أول حب... فاكره ولا نسيته .. ؟؟!!

[kokomen]

ايوه اول حب ........... لسه فاكره ؟؟؟

واقصد بيه بتاع زمان........ ايام الطفولة البريئه

كل واحد فينا فى حب كان في طفولته او صباه ...

يمكن بنضحك لما نفتكره ونفتكر احنا كنا بنعمل ايه لكن عمرنا ما نسيناه ...

يمكن مش ناضج يمكن مش حقيقي...

بس صدقوني كان جميل ورقيق ولما بيعدي في الذاكرة بيكون له سحر غريب

منتظر حكاياتكم وفضفضتكم بس المهم الصراااحة والعفوية

أخي العزيز كمبس ... ليه عايز تفتح جراح الكثيرين من الأحباب ..الله يسامحك ..

أول حب بيكون في سن المراهقة وبيكون الاعجاب فيه الغالب يعنى كنا في المرحلة الاعدادية والثانوية شد انتباهنا الجنس اللطيف وهو أجمل شئ في الدنيا

حبينا المدرسة الجميلة التى تعاملنا برفق مثل مدرسة اللغة الفرنسية الرقيقة ومعلمة الاحياء الرقيقة ....ثم أنتقلنا الي المرحلة الجديدةوهي حب الجامعة

ووصول عواطفنا الى مرحلة النضج نوعا ما ؟؟؟؟ وهو الحب الحقيقى الذى يحفر في الوجدان ويترك أثار يتذكرها الانسان طوال حياته....

الحمد لله أنا تزوجت أول حبيبة حقيقية من الجامعة وعندي من الابناء أربعة والحمد لله .. أهم حاجة تكون صادق في حبك وناوي على الزواج .حتى لانجرح الجنس

اللطيف ..زي ما قلت لك هن سكن للرجال في الدنيا.. وربنا يديمها علينا نعمة ..والسلام

أبوأحمد الاسكندراني :sad: :unsure:

[جلال أنيس]

رغم انني تزوجت ورغم انها تزوجت

الا ان المكالمة الهاتفية اليومية بيننا لا يمكن ان تنقطع يوما

واللقاء السنوي تقليد مقدس لدينا

ومتفقين على ان نزوج ابناءنا لنعوض ما لم نفعله

الحب الاول لا يمكن يتنسي

يظل حاضرا في القلب والعقل والوجدان

[هدي درويش]

كامبس00أيوه أنا فاكره أول حب00عارفين ليه؟ عشان كنت في أولي اعدادي

و هو كان صاحب أخويا و أول مره شافني قاللي 00ايه ده انتي أخت أحمد00

انتي جميله أوي 00لما تكبري حاتجوزك0

تصدق اننا اتجوزنا فعلا00 بس انفصلنا بعد 16 سنه زواج0

هو الآن مديري في الشغل و هو يراعي بناتنا الاثنين وربنا يخليه لهم

وهو شخص محترم وأب هائل00 و لكن النصيب00

هذا هو أول حب 00ايه رأيك؟ :ninja: