الغيره ................والشك!!!!!

[inas]

موضوع بحس انه شائك جدا الغيره والشك

هل الغيره مطلوبه حقا ؟؟ والى اي مدى؟؟ و هل لها حدود؟؟

الزوجة لو لقت زوجها مش بيغير عليها ..... تقول "لا ده مش بيحبني مش بيخاف عليا"

ولو بيغير عليها .......... تقول" ايه ده خانقني ومقيد حرتي انا مش بحب الزوج المتحكم ده

هل الغيرة ممكن تضيع الحب وتأثر عليه تأثير سلبي .... ؟؟

ولا ممكن تقوي الحب ده وتزوده ويبقي ليه تأثير ايجابي ..... ؟؟؟

يا ترى امتى نقدر نقول ان الغيره تعدت حدودها ووصلة الى الشك

هل بين الغيره والشك خيط رفيع ؟؟؟

ولا الاتنين مسميان لمعنى واحد؟؟؟

[عازفه على أوتار الذهب]

فعلآ يا ايناس موضوع مهم جدآ اننا نفرق بين الغيره والشك....

والغيره مطلوبه بين اي اتنين بس لازم يكون لها حدود....

لأن الغيره لو زادت بتكون مصدر للمشاكل بين الطرفين....

وممكن يوصل الاحساس لإنها شك...وده طبعآ احساس مؤلم جدآ...

ان احد الطرفين يحس انه مشكوك فيه....

أما بالنسبه للست تحديدآ...فبتعتبر الغيره عليها نوع من انواع الرجوله...

لكن الغيره لما بتزيد عن حدها المعروف بتكون قيد سواء على الرجل او المرأه...

والغيره بتزود الحب لما يكون مفهوم معناها..(الخوف)....

الغيره والشك ليس لهم اي علاقه ببعض...لكن الغيره الحقيقيه خوف على الشخص...

نوع من الحنان الداخلي اللي لايمكن يعطيه اي شخص آخر غير الشخص المحب....

.

.

.

تحياتي...

[inas]

دهب حببتي

الف شكر ليك على ردك الجميل

أما بالنسبه للست تحديدآ...فبتعتبر الغيره عليها نوع من انواع الرجوله...

لكن الغيره لما بتزيد عن حدها المعروف بتكون قيد سواء على الرجل او المرأه...

عجبني او رايك وفعلا الغيره مطلوبه بس دون ان تصل لحد ان تكون قيد نتمنى الخلاص منه

[darker19]

بما انك طلبت الرأي أنا هاقلك رأي بكل صراحة بس بدون زعل بيتهيألي في ستات كتير مش فارقه معاها أوي إذا كانت المسألة غيرة أو شك, بس الأكيد انها عايزة تنكد عى جوزها و السلام...

وساعات بقتنع بفكرة ان الغيرة هيا الي بتدي للعلاقة طعم, لكن الراجل لازم يداريها عشان الست ما تتغرش لأن الست لما بتتغر بتبقى حاجه صعبة وممكن العلاقة كلها تتدمر وتنتهي بسبب الغرور مش الغيرة....

[التونسى]

بما انك طلبت الرأي أنا هاقلك رأي بكل صراحة بس بدون زعل بيتهيألي في ستات كتير مش فارقه معاها أوي إذا كانت المسألة غيرة أو شك, بس الأكيد انها عايزة تنكد عى جوزها و السلام...

وساعات بقتنع بفكرة ان الغيرة هيا الي بتدي للعلاقة طعم, لكن الراجل لازم يداريها عشان الست ما تتغرش لأن الست لما بتتغر بتبقى حاجه صعبة وممكن العلاقة كلها تتدمر وتنتهي بسبب الغرور مش الغيرة....

الغيره الطبيعيه حميده ومرغوبه ((وهى بالمعنى البلدى النخوه)) ومش بتكون بس على الزوجه ... بل على الاخوات والام واقرب الاقربين من النساء ((دى من وجهة نظرى كرجل))

الشك بقى حاجه تانيه وهو بينبع من عدم ثقه فى الطرف الاخر ((سواء بسبب واقعى ملموس او بسبب مرضى نفسى ))

والغيره الطبيعيه ممكن تكون تعبير عن الحب وممكن تدفع العلاقات الانسانيه للامام وبشكل ايجابى لكن الشك مدمر مدمر مدمر وقااااااااااااااتل خصوصا لو لم ينبنى على واقئع وبراهينوأدله

انا شايف لو الواحد جوزها شكاك بطبعه ((شك مرضى)) ومتقدرش تستغنى عن او بتحبه جدا يبقى لازم تتعامل معاه بحذر وتبعد عن الاشياء اللى ممكن تثير شكه .. ولو بقى مش بتحبه يبقى تخلص منه لان العيش مع رجل شكاك جحيم لا يطاااااااااااااااااااااااااااااق

[nora]

بصي يا ايناس انا مش مع الغيرة القاتله في غيره معتدله ولازم كل طرف يسيب للتاني مساحه من الحريه بس التنين ميمسخوهاش يعني لا يسيب خالص ولا يشد اوي لان في الحالتين الفشل هيكون النتيجه ....

اما الشك زي ما قال التنسي لو مكنش في حب جامد جدا بحيث يقدر الواحد يتحمل من اجلو يبقى الفراق ارحم .........

