دعوة لمغتربى السعودية

[غريب الزمان]

بسم الله الرحمن الرحيم

فى البداية احب اسجل اعجابى بجميع افراد هذا المنتدى فلقد وجدت شفافية فى ردودكم وتعليقاتكم لم اجدها فى اى مكان اخر

ندخل فى الموضوع؟(سورى مش بعرف انافق حد واقعد اقول ايه الحلاوة واية الجمال)لان الى فى طباعه عمل الخير مش هيستنقى نفاق او تهليل

الموضوع انى بارجوكم الاهتمام الخاص للموضوع ده لانة هيفيد شباب كتير غير كده انا عن نفسى بتكلم نيابة عن 5 شبان(اعتبرونا اولادكم) واكيد فى غيرنا كتير

نحكى الحكاية؟

انا هتكلم عن حالى لانه مماثل لبقية اصحابى طبعا مع اختلافات بسيطة

انا شاب الحمد لله مستوى المادى والعلمى فوق التوسط (اقصد مستوى اهلى المادى// ومستوايا العلمى) اتخرجت من الجامعة

قولت يا شغل والعمل عبادة

دورت على شغل وفعلا لقيت وفى مجالى

الصدمة......

تعب+حبسةوفى الاخر مرتب بيتصرف مواصلات

اوك

قولنا بلاها شهادتى ونغير

روحت اشتغلت مندوب مبيعات

تعب ايوة لكن مرتب الى حد ما مجزى (ده طبعا لو جبت للشركه زباين) يعنى ممكن تشتغل شهر واتنين من غير حاجه

لكن لللاسف مقدرتش اكمل

لانك بتجد نفسك بتتعامل مع شخصيات غريبة

يعنى تخيلوا مدير الشركة دية دبلوم ودية مش فيها اى حاجة لكن طلع متعقد من العيال بتوع الجامعة(زى سعادته ما بيقول)

علشان مش اصدعكم اكتر من كده وطبعا انتم مريتم بتجارب كتير وعارفين الى حصل

المهم كدة اتقفلت

ومفيش حاجة تتعمل غير ايه

نسيبهالهم يشبعوا بيها

تخيلوا جيت اشتغل فى الحكومة لقيت الوضع اية ادفع تدخل متدفعش اركن على جنب وكل وظيفة بتمن

بصراحه انا والدى معاه فلوس ويقدر يدفع

بس انا قعدت مع نفسى وقولت هوا من حبه ليا هيدفع بس كده هيدخل النار(الراشى والمرتشى فى النار)صح؟

فبرا بوالدى لغيت الفكره والموضوع كله

وقعدت مع اصحابى ولقيتهم فى نفس الوضع مع اختلافات انتم عارفينها لان كل واحد بيختلف فى تفكيره ومستواه المادى والاجتماعى

بس سبحان الله ربنا جمعنا على كده

لسه هقولهم قرارى لاقيتهم بيقولوه فى نفس واحد

واتفقنا كل واحد يقدم اوراقه فى مكتب سفريات ونسافر

ونشوف

المهم انا جالى سفر للسعوديه

وواحد تانى معايا

وقررنا انشاء الله لو ربنا كرمنا نساعد اصحابنا الباقيين لان فيهم ناس محتاجه المباغ الى هيدفع فى العقد(مع العلم العقد بتاعى ب17 الف ودفعت نصهم مقدم غاية ما الورق يوصل)

1- فهل لما واحد مننا يسافر يقدر يعمل حاجة بحيث يوفر المصاريف لاصدقائه؟؟

2-انا واصحابى مش عندنا اى خلفيه عن السفر اول مره نسافر برا مصر :huh:

وغير كدة مرعوبين من القوانين الى هناك والاواراق والاجراءات والكفاله لاننا مش عارفين عنها اى حاجة

وكل ما نسال حد يعقدنا وميفدناش باى حاجة كاننا لو سافرنا هناخد رزقهم

2- فهل ممكن من حضارتكم كمغتربين وعشتم التجربة من اولها تدونا خبرتكم

وعاملونا زى اولادكم يعنى علشان خاطر ربنا بالتفاصيل الممله من اول تحضير الشنطه لغاية بدايه شغلنا وسكنا هناك

فهل سنجد من يدعمنا ويرشدنا ولا يبخل علينا

شكرا

[nash]

اهلا ياغريب

طيب أيه رأيك تحدد أسألتك كلها ....

