إزاي تخليها سعيدة

[darker19]

كيف تجعل المرأة سعيدة

هذا ليس صعب

كل ما يجب عليك فعله هو أن تكون:

1. صاحب

2. مرافق

3. محب

4. أخ

5. أب

6. قائد

7. رئيس

8.كهربائي

9. نجار

10. سباك

11 . ميكانيكي

12 . مهندس ديكور

13 . مصمم الأزياء

14. دكتور نساء

15 . دكتور نفسي

16. أفضل مضحى

17 . مداوى

18 . مستمع جيد

19. منظم

20 . أب جيد

21. نظيف جدا

22 . رشيق

23. رياضي

24. دافئ

25. منجذب

26. أنيق

27. ذكى

28. ظريف

29. منتج

30. يمكن الاعتماد عليه

31.قوى

32.متفهم

33 . محدد

34 .. متعقل

35. طموح

36. قادر

37. شجاع

38. مفهوم

39. صادق

40. موثوق فيه

41. صبور

بدون نسيان:

42. أعطائها الأعذار باستمرار

43 . تحب التسوق

44. أن تكون أمينا

45. أن تكون غنيا

46. لا تضغط على أعصابها

47. لا تنظر لأي بنت غيرها

و في نفس الوقت فأنت يجب عليك أن:

48. تعطيها الكثير من الانتباه

49. تعطيها الكثير من الوقت و خاصة لما يخصها شخصيا

50. تعطيها الكثير من الحرية فلا يجب أن تسألها إلى أين تذهبين

وأيضا من المهم جدا ألا تنسى:

51. أعياد الميلاد

52. الذكرى السنوية

53. ما تنظمه هي من حفلات

أما

كيف تجعل الرجل سعيد:

1. أن تتركيه في سلام

2. أن تطعميه جيدا

3. تجعليه يتحكم في الريموت كنترول

4. لا تطلبي مشاوير أثناء كأس العالم

_____________________________________________________

منقول - والله الرجالة غلابة وقنوعين جدا -

[inas]

الذكرى السنوية

تقصد ايه بيها بالظبط

صعبتم عليا كبدشي عليكم غلبنين كتعتم كلبي تكتيع

وكل امانيكم تمسكوا الرموت كنترول وايه المشكله خلي رموت المروحه في ايدك اهو منها طراوه وتحقيق للامنيه :huh:

[عازفه على أوتار الذهب]

ايه ده... :wub:

مين ده... :wub:

ومين بقى الراجل اللي بيعمل كل ده.... -_-

وعشان الرجاله غلابه وقنوعييييييين (ولهم قرايب مهمييييين)مالهمش مطالب خالص....

طب ده كفايه الريموت كنترول....عايزين ايه تاني....

داركر....متجيش هنا تاني..... :huh:

[عبده بيه]

العزيز داركر لذيذة وتموت من الضحك وانا ساعات بحس فعلا ان الست عايزة رجل يعمل كل ده عظيم وهي هتعمل ايه هي هتتفرج عليه

مرة معايا موقف لذيذ كنت بركن العربية وفجاءة العربية وقفت مش عارف من البرد ولا ايه المهم نزلت وحاولت اركنها من غير ما ادورها لانها مش عايزة تدور واجتهدت وعملت المستطاع وفعلا مش قادر احركها لان الجراج معمول بطريقة ان العربية لا تسرع فيه المهم واحد شافني جاه يساعدني وخلاص المهم دخلت البيت وبكلم المدام بقولها تصدقي يمكن البطارية تعبانه لان العربية كنت بزوقها قالت لي بكل برود انا كنت شايفك من الشباك والله كنت هتجنن يعني حتي ما قولتيش اجي اساعدك من باب العزومة مش كده ولا ايه

[الحازم حسن]

نشنت ونشانك رشق

[نانو]

ايه ده ايه ده يا داركر....

مش كفايه طبعا ...امال فين مثقف....متفتح.....خفيف الظل....متعاون .....

انا شايفه انك تروح تراجع نفسك .... وتفكر في باقي الصفات المطلوبه ...كده مش كفايه :huh:

[nash]

أضم صوتي لصوت نانو

لسه برضه ماينفعش

بسرعه ياباشا راجع نفسك وتعالي

أهو أحنا منتظرين :o

[أبو حميد]

طيب أيه رايكم خلوا بس الست تتركه في سلام يبقى عداها العيب وقزح وعملت اللي عليها وبزيادة ويغور التلفزيون بالريموت.

وشكرا.

على فكرة أنا مش بتكلم عن نفسي أنا بعمل ال 53 حاجة اللي كتبهم داركر وعليهم شوية رفايع في المطبخ ويوم الغسيل ومش طالب أي طلبات خالص.

