بيرم التونسي

[Diab]

مين ده اللي ميحبش بيرم

يا جماعة الراجل ده حكاية

عايزة تعرفها

مــــــــــــــــــــن هـــــــــــــــــــــــنــــــــــــــــــــــا :angry:

أسمع يا يا سيدي

يااهل المغنى دماغنا وجعنا

يا اهل المغنى دماغنا وجعنا

دقيقه سكوت لله

داحنا شبعنا كلام ماله معنى

ياليل وياعين ويااّه

ــــــــــــ

طلعت موضه غصون وبلابل

شابط فيها حزين

شاكى وباكى وقال موش عارف

يشكى ويبكى لمين

واللى جابت له الداء والكافيه

طرشه ماهش سامعاه

يااهل المغنى دماغنا وجعنا

دقيقه سكوت لله

ـــــــــــــــــــ

ردى عليه ياطيور بينادى

وارمى له الجناجين

وانت كمان يابور الــــوادى

قل له رايح على فين

قل له اياك يرتاح يابابـــــوره

ويريحنــــــــــا معــــــاه

ياهل المغنى دماغنا وجعنا

دقيقه سكــــــوت لله

ــــــــــــــــ

كل جدع فرحان بشبابه

يقول فى عنيه دمـــوع

ياللى جلبتى شقاه وعذابه

حلّى لنــــا الموضــــوع

طالع نازل يلقى عـــــوازل

واقفــــــــه بتستنــــــاه

ياهل المغنى دماغنا وجعنا

دقيقه سكوت لله

ــــــــــــــ

حافضين عشره اتناشر كلمه

نقل من الجـــــــــورنال

شوق وحنين وأمل وأمانــــــى

وصد وتيـــــــه ودلال

واللى اتعـــاد ينزاد ياخــــــــــوانا

وليل ونهــــــــار هـــوّاه

ياهل المغنى دماغنا وجعنـــــــــــا

دقيقه ســكوت لله

[Diab]

رائعة بيرم التونسي " هاتجن ياريت ياخوانا "

حاتجن يا ريت يا اخوانا ماروحتش لندن ولا باريز

دى بلاد تمدين ونضافة وذوق ولطافة وحاجة تغيظ

ملاقيتش جدع متعافى وحافى وماشي يقشر خص

ولا شحط مشمرخ افندى معاه عود خلفه ونازل مص

ولا لب اسمر وسودانى وحمص وانزل يا تقزقيز

حاتجن يا ريت يا اخوانا ماروحتش لندن ولا باريز

ولا عركة فى نص الليل دايرة بالحيل وساحبها بوليس

قدامها جدع متجرجر وشه معور قال يا عريس

الخلق ماهى بتتجوز واشمعنى احنا مفيش تمييز

حاتجن يا ريت يا اخوانا ماروحتش لندن ولا باريز

ولا واحده فى وش الفجر تبرطع ماليه الدنيا صوات

قال ايه جوز خالتى ام احمد سلفة اخوها السيد مات

سبحانك ما اعظم شانك والله الموت دا مفيد ولذيذ

حاتجن يا ريت يا اخوانا ماروحتش لندن ولا باريز

ولا واحد طالع يجرى وواحد تانى بيجرى وراه

ويقول ها هع حصلتك يابن اللى ابصر ايه عاملاه

لا الشارع غيط يا اخوانا ولا احنا بداره ولا احنا معيز

حاتجن يا ريت يا اخوانا ماروحتش لندن ولا باريز

ولا واحد بيبيع حاجة يقول بريال وتاخدها بصاغ

يا اخوانا دى حتى الابرة تاخدها بوشة وقلب دماغ

حلفان وعراك ومناهده ويمكن ضرب كفوف يا حفيظ

حاتجن يا ريت يا اخوانا ماروحتش لندن ولا باريز

ولافيش ميت الف صعيدى بتوع يانصيب هاجمين ولافيش

ميت الف معوض داعس جاى معاه صندوق ورنيش

والله كرهن القهوة وحرمت اقعد ع الافاريز

حاتجن يا ريت يا اخوانا ماروحتش لندن ولا باريز

ولا شفتش ده اللى بلاسه وده اللى بعمه وده بطربوش

ملابسنا يا ناس تشكيله تعداصحابها ما يتعدوش

دول ناس كنا احسن منهم قول ومسيرنا باذن الله

نبقى احسن منهم برضك بعد الدرس اللى اخدناه

والله ده عيب نتهجى دروس يا اساتذه على التلاميذ

حاتجن يا ريت يا اخوانا ماروحتش لندن ولا باريز

قصيدة الأوله آه

الأوله آه

و التانيه آه

و التالته آه

الأوله مصر . و ف مصر قالوا تونسي و نفوني

جزات الخير

و إحساني

و التانيه تونس . و فيها الأهل جحدوني

و حق الغير

ما وافاني

و التالته باريس . و ف باريس جهلوني

و أنا موليير

في زماني

الأولى أشتكيها للي أجرى النيل

و التانيه لطَّشْتْ فيها ممتثل و ذليل

و التالته دمعي عليها غرَّق الباستيل

تم تعديل 4 فبراير 2007 بواسطة Diab

[أبو محمد]

Diab كتب:

يا جماعة الراجل ده حكاية

وأى حكاية ياعم دياب .. شوف بيقول إيه

الفن ياهل المحبه : روح تخاطب روح ، بلغاها

و الفن يا اهل البصيره : عين تكلم عين ، بنباهه

و الفن ياهل القلوب : صوت من سكوت الموت ، احياها

يا طالب الفن افتح لك كتب في الفن تقراها

-------------------------------------------------------------------------------------------------------------------

يا شرق فيك جو منور

والفكر ضلام

وفيك حراره يا خساره

وبرود اجسام

فيك تسعميت مليون زلمه

لكن اغنام

لا بالمسيح عرفوا مقامهم

ولا بالاسلام

هي الشموس بتخلي الروس

كدا هو بدنجان

[bentmasria]

استاذ دياب

اختيار رائع لشاعر فذ نأسف انا لا نعلم ما يكفلى عنه واكتفينا بالقليل الذى غنى من اشعاره لكنه كان مجددا واول من امتلك الجرأة فى عصره لينقد بسخرية وكبرياء كل الاوضاع من حوله بل ويندد بالاحتلال ومساوئه فى اكثر الصور قوة وعفوية ولم يستح ان ينطق حقا ابداااااااااااااااااا

نحتاج دائما ان نذكر هؤلاء فهم من رفع راية الكلمة الغنائية الشعرية الخفيفة واسكنوها وجدان الشعب بعد ان اصبحت لسانهم واحساسهم الجميل

احيى هذا الاختيار الرائع واتمنى ان تقوم بطرح اكبر قدر ممكن من اعمال بيرم ونبذة عن تاريخ حياته حتى اضمها لقائمة الاعمال المثبته وكنوز المحاورات الثمينة

شكرا لجهدك ووقتك سيدى الكريم

البنت المصرية <_<

[Diab]

أبو محمد مشاركة بتاريخ أمس, 09:38 PM

Diab كتب:

إقتباس

يا جماعة الراجل ده حكاية

وأى حكاية ياعم دياب .. شوف بيقول إيه

الفن ياهل المحبه : روح تخاطب روح ، بلغاها

و الفن يا اهل البصيره : عين تكلم عين ، بنباهه

و الفن ياهل القلوب : صوت من سكوت الموت ، احياها

يا طالب الفن افتح لك كتب في الفن تقراها

عندك حق يا أبو محمد المأساة هي النور اللي ياخد منه الشعراء قبس لينيروا حياتنا

bentmasria مشاركة بتاريخ أمس, 11:54 PM

استاذ دياب

اختيار رائع لشاعر فذ نأسف انا لا نعلم ما يكفلى عنه واكتفينا بالقليل الذى غنى من اشعاره لكنه كان مجددا واول من امتلك الجرأة فى عصره لينقد بسخرية وكبرياء كل الاوضاع من حوله بل ويندد بالاحتلال ومساوئه فى اكثر الصور قوة وعفوية ولم يستح ان ينطق حقا ابداااااااااااااااااا

نحتاج دائما ان نذكر هؤلاء فهم من رفع راية الكلمة الغنائية الشعرية الخفيفة واسكنوها وجدان الشعب بعد ان اصبحت لسانهم واحساسهم الجميل

احيى هذا الاختيار الرائع واتمنى ان تقوم بطرح اكبر قدر ممكن من اعمال بيرم ونبذة عن تاريخ حياته حتى اضمها لقائمة الاعمال المثبته وكنوز المحاورات الثمينة

شكرا لجهدك ووقتك سيدى الكريم

البنت المصرية

:D :D :D ;) :wub: :wub:

[Diab]

عتاب

ليه امشى حافى ،وانا منبت مراكيبكم

ليه فرشى عريان،وانا منجّد مراتبكم

ليه بيتى خربان ،وانا نجّار دواليبكم

هى كده قسمتى؟

الله يحاسبكم!