وياريت بعض المعلومات...زي مثلا...

نوع الوظيفه...المدينه....الراتب....

وإن شاءالله نجاوبك بكل حب

[غريب الزمان]

الله على الجمال

شكرا على رد حضرتك

بس زى ما حضرتك شايف احنا مش عارفين اى معلومات وبالتالى مش عارفين نحدد الاسئله ولذللك طلبنا من حضرتكم المساعده

الوظيفه مهندس

المدينه جده

الراتب 2000 وده تقريبى لانه هيتحدد فى العقد

[nash]

والله للأسف أنا في الرياض

وإن شاءالله أخوانا في جده يفيدوك بالمعلومات اللازمه ...

وأي حاجه بالنسبه للرياض تحت أمرك

[زعلان]

جدة مدينة مقبولة ومفتوحة

بالنسبة للمرتب 2000 ريال قليل بالنسبة لمهندس عادة المهندس الخريج الطازة (بدون خبرة) بيبدأ ب3000 (وممكن ما يزيدش الا زيادة بسيطة (500 ريال اخرى) + العلاج تأمين صحي او تعاقد مع مستشفى +الأدوية+ السكن +المواصلات

انت مهندس ايه بالضبط برضه ده ممكن تفرق

يعني مهندس الميكانيكا مطلوب جدا

مهندس التشييد

مهندس الكهربا

ثم مهندسي الكمبيوتر ومهندسي الالكترونيات والاتصالات

[الباشا المصري]

السلام عليكم ورحمة الله اخي العزيز

موضوعك الصراحة جذبني خاصة اني شاب مثلكم

بالنسبة للاماكن الافضل حياة وعمل في المملكة فيها جدة مكة الدمام الرياض الطائف الخبر يعني امنطقة الشرقية والغربية اما الوسطي الرياض فقط

راتب المهندس لا يقل باي حال من الاحوال عن ثلاث الاف ريال للمهندس الخريج او سنة خبرة ودا صافي الراتب يعني لسا شهرين سكن لو مش متزوج وثلاثة لو متزوج وخمسمائة مواصلات اقل من كدا لا توافق او توافق على راحتك لان المصريين رخصوا نفسهم شويا

العرض كثيرررررررررررررررر واذا ما رتضتكش غيرك هيرضى والدولة مش ضابطة الموضوع للاسف

الموضوع الثاني والاهم لا تسافر الا ومعاك عقد مكتوب فيه كل كبيرة وصغيرة وموثق من الخارجية المصرية والسعودية لضمان حقك يقولك لما تيجىء او اي حاجة لا تثق فيه صدقي لان كثير منهم خاينين وبيلعبوا بالناس خاصة المصريين لانهم هما اللي ادوهم الفرصة

والله يوفقك بس صدقني لك ما تتمسك بحقوقك اعرف ان رزقك مكتوب وهيجىء لك ان شاء الله وفي السماء رزقكم وما توعدون في ناس هنا ما بيعجبهاش الشغل والهي العظيم كثيررررررررررررر من القصص وبيمشوا مصر بعد شهور القيهم بيتصلوا بيا اللي في الامارات واللي قطر واللر رجع السعودية بعقد ضعفين

اسف لاني مشغول لو عايز اي استشارة اخوك معاك

khaled131178@yahoo.com

[غريب الزمان]

والله للأسف أنا في الرياض

وإن شاءالله أخوانا في جده يفيدوك بالمعلومات اللازمه ...

وأي حاجه بالنسبه للرياض تحت أمرك

شكرا

استاذة ناش وربنا يجعلك من السباقيين للخير دوم

ا

جدة مدينة مقبولة ومفتوحة

بالنسبة للمرتب 2000 ريال قليل بالنسبة لمهندس عادة المهندس الخريج الطازة (بدون خبرة) بيبدأ ب3000 (وممكن ما يزيدش الا زيادة بسيطة (500 ريال اخرى) + العلاج تأمين صحي او تعاقد مع مستشفى +الأدوية+ السكن +المواصلات

انت مهندس ايه بالضبط برضه ده ممكن تفرق

يعني مهندس الميكانيكا مطلوب جدا

مهندس التشييد

مهندس الكهربا

ثم مهندسي الكمبيوتر ومهندسي الالكترونيات والاتصالات

شكرا على اهتمامك يا استاذ زعلان(والله انا زيك واكتر)

انا مهندس زراعى

فهل هيختلف والزيادات دية هل بتتكتب فى العقد ولا لا؟

شكرا

تم تعديل 14 فبراير 2007 بواسطة غريب الزمان

[غريب الزمان]

السلام عليكم ورحمة الله اخي العزيز

موضوعك الصراحة جذبني خاصة اني شاب مثلكم

بالنسبة للاماكن الافضل حياة وعمل في المملكة فيها جدة مكة الدمام الرياض الطائف الخبر يعني امنطقة الشرقية والغربية اما الوسطي الرياض فقط

راتب المهندس لا يقل باي حال من الاحوال عن ثلاث الاف ريال للمهندس الخريج او سنة خبرة ودا صافي الراتب يعني لسا شهرين سكن لو مش متزوج وثلاثة لو متزوج وخمسمائة مواصلات اقل من كدا لا توافق او توافق على راحتك لان المصريين رخصوا نفسهم شويا

العرض كثيرررررررررررررررر واذا ما رتضتكش غيرك هيرضى والدولة مش ضابطة الموضوع للاسف

الموضوع الثاني والاهم لا تسافر الا ومعاك عقد مكتوب فيه كل كبيرة وصغيرة وموثق من الخارجية المصرية والسعودية لضمان حقك يقولك لما تيجىء او اي حاجة لا تثق فيه صدقي لان كثير منهم خاينين وبيلعبوا بالناس خاصة المصريين لانهم هما اللي ادوهم الفرصة

والله يوفقك بس صدقني لك ما تتمسك بحقوقك اعرف ان رزقك مكتوب وهيجىء لك ان شاء الله وفي السماء رزقكم وما توعدون في ناس هنا ما بيعجبهاش الشغل والهي العظيم كثيررررررررررررر من القصص وبيمشوا مصر بعد شهور القيهم بيتصلوا بيا اللي في الامارات واللي قطر واللر رجع السعودية بعقد ضعفين

اسف لاني مشغول لو عايز اي استشارة اخوك معاك

khaled131178@yahoo.com

عليكم السلام ورحمة الله وبركاته

شكرا يا باشا

واكيد حاسس بينا

[لخبطه]

بخصوص الفيزا لها حالتين لا ثالث لهما

الأولى : أنك تسافر تشتغل عندك كفيلك براتب ودي المفروض أنك بس بتدفع للمكتب ثمن تخليص الورق من السفاره ( من 500 إلى الف جنيه )

الثانية : أن كتدفع ثمن تأشيرة من 12 : 20 الف جنية وتكون حره يعني الكفيل هياخد الفلوس دي ثمن التأشيرة ووانتى تيجي تدور على شغل ودي ميزتها انك بتشوف الشغل في المكان اللى يعجبك بالراتب اللى ترضاه

انتوا بقا الحالة بتاعكم خليط من الاتنين ودا طبعا ( استغلال ونصب عليكم ) يعني إيه تدفعوا حق تأشيره وفي نفس الوقت تشتغلوا عن الكفيل براتب 2000 ريال

حاولوا تناقشوا صاحب المكتب في الكلام دا لانه كدا استغلال وحرام

وان كنتم لابد فاعلين يبقا توكلوا على الله وربنا يعوض عليكم المال اللى اخده صاحب المكتب ظلم وبهتانا وبخصوص جدة مدينة جميله جدا والوضع كويس ان شاء الله ترتاحوا وبأي حال من الاحوال ال 2000 ريال احسن من الوضع بتاعكم هناك وحاولوا تعملوا عقود زي ما وصاكم الجماعه قبلي

[زعلان]

لا اعرف بالنسبة للمهندس الزراعي انا كنت اتحدث عن خريجي كليات الهندسة

اظن ان الراتب الاساسي 2000 قد يكون مقبول بالنسبة لتخصص مهندس زراعي + السكن و المواصلات والعلاج بالطبع و تذكرة سفر سنوية شخصية +كافة المصاريف الادارية بطبيعة الحال

تم تعديل 14 فبراير 2007 بواسطة زعلان

[أبو زياد]

رد سريع للأخ الغريب :

1- إيه بقى موضوع غريب الزمان و التشاؤم اللى واضح من كلامك إنت فى سن التفاؤل و المستقبل قدامك و هو مشرق و مضىء بإذن الله .. خليك مع ربنا و حيوفقك بإذن الله من حيث لا تحتسب ..

أخى أهم شىء فى الإنسان طاقته و صحته و طالما هذا موجود فأنت بإذن الله لديك كل شىء ..

2 - الأخت ناش و ليس الأخ كما ذكرت مع الإحترام ( إحم إحم )

3- ندخل بقه فى موضوعك المهم و إن كان يحمل اكثر من موضوع سأتكلم فى الثانى و أعتقد هو ما يهمك :

- إحباطات البطالة فى مصر

- إختيار السفر

4- شوف يا سيدى واضح إنك بإذن الله خلاص اتخذت قرار السفر و الآن فى إخوة حذروك و لكن ربما فات الوقت ..

السؤال الأول : هل تعرف ما هى الوظيفة و هل تعرف إسم الشركة التى ستذهب إليها وهل تعرف من هو الكفيل او تحدثت معه ؟

الإجابة : لا ؟

إجابتى أنا : تخمينى لأنك دفعت هذا المبلغ واضح أنها فيزا حرة وهذا هو المطلوب التأكد منه يعنى هتروح تلاقى شغلانة ( كما ذكر الأخ لخبطة ) خليط يعنى اشتغل لو كان عاجبك مش عاجبك دور على شغل تانى و هو دة المطلوب ..

كدة بقيت حر نفسك بس مش أول ما تروح يعنى بعد ما تكون حددت أهدافك ( ولقطت ) شوية معلومات تبدا منها شغل خاص بك و هنا أقولك ربنا يوفقك و لا تقلق ..

وفى انتظار جميع استفساراتك ..و على فكرة بلاش تتهم حد بأنه مش عايز يفيدك أو متآمر عليك حتى لو كانت دى الحقيقة !!

أما بالنسبة لأصدقاءك فقد أعجبنى جدا وفاءك لهم و دة إن شاء الله يكون أحد عوامل توفيقك بالطبع لما تيجى و تعرف و يبقى لك علاقات حييجوا يمكن مش حيتكلفوا غير تذاكرهم ..

ملحوظة عامة : كان فيه فكرة و مش عارف تصلح لك و الا لأ إنك تعمل عمرة بسيطة تزور فيها الشركة فى جدة و تتعرف على الكفيل لو كان دة ممكن لك ..

أخيرا أضيف لك يا أخى العزيز إنك تصارح هذا الرجل ( الوسيط المصرى ) وتقول له هل الفيزا حرة و تحاول تجذبه فى الكلام بصراحة بينك و بينه علشان تعرف منه الحقيقة و تقول لى عرفت منه إيه بالظبط ؟

[sayed_ossman]

ذى ما الجماعه كلهم قلولك العقد معلش هكرر تانى قليل 2000 ريال على مهندس مش مشكله احسن من الوضع المتنيل فى مصر - بس المهم تكتب كل حاجه فى العقد واكررها مره واتنين وتلاته علشان فى اول سفرية ليه فى السعوديه حصلى انى اتفقت على 3000 والكلام ده من 3 سنين وبعدين لما جيت اقعد يدينى المبلغ ده لمدة سنه وبعدين قعد يتحجج الظروف وبتاع ايه وصلهم 1500 ريال بس انا كنت مرتبلها تتغطى من ماكان تانى - وبعدها بفتره نزلت وجيت على مكان تانى - شوف العقد موثق من السفارة السعوديه والقوى العامله لازم يكون مكتوب فيه

1- الراتب الشهرى الاساسى يعنىمثلا فى حالتك 2000 ريال

2- بدل الانتقال 500 ريال شهريا هى قليله فى الاول ( بس نصيحه مهمه قوى طلع الرخصه قبل متيجى من مصر علشان لو كانت معاك رخصه هتدفع 150 ريال بس علشان تتطلع الرخصه السعودى اما لو مكنتش فممكن تدخل 1500 ريال بالمصارف المدرسه القياده والذهاب والاياب للمدرسه اللى مبتعلمش حاجه ) وده علشان تبقى معاك سيارة فيما بعد هيوفرلك كتير

