حد يعرف حاجة عن سي السيد ؟

[kokowawa1979]

ياترى حد يعرف حاجة عن اخونا سي السيد - بقى له فتره مختفى ولا حس ولاخبر! لعل المانع خير إن شاء الله

[أبو حميد]

ياترى حد يعرف حاجة عن اخونا سي السيد - بقى له فتره مختفى ولا حس ولاخبر! لعل المانع خير إن شاء الله

أنت اخدت الكلام من على لساني وكنت سأفتح أنا هذا الموضوع لقد بحثت بالأمس ووجدته لم يدخل المحاورات منذ 28 يناير. ولكنه قال في أخر مداخلة انه في رحلة وقد يتأخر

أنا باتأسف لكم وأحب على راسكو واحد واحد للتأخير

والظاهر إني أنا اللي هاتعب لرحلة - بس لوحدي - وهاكون مشغول فيها جداً ..

لكن أول ما أرجع هانشر أحداث الرحلة وهاصالحكو

أخوكم المُعذب سين سين

وندعو الله أن يكون المانع خير.

تم تعديل 7 فبراير 2007 بواسطة أبو حميد

[inas]

المحاورات هاديه من غيره مقصدش حاجه طبعا :angry2:

اقصد ان س س عاملنا حس كده وصوتنا واصل للمنتديات الي جمبنا :angry2:

ربنا يجعل المانع خير

تم تعديل 7 فبراير 2007 بواسطة inas

[قديم]

kokowawa1979 مشكور على النداء

فينك يا سي سيد

طبعا انا زي زيكم مش عارف هو فين ,

لكن اول ما اعرف لن اخفي الامر

[مصرية يعني مصرية]

إقتباس(سي السيد)

أنا باتأسف لكم وأحب على راسكو واحد واحد للتأخير

والظاهر إني أنا اللي هاتعب لرحلة - بس لوحدي - وهاكون مشغول فيها جداً ..

لكن أول ما أرجع هانشر أحداث الرحلة وهاصالحكو

أخوكم المُعذب سين سين

ربنا يرجعك بالسلامة

[kokowawa1979]

رحلة :angry2:

هو عمال يتفسح وسايب لنا رئيس أركانه أرسين لوبين يقطع فينا ومش عايزين نكلمه علشان خاطر الزعيم غايب :angry2:

ربنا يستر في الرحلة دي ومايكونش جوزيه مكلفه برحلة في الأدغال لإحضار راس حربة للأهلي -_-

عموما ندعو الله أن يعود بالسلامة

[نبض الابداع]

يلا بقا عشان وحشتنا قوي

[نورية]

سى السيد.... :wub:

يا ترى بتعمل ايه فى الرحلة ؟؟ و بتاكل ايه؟؟؟ و بتشرب ايه؟؟؟ :sad:

و حضرتك سايبنا هنا عمالين ننادى و قلقانين و انت بتتفسح :)

ماشى . ;) .. بس لما تيجى..

[نيرون]

هنا الزوراء

اعلن مندوبنا في محافظة صلاح الدين و الانبار

السيد المكروع بن الاشرم نقلا عن العضو النشاط بجبهة المقاومة السيد الفيروز البركستاني انه عرف من مصادر موثوقه ان قواتنا قد قامت باختطاف العضو البارز في محاورات المصريين بالسعودية والاسم الحركي له هو سي السيد وتم نقله سرا الي العراق وذلك من اجل انشاء فرع للمحاورات في العراق

وتحذر الجبهة من ان اي ادعاء بان الزملكاوية هم الذين قاموا بخطفة غير صحيح والذي يقوم بترويج هذه الاشاعة هم جماعة الزملكاوية الجدد

وستقوم الجماعة بالافراج عن العضو بعد دفع 4 مليون دولار او ما يقابله باليورو

انتهي البيان

هنا الزوراء

ننتصر او نموت

[nora]

بجد افتقدناك يا س س المحورات ملهاش حس

حلو بجد هعملك غنوة

يا س س يا س س انت فين يا س س

[Scorpion]

و بعدين بقي ؟

لو أجازة .. تبقي طولت بصراحة ....

لو شغل ... ابقي زوغ خمسة يا سيدي و ارمي السلام و أمشي ...

مش عوايدك يا ابو السيد..

