البيت الكبير

[إبن مصر]

كانت ايام طفولتى

فى بيت كبير كبير

عاشت فيه حكايتى

و فيه كنت بطير

عدت ايام حياتى

وغرقت فى التفكير

ولقيت بيتنا صغير

وانا بقيت كبير

فيه جنينه كنت فيها

العب وابتسم

ولا كنت اعرف احزن

ولا نفسى تتقسم

وكبرت مره واحده

والحزن فيا عاش

وجنينه بيتنا ماتت

لكنى مانستهاش

ولقيتنى وانا شاب

زى كل الشباب

مفيش جوايا غير

الامى والعذاب

كان حلمى انى ارجع

لبيتى تانى اعيش

لكن لما كبرت

حلمى اصبح مفيش

وسافرت بلاد كتير

واتغربت أنا

وحلمى كان أسير

أرجع تانى هنا

وعدت الايام

ومرت السنين

ورجعت تانى امشى

بيشدنى الحنين

لقيت بيتى فى مكانه

لكن احزانه كبرت

اتغير كل كيانه

افراحه عنه بعدت

وعرفت الحقيقه

بعد فوات الاوان

ان البيت كان صغير

وانا بقيت كبير.

انا بقيت كبير

[bassem_2009]

جميل هو الرمز ولكن لم يعجبني شيئين فيها

الأول هذا التقييم المأساوي لرحلة الحياة

الثاني أشعر بأن الكلام قص ولزق في شئ المفرود يربط الكلام ببعضه مش لاقيه (ده مجرد إحساس إنما أنا مش ناقد أدبي)

وشكرا على سعة الصدر

باسم زكريا

ابن مصر الصغير

[عازفه على أوتار الذهب]

اسلوب جميل استاذ احمد...

هذا هو الإحساس الذي نفقده مع مرور العمر.....

كل شئ بيكبر فينا حتى الحزن بيكبر معانا.....

ولا كنت اعرف احزن

ولا نفسى تتقسم

وكبرت مره واحده

والحزن فيا عاش

روعه أن ترسم هذا الإحساس بالكلمات....

تحياتي....

[nash]

فيه جنينه كنت فيها

العب وابتسم

ولا كنت اعرف احزن

ولا نفسى تتقسم

وكبرت مره واحده

والحزن فيا عاش

وجنينه بيتنا ماتت

لكنى مانستهاش

>>>>>>>>>>>>>>>>>>>>

تذكرت أغنيه وديع الصافي .... راحوا فين حبايب الدار...

من القصائد التي تثير الشجن...والذكريات بحلوها ومرها.....

تسلم أيديك ويعطيك العافيه

[إبن مصر]

جميل هو الرمز ولكن لم يعجبني شيئين فيها

الأول هذا التقييم المأساوي لرحلة الحياة

الثاني أشعر بأن الكلام قص ولزق في شئ المفرود يربط الكلام ببعضه مش لاقيه (ده مجرد إحساس إنما أنا مش ناقد أدبي)

وشكرا على سعة الصدر

اخى العزيز باسم

ابن مصر الصغير.

ولو متعرفش انا بقى ابن مصر الكبير .

المهم.. طبعا تشريفك لحروفى المتواضعه للمره التانيه شرفنى.

هذا التقييم الواقعى من وجهه نظرى وليس مأساوى ولكنه واقع يعرفه الكهول امثالى .

وانا اعلم انك لست ناقد ادبى ومتخافش حتى لو ناقد كل حرف يوجه للعبد الفقير لله يزيده شرفا.

انت وصفت احساسك وشعورك ان الكلام قص ولزق والمفروض( بالضاد ) انه فيه شىء يربط الكلام.

اسمح لى اختلف معاك.

الرابط بين الكلام هو الزمن يا بنى العزيز.. فالاحداث ليست فى ترتيب منطقى كى تربطها ببعضها بقدر ما هى تصف حاله نفسيه مرت على كاتب الكلمات حين افاق لحقيقه لم تكن معلومه لديه وهى اختلاف الحجم وعنف الزمن.

كتبت هذه الكلمات فى 4/6/1984 وما زلت الى الان وبعد مرور 23 عاما اشعرها كما هى حتى حين نقلتها لم اضف اليها حرفا.

اشكر مرورك الكريم على حروفى..

ويارب الى جاى يعجبك :wub:

اختى العزيز دهب ..

اشكر مرورك الكريم واحساسك بتلك الصوره التى فعلا عنيتها بين براءه الطفوله وواقعيه الكهوله.

شكرا لك على تشجيعك الجميل

اختى العزيزه ناش.

اشكرك على تشريف حروفى المتواضعه وبحق هى ذكريات جميله واليمه .

ياه ساعات الانسان يفاجأ انه بقى ... كبير

[نانو]

اخي الغالي احمد

هكذا الحياه تمنح وتمنع ...ثم تمنح ...ثم تمنع

ونحن بين هذا وذاك نتذوق فرحه اللقاء ومراره الفراق

نستعيد الذكريات ونحيا لحظات ونتمني ان تعود يوما ولكنها ...لا تسمع ...لا تجيب ...ولا تعود

رائع احساسك دائما...... بالعاميه او بالفصحي..

.دمت بكل خير ... ودام قلمك مبدعا

[إبن مصر]

نانو يا نانو ..

يا رب يخليكى كده دايما رافعه روحى المعنويه لحد ما اصدق انى بعرف اكتب بصحيح!!

شكرا لك يا عزيزتى على ما قرأتيه بحروف لم تكتب.

[bassem_2009]

تحياتي لحضرتك ولتقبلك لكلامي

وتحياتي أكثر لهذا العم متقال الرجل الشعبي الذي أرتبط به جدا (الرجل الشعبي المصري وليس الريس متقال)

وعنه وعن أمثاله كتبت

شئ غريب بيشدني في الشوارع

شئ عليه بدور بس ضايع

شئ في إيدين من الشغل مفحوتة

في عيون غايرة جوا وشوش ممقوتة

شئ في بطون من الجوع مفحوتة

قوتها في اليوم لقمة واحدة سفروتة

تجيبها بالذل والهوان وطفح الكوتة

وبإمكان حضرتك او تكرمت أن تطالع باقي المقطوعة وأن تزودني برأيك هنا

http://www.egyptiantalks.org/invb/index.ph...26267&st=15

باسم زكريا

ابن مصر الصغير

[bentmasria]

احمـــــــــــــــــــــــــــــــــــــــــــــــــد

رااااااااائع

عارف

وانا بقرأ الحروف دى سمعت فيروز بتغنى فى ودانى اغنية قديمة جدا بتقول

كنا نتلاقى من عشية وبتغرد بصوتها الملائكى وتقول

ياسنين اللى راح ترجعيلى

ارجعيليش مرة ارجعيلى

ردىلى احلامى اللى راحوا

لبعد بزوايا السحاب

وكانك كتبتها بنبضك واحساسك داعبت احلامنا القديمة وريحة الياسمين اللى على سور الجنينة ماليه انفاسك والذكريات الدافية اللى بتطارد الاحلام البعيدة تدفى الروح فى لحظة البوح الحلوة

يمكن حروف قديمة بس صادقة واصيلة كلمت ركن فى قلب كل اللى قرأوها

ويمكن تكون

خلت العيون تلمع بدموع تتمنى تتنفس عطر الذكريات ولو لحظة حقيقة

دايما تمس القلوب برقة وجمال

هاااااااااااااااااااااايلة

وتسمح لى انا حنقلها عندى عشان اخليها قريبة منى على طول

:closedeyes: :unsure:

مانا ومادا