3- بدل السكن شهرين من الاساسى كل اللى هيدهولك بما انك عاذب وتلاته لو متزوج

4- التامين الصحى وخلى بالك من النقطه دى اوى علشان العلاج هنا يا لوهى مولع خلع الدرس 300 ريال واقل مضاد حيوى يدخله 75 ريال والكشف عند الدكتور وقععععع من 50-100 ريال

5- تذاكر الطيران حسب قانون العمل يحق ليك شهر اجازة مدفوعه الراتب كل عام(بعض الشركات بتخليها عامين من باب الابتزاز) وتامين الطيران ذهاب اياب من جده - القاهره - جده ولازم يكتب ده صراحتا فى

العقد

لو فيها تتقيل منى ابقى اكتب لنا بنود العقد الرئيسيه بتاعتك وهنقولك بعدها راينا فيها ايه مع الاخذ فى الحسبان انك باذن الله هتسافر باى حال - ومتقلش فى نفسك ياعم اللى اديه فى الميه - احنا المهم عندنا اننا نقولك تجاربنا عسى انها تفيدك ومتقعش فى نفس الاخطاء اللى وقعنا فيها

طبعا مش هتذكر اسم الشركه ولو عايز ابقى ابعتلى على الخاص انا ليه ناس فى جده ممكن يسالولك على وضع الشركة وسمعتها فى السوق ايه

[الباشا المصري]

لو انت مهندس زراعي يبقي ممتاز المبلغ دا 2000 ريال

اما لو مهندس هندسة يعني ميكانيكا او كهرباء ..... يبقى مش اقل من الضعف

[غريب الزمان]

بخصوص الفيزا لها حالتين لا ثالث لهما

الأولى : أنك تسافر تشتغل عندك كفيلك براتب ودي المفروض أنك بس بتدفع للمكتب ثمن تخليص الورق من السفاره ( من 500 إلى الف جنيه )

الثانية : أن كتدفع ثمن تأشيرة من 12 : 20 الف جنية وتكون حره يعني الكفيل هياخد الفلوس دي ثمن التأشيرة ووانتى تيجي تدور على شغل ودي ميزتها انك بتشوف الشغل في المكان اللى يعجبك بالراتب اللى ترضاه

انتوا بقا الحالة بتاعكم خليط من الاتنين ودا طبعا ( استغلال ونصب عليكم ) يعني إيه تدفعوا حق تأشيره وفي نفس الوقت تشتغلوا عن الكفيل براتب 2000 ريال

حاولوا تناقشوا صاحب المكتب في الكلام دا لانه كدا استغلال وحرام

وان كنتم لابد فاعلين يبقا توكلوا على الله وربنا يعوض عليكم المال اللى اخده صاحب المكتب ظلم وبهتانا وبخصوص جدة مدينة جميله جدا والوضع كويس ان شاء الله ترتاحوا وبأي حال من الاحوال ال 2000 ريال احسن من الوضع بتاعكم هناك وحاولوا تعملوا عقود زي ما وصاكم الجماعه قبلي

شكرا استاذ لخبطه

ايوه استغلال والى مش عاجبه يروح يتصرف مع نفسه وهوا ده الوضع فى مصر

يعنى تصور حضرتك المبلغ الى بياخده مقابل خدماته فقط(الشغله الى جبها)

وانا كلمته قال هوا سعرى كده ومش عاجبك براحتك وانا مخنوق على الاخر

مع العلم هوا اسرع واحد فى بقية المكاتب(لان كل واحد فينا مقدم فى مكتب مختلف) يعنى جاب الشغل دة فى اقل من اسبوع وفاضل بس المقابله

لا اعرف بالنسبة للمهندس الزراعي انا كنت اتحدث عن خريجي كليات الهندسة

اظن ان الراتب الاساسي 2000 قد يكون مقبول بالنسبة لتخصص مهندس زراعي + السكن و المواصلات والعلاج بالطبع و تذكرة سفر سنوية شخصية +كافة المصاريف الادارية بطبيعة الحال

شكرا استاذ زعلان ويا رب ربنا يشيل عنك وعنى الزعل والهم

مشكور

[غريب الزمان]

رد سريع للأخ الغريب :

1- إيه بقى موضوع غريب الزمان و التشاؤم اللى واضح من كلامك إنت فى سن التفاؤل و المستقبل قدامك و هو مشرق و مضىء بإذن الله .. خليك مع ربنا و حيوفقك بإذن الله من حيث لا تحتسب ..