ساكنين علالى العتب،وانا اللى بانيها

فارشين مفارش قصب،ناسج حواشيها

قانيين سواقى دهب،ونا اللى ادور فيها

يارب ماهوش حسد

لكن بعاتبكم

من الصباح للمسا،والمطرقه فيدى

صابر على دى الاسا ! حتى نهار عيدى

ابن السبيل انكسى ، واسحب هرابيدى

تتعروا من مشيتى

واخجل اخاطبكم

ليه تهدمونى وناللى عزكم بانى

انا اللى فوق جسمكم قطنى وكتانى

عيلتى فى يوم دفنتى مالقيتش اكفانى

حتى الاسيّه وانا راحل وسايبكم؟

تم تعديل 14 فبراير 2007 بواسطة Diab

[عبده بيه]

الفاضل دياب تحية

الاستاذ بيرم احلي ما كتب العامية

اختيار موفق اهنئك علي ذوقك الجميل

[عبده بيه]

تحفة من تحف عمنا بيرم

اهديكم

قصة المأذون

ايام ما كان الحريم خلف الستاره مصون

كان اي واحد جهول يفتح خطيب مأذون

يجوزك بالمقاوله .. ولا بالعربون

و انت بختك يا تسعد تلاقيها دون

***

استفتح الشيخ في اول ما اشتغل بطلاق

حرمه اميره .. وجوزها سئ الاخلاق

والقاضي يحكم في شرع المسلمين بفراق

على المره المجرمه ، و الراجل المجنون

***

الست من ناس زمان ، صاحبة ادب و كمال

م الحشمه دل الي لا خاتم ولا خلخال

والليما عطاها صيغه ، ما عطاها جمال

يكفي التقى و الصلاح و الملح و الكمون

***

مأذوننا كان واد عبيط عمره ما شافش حريم

من يوم ما أزهر ? لغاية ما انتهى التعليم

شاف وحده ساده .. بلا لبه و بلا مباريم

قال ما شاء الله .... و اللي كان ما شاء يكون

***

يا ست كان حق جوزك دا يبوس رجلك

لكنه فاسق لا يصلح لك ? ولا يليق بك

لازم اوف لك انا راجل امير مثلك

م اللي يحافظ على عرض النساء و يصون

***

قالت انا واحده ، لا بودره ، و لا احمر

عايزا لي راجل لا يتمرقع و لا يسكر

يعرف مقامي ولا يخبص ولا يسهر

وانشا الله آكل معاه ملح وبصل و زتون

***

بقت تروح للخطيب ، في كل يوم نوبتين

لحد ما شاف لها راجل قعد لها شهرين

مراته ماتت و فايته م العيال اتنين

عايز لهم واحده لو خان الزمان ما تخون

***

مأذوننا قال له .. انا عارف مره حره

عيني ما شافت اميره ملها مره

وبيتها مليان موبيليا من بلاد بره

رأيتها لما انتهت م الراجل المجنون

***

فيها البساط وحده يفرش الجامع

ودولاب عجيب لو تشوفه تلتقيه لامع

ولما كان بعلها في غشها طامع

رهن كراسيها عند القهوجي انطون

***

ابو العيال بات ليلتها عالمدام قاعد

والمهر خمسين جنيه فوري راح ناقد

وبعدها بجمعه كان فراشها راقد

شاف لك دي حته مره انشف من العرجون

***

البين نحل جسمها و الهم كاويها

والفقر راخر متمم شغلته فيها

و الموت هجم ع الحبايب من حواليها

خلا القرايب و الحبيب تحت التراب مدفون

***

في ليلة الدخله لابسه القميص ساتانيه

وتب طويل فوقه و البالطو القطيفه عليه

اسود طويل للقدم .. تفصيل كمال واديه

بكرك ابيض عريض و الصدر بالكبون

***

اما الموبيليا اللي كان طاير بيها الاستاذ

صندوق بسبعين و ستاشر صفيحه جاز

فارغين و فوقهم قبايبها تلات اجواز

و اربع مغارف خشب ابيض و ست صحون

***

صبح يشوف الخطيب واقف بيستنظر

طالب حلاوته خروف يتحط في انجر

ضحك و قال له نهارك يا عريس ازهر

قال له نهارك زفت متقطرن يا شيخ ينسون

***

قال اما انك صحيح .. مسروع و غاتوتي

مالكش صنعه الا يا مأذون يا حانوتي

سعيت لي في الخطبه وبتسعى على موتي

والاجر في الشغلتين يا شيخ على مضمون

******************************************

شي برتقان شي جزر شي خص

( لا تجاب كل الطلبات )

ان عيط الواد وقال لك اشتري نعناع

وحمصية ونبوت الغفير وبتاع

أوعك تطاوعي كلامه واعملي طرشة

والسقم والسم أصله من أيد البياع

( الملابس النظيفة )

