أول حب... فاكره ولا نسيته .. ؟؟!!

[CAMPS]

ايوه اول حب ........... لسه فاكره ؟؟؟

واقصد بيه بتاع زمان........ ايام الطفولة البريئه

كل واحد فينا فى حب كان في طفولته او صباه ...

يمكن بنضحك لما نفتكره ونفتكر احنا كنا بنعمل ايه لكن عمرنا ما نسيناه ...

يمكن مش ناضج يمكن مش حقيقي...

بس صدقوني كان جميل ورقيق ولما بيعدي في الذاكرة بيكون له سحر غريب

منتظر حكاياتكم وفضفضتكم بس المهم الصراااحة والعفوية

[بنت النيل]

ياااااااااه يا كمبس فكرتنا بأيام زمان وليالى زمان

وعلى رأى محمد فوزى لما بيقول :

ومين يا قلبى ينسى حبيبه الاولانى <_<

بأذن الله نفضفض لك بالحب الاول لانه فعلا عمره مابيتنسى

[Ahmad Farahat]

أول حب..........

أحياه الآن........

بالعشق والشوق والأشجان............

[الحازم حسن]

لا طبعا نسيته

[bassem_2009]

لا طبعا نسيته

علشان ماكانش حب

[memo2007]

ايه ده

انتو مفروض تحكو عن اول حب ليكم

مش كل واحد يدخل يبقول ...........أااااااااااااااه كانت ايام :angry2: -_- :wub:

ايه يا كمبس ماتقولهم يحكو

ما حد يحكى بقى عاوزة اقرأه :angry2:

تم تعديل 7 فبراير 2007 بواسطة memo2007

[CAMPS]

الظاهر الاعضاء خايفيين يحكوا :wub:

عشان مش عايزين ناس تانيه تعرف

فين الجرأة ياجماعة

[عبده بيه]

اول حب كدبة او فراغ او تفاهة او مجرد احاسيس وشوية مشاعر وكلمات اغنيات او اغنيات بسمعها بفتكر تفاهات هذا ما بحس به عندما حاولت ان افتكر واي كلام ومشاعر متخبطة وليس له اي علاقة بالحقيقة والواقع هذا ما اشعر به والحمد لله علي كدهلكن الان اختلف الامر واصبح الحب واقع وحقيقة بعشها في كل لحظة الله بحببنا في بعض جميعا اخوة واخوات ويلم شمل مصر واولادها

تحياتي

[DARWEEN]

أول حب ,,, يااااااااااااااااه

ده كان زماااااااااان قوي

بس بصراحه ... مش ممكن أنساه ...

كان منتهى الرومانسيه

منتهى البراءه

منتهى الحلم

[kokowawa1979]

داروين كتب :

أول حب ,,, يااااااااااااااااه

ده كان زماااااااااان قوي

بس بصراحه ... مش ممكن أنساه ...

كان منتهى الرومانسيه

منتهى البراءه

منتهى الحلم

عم داروين حد طلب منك تتكلم على لساني لامؤاخذة :ninja:

[عازفه على أوتار الذهب]

كامبس....

طب ما تشجع انت الجماعه..وتكتب عن اول حب !!!!....

أكيد هتقول ايه اللي دخلها هنا دي... :ph34r:

انا جايه أورطك وماشيه.... :ph34r:

وبما انك صاحب الموضوع....

في انتظار مغامراتك... :ninja:

تم تعديل 12 فبراير 2007 بواسطة عازفه على أوتار الذهب

[Diab]

أول حب... فاكره ولا نسيته .. ؟؟!!

نسيته طب ده كلام يااااااااااارااااااااااجل

ده الأول والأخير

أحم أحم :huh:

من أولي إعدادي لحد النهاردة والله :ninja:

أخلاق ايه وادب أيه وجمال أيه بس مفيش أمل :ph34r: :ph34r:

البلد غير البلد والعادات والتقاليد كمان وبالتالي مستحيييييييل مستحيل

كنت بفكر أعمل زي جوليو وروميت بس عقلت

الحب من غير أمل أسمى معاني الغرام

أييييييييييييييييه دنيااااااااااااا

وحدوووووووووووووووه

روميو الأستورجي

تم تعديل 12 فبراير 2007 بواسطة Diab

[inas]

اول حب عمري مهقدر انساه

عرفين ليه

:ph34r:

:ninja:

:ph34r:

اول حب ليا كان وانا عندي 19 سنه

اتخطبت بعدها بسنه انا وهو

وبعد ان تخرجت اتجوزنا

والان عندي ولد وبنت

يبقى انسى اول حب ازاي :wub:

تمنياتي لكم كلكم بالسعاده :huh:

تم تعديل 12 فبراير 2007 بواسطة inas

[CAMPS]

انا قبلت الورطة ....

كنت في بداية الاعدادي " كنا اطفال " وكنت بروح اقضي اجازة الصيف عند عمتي في الجيزة كل سنة وكان ليا اصحاب كتير جدا هناك

وفي يوم من الايام شوفت بنت كانت اجمل ما رأيت في حياتي شىء خيالي كانت ساكنه في الحارة اللى هناك كانت كل امنياتي انها بس تمر من امام البيت واشوفها لم اكن طمع في انها تنظر الي ده حلم بعيد المنال عن كل الشارع ... :happy:

وبعد ما اسافر انتظر واحلم طول العام اني ارجع تاني واشوفها بس .... اشوفها وارجع تاني الاقيها زادت جمال واصبحت حديث الشارع -_- " كله قلوب على طول ..."