أخى أهم شىء فى الإنسان طاقته و صحته و طالما هذا موجود فأنت بإذن الله لديك كل شىء ..

2 - الأخت ناش و ليس الأخ كما ذكرت مع الإحترام ( إحم إحم )

3- ندخل بقه فى موضوعك المهم و إن كان يحمل اكثر من موضوع سأتكلم فى الثانى و أعتقد هو ما يهمك :

- إحباطات البطالة فى مصر

- إختيار السفر

4- شوف يا سيدى واضح إنك بإذن الله خلاص اتخذت قرار السفر و الآن فى إخوة حذروك و لكن ربما فات الوقت ..

السؤال الأول : هل تعرف ما هى الوظيفة و هل تعرف إسم الشركة التى ستذهب إليها وهل تعرف من هو الكفيل او تحدثت معه ؟

الإجابة : لا ؟

إجابتى أنا : تخمينى لأنك دفعت هذا المبلغ واضح أنها فيزا حرة وهذا هو المطلوب التأكد منه يعنى هتروح تلاقى شغلانة ( كما ذكر الأخ لخبطة ) خليط يعنى اشتغل لو كان عاجبك مش عاجبك دور على شغل تانى و هو دة المطلوب ..

كدة بقيت حر نفسك بس مش أول ما تروح يعنى بعد ما تكون حددت أهدافك ( ولقطت ) شوية معلومات تبدا منها شغل خاص بك و هنا أقولك ربنا يوفقك و لا تقلق ..

وفى انتظار جميع استفساراتك ..و على فكرة بلاش تتهم حد بأنه مش عايز يفيدك أو متآمر عليك حتى لو كانت دى الحقيقة !!

أما بالنسبة لأصدقاءك فقد أعجبنى جدا وفاءك لهم و دة إن شاء الله يكون أحد عوامل توفيقك بالطبع لما تيجى و تعرف و يبقى لك علاقات حييجوا يمكن مش حيتكلفوا غير تذاكرهم ..

ملحوظة عامة : كان فيه فكرة و مش عارف تصلح لك و الا لأ إنك تعمل عمرة بسيطة تزور فيها الشركة فى جدة و تتعرف على الكفيل لو كان دة ممكن لك ..

أخيرا أضيف لك يا أخى العزيز إنك تصارح هذا الرجل ( الوسيط المصرى ) وتقول له هل الفيزا حرة و تحاول تجذبه فى الكلام بصراحة بينك و بينه علشان تعرف منه الحقيقة و تقول لى عرفت منه إيه بالظبط ؟

شكرا ابو زياد

1- عادى يا استاذ وانا والله انتوا اسعدتونى بردودكم وعلمتنونى ان الخير والحب عمره ما هيخلص من قلوبنا مهما كان فيه طغيان وظلم والحمد لله انا عندى نعم كتير بحمد ربنا عليها

2- اتاذر للاستاذة ناش وتم التعديل

3-بس متقولش بطاله الشباب هيا الى فاشله عيال مدلعة ومش بتاعت شغل (مسؤل حكومى :wub: )

وللاسف السفر بالنسبه ليا على الاقل هو الحل الوحيد

4-بالعكس الى كلمتهم قالولى السفر احسن حاجه

وانا مقتنع بانى لما اشتغل اخد حقى وكده هكون مستريح لكن انى اشتغل 12 ساعة وفى الاخر لاالقى احترام ولا حتى حق تعبى ده الى ظلم

واظن ان فى السعودية على الاقل هلاقى مقابل تعبى صح

اى نعم اجابتك صحيحه بس الوظيفة الى اعرفها مهندس زراعى (اشراف)

والبيه صاحب المكت مش عارف هلى تايه ومش عارف ولا بيشتغلنى ولا ايه شويه يقولى انتا هتشتغل عند واحد عنده مزرعه خاصه ويرجع يقول ده امير وانتا هتشرف على الحديقة الى فى بيته وبصراحة اتخنقت قلتوا بصلى انا دفعتللك فلوس صح قلى اه قولتلوا انا عايز الكلام المظبوط علشان انا لو روحت هناك والكلام اتغير مش هيحصللك طيب قالى بص الراجل هيجى يعمل معاك مقابله لما يبقا يجى ابقا اساله عن الى انتا عايزه قلتله الراجل دة هوا الكفيل قالى لا دة صاحب مكتب العمل الى هناك :wub: قولى ايه رايك فى الكلام ده وايه نصايح حضرتك؟؟؟؟