و بصراحة بصراحة .. و لو اني من النوع الكتوم ... بس بجد وحشتني ...

أفففففف

[Modest]

الراجل أضاف مداخلة إمبارح و راحت مع التحديث :rolleyes:

حمد الله على السلامة ... كفّارة يا معلم :blink:

ياريت بلاش كل مرّة أشوفك فيها تختفي بعدها شهر أحسن كده الناس هاتشُك فيّا <_<

[Folana]

السلام عليكم ورحمة الله.......

عودا احمد يا أحمد..........حمدلله على سلامتك....وياريت فعلا مايكونش موديست هو اللى ورا اختفائك ده...والا............ :rolleyes:

[أبو زياد]

أخويا و حبيبى أممممممممممممم

أهلا أهلا أهلا بأعز الحبايب ( وش سمير صبرى )

إنت جيت و معاك تحديث المحاورات و حطيت مداخلتك راحت فى السكة ..

معلش بس أنا قريتها

وهو يا جماعة بيقولكوا و حشتونى وحشتونى بوش وردة

وسايبنا يا حبيبى نكلم نفسنا ..

معلش كفارة يا ابو السيد و السجن للرجالة ..

قصدى سويسرا . .. و الله يا س س زوهيرى هو اللى قاللى و فتش الخبر ..

أنا قلتله فين س س قاللى راح زيورخ يصطاد بط

قلت له يا حول الله يارب الراجل اتخطف

وبعدين إنت قلت إنك رايح مصر و نظمت رحلة للقناطر .. إنت اللى قلت ..

كان مالها الحضرة والا أبو زعبل ؟

والله يا س س ياخويا إنت قلقتنى ووغوشتنى وكمان كنت بتتكلم عن الأمن و المحاورات

ياريت تقوللى إيه اللى حصل عشان أجازتى قربت ..

المهم كفارة و ألف حمد الله عالسلامة

تم تعديل 22 فبراير 2007 بواسطة أبو زياد

[se_ Elsyed]

أبنائي الأعزاء

موديست

أبو زياد

فُله الشهيرة بُفلانه

شكراً لترحيبكم بعودتي من رحلة العلاج النفسي بمصحات تشيكوسلوفاكيا - هي مش إتفككت وبقت إتنين ؟ -

وأنا الحمد لله أحسن دلوقت .. بس الدكاترة نصحوني بالمداومة على جلسات الكهربا .. ده بالنسبة للأماكن اللي فيها فيش . أما لو كنت خارج في جونينه مثلاً أو حتى مقطوعه فباخد معايا حجرين قلم وأوصلهم بحته سلك عريان .. كنوع من انواع المسكنات يعني ...

فأرجوكم أستحملوني الفترة الجاية دي حيث إن المريض النفساوي اللي بيتعرض لصعقات الكهربا بتصدر منه افعال غير مسئولة في بعض الأحيان .. لكن الطب الحديث أثبت إن مافيش منه خطر طالما ما بيعضش أو بيضرب بالشلاليت .

[MZohairy]

فباخد معايا حجرين

مساء الخييييييييييييير :rolleyes:

[نانو]

حمد لله علي االسلامه يا كبير :rolleyes:

[se_ Elsyed]

الله يسلمك يا نانو يا بنتي

ما تخافيش .. الخمسة جيني اللي دفعتيها الشهر اللي فات للرحلة .. عملت دلوقت 7 جيني ونص في بورصة القطن .. إحنا ما بناكلش حق حد ... حد الله حد الله

تحبي بالريع اللي طلع لك ده أنجد لك بيهم خدادية ولا مرتبة ؟

كلام في سرك أنا قربت أخلص حلقات الحرلة المزعومه .. وبإذن الله هاتبقى قُنبلة الموسم اللي هاتغطي على العنب العنب أو حتى أيظثن أني لعبة في عينيه

إنتظروا حلقات رحلة الكناطر الخيرية وإن الله مع الصابرين

[عبده بيه]

الفاضل سي السيد

منور المحاورات حمد لله علي السلامة

[Dr.Know]

فباخد معايا حجرين

مساء الخييييييييييييير :closedeyes:

وربنـــــــــــــــــا دمـــــــــــــــــــــــــــاغ

ولا ودمـــــــــــــــــــــــاغ كبيرة كمان