بريد الكتروني لكل مواطن !

[shawshank]

الخبر ده كان كوميدي جدًا بالنسبة لي ... مش عارف انطباعكو هيكون ايه

الحكومة تعد خطة لعمل بريد إليكترونى لكل مواطن

القاهرة- أعلنت الحكومة المصرية على لسان المهندس علاء فهمى رئيس البريد أنه لا نية لخصخصة البريد المصرى ، وأن هيئة البريد وضعت خطة لعمل بريد إليكترونى لكل مواطن مصرى باسم "ميل مصر" لتقديم قيمة مضافة من جهة مصرية وليس مواقع البريد الإلكترونى الأخرى مثل "هوت ميل وجى ميل" .

وأضاف فى تصريحات على هامش الجلسة الختامية لمعرض القاهرة الدولى للاتصالات وتكنولوجيا المعلومات "كايرو أى سى تى 2007" مساء الاربعاء ، أن هذه الخطوة تأتى فى إطار تطوير خدمات البريد المصرى لتشمل خدمات البريد والخدمات المالية والخدمات المجتمعية . وأشار إلى أن وزارة التنمية الإدارية تقدم الان 500 خدمة إليكترونية ويقوم البريد المصرى بتسهيل تقديمها عبر منافذه بأسلوب جديد يناسب طبيعة التوجه التكنولوجى الذى تقوده حكومة الدكتور أحمد نظيف رئيس مجلس الوزراء . وأكد أنه لا خصخصة للبريد المصرى ، ولكن الجديد هو شراكة البريد مع مختلف الوزارات والمصالح والهيئات والشركات فى تقديم الخدمات من خلال مفهوم جديد يستهدف راحة المواطن .

[محمد عبدالعزيز]

يعنى معظم الشعب المصرى مش لاقى ياكل, وحضراتهم عاوزين يعملوا بريد إليكترونى لكل مواطن؟!

أما عجايب بصحيح

أقطع دراعى إنهم لو عاوزين يعملوا كده بجد, يبقى عشان يقفلوا الحلقة على الشعب المصرى, ويبقى التجسس بكل سهولة, وكله تمام يافندم وتحت السيطرة.

أو إن الموضوع ده سبوبة ومصلحة لحد من اخوننا البعدا.

بجد الواحد مابقاش يثق فى أى خطوة بتعملها الحكومة دى.

[inas]

هيييييييييييييييييييييييه طلعنا بايميل نفرح المفروض ;)

طيب يفروا سكن الاول

ولا رغيف عيش حاف

ولا يمكن يكون لهم غرض اخر اهنا مش فاهمين هما عاوزين ايه بنظره مستقبليه الكترونيه مش جايز بكره اقدر ابعت ايميل لام ابراهيم بتاعت اللبن اقولها متنساش تجبلي معاها 2 كيلو زبده :sad:

بس الفكره هتستقبل الايميل ازاي؟؟؟؟؟؟؟؟؟؟؟

في الزريبه :)

هي الناس لقيا تاكل ولا لقين سقف يداريهم من الشتاء عشان يجيبوا كمبيوتر يستعملوا بيه الايميل الهديه العظمى الي منت الدوله بيه لييهم

[نيرون]

مداد المسئول الكبييييير الباشمهندز قال البريد مش هيتخصخص

تاكدوا ان الهيئة في طريقها للخصخصة

وهي دي عادة الحكومة

يعدوا لغايت لما يتفتق ذهن المسئول الكبير ويخترع قانون جديد يتم به خصخصة الشركة اللي سيادة مسئول عنها

ومش ملاحظين ان كل القطاعات اللي في البلد اليومين دول مسكنها يا اما باشمهندز يا اما لواء

ويا بخت من كان رئيس الوزرا من نفس تخصصه وياسلام لو كان زميل ولا تلميذ له

وسلامي للشفافية والافصاح

ويعيش رئيس الحكومة صاحب لقب

( كبير مقزقزي اللب في المجلس)

[shawshank]

شكرا جدا يا جماعة على المشاركة .

أنا معاكو إن احنا مش خلاص عندنا كل حاجة و ناقصنا بس البريد الالكتروني ..

بس أنا كان مصدر الكوميديا بالنسبة لي إنه تفكير ساذج جدا . يعني ايه الدولة تعمل لكل المواطنين e-mail في بلد فيها اكتر من 77 مليون مواطن - منهم 28 مليون دخلهم دولارين في اليوم أو أقل ؟ و منهم حوالي 8% اللي بيقروا الجرايد ؟ حاجة فعلا غريبة و محدش عاقل يعمل كده خالص . يعني هدف الموضوع ايه ؟ ممكن يكون ذي ما قال أخونا الفاضل / محمد عبدالعزيز إنه عشان التجسس على الناس (يعني الناس تنقل من hotmail و yahoo لـ email مصر) . غير كده أنا مش شايف أي فايدة . المفروض إن مؤسسات الدولة يكون في كل منها email servers تخدم العاملين في المؤسسة وتربطهم ببعض . لكن هربط كل المواطنين ليه ؟ على فكرة في الحالة دي ممكن لا نحتاج تصويت في مجلس الشعب و يكون مجلس الشعب للمناقشات بس . و في حالة التصويت ، يكون التصويت online ، و كده ميبقاش مطلوب تصويت ممثلي الشعب لأن كل مواطن هيصوت بنفسه ، و دي تكون قمة الديمقراطية :)

المصدر التاني للكوميديا إن المسئول عن الموضوع هيئة البريد ;) هو عشان بريد الكتروني يبقى نديه لهيئة البريد ؟