بالنسبه للتاشيره الحره انا مش فاهم حاجه ممكن حضرتك تشرحها ليا بالتفصيل؟؟

انا مقولتش ان فيه د متامر عليا (ليه انا رئيس جمهوريه)

وانا متعود متهمش حد انا كل الى قولته الى حصلى بالتفصيل

بالنسبه لاصدقائى ربنا يعلم انى بحبهم زى اخواتى واكتر وانا فكرت فى كدة لان فى ناس المبلغ ده هيفرق معاهم قوى فلو انا عرفت اوفر لهم يبقا سهلت حياتهم اوى فيا ريت تعرفنى ازاى لما اوصل السعودية اقدر اساعدهم؟؟؟؟؟؟؟؟؟

شكرا على الملحوظه

شكرا

[غريب الزمان]

ذى ما الجماعه كلهم قلولك العقد معلش هكرر تانى قليل 2000 ريال على مهندس مش مشكله احسن من الوضع المتنيل فى مصر - بس المهم تكتب كل حاجه فى العقد واكررها مره واتنين وتلاته علشان فى اول سفرية ليه فى السعوديه حصلى انى اتفقت على 3000 والكلام ده من 3 سنين وبعدين لما جيت اقعد يدينى المبلغ ده لمدة سنه وبعدين قعد يتحجج الظروف وبتاع ايه وصلهم 1500 ريال بس انا كنت مرتبلها تتغطى من ماكان تانى - وبعدها بفتره نزلت وجيت على مكان تانى - شوف العقد موثق من السفارة السعوديه والقوى العامله لازم يكون مكتوب فيه

1- الراتب الشهرى الاساسى يعنىمثلا فى حالتك 2000 ريال

2- بدل الانتقال 500 ريال شهريا هى قليله فى الاول ( بس نصيحه مهمه قوى طلع الرخصه قبل متيجى من مصر علشان لو كانت معاك رخصه هتدفع 150 ريال بس علشان تتطلع الرخصه السعودى اما لو مكنتش فممكن تدخل 1500 ريال بالمصارف المدرسه القياده والذهاب والاياب للمدرسه اللى مبتعلمش حاجه ) وده علشان تبقى معاك سيارة فيما بعد هيوفرلك كتير

3- بدل السكن شهرين من الاساسى كل اللى هيدهولك بما انك عاذب وتلاته لو متزوج

4- التامين الصحى وخلى بالك من النقطه دى اوى علشان العلاج هنا يا لوهى مولع خلع الدرس 300 ريال واقل مضاد حيوى يدخله 75 ريال والكشف عند الدكتور وقععععع من 50-100 ريال

5- تذاكر الطيران حسب قانون العمل يحق ليك شهر اجازة مدفوعه الراتب كل عام(بعض الشركات بتخليها عامين من باب الابتزاز) وتامين الطيران ذهاب اياب من جده - القاهره - جده ولازم يكتب ده صراحتا فى

العقد

لو فيها تتقيل منى ابقى اكتب لنا بنود العقد الرئيسيه بتاعتك وهنقولك بعدها راينا فيها ايه مع الاخذ فى الحسبان انك باذن الله هتسافر باى حال - ومتقلش فى نفسك ياعم اللى اديه فى الميه - احنا المهم عندنا اننا نقولك تجاربنا عسى انها تفيدك ومتقعش فى نفس الاخطاء اللى وقعنا فيها

طبعا مش هتذكر اسم الشركه ولو عايز ابقى ابعتلى على الخاص انا ليه ناس فى جده ممكن يسالولك على وضع الشركة وسمعتها فى السوق ايه

شكرا يا استاذ سيد

تتقيل ايه بس دنتا كتر خيرك وزياده وربنا يجعله فى ميزان حسناتكم يا رب

اول ماهستلم العقد هبلغ حضرتكم

مشكور وننتظر المزيد من التجارب شكرااااااااااااااااا

لو انت مهندس زراعي يبقي ممتاز المبلغ دا 2000 ريال

اما لو مهندس هندسة يعني ميكانيكا او كهرباء ..... يبقى مش اقل من الضعف

مشكور يا باشا

[غريب الزمان]

