكوبايات قبل الاستخدام .. احنا دايما بيكون عندنا في بوفيهات السفرة اطقم وكاسات  لا تستخدم الا في العزايم ولازم نغسلها ونعقمها قبل ما بنستخدمها ..

لما بزور ناس وبيكرموني ويقدمولي  في الاطقم الفاخرة  كالليموج وخلافه باكون عارفة انها مركونة من مدة  فبتضايق جدا .. اصلي موسوسة .. 

وهنا بتيجي فايدة الغسلات.. التعقيم و الغسيل قبل الاستخدام مهم . 

اما اطباقي اليومية بغسلها بسرعة اول بأول.. ورغم ان عندي واحدة بتساعدني في شغل البيت لكن مش بحب حد  يهوب ناحية الحوض .. وسواس بعيد عنكم . 

تم تعديل 12 يناير 2017 بواسطة Grandma

[عادل أبوزيد]

19 ساعات مضت, Grandma said:

الغسالة واقفة على حاجة تافهة .. درج الصابون مش بيفتح  وحده ومش لاقية له قطع غيار للأسف

تعطلت غسالة الأطباق عندنا في الوقت الذي أخذت فيه الشغالة أجازة أربعة أيام ، المهم بلا إستطراد جاء الفني و وجد المشكلة هايفة كان صوص شيكولاتة سقط على أحد المفاتيح و توقف المفتاح و الفني أزال التراكم عن المفتاح ب مفك صغير .....  المهم في غمرة هذا  نحن نستعمل المكعبات لغسالة الأطباق  مكعب واحد يحوي كل المطلوب للتنظيف  و كنا عادة نضعة في الدرج الخاص بالصابون و نغلق عليه  ..... الفني  قال إيه !!!  لا تضع المكعب في علبة الصابون  فقط ألقه في جوف الغسالة و هذا كافي  

[Grandma]

19 ساعات مضت, عادل أبوزيد said:

تعطلت غسالة الأطباق عندنا في الوقت الذي أخذت فيه الشغالة أجازة أربعة أيام ، المهم بلا إستطراد جاء الفني و وجد المشكلة هايفة كان صوص شيكولاتة سقط على أحد المفاتيح و توقف المفتاح و الفني أزال التراكم عن المفتاح ب مفك صغير .....  المهم في غمرة هذا  نحن نستعمل المكعبات لغسالة الأطباق  مكعب واحد يحوي كل المطلوب للتنظيف  و كنا عادة نضعة في الدرج الخاص بالصابون و نغلق عليه  ..... الفني  قال إيه !!!  لا تضع المكعب في علبة الصابون  فقط ألقه في جوف الغسالة و هذا كافي  

الفني قالي اني ممكن اضع مسحوق الغسيل خارج الدرج لكن لما عملت كدا لاحظت ان الاطباق مش مغسولة كويس لان الصابون بينزل في حوض الغسالة من اول دورة .. لكن فكرة مكعبات الصابون دي تبدو جيدة لان الصابون مش هيدوب بسرعة ولا هينزل مع الميه في الحوض .. أشكرك جدا على الفكرة . 

[أبو محمد]

مهم جدا جدا لغسالات الأطباق وغسالات الملابس
عمل دورة "ساخنة" مع كوب خل .. مرة كل شهر على الأقل
فائدة الخل هو تذويب الترسبات فى الأنابيب وعلى الصمامات
هذه الترسبات إن كانت قليلة تسبب عدم الكفاءة
وإن كانت كثيرة ربما تسبب عطل
لكى تقدِّر قيمة الغسيل بالخل جرب أن تستخدمه فى تنظيبف الـ Kettle
عندما تلاحظ ترسبات أملاح الكالسيوم وغيرها على القاع والجوانب