[نانو]

بما انك طلبت الرأي أنا هاقلك رأي بكل صراحة بس بدون زعل بيتهيألي في ستات كتير مش فارقه معاها أوي إذا كانت المسألة غيرة أو شك, بس الأكيد انها عايزة تنكد عى جوزها و السلام...

وساعات بقتنع بفكرة ان الغيرة هيا الي بتدي للعلاقة طعم, لكن الراجل لازم يداريها عشان الست ما تتغرش لأن الست لما بتتغر بتبقى حاجه صعبة وممكن العلاقة كلها تتدمر وتنتهي بسبب الغرور مش الغيرة....

لأ طبعا لازم يكون فيه زعل طالما بتفتري علي الستات :ninja:

اقولك انا االسر بقه.....فيه زوج بيبقي مش شايف مراته اصلا ....سواء ان كانت في البيت قدامه او حتي خارجه معاه بره البيت

لبست كويسو لا لأ....مهندمه او منمقه ولا لأ....مش شايفها اصلا .... وبعدين يخرج معاها في الشارع و اول واحده تعدي

عامله شويه حاجات ملفته في مظهرها تلاقي عينه معاها كأنه عمره ما شاف واحده قبل كده....قولي انت راجل زي ده يستاهل انها

تحط صوابعها في عينه ولا لأ ....يعني تغير وتنطق ولا تسكت .... و تيجي انت تقولي عايزه تنكد عليه والسلام :ph34r:

نرجع يا اينوا لموضوعنا...شوفي يا ستي...الغيره شكل من اشكال الاهتمام.... والاهتمام هو اول ابجديات الحب يعني من غير الغيره الحب مالوش لون ولا طعم....

اما الشك ده مرض... وعلي فكره مش دايما مرتبط بالحب ...يعني ممكن ست تشك في جوزها وهيا مش بتحبه لكنها بتشك لانها ما عندهاش ثقه فيه او هي مريضه اصلا ... والمريضه ديه ممكن تكون بتحب جوزها ولكن مرضها بيطور الغيره عندها لشك ....و اعتقد ان الشك هو اسهل الطرق لهدم اي علاقه...او اصابتها بالوهن والفتور

[inas]

داركر زي مفيه ستات كل همها تنكد في رجاله برضو دا شغلهم الشاغل

بس انا بجد ان التصرف دا مش حب في ان احد الطرفين عايز ينكد على التاني انا بحسها مرض نفسي او احساس بانتقاص او ضئاله وجايز خوف على او من الطرف الاخر لكن ان الواحد يفكر ازاي ينكد دي صعبه

يعني مثلا واحد طول النهار ماشي يبص على دي ويعاكس دي زي المراهقين زي منانو قالت مش يستاهل يتنكد عليه :ninja:

التونسي فعلا الشك لا يطاق لاسباب كتير خصوصا لو كان من الزوج اما تجاهله فايضا هو احساس مؤلم الاعتدال مطلوب جدا زي نوره مقالت

نانو اظن لو هو الي مش بيحبها هيكون الشك اكبر وبدل متحببه فيها تنفره اكتر بس ايه علاج للشكاكين سواء راجل او سيده

تم تعديل 12 فبراير 2007 بواسطة inas

[عبده بيه]

اولا لو بين الزوجين تفاهم وكلا منهما يسمع الاخر قبل ما يحكم عليه

تبقي انتهت المشكلة

انا عايشت الموضوع بكل معانيه انا وزوجتي كلا متفاهم مع الاخر ده في بادئ الامر هي في دراستها وانا في شغلي كلا منا ثقة بلا حدود في الاخر بلا غبار هذا غير اننا نعيش في باريس

والامور بينا ممتازة حتي لاحظت انها بتسال عن كل رنة تليفون من قبل عمرها ما سالتني مين معاك علي التليفون فهمت اني قصرت وواجب عليا ان اوضح الصورة باستمرار زي زمان وبصراحة بدلا من المشاكل و عدم الثقة

لازم ولابد من الحوار بلا زعيق وصوت عالي ده مهم جدا الست بتحس بالامان والثقة في نفسها ولا كمان لازم الراجل يكون بيتعامل مع زوجته بمستوي عالي من الثقة هو بيتعامل مع شريكة حياته مش مع طفلة زي ما بشوف من بعض الاخوة مش هضحك عليها لا لابد من الامان وحسن الخلق ويبدء بالرجل والباقي هيطلع من الزوجة من عاطفة تحافظ علي بيتها

تحياتي اختنا ايناس

[nash]

أكرة الأثنين الغيرة والشك...

ولا أظن أنني أستطيع التعايش مع هاتين الصفتين....

هناك زوجات يحببن ذلك ويحاولن إثارة غيرة أزواجهم.....

أظن ذلك يعود لعدم الثقه في أنفسهن.....

أما الزوج الذي يضيع وقته في الشك في تصرفات زوجته...والجري وراءها لمعرفه متي تتنفس

ومتي تضحك ومع من ولماذا وكيف....هو زوج مريض...عليه أن يبحث عن علاج فورا"

فكيف لمن وافق علي من يأتمنها علي عرضه وشرفه وتربيه أولاده....أن يشك فيها....؟

والزوجه التي تبحث عن المشاكل مع زوجها وتثير موضوع الشك والغيرة باستمرار...هي زوجه نكديه في المقام الأول....ولديها وقت فراغ كبير.....ولا تعرف كيف تملؤة...