السلام عليكم ورحمة الله

انا فى انتظار ردود حضارتكم

وخبراتكم

اين انت يا استاذ س.س ؟؟

[قديم]

اضافه على الهامش

تاكد من صاحب العمل في جده . ولو معاك تلفون ليه او اسم الشركه .. مهم جدا

لان المهندسين الزراعين نوعا ما يعملون في نشاطات اخري غير اعمالهم المحدده لهم .؟

لن اتدخل في التعاقد وحفظ الحقوق والتوثيق . فالاهم قبل كل شي هو ان يكون العمل فعلا مهيأ . وثابت ..

سءالي .؟؟ ما هي طبيعه العمل التي هتشتغل فيها .. سؤال مهم جدا .؟

[أبو زياد]

جميل جدا اخى غريب

وجميلة مشاركاتك فى المواضيع الأخرى و أحب ان نصبح أصدقاء

أعتذر لك ربما تأخرت فى الرد عليك و سأدخل مباشرة فى النقطة التى انتهينا عندها

دلوقت كويس قوى الراجل دة ادالك طرف خيط كنت بادور عليه .

والله أعلم كدة باين التأشيرة حرة .

هاحكى لك قصتها من أولها و خليك معايا و أى استفسار حاجاوبك

بس الأول ممكن كل كلامى يكون غلط - لأنه مبنى على انطباعات و استنتاجات من كلامك و معلوماتى المتواضعة فخليك برضة مع باقى الإخوة الفاضل فى آراؤهم ..

شوف ياسيدى بعد الصلاة على نبينا الكريم .

أى مواطن سعودى عنده شركة من حقه يحصل على تأشيرات لاستقدام عاملين وفى بعض الأحيان يكون غير محتاج لهذه العمالة ولكنها فرصة طيبة لديه فيستغلها للمكسب المادى كيف ؟

يوجد وسيط ربما كان مصرى أو من أى جنسية يقول له سوف أشترى منك مثلا عدد 10 تأشيرات بمبلغ كذا ثم يتوسط مع مكتب استقدام فى مصر لإحضار هؤلاء العشرة و الجميع مستفيد و الحاصل على التأشيرة هوة اللى بيدفع لكل دول ودى إسمها تجارة التأشيرات ..

لحد هنا مافيش مشاكل إنت راجل دفعت و حصلت على خدمة إنك سافرت و دى إسمها تأشيرة حرة

يعنى حتسافر تلاقى كفيل و كل حاجة بس مش حتلاقى عمل و يمكن هو للمصداقية يوفر لك عمل بسيط بس مؤقت و دة المطلوب وفى مصلحتك ..

ليه بقى .. لأنك دلوقت دخلت البلد و حتدور على الشغل اللى يعجبك و بالمرتب اللى يعجبك بس لازم طبعا مساندة مادية فى الأول علشان المصاريف اليومية و السكن ..

طبعا كدة يبقى منطبق عليك ظروف أى شاب مهاجر لأى بلد بيتعثر فى الأول لحد ما يقف على رجليه و ربنا يوفقة و يبقى تمام التمام ..

ياريت أكون شرحتلك و ياريت أى استفسار تقوله و ربنا يوفقك

بس مش عايز اكون أقلقتك و الله ممكن الوضع دة يكون أحسن لك المهم ربنا يكتب لك الخير فى جميع الأحوال و تبقى تطمئنا أما أصحابك فإنت بقى إن شاء الله تكون الوسيط اللى حكيت لك عليه بس وسيط مجانى ( ابتسامة )

[غريب الزمان]

اضافه على الهامش

تاكد من صاحب العمل في جده . ولو معاك تلفون ليه او اسم الشركه .. مهم جدا

لان المهندسين الزراعين نوعا ما يعملون في نشاطات اخري غير اعمالهم المحدده لهم .؟

لن اتدخل في التعاقد وحفظ الحقوق والتوثيق . فالاهم قبل كل شي هو ان يكون العمل فعلا مهيأ . وثابت ..

سءالي .؟؟ ما هي طبيعه العمل التي هتشتغل فيها .. سؤال مهم جدا .؟

شكرا جزيلا استاذ قديم