المهم جمعت الاقدار بينا لانه اتضح انه في علاقه بينهم وبين عمتي .... وكان اليوم المشهود حيث اتفقت الاسرتان على الخروج لقضاء يوم في حديقة الاورمان ... لم اصدق نفسي هاهي تكلمني وتعرف اسمي -_-

المهم ياجماعة عرفت بمشاعري ناحيتها والغريب انها كانت تبادلني نفس المشاعر ونكمل بعدين

........ الحقوا بقى الموضوع قبل الحذف

تم تعديل 17 فبراير 2007 بواسطة CAMPS

[عازفه على أوتار الذهب]

كامبس.....

كنت فين المده دي كلها....عمومآ حمد لله على سلامتك....

ومتغيبش عننا تاني.....

المهم....حبك الأول حكايته باين عليها من اولها قمه في الرومانسيه.....

كمل يا كامبس انا مستنيه...نفسي اعرف الباقي..... :happy:

[الحاج فوزى]

براءه ..خجل ..

شرايط عبد الحليم ..

اقصى الامانى نظرة عيون

تفكير ساعات فى كلمة تاخد ربع ثانية .. وماتتقلش

ندم على كلام متقالش ، وندم اكتر على كلام اتقال

تلعثم ، وبلع ريق وزوغان عيون ، واحساس بالحر فى عز البرد

وكلمة واحده من حبيبك بقصد او من غير قصد ، تفرحك وتخليك ترسم عليها بساتين وقصور لأسابيع

هممم

اول حب ؟ يا سيدى انا راجل متجوز لاء لاء مش فاكر عنه حاجة

ولا اقولك .. اول حب هوا اخر حب واللى بينتهى بالجواز ....

حسين

[noureldonia]

بمناسبة موضوع الحب الأول يا جماعة كنت عاوزة اسأل ، هل فعلاً الحب الأول بس في مرحلة النضج يعني اتنين كانوا بيحبوا بعد وكانوا بيخططوا لبيت واسرة ولاسباب معينة افترقوا وكانوا الأتنين اول حب في حياة بعض ياتري بيقدروا ينسوا بعدين ويرتبطوا بغير اشخاص ويعيشوا حياتهم ويكون حب ونتهي ويحبوا اللي ارتبطوا بيهم فعلاً واللي فات يكون ذكري ، لان في ناس كتير بتقول صعب الحب الأولني يتنسي هل الكلام دة صحيح.

[رمضان]

اول حب كانت زميلة في العمل بس للاسف مقدرتش اقولها او حتى اتكلم معاها كنت بتكلم مع الجميع الا هيه كنت كل يوم اشوفها واقول اليوم اكلمها وبعدين ابعد تاني كنت خايف اخسرها لو كلمتها ويوم خلاص هكلمها عرفت انها اتخطبت

[CAMPS]

اول حب كانت زميلة في العمل

يرااااااااااجل احنا بنقول ايام الابتدائي والاعدادي ... ايام البراءة دى

انت فضلت لغاية لما اشتغلت من غير اول حب

عموما ياجماعة انا لا اقصد بأول حب أنه يكون أول حب حقيقي

ولكن اتحدث عن ذكريات الطفولة البريئة واول مشاعر تجاه الجنس التاني :)

بمناسبة موضوع الحب الأول يا جماعة كنت عاوزة اسأل ، هل فعلاً الحب الأول بس في مرحلة النضج يعني اتنين كانوا بيحبوا بعد وكانوا بيخططوا لبيت واسرة ولاسباب معينة افترقوا وكانوا الأتنين اول حب في حياة بعض ياتري بيقدروا ينسوا بعدين ويرتبطوا بغير اشخاص ويعيشوا حياتهم ويكون حب ونتهي ويحبوا اللي ارتبطوا بيهم فعلاً واللي فات يكون ذكري ، لان في ناس كتير بتقول صعب الحب الأولني يتنسي هل الكلام دة صحيح.

ردا على سؤال الاخت ن د السابق " هاشتغل المشرف العاطفي للمنتدي "

شوفي يا بنتي الحب الاول مش لازم يكون في مرحلة النضج زى ما قلنا معاكي من الروضه للإعدادي

اما نسيان الحب الاول فهو جائز وممكن ولكن بشرط ان يجد الانسان من يعوضه عن هذا الحب

وفي فرق بين النسيان وبين التأثر ... يعني انا ممكن منسيتش الحب الاول ولكنه مجرد ذكرى ليس لها اى تأثير في حياتي حاليا .. الانسان بيشعر ان النسيان صعب في البدايه ولكن الزمن كفيل فهو جزء من العلاج

................

[badroora]

الاول والتانى والتالت كلة بيتنسي

:sad:

اللى ينساك انساه ولا تسال فيه

الله انعم علينا بنعمة النسيان