بيعي الغوايش وهاتي للولد بدلة

وطلعي من جيوبه الكعب والنحله

وعلمية عالنظافة والأدب والذوق

أحسن يدور في الحواري يعجن الوحلة

( الخرافات )

وشيطلي قولة العفريت والغولة

ليطلع الواد عبيط والبنت مخبولة

متعرفيش الكلام ده يتلف الأولاد

ويفرجوكي المرار وتعيشي مخبولة

( آمين )

قريضة تأخد اللي زيك من دمن النسوان

وتموتي أحسن ولايكونشي الولد تلفان

خايبة .. ومايلة .. تدوسك كهربا قادر

ويستريح من فعايلك جوزك الغلبان

***

[التونسى]

شكرااخى الفاضل دياب عل القاء الضوء على شاعر عظيم من رواد شعر العاميه .. ويمكن مش حقدر أوصف انا قد ايه بحب الشاعر ده ومتأثر بيه جدا ... وقد أزعم انه الاب الروحى لى فى مجال الكتابه الزجليه .. ويمكن ده واضح جدا من اسمى المستعار وكذلك الصوره الرمزيه الخاصه بى والتى هى صوره لبيرم التونسى

انا قرأت له أشعار كثيره .. ويمكن أكثر عمل بحبه للشاعر هى اغنية القلب يعشق كل جميل واللى غنتها ام كلثوم .. ودى وصله للغنيه لمن يحب الاستمتاع وينشد غذاء الروح بفن قيم وهادف ونظيف وراقى

http://www.6rbtop.com/downram.php?song_id=...ype=au&q=hi

ودى كلمات الاغنيه

القلب يعـشق كـل جميل ..وياما شفت جمال يا عين

واللي صدق في الحب قليل...وإن دام يدوم يوم ..

ولايومين

والـلـي هـويته اليوم...دايـم وصـــالــه دوم

لا يعاتـب اللي يتـوب...ولا في طـبـعـه الـلـوم

واحــد مفيـش غيره...مــلا الوجــود نـوره

دعـــانـي لبيتـه...لحـد بـاب بــيـتـه

ولــمـا تـجـلالــي ...بالــدمـع نـاجـيـتـه

كـنـت أبـتـعد عـنـه...وكــان يـنـادينـــي

ويـقـول مـصـيرك يـوم....تخـضـع لـي وتـجـينـي

طاوعــني….. ياعـبـدي ...طـاوعـنـي أنا وحــدي

أنـا الـلـي أعـطـيـتك....مـن غـير مـا تـتـكـلـم

وأنـا الـلـي عـلـمـتك...مـن غـير مـا تـتـعـلـم

والـي هـديـتـه إلـيـك...لـو تـحـبـه بـاديــك

تـشـوف جـمـأيـلـي عـلـيـك

من كـل شـئ …أعـظـم ....ســلـم لـنـا تـسـلـم

دعــانـي لــبـيـتـه...لـحـد بــاب بـيـتـــه

ولـمـا …. تـجـلالـي....بـالـدمـع نـاجــيــتـه

مـكـه وفيها جبال النـور...طـالـه علي البـيـت الـمعمور

دخـلـنا بـاب الـسـلام ...غـمـر قـلـبـنـا الـسـلام

بـعـفـو رب غـفـور

فـوقـنا حـمـام الحـمي ...عــدد نــجـوم الـسـمـا

طـأيـر علينـا يـطـوف...ألـوف تـابـع الـــوف

طايريهني الـضـيـوف...بالـعـفـو والـمرحـمـة

والـلـي نـظـم سـيـره ...واحــد مـفـيـش غـيره

دعــانـى لـبــيـتـه...لـحـد باب بـيـتـه

ولــمـا تـجـلالــى...بالــدمـع نـاجـيـته

جـيـنـا عـلـى روضـه...هــالـه من الـجـنـه

فـيهـا الأحـبـة تـنـول...كـل الـلـى تـتـمـنى

فـيـهـا نـور عـلـى نور .. وكـاس مـحـبـة يدور

والـلـى شـرب ..غـنـى

ومـلايـكـة الـرحـمـن ...كـانـت لـنـا … نـدمـان

بالـصـفـح والـغـفـران ...يـنـولـو مـا نـلـنا

يـاريـت حــبـايـنـا ...يـنـولـوا مـا نـلـنا

يــارب تــوعــدهـم...يــارب واقــبــلـنـا

دعـــانـى لـبـيـتـه...لـحـد بــاب بـيـتــه

ولــمــا تـجـلالـى....بالــدمـع نــاجــتــه

رحمة الله عليك يا تونسى

تم تعديل 20 فبراير 2007 بواسطة التونسى

[shahd]

اختيار رااائع يادياب شكرا اخي الفاضل