الواحد برضه يأمن نفسه مش طالبة أكياس بلاستيك

[memo2007]

كيف تجعل المرأة سعيدة

هذا ليس صعب

كل ده وليس صعب امال ايه اللى صعب

ده انا تنحت وانا عماله اقرا الصفات

على العموم انا قنوعه انا عاوزاه بس يكون بيحبنى بس

[عبده بيه]

للاسف من الصعب ان تكون الزوجة سعيدة وفي بعض الاحيان من السهل ايضا الحقيقة لابد منها

[نيرون]

مين فيه كل الصفات دي

انت بتحلم

مين عنده صبر :o

سعادة الرجل ان هي تسيبه في حاله :P

وهو لوحدة هيمشي جنب الحيط :)

الرجل ده كائن حي تكفيه حتة عيش ناشف وكباية ميه :D

وسيبوه في حاله احسن :wub:

ربنا يقل منكم :D

اففففففففففف مليتو البلد :)

تم تعديل 13 فبراير 2007 بواسطة نيرون

[عازفه على أوتار الذهب]

للاسف من الصعب ان تكون الزوجة سعيدة وفي بعض الاحيان من السهل ايضا الحقيقة لابد منها

فعلآ يا استاذ عبده الحقيقه التي لابد منها هي انه من السهل ان تكون الزوجه سعيده عندما يفعل الزوج كل ما يطالب به زوجته ويحافظ على مشاعرها

كما يطلب هو الحفاظ على كل كبيره وصغيره والعكس صحيح...وياريت داركر يعملنا بعد كده موضوع تاني نتكلم فيه عشان منخرجش عن المقصود بالدعوه

للابتسام......

تحياتي.....

[darker19]

عازفة

طب ده كفايه الريموت كنترول....عايزين ايه تاني....

داركر....متجيش هنا تاني.....

ما كانتش أعرف انك كريمة أوي كده, كفاية الريموت - طب أروحي فين يعني ايه الإضطهاد ده -

-------------------------------------------------------------------------------------------------------

عبده بيه - من الواضخ انك عندك تطلع لأن تنفذ البند رقم 11 (ميكانيكي) استمر وبنا معاك لسه فاضل 52 بند هانت...

-------------------------------------------------------------------------------------------------------

نانو وناش

مش كفايه طبعا ...امال فين مثقف....متفتح.....خفيف الظل....متعاون .....

انا شايفه انك تروح تراجع نفسك .... وتفكر في باقي الصفات المطلوبه ...كده مش كفايه

هوا لسه فيها تفكير تاني - ده أنا كنت فاكر ان الموضوع ده ممكن يخليكوا ترأفوا بحال الرجال وتبطلوا الإضطهاد ده....

-------------------------------------------------------------------------------------------------------

أبو حميد

على فكرة أنا مش بتكلم عن نفسي أنا بعمل ال 53 حاجة اللي كتبهم داركر وعليهم شوية رفايع في المطبخ ويوم الغسيل ومش طالب أي طلبات خالص.

ماشاء الله - انتا بتقولها كده وبقلب جامد مش خايف من الحسد - ياريت تبقى تدي الروشتة الي بتساعد على تنفيذ المعجزة دي للأخوة المتزوجين في المنتدى أهو كله ثوابه....

-------------------------------------------------------------------------------------------------------

ميمو

كل ده وليس صعب امال ايه اللى صعب

ده انا تنحت وانا عماله اقرا الصفات

على العموم انا قنوعه انا عاوزاه بس يكون بيحبنى بس

أحيكي على تفكيرك وأحب أقلك خلي بالك من نفسك إلي من النوع ده تقريبا مش موجودين حاليا وخصوصا من عازفة و نانو وناش أحسن عواقب الرد ده ممكن تكون وخيمة جدا...

-------------------------------------------------------------------------------------------------------

نيرون

الرجل ده كائن حي تكفيه حتة عيش ناشف وكباية ميه

وسيبوه في حاله احسن

ربنا يقل منكم

اففففففففففف مليتو البلد

حاسس بيك و الله, بس ملوا البلد ازاي ماهما موجودين من زمان؟؟؟

-------------------------------------------------------------------------------------------------------

تم تعديل 13 فبراير 2007 بواسطة darker19

[darker19]

ايناااااااااااس

اعذريني ما شفتش ردك - وجاية على نفسك أوي ليه وبتتنازلي عن ريموت المروحة - وما ينزل يتفرج عالتلفزيون في القهوة أحسن ولا عند الجيران...

ماحدش عنده نصائح كيف تجعل الإخوات سعداء؟ الله يكرمكم ما تبيعونيش في وقت الزنقة...

[عبده بيه]

اخي داركر تحية طيبة

احب ان اهنئك لان المدام قالت لي عايزاني اروح صالة الرياضة علشان اتعلم الكاراتيه يعني البند 31 يعني انا قربت شوية من الستة بتاعتك اتعشم ذلك

[nora]

نسي تقول كمان نفسو طويل علشان ينفخ لعب العيال

وبيبي سيتر للاطفال

وغساله بعد الظهر ميضرش

كده ميصحش يادركر ناقص حجات كتير انا بيتهيالي الي قالتلك الكلام ده ست قنوعه جدا :wub:

[memo2007]

شكلكم كده افتكرتونى طيبه

انا قولت انه اهم حاجه انه يكون بيحبنى

ماهو لما يكون بيحبنى هايعمل المستحيل عشان يريحنى ويبسطنى

يعنى هايعمل كل اللى انتو قولتوه ده واكتر

ولا ايه رأييكم